Morgunblaðið - 20.08.2003, Blaðsíða 34

MINNINGAR
34 MIÐVIKUDAGUR 20. ÁGÚST 2003 MORGUNBLAÐIÐ
✝ GunnlaugurHannesson fædd-
ist í Reykjavík 16.
júní 1928. Hann lést
á Heilbrigðisstofn-
uninni á Sauðár-
króki 5. ágúst síðast-
liðinn. Foreldrar
hans voru Hannes
Stígsson frá Brekk-
um í Mýrdal, f. 29.
október 1876, d. 9.
desember 1966, og
Ólafía Sigríður Ein-
arsdóttir, frá Stóra-
Nýjabæ í Krísuvík, f.
16. október 1886, d.
16. nóvember 1970. Gunnlaugur
var yngstur átta bræðra. Bræður
hans eru Sigurbjörn Gísli, f. 24.
júní 1909, Kornelíus, f. 3. júlí
1911, Einar Sigurbergur, f. 17.
september 1913, Jóhann, f. 30.
október 1916, Stígur, f. 15. ágúst
1920, Einar, f. 23. desember
1922, þeir eru allir látnir og
Gunnar Þorbergur, f. 5. mars
1925, sem lifir bræður sína.
Gunnlaugur
kvæntist 5. október
1957, Þrúði Guð-
rúnu Óskarsdóttur,
f. 20. janúar 1934, d.
17. maí 2003. Dóttir
þeirra er Þrúður
Ólöf, f. 18. febrúar
1957, gift Óskari
Smith Grímssyni, f.
30. apríl 1945. Dótt-
ir Þrúðar er Hanna
Þrúður Þórðardótt-
ir, f. 2. júní 1980,
maki Guðmundur
Guðmundsson, f. 21.
ágúst 1969, sonur
þeirra er Gunnþór Tandri, f. 19.
maí 2002. Börn Óskars eru; Ásdís
Kr. Smith, f. 1966, maki Jón Páll
Björnsson, dætur þeirra eru;
Klara og Hekla Kaðlín, og Bragi
Smith f. 1972, maki Hildur Jóns-
dóttir, sonur þeirra er Helgi
Hrannar.
Útför Gunnlaugs fer fram frá
Fella- og Hólakirkju í dag og
hefst athöfnin klukkan 15.
Elsku pabbi.
Mikið var ég fegin þegar þú
sagðist vilja flytja til okkar norður
þegar mamma var dáin. Þú varst
ansi ósáttur fyrst þegar mamma
fór norður en svo sástu hvað hugs-
að var vel um hana og hvað henni
leið vel á sjúkrahúsinu og eftir að
hún kom heim til mín, þar sem Lut
og Margrét (heimahlynning) komu
til okkar tvisvar á dag og urðu
bestu vinkonur okkar allra. Mig
sem langaði svo að þú fengir að
njóta lífsins með okkur svolítið
lengur og leika við augasteininn
þinn hann Gunnþór Tandra. Þú
sem fékkst að halda á honum undir
skírn á afmælisdaginn þinn, þá
varstu stoltasti langafi í heimi.
Það liðu tíu dagar frá jarðarför
mömmu þar til þú varst orðinn fár-
veikur sjálfur af sama sjúkdómi.
Mikið fannst mér það ósanngjarnt.
Ég hef verið virkilega reið út í guð.
Hvað var hann að hugsa, af hverju
fékk ég ekki að hafa þig lengur hjá
okkur. Elsku pabbi, mér fannst þú
svo klár í öllu og þvílíkur snyrti-
pinni og fagurkeri, svo gastu líka
allt, gert við rafmagn, smíðað og
lagað flestallt sem aflaga fór. Varst
alltaf tilbúinn að hjálpa öðrum ef á
þurfti að halda. Þú varst kominn
með hugann fullan af áhuga í sam-
bandi við gistiheimilið hennar
Hönnu Þrúðar við að breyta og
laga hjá henni.
