Morgunblaðið - 20.08.2003, Blaðsíða 6

FRÉTTIR
6 MIÐVIKUDAGUR 20. ÁGÚST 2003 MORGUNBLAÐIÐ
MIKIÐ hefur verið um ráð-
stefnuhald í sumar og útlit er fyrir
að svo verði áfram út ágústmánuð og
í september, en óvenjumikið er um
að vera í ár hjá þeim fyrirtækjum
sem sérhæfa sig í skipulagningu ráð-
stefna hér á landi. Matthías Kjart-
ansson, einn eigenda Ráðstefnu og
funda ehf., segir árið koma betur út
en í fyrra og að ágústmánuður sé
þéttbókaður hjá fyrirtækinu.
„Það var mikið annríki hjá okkur,
hér var bæði þing norrænna geð-
lækna auk þess sem norrænir við-
skiptafræðingar voru með ráðstefnu
í Háskólanum. Hvort tveggja kom á
sama tíma og menningarnótt og
Reykjavíkurmaraþonið, þannig að
það var nóg um að vera hjá okkur,“
segir Matthías. Hann segir stóra við-
burði líkt og menningarnótt laða að
og margir sem vilji halda ráðstefnur
á þessum tíma enda gaman fyrir ráð-
stefnugesti þegar slíkir atburðir fara
fram samtímis.
Matthías segir árið í ár koma bet-
ur út en í fyrra hjá Ráðstefnum og
fundum en hins vegar sé útlitið ekki
jafngott fyrir næsta ár. Hann segir
að hingað leiti ýmiss konar hópar frá
ólíkum löndum til að halda ráð-
stefnur, þótt mest sé um norræna
gesti.
Að sögn Matthíasar er þessi mikli
fjöldi ráðstefnugesta mikil búbót
fyrir ferðaþjónustuna hér á landi og
þótt ráðstefnugestir sæki einkum
gistingu til Reykjavíkur og taki mik-
ið hótelpláss hafi það þau áhrif að
aðrir ferðamenn leiti frekar út á land
og sæki þangað þjónustu og gist-
ingu.
Ása Hreggviðsdóttir hjá Congress
Reykjavík segir að ráðstefnuhald í
ár hafi dreifst yfir lengra tímabil en
vanalegt er, þótt mest hafi álagið
verið í maí og júní og mikið verði um
að vera í ágúst og september. Í júlí
liggur ráðstefnuhald að nær öllu
leyti niðri, enda taka flestir Evr-
ópubúar sumarfríið sitt í júlí að sögn
Ásu.
Lega landsins hentar vel
Hún segir að stór verkefni séu
framundan, meðal annars hefjist
ráðstefna bandarískra efnafræðinga
á Hótel Nordica 17. ágúst og Nor-
ræna stjórnsýslusambandið er með
ráðstefnu á Hótel Selfossi 21.–22.
ágúst.
Ása segir hverja ráðstefnu krefj-
ast mikils undirbúnings og að hótel
séu til að mynda bókuð með allt upp í
nokkurra ára fyrirvara.
Helga Lára Guðmundsdóttir,
deildarstjóri ráðstefnudeildar
Ferðaskrifstofu Íslands (FÍ), segir
að ráðstefnuhald í ár hafi teygst yfir
lengra tímabil en fyrri ár auk þess
sem fleiri ráðstefnur séu á vegum FÍ
nú en í fyrra. „Við byrjuðum mun
fyrr í ár en vanalega, strax í lok jan-
úar hófst skipulagning smærri funda
og í apríl var 250 manna vetn-
isráðstefna. Í sumar hefur svo verið
nóg að gera og það má segja að við
séum með fleiri og smærri ráð-
stefnur en oft áður,“ segir hún. Þótt
mikið sé um norrænar ráðstefnur
segir Helga að alþjóðlegum ráð-
stefnum hafi fjölgað undanfarin ár.
