Morgunblaðið - 12.09.2003, Qupperneq 16

ERLENT
16 FÖSTUDAGUR 12. SEPTEMBER 2003 MORGUNBLAÐIÐ
FRANSKA stjórnin kvaðst í
gær ætla að styðja tillögu um að
öryggisráð Sameinuðu þjóðanna
aflétti refsiaðgerðum gegn Líb-
ýu eftir að líbýsk stjórnvöld
undirrituðu samning um bóta-
greiðslur til fjölskyldna 170
manna sem fórust þegar frönsk
farþegaþota var grandað yfir
Níger árið 1989.
Bretar vildu að öryggisráðið
greiddi atkvæði um tillöguna sl.
þriðjudag. Frakkar hótuðu hins
vegar þá að beita neitunarvaldi
sínu gegn tillögunni nema fjöl-
skyldur þeirra sem fórust í
frönsku þotunni fengju svipaðar
bætur og fjölskyldur þeirra sem
létu lífið í Lockerbie-tilræðinu.
Ekki var skýrt frá því hversu
miklar bætur fjölskyldur far-
þega frönsku þotunnar fá. Tals-
maður þeirra sagði að með
samningnum hefðu þær afsalað
sér rétti til frekari lögsókna.
„Mussolini
drap aldrei
neinn“
SILVIO Berlusconi, forsætis-
ráðherra Ítalíu, sagði í viðtali,
sem birt var í ítölsku dagblaði í
gær, að fasistaleiðtoginn og ein-
ræðisherrann
Benito Muss-
olini hefði
aldrei drepið
neinn. Um-
mælin ollu
uppnámi með-
al stjórnar-
andstæðinga
og leiðtoga gyð-
inga.
„Mussolini drap aldrei neinn.
Mussolini var vanur að senda
fólk í frí innan landamæranna,“
sagði Berlusconi í viðtalinu.
Hann útskýrði síðar að hann
hefði ekki ætlað að bera í bæti-
fláka fyrir Mussolini, kvaðst að-
eins hafa svarað ummælum
blaðamanns sem hefði líkt Írak
undir stjórn Saddams Husseins
við Ítalíu Mussolinis. „Ég sætti
mig ekki við þessa samlíkingu,
eða að landi mínu væri líkt við
annað einræðisríki, land Sadd-
ams Husseins, sem bar ábyrgð á
dauða milljóna manna.“
„Fasistastjórnin kom ekki
upp útrýmingarbúðum fyrir
gyðinga, en hún stuðlaði örugg-
lega að því að þeim var komið
upp,“ sagði formaður samtaka
ítalskra gyðinga. „Teljist menn
ekki hafa drepið nema þeir geri
það með eigin höndum væri
hægt að segja að jafnvel Hitler
hafi ekki drepið neinn.“
Berezovskí
veitt hæli
BRESK stjórnvöld hafa ákveðið
að veita rússneska auðjöfrinum
Borís Berezovskí hæli í Bret-
landi þótt rússnesk yfirvöld hafi
krafist þess að hann verði fram-
seldur til Rússlands vegna
meintra fjársvika hans eftir
hrun Sovétríkjanna. Berez-
ovskí, sem er einn af helstu and-
stæðingum Vladímírs Pútíns
Rússlandsforseta, lýsti ákvörð-
un breskra stjórnvalda sem
miklum sigri fyrir sig og kvaðst
hafa sannfært þau um að hann
væri fórnarlamb „pólitískra
hefnda“.
STUTT
Frakkar
styðja af-
nám refsi-
aðgerða
Silvio
Berlusconi
BANDARÍKJAMENN minntust í
gær atburðanna 11. september fyrir
tveimur árum þegar hryðjuverka-
menn rændu fjórum farþegaflugvél-
um og flugu þremur þeirra á World
Trade Center í New York og Penta-
gon-bygginguna í Washington. Hátt í
3.000 manns létu lífið í þessum voða-
verkum. Mikill öryggisviðbúnaður
var í New York og Washington í gær,
m.a. vegna þess að yfirvöld töldu
aukna hættu á nýjum árásum.
