Morgunblaðið - 12.09.2003, Side 17

SKEMMDARVARGAR felldu stytt-
una af litlu hafmeynni af steini
sínum við höfnina í Kaupmanna-
höfn aðfaranótt fimmtudags.
Styttan féll í höfnina og eru á
henni tvö göt, annað á hné og hitt
á handlegg, sem bendir til þess að
sprengiefni hafi verið notað. Lög-
regla segir einnig að margir hafi
heyrt sprengingu skömmu fyrir kl.
tvö um nóttina að dönskum tíma.
Lögreglan hefur einnig fundið
merki um að járnstöng hafi verið
notuð til að losa styttuna af stein-
inum sem hún er fest við. Fjórir
stálboltar, sem styttan var fest
með, eru allir bognir.
Notaður var kranabíll til að
lyfta styttunni upp úr sjónum. Hún
var síðan flutt til tæknideildar lög-
reglunnar þar sem hún var rann-
sökuð en þá komu í ljós rispur á
andliti styttunnar.
Oft hafa verið unnar skemmdir
á styttunni, sem er 90 ára gömul.
Tvívegis hefur höfuðið verið sagað
af henni og málningu hefur oft
verið skvett á hana, nú síðast í
maí.
Danski myndhöggvarinn Edvard
Eriksen gerði styttuna í minningu
rithöfundarins H.C. Andersens.
Eitt af ævintýrum Andersens
fjallaði um dóttur sækonungs sem
varð ástfangin af prinsi en varð að
fórna röddinni og sporðinum áður
en hún gat orðið mennsk.
Litla hafmeyjan
felld af stalli sínum
Kaupmannahöfn. AFP.
AP
ERLENT
MORGUNBLAÐIÐ FÖSTUDAGUR 12. SEPTEMBER 2003 17
D
ix
il
l/
R
e
yk
ví
sk
ú
tg
á
fa
•
L
jó
sm
yn
d
:
G
u
ð
fi
n
n
u
r
E
ir
ík
ss
o
nDr. Jeffrey Sachs er sérstakur
gestafyrirlesari á ráðstefnunni en
hann er forstjóri Jarðarstofnunar
(The Earth Institute) við Columbia-
háskóla í New York auk þess að
gegna starfi sem sérlegur ráðgjafi
aðalritara Sameinuðu þjóðanna,
Kofis Annan, við framkvæmd
Þúsaldarmarkmiðanna, sem eru
markmið alþjóðastofnana og ríkja
heims í baráttunni gegn fátækt.
Fundarstjóri: Gunnar Snorri Gunnarsson,
ráðuneytisstj. utanríkisráðuneytisins.
13.00-13.10 Páll Skúlason, rektor Háskóla Íslands.
Býður gesti velkomna.
13.10 - 13.20 Ólafur Ragnar Grímsson,
forseti Íslands.
Setur ráðstefnuna.
13.20 - 14.00 Dr. Jeffrey Sachs, prófessor og
forstjóri Jarðarstofnunarinnar við
Columbiaháskóla í New York.
Að ná þúsaldarmarkmiðunum
um þróun.
14.00 - 14.30 Fyrirspurnir og umræður.
14.30 - 14.50 Jónas H. Haralz, fyrrv. bankastjóri.
Milli bjargálna og þroska.
14.50 - 15.10 Gísli Pálsson, umdæmisstjóri
ÞSSÍ í Namibíu.
Tvíhliða þróunaraðstoð: Hvaða
aðferð hentar Íslendingum?
15.10 - 15.25 Kaffihlé.
15.25 - 15.45 Hermann Ingólfsson, aðstoðarmaður
aðalfulltrúa Norðurlandanna
og Eystrasaltsríkjanna í stjórn
Alþjóðabankans.
Mús í miðri fílahjörð?
- Ísland í fjölþjóðlegu samstarfi.
15.45 - 16.05 Þorvaldur Gylfason, prófessor
við Háskóla Íslands.
Auðlindir, lýðræði og hagþróun.
16.05 - 16.25 Nína Helgadóttir, verkefnastjóri hjá
Rauða krossi Íslands, fyrir hönd
Rauða kross Íslands og Hjálparstarfs
kirkjunnar.