„Lega landsins hentar mjög vel fyrir
ráðstefnur sem sóttar eru af Banda-
ríkjamönnum og Evrópubúum, við
liggjum þar mitt á milli. Auk þess
skiptir það miklu máli í dag að Ísland
þykir öruggt land,“ segir Helga.
Morgunblaðið/Árni SæbergÍsland er orðið vinsælt ráðstefnuland en myndin er tekin á ráðstefnu um vinnuvistfræði sem haldin var á Grand Hóteli nýlega.
Annir í ráðstefnuhaldi í sumar
BORIST hefur eftirfarandi fréttatil-
kynning frá Orkuveitu Reykjavíkur:
„Undanfarna daga hefur verið
nokkur umræða um verðhækkun
Orkuveitu Reykjavíkur sem tekur
gildi 1. september næstkomandi.
Nokkurs misskilnings hefur gætt
um forsendur þeirrar hækkunar og
verð á orku í Reykjavík. Eins og sést
á meðfylgjandi töflum er orkuverð
(heitt vatn og rafmagn) í Reykjavík
eitt það lægsta hér á landi og ef
skoðaður er alþjóðlegur samanburð-
ur og litið til hinna höfuðborganna á
Norðurlöndum er það lægst hér og
munar miklu. Sett er fram dæmi um
100 fermetra íbúð og er orkukostn-
aðurinn í Helsinki 60.000 krónum
meiri á ári og þar sem munurinn er
mestur, þ.e. í Kaupmannahöfn, er
orkukostnaður 140.000 krónum
hærri á ári.
Af þessum einföldu dæmum sést
að orkuverð er ekki hátt á svæði
Orkuveitu Reykjavíkur.
Þá er rétt að benda á að verð á
orku hefur lækkað hjá OR á und-
anförnum árum eins og sjá má á
línuriti því sem hér fylgir með. Til
dæmis má nefna að verð á heitu
vatni í Reykjavík var 7% hærra m.v.
byggingavísitölu árið 1992 en það
verður eftir 1. september nk. Verð á
rafmagni árið 1992 var hins vegar
21% hærra m.v. sömu vísitölu en það
verður eftir 1. september nk.“
„Undanfarna 24 mánuði hefur
lofthiti í Reykjavík verið miklu hærri
en í meðalári og þar af leiðandi sala á
heitu vatni minni en í venjulegu ár-
ferði. Fyrstu 7 mánuði þessa árs er
til að mynda 17,4% minni sala á
hvern rúmmetra upphitaðs húsnæð-
is heldur en meðalsalan var áratug-
inn 1990 til 2000. Þar sem kostnaður
lækkar óverulega hjá hitaveitum
vegna minni notkunar þar sem við-
búnaður miðast við kuldaköst kemur
minnkandi sala óumflýjanlega við
efnahag veitunnar. Ef salan hefði
verið sú sama í ár og hún var að með-
altali á síðasta áratug hefðu tekjur
veitunnar af heitu vatni verið 600
milljónum kr. meiri í ár en raunin er.
Þessar 600 milljónir samsvara 17%
lækkun hitareikningsins hjá almenn-
ingi miðað við það sem hann greiddi
á síðasta áratug. Það ruglar um-
ræðuna að margar veitur á Íslandi
selja heitt vatn skv. hemli en þá er
borgað fyrir aðgang að vatni en ekki
magn sem notað er. Þegar selt er
samkvæmt hemli eru tekjur veitunn-
ar óháðar veðurfari.
