Morgunblaðið - 20.08.2003, Blaðsíða 21

LISTIR
MORGUNBLAÐIÐ MIÐVIKUDAGUR 20. ÁGÚST 2003 21
HINN kunni fiðluleik-
ari Maxim Vengerov
leikur með Sinfóníu-
hljómsveit Íslands 4.
september, undir
stjórn aðalstjórnand-
ans Rumon Gamba. Að
sögn Sváfnis Sigurðar-
sonar kynningarstjóra
hefur miðasalan farið
vel af stað og er komu
Vengerovs beðið með
mikilli eftirvæntingu.
„Tónleikarnir eru
utan áskrifta og eru
sérstakir viðhafnartón-
leikar í tilefni nýs
starfsárs hljómsveitar-
innar,“ segir Sváfnir. „Vengerov var
gestur Listahátíðar vorið 2002 og
heillaðist svo af landi og þjóð að hann
vildi ólmur koma aftur. Listahátíð
tekur þó einungis einu sinni á móti
hverjum listamanni svo forsvars-
menn hennar komu umboðsmanni
Vengerovs í samband við Sinfóníu-
hljómsveit Íslands og afrakstur
þeirra umleitana er áðurnefndir tón-
leikar.“
Maxim Vengerov er
án efa einn fremsti
fiðluleikari heimsins í
dag. Hann vakti
snemma athygli fyrir
leikni sína, var ekki
nema fjögurra ára þeg-
ar hann hóf fyrst að
leika á fiðlu og hefur á
ferli sínum hlotið fjölda
viðurkenninga, hreppt
fyrsta sæti í tónlistar-
keppnum um víða ver-
öld og hlotið tvær
Grammy-tilnefningar
svo eitthvað sé nefnt.
Vengerov mun leika
Symphony espagnole
eftir Edouard Lalo og Tzigane eftir
Maurice Ravel. Hljómsveitarverk á
tónleikunum eru eftir Victor
Urbancic, Emmanuel Chabrier,
William Walton og Nikolaj Rimskíj-
Korsakov. „Koma Maxims Vengerov
er tilhlökkunarefni og ákaflega
glæsileg byrjun á nýju tónleikaári,
sannkallaður hvalreki á fjörur tón-
listarunnenda,“ segir Sváfnir.
Auk tónleikanna 4. september
geta áhugasamir tryggt sér miða á
nokkra tónleika utan áskriftarraða,
svo sem jólatónleika fjölskyldunnar,
kvikmyndatónleikana og tónleika í
Laugardalshöll þar sem poppsveitin
Todmobile mun rísa úr öskustónni
og leika með Sinfóníuhljómsveit Ís-
lands.
Þétt tónleikadagskrá
Starfsmenn SÍ eru nú í óða önn að
undirbúa næsta starfsár hljómsveit-
arinnar. Tónleikahrinan verður sér-
staklega þétt á þessu ári þar sem
hljómsveitin verður á tónleikaferða-
lagi í Þýskalandi stóran hluta desem-
bermánaðar. Að öðru leyti verður
dagskráin með hefðbundnu sniði,
áskriftaraðirnar fjórar; gul, rauð,
græn og blá haldast óbreyttar og
nýjasta áskriftarformið, hin svoköll-
uðu Regnbogaskírteini, sem gera
áheyrendum kleift að setja saman
sína eigin röð, verða áfram til sölu.
Þau verða nú einnig boðin á lægra
verði fólki yngra en sextán ára.
Miðasala SÍ er opin frá kl. 9–5 alla
virka daga en einnig er hægt að
kaupa miða á www.sinfonia.is.
Komu Vengerovs beðið
með eftirvæntingu
Maxim Vengerov
ÚTHLUTAÐ hefur verið úr Þýð-
ingarsjóði. Alls sóttu 37 aðilar um
styrki til 89 þýðingarverkefna. Að
þessu sinni er úthlutað 9.980 þús.
kr. til 58 verkefna:
Almenna bókafélagið: Utsikt til
Paradiset eftir Ingvar Am-
bjørnsen 200 þús. kr. Den lille hes-
ten eftir Thorvald Steen 150 þús.
kr.
Bjartur: Atonement eftir Ian
McEwan 350 þús. kr. Lífshlaup Pí
(Life of Pí) eftir Yann Martel 300
þús. kr. Blikkkóngarnir eftir
Magnus Mills og The Child in
Time eftir Ian McEwan 250 þús.
kr. Kynding eftir Jan Sønnergaard
230 þús. kr. Ég er ekki hræddur
(Lon non ho paura) eftir Nicolo
Ammaniti, The Autograph Man
eftir Zadie Smith, Hin feiga
skepna eftir Philip Roth og Sendi-
ferðin og fleiri sögur eftir Ray-
mond Carver 200 þús. kr. Sputnik
Sweetheart eftir Haruki Mura-
kami 150 þús. kr. Bók spurning-
anna eftir Pablo Neruda 100 þús.
kr.