Sérstök minningarathöfn var hald-
in á staðnum þar sem World Trade
Center stóð áður. Hún hófst með því
að viðstaddir virtu einnar mínútu
þögn kl. 8.46 að staðartíma en á þeirri
stundu fyrir tveimur árum skall
fyrsta farþegaflugvélin, sem hryðju-
verkamennirnir höfðu rænt, á norð-
urturni World Trade Center. Við-
staddir þögðu síðan aftur í eina
mínútu nítján mínútum síðar, til að
minnast þess er seinni farþegavélin
lenti á suðurturni byggingarinnar.
Veður var gott í New York í gær og
ekki ský á himni. Tvö hundruð börn,
dætur og synir einstaklinga sem lét-
ust í árásunum, lásu upp nöfn allra
þeirra 2.792 manna sem biðu bana í
árásinni á New York.
Kirkjuklukkum hringt
George W. Bush Bandaríkjaforseti
sagði við athöfn í Washington að
Bandaríkjamenn minntust nú fórnar-
lamba voðaverks. „Við minnumst nú
þeirra sem biðu bana. Við minnumst
hetjudáðanna. Við minnumst þeirrar
samkenndar og samúðar, sem greip
um sig meðal þjóðarinnar á þessum
hræðilega degi,“ sagði Bush.
Minningarathöfn var einnig haldin
við Pentagon-bygginguna, þar sem
184 biðu bana. Þá glumdu kirkju-
klukkur í Shanksville í Pennsylvaníu,
þar sem fjórða farþegavélin hrapaði
til jarðar eftir að hryðjuverkamenn-
irnir höfðu verið yfirbugaðir af far-
þegunum. Glumdu klukkurnar fjöru-
tíu sinnum, einu sinni fyrir hvern
farþega flugvélarinnar.
Fórnarlamba árásanna
11. september minnst
New York. AFP.
AP
Anthony Taccetta, sem er tíu ára gamall, heldur á lofti ljósmynd af frænda
sínum, slökkviliðsmanninum Lenny Ragaglia, í gær. Ragaglia lést í árás-
unum á World Trade Center.
George W. Bush Bandaríkjaforseti
og Laura, kona hans, við minning-
arathöfn fyrir utan Hvíta húsið í
Washington.
SÉRFRÆÐINGAR bandarísku leyniþjónustunnar, CIA, segjast nokkuð
vissir um að hljóðupptaka sem kom fram daginn áður en þess var minnzt að
tvö ár eru liðin frá hryðjuverkaárásunum á Bandaríkin geymi rödd næst-
æðsta stjórnanda al-Qaeda-hryðjuverkasamtakanna, Ayman al-Zawahri.
Þeir kveðast ekki eins vissir um að meint rödd Osama bin Ladens sé í raun
hans. Skýrðu talsmenn CIA frá þessu í gær.
Hljóðupptökurnar fylgdu myndbandi sem arabíska sjónvarpsstöðin Al-
Jazeera sýndi í fyrradag þar sem má sjá þá al-Zawahri og bin Laden með
hríðskotariffla um öxl í grýttu fjallalandslagi. Sögðust stjórnendur Al-
Jazeera hafa fengið upptökurnar í hendur á miðvikudag. Myndbandsupptök-
urnar væru alls um einn tími og 45 mínútur að lengd, en hljóðupptakan að-
eins um átta mínútur. Þeir vildu ekki gefa upp hvernig upptökurnar hefðu
borizt Al-Jazeera, aðeins að myndbandið væri framleitt af fyrirtæki sem
nefndist Al-Sahhab, sem „sérhæfði sig í að útbúa kvikmyndaefni fyrir Al-
Qaeda“.
Ekki vissir um rödd bin Ladens
Washington, Beirut. AP, AFP.