Morgunblaðið - 29.04.2003, Blaðsíða 56
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 29. APRÍL 2003 VERÐ Í LAUSASÖLU 190 KR. MEÐ VSK.
„ÞAÐ er mikill léttir að þessi rang-
færsla skyldi hafa fengist leiðrétt
og ég mundi ekki vilja upplifa und-
anfarna þrjá daga aftur. Sama er
að segja um fleiri sjálfstæðismenn
sem áttu svefnlausar nætur,“ segir
Margeir Pétursson formaður full-
trúaráðs Sjálfstæðisflokksins um
mistök sem að sögn yfirkjörstjórna
Reykjavíkurkjördæmis norður og
suður komu í ljós í gær, en þær
höfðu ranglega hafnað einstökum
meðmælendum með framboðslist-
um þriggja flokka. Komust stjórn-
irnar að því 13 meðmælendur vant-
aði á lista Frjálslynda flokksins í
Reykjavíkurkjördæmi suður, 12 á
lista Sjálfstæðisflokksins í kjör-
dæminu og þrjá á lista Nýs afls.
Villu í hugbúnaði er kennt um
þessar röngu niðurstöður og hefur
komið í ljós við nánari skoðun að
ekkert var athugavert við fram-
boðslistana.
„Lærdómurinn sem má draga af
þessu er sá, að það er ekki sjálf-
gefið að lýðræðislegar leikreglur
séu í heiðri hafðar,“ segir Margeir.
„Ég held að starfsfólk í Ráðhúsinu
sem bar ábyrgð á þessum mistök-
um hafi ekki ætlað að brjóta vísvit-
andi á okkur. Við héldum fyrst að
við sjálfir hefðum gert mistök og
vildum ekki trúa því að óreyndu að
framkvæmdaraðilar kosninganna
hefðu borið ábyrgð á þeim, eins og
kom á daginn. Þetta minnir okkur
á það að lýðræðið er vandmeðfarið
og það er ekki að ástæðulausu sem
við höfum verið talsmenn þess að
hafa strangt eftirlit með fram-
kvæmd kosninga. Rétt meðferð
leikreglna er ekki sjálfgefin.“
Gunnar Eydal starfsmaður yf-
irkjörstjórnar og skrifstofustjóri
borgarstjórnar, segir að mistökin
hafi uppgötvast um miðjan dag í
gær. Hafa hlutaðeigendur verið
beðnir velvirðingar á þeim. „Það er
auðvitað afskaplega leiðinlegt að
þetta tilvik skyldi hafa komið upp,“
segir hann.
Yfirferð á listunum hófst um há-
degi á föstudag og lauk klukkan
3.30 aðfaranótt laugardags. Yfir-
kjörstjórnum er skylt að boða
fundi daginn eftir að listum er skil-
að og sökum tímaleysis gafst ekki
tími til að fara yfir þá aftur til að
staðfesta niðurstöðurnar, að sögn
Gunnars. Hins vegar voru tekin úr-
tök sem ekki leiddu skekkjuna í
ljós.
Ekkert reyndist athugavert við meðmælendalista þriggja flokka
Villa í hugbúnaði
leiddi til mistaka
VORIÐ er komið í fuglana á
Tjörninni ef marka má lífið sem
þar var þegar ljósmyndari Morg-
unblaðsins átti leið hjá. Enda er
sjálfsagt nóg að gera hjá öndum,
svönum, gæsum og öðru fiðurfé
við hreiðurgerð þessa dagana og
varla að það gefi sér tíma til að
athuga hvað borgarbúar kunna
að hafa meðferðis í bréfpokum
þegar þeir koma í heimsókn til
þeirra í góða veðrinu.
Þessi grágæs var heldur en
ekki tignarleg þar sem hún kom
inn til lendingar að því er virtist
af engu minni nákvæmni en gljá-
andi stálfuglarnir sem daglega
hefja sig til flugs og lenda í
næsta nágrenni við Tjörnina.