Í gamla daga varstu mikið í
íþróttum, meðal annars voruð þið
átta félagar sem kölluðuð ykkur
„skæruliða“ og skíðuðuð mikið í
Jósefsdal og á fleiri stöðum sem ég
kann ekki að nefna. Sat maður oft
alveg dolfallinn og hlustaði á sög-
urnar af ykkur skæruliðunum, eða
þegar þú vannst hjá Rafveitunni
sem línumaður og fórst upp um öll
fjöll og firnindi, þú þekktir alla
staði með nafni, hvort sem það var
fjall eða á, og jafnvel bæjarnöfn
varstu með á hreinu, þú varst svo
fróður um Ísland og Íslandssöguna
og svo varstu mikill íslenskumaður,
enda varstu alger lestrarhestur,
last allt frá markaskrám og upp í
heimsbókmenntir af öllu tagi.
Ferðalögin sem við fórum í allt
frá því ég man eftir mér, þar sem
við sváfum í tjöldum, öll sumur
ferðuðumst við oftast með Maddý
ömmu og Óskari afa, og einnig Ír-
isi og Óskari Nikk. Árið 1988 feng-
uð þú og mamma ykkur tjaldvagn,
þá var Hanna lítil og Óskar minn
kominn til sögunnar, þá var nú ald-
eilis farið í ferðalögin enda var
tjaldvagninn svoddan lúxus, miklu
flottari en tjald, með eldavél og
öllu, þetta var yndislegur tími.
Óskar minn hafði aldrei ferðast
eins mikið innanlands og fannst
þetta algjört ævintýri.
Þú lærðir prentiðn í Fé-
lagsprentsmiðjunni og auðvitað
varð ég að gera það líka og meira
segja voru þar ennþá mikið til
sömu karlarnir og þú vannst með á
sínum tíma. Svo fæddist Hanna
Þrúður og hún var augasteinninn
ykkar beggja enda var fyrsta orðið
sem hún lærði „afa“ og þá var nú
afi stoltur.
Þegar ég var lítil vannstu á
krana og gröfu og þóttir góður
kranamaður, síðan vannstu hjá BM
Vallá. Hjá Sútunarverksmiðju Slát-
urfélagsins varstu verkstjóri í yfir
tuttugu ár og síðustu þrettán árin
vannstu sem vörður hjá Ráðhúsinu.
Um það leyti sem þú hættir að
vinna greindist mamma með
krabbamein og þú stóðst eins og
klettur við hlið hennar þau fimm ár
sem hún var veik. Pabbi minn, þú
þekktir svo marga og áttir marga
vini sem þú gast kannski ekki sinnt
sem skyldi síðustu árin vegna veik-
inda mömmu.
Mikið var mamma fljót að sækja
þig þegar þú varst orðinn svona
veikur.
Elsku pabbi, mig langar að
kveðja þig og mömmu með ljóðinu
hans Tómasar Guðmundssonar
sem þið hélduð svo mikið upp á.
Tilvera okkar er undarlegt ferðalag.
Við erum gestir og hótel okkar er
jörðin.
Einir fara og aðrir koma í dag,
því alltaf bætast nýir hópar í skörðin.
Og til eru ýmsir, sem ferðalagt þetta
þrá,
en þó eru margir, sem ferðalaginu kvíða.
Og sumum liggur reiðinnar ósköp á,
en aðrir setjast við hótelgluggann og
bíða.
Guð blessi ykkur og varðveiti,
elsku pabbi og mamma.
Hvíl í friði.
Ykkar dóttir
Þrúður Ólöf.
GUNNLAUGUR
HANNESSON
Innilegar þakkir sendum við öllum þeim, sem
sýndu okkur samúð og hlýhug við andlát eigin-
konu, systur, móður, tengdamóður og ömmu
okkar,
RAGNHILDAR GESTSDÓTTUR,
Snældubeinsstöðum,
Reykholtsdal.
Sérstakar þakkir sendum við starfsfólki Dvalar-
heimilis aldraða Borgarnesi fyrir einstaklega góða umönnun.
Eiginmaður, bróðir, börn,
tengdabörn og barnabörn.
Hjartans þakkir til allra þeirra sem sýndu
okkur samúð og hlýhug við andlát og útför
ástkærrar eiginkonu minnar, móður okkar,
tengdamóður, ömmu og langömmu,
ELÍNAR KJARTANSDÓTTUR
(Dúu),
Fjölnisvegi 1,
Reykjavík.
Sérstakar þakkir færum við heimahlynningu
Krabbameinsfélagsins fyrir einstakan hlýhug.