Bókaútgáfan Katlagil: Aus Den
Memoiren Des Herren von Schna-
belewopski eftir Heinrich Heine
100 þús. kr.
Bókmenntafræðistofnun Háskóla
Íslands: Skriftargráða núll eftir
Roland Barthes 100 þús. kr. Spor-
ar. Stílar Nietzsches eftir Jacques
Derrida 100 þús. kr. Ímynduð
táknmynd: sálgreining og kvik-
myndalist eftir Christian Metz 150
þús. kr. Stríð og kvikmyndir eftir
Paul Virilio 100 þús. kr. Saga kvik-
myndarlistarinnar eftir David
Parkinson 200 þús. kr.
Brennholtsútgáfan: Ísland How-
ells / Howell’s Iceland 1890–1901
eftir Frederick W. W. Howell 200
þús. kr.
Fjölvaútgáfan: Alice through the
looking glass (and what Alice
found there) eða Alís í Speglalandi
eftir Lewis Carroll 150 þús. kr.
Tolkien’s Ring (Hringur Tolkiens)
eftir David Day 100 þús. kr.
Forlagið: Rödd í dvala eftir Dulce
Chacón 200 þús. kr.
Háskólaútgáfan: El silenci / Le Si-
lence / El silencio eftir Charles Du-
arte i Monserrat 100 þús. kr.
Helgi Hjörvar: A Theory of Just-
ice – Part 1 eftir John Rawls 100
þús. kr.
Hið íslenska bókmenntafélag: Síð-
asta setning Fermats eftir Simon
Singh 200 þús. kr. Zadig eftir Vol-
taire, Listir og listamenn eftir Sig-
mund Freud og Ritgerðir eftir
Sigmund Freud 150 þús. kr.
Draugasaga eftir Titus Maccius
Plautus og Fræðarinn eftir Klem-
ens í Alexandríu 100 þús. kr.
JPV útgáfa ehf.: Don Kíkóti
seinna bindi, eftir Miguel Cerv-
antes 500 þús. kr. The Good Wom-
en of China eftir Xinran. 250 þús.
kr. Vegur sannleikans (Dhamma-
pada) og The Lovely Bones eftir
Alice Sebold 100 þús. kr.
Leikfélag Reykjavíkur: 4:48.
Psychosis eftir Sarah Kane og
Plasticine eftir Vassily Sigaren 100
þús. kr.
Mál og menning: The Canterbury
Tales eftir Geoffrey Chaucer 400
þús. kr. Midnight Children eftir
Salman Rushdie 350 þús. kr.
Sorstalanság (Örlögleysi) eftir
Imre Kerész og Vivir Para Cont-
arla (Að lifa til að segja frá) eftir
Gabriel Garcia Marquez 250 þús.
kr. La Ciudad de las Bestias eftir
Isabel Allende 200 þús. kr. Coral-
ine eftir Neil Gaiman og Sister-
hood of the travelling pants eftir
Ann Brashers 100 þús. kr.
PP Forlag ehf.: Girl with a Pearl
earring eftir Tracy Chevalier 200
þús. kr.
Rannsóknastofa í kvenna- og
kynjafræðum við Háskóla Íslands:
Kyn og kenningar í sagnfræði
valdar greinar eftir ýmsa höfunda
100 þús. kr.
Reykjavíkur Akademían: Greinar
eftir Pierre Bourdieu 150 þús. kr.
Greinasafn eftir Susan Sontag,
Sérvalið safn greina eftir Jacques
Derrida 100 þús. kr.
Stofnun Vigdísar Finnbogadótt-
ur: Yerma eftir Federico García
Lorca 100 þús. kr.
Sölkubækur ehf.: Not Even My
Name eftir Thea Halo 250 þús. kr.
Austan mána – ljóð frá Kína og
Japan eftir ýmsa höfunda frá báð-
um löndum 100 þús. kr.
Sölvi Björn Sigurðsson: Une sais-
on en enfer/Árstíð í helvíti (auk fá-
einna kvæða í bundnu máli) eftir
Arthur Rimbaud 100 þús. kr.
Uppheimar ehf.: Sarah’s Nest eft-
ir Harry Gilbert og Turtle Diary
eftir Russel Hobau 100 þús. kr.
Vaka-Helgafell: Im Krebsgang
eftir Günter Grass 250 þús. kr.