Hvort brottfarar- og komu-
tímar eru jafn skipulagðir fyr-
irfram og hjá þeim vélknúnu í
Vatnsmýrinni skal hins vegar al-
veg ósagt látið.
Komið
inn til
lendingar
Morgunblaðið/Golli
UM 7,4% barna í Reykjavík tilheyra
fjölskyldum sem fengu fjárhagsað-
stoð frá Félagsþjónustunni í fyrra, en
þessar fjölskyldur eru með samtals
tæplega 2.200 börn á framfæri. Átta-
tíu og fimm prósent barnanna bjuggu
hjá einstæðu foreldri og 15% ólust
upp hjá sambýlisfólki eða hjónum.
Þetta kom fram í erindi Sigríðar
Jónsdóttur, framkvæmdastjóra þró-
unarsviðs Félagsþjónustunnar í
Reykjavík, á málþingi um börn og fá-
tækt á Íslandi, sem haldið var á
Grand hóteli í gær.
Í erindi sínu fjallaði Sigríður um
þróun fjárhagsaðstoðar hjá Reykja-
víkurborg síðustu ár. Útgjöld borg-
arinnar vegna fjárhagsaðstoðar voru
tæpur milljarður í fyrra en höfðu ver-
ið rúmar 800 milljónir árið 1995. Alls
fengu 3.565 heimili aðstoð frá Fé-
lagsþjónustunni í Reykjavík árið
2002 en þau voru 2.980 árið á undan.
Milli 2001 og 2002 jukust útgjöld
borgarinnar um 40% vegna fjárhags-
aðstoðar. Þar af fengu 14% fleiri
barnafjölskyldur fjárhagsaðstoð.
„Það er mikið umhugsunarefni
hversu hátt hlutfall barnafólks sem
er á atvinnumarkaði þarf að leita sér
aðstoðar við framfærslu fjölskyldu.“
Sigríður sagði aukna fjárhagsað-
stoð borgarinnar skýrast að lang-
mestu leyti af svokölluðum heimild-
argreiðslum til barnafjölskyldna.
Þannig hefðu greiðslur vegna sér-
stakra erfiðleika aukist um 75% milli
áranna 2001 og 2002. Til greiðslna
vegna sérstakra erfiðleika telst að-
stoð vegna dvalar í heilsdagsskóla,
skólamáltíða, húsaleigu, matarkaupa,
læknis- og tannlækniskostnaðar,
kostnaðar vegna kaupa á gleraugum
og fjármögnunar tómstundaiðju fyrir
börn. Aðstoð vegna greiðslu á leik-
skólagjöldum jókst um 81%.
7,4% barna til-
heyra fjölskyldum
sem fengu aðstoð
HALLDÓR Ásgrímsson formaður Fram-
sóknarflokksins, gagnrýndi skattalækkunar-
tillögur sjálfstæðismanna á stjórnmálafundi í
Garðabæ í gærkvöldi. Sagðist hann ekki gera
sér grein fyrir hvernig þetta dæmi sjálfstæð-
ismanna ætti að ganga upp.
Sagði hann framsóknarmenn hafa komist
að þeirri niðurstöðu að tillögur þeirra kost-
uðu 16 milljarða, „en ég hef beðið Seðlabank-
ann að setja okkar tillögur inn í þjóðhagslík-
anið. Ég er ekki búinn að fá niðurstöðurnar
en vildi fá prófun á því hvernig þær kæmu út
í þjóðhagslíkaninu. Mér sýnist sjálfstæðis-
menn leggja til að tekjuskattur verði lækk-
aður um 17 milljarða, barnabætur verði
hækkaðar um 2 milljarða, virðisaukaskattur
lækkaður um 6 milljarða, eignarskattar
lækkaðir um 3 milljarða og hátekjuskattur og
erfðafjárskattur um 2 milljarða. Þetta eru
samtals 30 milljarðar. Ég treysti mér ekki til
að leggja til skattalækkanir upp á 30 millj-
arða og sé ekki hvernig það er hægt án þess
að reka ríkissjóð með verulegum halla eða þá
að beita niðurskurði í velferðarkerfinu,“
sagði Halldór. Sagði hann að enginn hefði
getað sýnt fram á að hægt væri að ganga
lengra í skattalækkunum en framsóknar-
menn vildu, nema með því að skerða velferð-
arþjónustuna eða með miklum hallarekstri
ríkissjóðs.