Undir venjulegum kringumstæð-
um lætur OR sveiflur í veðurfari
ekki hafa áhrif á verð en hér er um
óvenjulegar aðstæður að ræða, hita-
sveiflan hefur staðið í 24 mánuði og
taldar líkur á að svo verði áfram í
einhvern tíma. Orkuveitan hefur eft-
ir sem áður þá stefnu að lækka verð
hjá sínum viðskiptavinum eftir því
sem kostur er og hefur sýnt það í
verki sbr. þegar verð á raforku var
lækkað um 10% fyrir tveimur árum.“
Orkuveita Reykjavíkur sendir frá sér fréttatilkynningu vegna verðhækkunar
Eitt lægsta orkuverðið hér á landi
Samanburður á Norðurlöndum:
Nr. Orkukostnaður Rafmagn Heitt vatn Árskostn. Hlutfallslegur
[kr./ári] [kr./ári] [kr.] munur
1 Reykjavík 42.457 40.568 83.024 0%
2 Helsinki 39.736 103.607 143.303 73%
3 Stokkhólmur 53.960 121.859 175.819 112%
4 Osló 53.173 162.371 215.545 160%
5 Kaupmannahöfn 96.190 127.201 223.391 169%
Samanburður á Íslandi:
Nr. Orkukostnaður Rafmagn Heitt vatn Árskostn. Hlutfallslegur
[kr./ári] [kr./ári] [kr.] munur
1 Reykjavík 42.457 40.568 83.024 0%
2 Suðurnes 38.202 52.444 90.646 9%
3 Akureyri 44.378 54.118 98.496 19%
4 Ísafjörður 44.327 59.957 104.285 26%
5 Egilsstaðir 54.348 55.979 110.327 33%
NOKKUÐ skortir á að skýrt sé kveðið á um
skoðun bílaleigubíla við skil þeirra, að mati Ólafar
Emblu Einarsdóttur, lögfræðings Neytendasam-
takanna. „Sá myrki tími sem líður frá því að
leigutaki skilar bílnum þar til hann er tekinn og
skoðaður af bílaleigunni, er neytendum mjög í
óhag,“ sagði Ólöf Embla í samtali við Morg-
unblaðið. Spurning er hver beri ábyrgð á bílnum
á þessum tíma sem líður, og hvort leigutaki sé
laus undan ábyrgð við skil lyklanna.
Mál, þar sem deilt er um ábyrgð leigutaka á
tjóni, hefur leitað á borð Neytendasamtakanna
vegna deilu manns og bílaleigu í Reykjavík. Deilt
er um tjón, sem bílaleigan fann á bílnum, en
leigutaki þvertekur fyrir að hafi verið á honum
þegar hann skilaði honum. Fimm dagar liðu frá
því að maðurinn skildi bílinn eftir við réttinga-
verkstæði, eins og boðið var upp á, þar til að bíla-
leigan hafði samband vegna tjónsins. Deilt var
um málið síðastliðið vor án þess að samkomulag
næðist. Að sögn Ólafar Emblu var manninum
ráðlagt að fá sér lögmann ef hann vildi aðhafast
frekar í málinu gagnvart bílaleigunni.
Skýr ákvæði í leigusamningi
um skuldfærslu
Að sögn mannsins taldi hann málið dautt og
átti ekki von á frekari málarekstri. Í lok júl-
ímánaðar barst honum hins vegar bréf frá bíla-
leigunni þar sem fram kemur að 45.000 krónur
hafi verið teknar út af greiðslukorti hans vegna
tjónsins. Að sögn Ólafar Emblu kemur skýrt
fram í leigusamningi bílsins að bílaleigan eigi rétt
á að skuldfæra á greiðslukort tjón sem ekki falla
undir tryggingar. Segir hún bílaleiguna geta
skuldfært kostnaðinn nú sem áður þar sem krafa
af þessu tagi lifi í allt að fjögur ár. Ólöf Embla
segir augljóst að nauðsynlegt sé að bílar séu
skoðaðir við skil þeirra, af leigutaka og fulltrúa
bílaleigu í sameiningu. Það sé eina leiðin til þess
að ágreiningur af þessu tagi rísi ekki upp, og
leigutakinn sé varnarlaus gagnvart kröfum bíla-
leigunnar. „Bílar eru dýrar eignir, og viðgerðir á
þeim sömuleiðis. Af þeim sökum teljum við að
alltaf ætti að vera starfsmaður til taks að meta
ástand bílsins við skil,“ segir Ólöf Embla. Að
hennar sögn er lögmannskostnaður mikill og af
þeim sökum ekki hlaupið að því að halda málum
sem þessum til streitu.