Óskar L. Ágústsson,
Auður L. Óskarsdóttir, Sigurður Ólafsson,
Eygló Óskarsdóttir, Ingvar Sveinbjörnsson,
Erla S. Óskarsdóttir, Þorsteinn Jónsson,
barnabörn og barnabarnabarn.
Innilegar þakkir til allra þeirra, sem sýndu
okkur samúð, vináttu og hlýhug við andlát og
útför móður okkar, tengdamóður, ömmu og
langömmu,
GÍSLÍNU ÞÓRU JÓNSDÓTTUR,
Aflagranda 40,
áður Sörlaskjóli 68,
Reykjavík.
María Gröndal,
Auðbjörg Helgadóttir, Sigurður Runólfsson,
Jón H. Helgason, Sigurbjörg Haraldsdóttir,
ömmubörn og langömmubörn.
Hjartans þakkir til allra þeirra, er auðsýndu
okkur samúð og vinarhug við andlát og útför
ástkærs eiginmanns míns, föður okkar,
tengdaföður, afa og langafa,
ÁGÚSTS ÓLAFSSONAR
frá Gíslholti,
Eyjahrauni 6,
Vestmannaeyjum.
Sérstakar þakkir til starfsfólks Sjúkrahúss Vestmannaeyja fyrir frábæra
umönnun og góðvild.
Guð blessi ykkur öll.
Nanna Guðjónsdóttir,
Jóhann Grétar Ágústsson,
Jóna Kristín Ágústsdóttir, Magnús Birgir Guðjónsson,
Ágústa Salbjörg Ágústsdóttir, Ósvald A. Thorshamar,
Jenný Ágústsdóttir,
Ólafur Gísli Ágústsson, Bára Kristinsdóttir,
Jón Eysteinn Ágústsson,
barnabörn og barnabarnabörn.
Við færum innilegar þakkir öllum þeim, er
sýndu okkur hlýhug og heiðruðu minningu
móður okkar, tengdamóður, ömmu og lang-
ömmu,
DÓRÓTHEU SIGRÚNAR
GUÐLAUGSDÓTTUR
frá Miðkoti,
Dalvík.
Sérstakar þakkir færum við starfsfólki deildar
4B, Hrafnistu, Hafnarfirði.
Gunnar B. Arason, Þórunn Alfreðsdóttir,
Anna S. Aradóttir, Árni Konráðsson,
Guðlaugur Arason, Lilja Tryggvadóttir,
Svava Aradóttir, Sigfús Thorarensen,
Hafdís E. Bjarnadóttir, Jón Rafnsson,
Elías J. Bjarnason, Guðrún Brynjólfsdóttir,
Bjarni Th. Bjarnason, Iðunn Jónsdóttir,
barnabörn og barnabarnabörn.
Ástkær eiginmaður minn, faðir, tengdafaðir, afi
og langafi,
JÓN MAGNÚSSON
frá Geirastöðum,
Kleppsvegi 132,
Reykjavík,
verður jarðsunginn frá Grensáskirkju föstu-
daginn 22. ágúst kl. 13.30.
Blóm og kransar eru afþakkaðir, en þeim, sem vildu minnast hans, er
bent á Félag aðstandenda Alzheimersjúklinga.
Kristín H. Aspar,
Kristbjörg Jónsdóttir, Jón G. Sigurjónsson,
barnabörn og barnabarnabörn.
Þökkum innilega auðsýnda samúð og vinarhug við andlát og útför
foreldra okkar, tengdaforeldra, afa og ömmu,
HARALDAR J. HARALDSSONAR
OG INGIBJARGAR JÓNSDÓTTUR,
Skerjabraut 9,
Seltjarnarnesi.
Guð blessi ykkur öll.
Sigurjón Haraldsson, Kolbrún Karlsdóttir,
Haraldur Haraldsson, Kr. Dögg Gunnarsdóttir,
Örn Haraldsson, Björg Línberg Runólfsdóttir
og barnabörn.
Minningargreinum þarf að
fylgja formáli með upplýsing-
um um hvar og hvenær sá sem
fjallað er um er fæddur, hvar
og hvenær dáinn, um foreldra
hans, systkini, maka og börn og
loks hvaðan útförin verður gerð
og klukkan hvað. Ætlast er til
að þetta komi aðeins fram í for-
málanum, sem er feitletraður,
en ekki í greinunum sjálfum.
Formáli
minning-
argreina