Halldór sagði einnig á fundinum að í ljósi
reynslunnar væri fullt tilefni til að taka lög-
gjöf um lífeyrissjóði til endurskoðunar og
herða eftirlitið. Halldór sagðist telja það út í
hött að stjórnarmenn í lífeyrissjóðum sætu í
stjórnum hinna ýmsu félaga í landinu. „Þeir
eiga ekki að koma nálægt því. Það eiga ekki
að vera slík hagsmunatengsl. Þeir eiga að
vera stjórnarmenn í lífyrissjóðunum og búið.
Þeir eiga ekki að sitja í stjórnum hinna ýmsu
fyrirtækja,“ sagði hann. Kvaðst Halldór vera
þeirrar skoðunar að setja ætti bann við þessu
í lög.
Þýða niðurskurð í velferð-
arkerfi eða hallarekstur
Halldór Ásgrímsson gagnrýnir skattatillögur Sjálfstæðisflokks
Sakar/11
SÓLON R. Sigurðsson, bankastjóri Búnað-
arbanka Íslands, segir að Þorsteinn Þor-
steinsson, bankastjóri Búnaðarbanka Lúx-
emborg S.A., muni að öllum líkindum hætta
störfum í kjölfar sölu dótturbankans til
Landsbanka. Í gær var tilkynnt samkomulag
LÍ og BÍ um að fyrrnefndi bankinn yfirtæki
allan rekstur Búnaðarbanka International 1.
júní næstkomandi. Kaupverð er um 1.370
milljónir króna.
Sólon segir að þessi sala hafi, að mati Bún-
aðarbankans, verið besti kosturinn í stöð-
unni, en sem kunnugt er hefur verið gert
samkomulag um sameiningu Kaupþings
banka og Búnaðarbanka. Kaupþing rekur
Kaupthing Bank í Lúxemborg. „Við töldum
að þetta fyrirkomulag kæmi sér tvímæla-
laust best fyrir starfsmenn. Ella hefði vænt-
anlega komið til uppsagna,“ segir hann.
Bankastjóri
BÍ Lúxem-
borg hættir
Söluhagnaður/12
ÍSLENSK fyrirtæki tengjast útgerð fjöl-
margra erlendra skipa sem stunda ólögleg-
ar úthafskarfaveiðar á Reykjaneshrygg.
Talið er að skip þjóða utan Norðaustur-Atl-
antshafsfiskveiðinefndarinnar (NEAFC)
hafi á síðasta ári veitt um 30 þúsund tonn af
úthafskarfa.
Nú er á annan tug skipa sem ekki eiga að-
ild að NEAFC við veiðar á Reykjanes-
hrygg, þar af eitt skip frá Lettlandi og fimm
frá Litháen, eitt frá Belize og fimm frá
Dóminíska lýðveldinu. Flest skipanna frá
Eystrasaltsríkjunum sem stunda úthafs-
karfaveiðar á Reykjaneshrygg eru í eigu
sænska fyrirtækisins Scandsea sem er í
meirihlutaeigu íslenskra aðila, m.a. Sölu-
miðstöðvar hraðfrystihúsanna hf. og Þor-
móðs ramma-Sæbergs hf. Þá hefur fyrir-
tækið Fiskafurðir Útgerð hf. annast
rekstur skipanna. Forsvarsmenn þessara
fyrirtækja vildu ekki tjá sig um málið við
Morgunblaðið í gær.
Íslendingar
tengjast ólög-
legum veiðum
Íslensk/14
♦ ♦ ♦