Valdimar Tómasson: Poetes
québécois – Anthologie 100 þús.
kr.
Þorbergur Þórsson: Henderson,
the rain king eftir Saul Bellow. 200
þús. kr.
Þýðingasjóður
úthlutar styrkjum
til 58 verkefna
UNDIRBÚNINGUR fyrir vetr-
arstarf leikhúsanna er að komast í
fullan gang og hillir undir fyrstu
frumsýningar leikársins. Fyrsta
frumsýningin verður væntanlega
þann 11. september í Hafnarfjarð-
arleikhúsinu á nýju leikriti Krist-
ínar Ómarsdóttur sem nefnist Vinur
minn heimsendi.
Borgarleikhúsið og Þjóðleikhúsið
frumsýna bæði sígild barnaleikrit
þá sömu helgi 12.–14. september.
Þjóðleikhúsið tekur Dýrin í Hálsa-
skógi til kostanna og Borgarleik-
húsið hristir upp í Línu Langsokk.
Helgina þar á eftir verða tvö ný
íslensk leikrit frumsýnd, Pabba-
strákur eftir Hávar Sigurjónsson á
Litla sviði Þjóðleikhússins og Hið
Lifandi leikhús frumsýnir í Iðnó ein-
leik Þorvaldar Þorsteinssonar sem
Arnar Jónsson mun leika og er til-
efnið 40 ára leikafmæli hans.
Leikfélag Akureyrar mun eiga
samstarf við Sögn ehf um frumsýn-
ingu á Elling, norsku leikriti
byggðu á samnefndri kvikmynd sem
frumsýnd verður í lok september.
Þegar þar er komið sögu verður
farið að hilla undir frumsýningu á
Vegurinn brennur eftir Bjarna
Jónsson á Smíðaverkstæði Þjóðleik-
hússins og á Nýja sviði Borgarleik-
hússins styttist þá í frumsýningu á
nýjum íslenskum leikþáttum sem
voru afrakstur samkeppni er leik-
húsið efndi til á síðasta ári.
Frum-
sýning-
ar fram-
undan
Morgunblaðið/Jim Smart
Atli Rafn Sigurðarson (t.v.) leikur Mikka ref í Þjóðleikhúsinu í haust. Leikararnir Anna Kristín Arngrímsdóttir,
Ragnheiður Steindórsdóttir, Brynhildur Guðjónsdóttir og Pálmi Gestsson koma þar einnig við sögu.
Atvinnuleikhúsin búa sig undir vetrarstarfið sunnan og norðan heiða
LJÓSÁLFAR og félagar opnuðu
ljósmyndasýningu í Galleríi Álfi í
Bankastræti 5, á Menningarnótt og
er þetta níunda samsýning Ljósálfa.
Opið er frá kl. 14–18 daglega, nema
fimmtudaga, þá er opið til kl. 22.
Sýnendur eru Kristján E. Einars-
son, Michelle E. Knight, Friðrik
Þorsteinsson, Wout Berger, Svavar
G. Jónsson, Lars Björk, Einar Óli
Einarsson, Peter Christmann og
Vilmundur Kristjánsson. Næsta
fimmtudagskvöld verða meðlimir
Ljósálfa á staðnum langi fólk til að
vita meira um myndir þeirra, þá
sjálfa eða félagið.
„Þema sýningarinnar er Ísland og
fékk hver þátttakandi tveggja fer-
metra pláss til umráða undir mynd-
ir sínar,“ segir Friðrik. „Fjöldi
mynda, stærð og myndefni var
frjálst innan þess fermetrafjölda.
Allar ljósmyndirnar á sýningunni
eru því teknar hér á landi en þrír af
sýnendum eru erlendir og búandi í
sínu föðurlandi. Þeir hafa allir
ferðast mikið um Ísland, haldið sýn-
ingar á myndum sínum héðan og
hefur einn þeirra, Peter Christ-
mann, gefið út ljósmyndabók um Ís-
land sem fékk mjög góðar mót-
tökur.“
Myndirnar á sýningunni eru til
sölu og verður haldið uppboð á
óseldum myndum kl. 16 á lokadegi
sýningarinnar, 31. ágúst.
Ljósálfar kynna verk sín
NÚ stendur yfir í Listasetrinu
Kirkjuhvoli, Akranesi, sýning á
bútasaumsverkum Þórdísar
Björnsdóttur. Hún hefur haldið
einkasýningu og tekið þátt í
nokkrum samsýningum.
Listasetrið er opið alla daga
nema mánudaga frá kl. 15–18.
Sýningin stendur til 24. ágúst.
Bútasaums-
verk á
Akranesi