„Hér á landi hefur heldur ekki náðst samstaða
milli bílaleiga og Neytendasamtakanna um stofn-
un samráðsnefndar, líkt og er til dæmis í Noregi.
Þar er starfandi kvörtunarnefnd sem vinnur að
málum af þessu tagi,“ sagði hún.
Vandamál skapast af því að bílaleigubílar eru ekki skoðaðir strax við skil
Bílar ættu að vera skoðaðir af
leigutaka og starfsmanni
FARÞEGAR og áhöfn flugvélarinn-
ar frá Air Canada sem nauðlenti á
Keflavíkurflugvelli síðdegis í fyrra-
dag, á leið sinni frá Frankfurt í
Þýskalandi til Toronto í Kanada,
héldu af landi brott um fjögurleytið í
fyrrinótt. Önnur flugvél á vegum Air
Canada sótti farþegana og áhöfnina,
alls 282 manns, og flutti þá á áfanga-
stað.
Eins og fram hefur komið í Morg-
unblaðinu var vélinni nauðlent í
Keflavík í fyrradag eftir að áhöfnin
varð vör við reyk og hitalykt í far-
þegarými. Á heimasíðu Rannsóknar-
nefndar flugslysa (RNF) kemur fram
að orsökin sé rakin til viftu sem of-
hitnaði í loftræstikerfi vélarinnar.
Bilunin í viftunni olli m.ö.o. reyknum
og hitalyktinni. „Það var hárrétt
ákvörðun hjá flugstjóra vélarinnar að
finna fyrsta lendingarstað og beina
vélinni þangað,“ segir Þormóður Þor-
móðsson, rannsóknarstjóri hjá RNF.
Ferjuð til Kanada
Rannsóknarnefnd flugslysa lauk
frumrannsókn á atvikinu í fyrrakvöld
en þar sem atvikið varð yfir alþjóða-
hafsvæði er rannsóknin á ábyrgð
rannsóknarnefndar flugslysa í Kan-
ada. Verða gögn RNF í málinu send
til nefndarinnar í Kanada. Að sögn
Þormóðs er framhald rannsóknar-
innar í hennar höndum. Gerð var
bráðabirgðaviðgerð á vélinni hér á
landi en til stóð að ferja hana til Kan-
ada í gær.
Bilun í viftu
olli reyk og
hitalykt í
farþegarými
Farþegar kanadísku
vélarinnar farnir
PÁLL Marvin Jónsson, for-
stöðumaður rannsóknarseturs
Vestmannaeyja, segir ýmsar
ástæður liggja að baki því hversu
lítið hefur verið af lundapysju í
Vestmannaeyjum það sem af er
sumri. „Það eru ekki neinar rann-
sóknir sem liggja fyrir en við höf-
um verið að sjá það að lundinn
virðist hafa verið að sækja fæðuna
langt út á sjó. Það þýðir það að
hann á erfitt með að fæða ungann.
Það er líka búið að vera mikið um
stillur í sumar, þ.e. lítið rok, og
lundinn er mjög þungur á sér. Þá
á hann erfitt með að hefja sig á
flug þegar hann er mettur sjálfur
og með fullan gogginn af fiski til
að fæða ungann. Þetta er helsta
kenningin fyrir þessum pysju-
dauða.“
Að sögn Páls er alltaf nokkur
pysjudauði en hann virðist vera
meiri í ár en vanalega. Auk þess
sé pysjan seinna á ferðinni. „Það
kom frostakafli í maí sem gæti
hafa seinkað varpinu. Þetta hefur
verið svona áður og sveiflast allt
til og frá. Það fer allt eftir árferði,
hvernig hitastigið er og ætið í
sjónum. Þetta helst allt í hendur.
Ég held að það séu náttúrulegar
skýringar á þessu, ekki einhverjir
sjúkdómar,“ segir Páll Marvin.
Morgunblaðið/Sigurgeir Jónasson
Lundinn á
erfitt með að
sækja fæðu
♦ ♦ ♦