Fleiri leiðir að sama markmiði:
Hlutverk frjálsra félagasamtaka
í þróunarsamvinnu.
16.25 - 17.10 Pallborðsumræður með þátttöku
framsögumanna og ráðstefnugesta.
Umræðustjóri: Björn I. Hrafnsson,
stjórnarformaður ÞSSÍ.
Móttaka í boði utanríkisráðuneytisins.
Háskóli Íslands Þróunarsamvinnustofnun Íslands Utanríkisráðuneytið
Háskóli Íslands, Hátíðarsalur, 15. september 2003
FULLTRÚAR 146 aðildarríkja
Heimsviðskiptastofnunarinnar
(WTO) héldu í gær áfram erfiðum
samningaviðræðum í Cancun í
Mexíkó í skugga átaka milli lögreglu
og mótmælenda. Einn mótmælend-
anna, Suður-Kóreumaður, stytti sér
aldur og félagar hans sögðu að hann
hefði „fórnað lífi sínu til að láta í ljósi
andstyggð sína á stefnu WTO sem
leggur efnahag og landbúnað Suður-
Kóreu í rúst“.
Lee Kyang-hae, fyrrverandi for-
maður einnar af helstu hreyfingum
bænda í Suður-Kóreu, stakk sig í
magann með hnífi og hann lést síðar
á sjúkrahúsi. Fulltrúar WTO á ráð-
stefnunni sögðu að Lee hefði fyrr á
árinu efnt til mótmæla fyrir framan
höfuðstöðvar stofnunarinnar í Genf í
að minnsta kosti tvo mánuði, sofið
þar um nætur og haldið á mótmæla-
spjöldum á daginn. Hann reyndi
einnig að fyrirfara sér með hnífi í
anddyri byggingarinnar árið 1990.
Lee var á meðal þúsunda manna,
einkum bænda og námsmanna, sem
tóku þátt í mótmælum nálægt fund-
arstaðnum og þeim lauk með átökum
milli lögreglu og nokkurra hundraða
mótmælenda. Nokkrir særðust og
lögreglan beitti táragasi og kylfum
til að dreifa mótmælendum sem
grýttu lögreglumenn og reyndu að
ráðast í gegnum tálma á götum milli
miðbæjar Cancun og fundarstaðar-
ins.
Á ráðstefnunni er fjallað um aukið
frelsi í milliríkjaverslun og einkum
er deilt um lækkun tolla auk niður-
greiðslna og útflutningsstyrkja í
landbúnaði. Ekki er búist við því að
tímamótasamkomulag náist á ráð-
stefnunni.
Mótmælendur sögðust vilja að
ekki yrði samið um aukið frelsi í
milliríkjaviðskiptum með landbún-
aðarafurðir. Þeir sögðu að hvert ríki
hefði rétt til að vernda eigin land-
búnað og ekki ætti að knýja bændur
til samkeppni á heimsmarkaði.
Mótmæli
og sjálfs-
morð
í Cancun
Cancun. AP, AFP.
Reuters
Mótmælendur ráðast á lögreglumenn sem lokuðu götu að hótelum í
Cancun í Mexíkó þar sem Heimsviðskiptastofnunin heldur nú fimm daga
ráðstefnu um aukið frelsi í milliríkjaviðskiptum.
RÍKISSTJÓRN Tony Blairs í Bret-
landi blés ekki vísvitandi upp eða
ýkti einstök atriði í Íraksskýrslu
sinni í september á síðasta ári. Kem-
ur þetta fram í skýrslu leyniþjón-
ustunefndar breska þingsins, sem
birt var í gær, en aftur á móti er
Geoff Hoon varnarmálaráðherra
gagnrýndur fyrir að hafa ekki sagt
allan sannleikann á fundi með nefnd-
armönnum í sumar.
„Atriði í skýrslunni voru ekki blás-
in upp af Alastair Campbell eða
nokkrum öðrum,“ segir í skýrslunni
en í henni er það gagnrýnt hvernig
fullyrðingin um, að Írakar gætu haf-
ið efna- og lífefnaárás með 45 mín-
útna fyrirvara, var kynnt.
Hoon er gagnrýndur fyrir að hafa
ekki skýrt frá því, að nokkrir starfs-
menn varnarmálaráðuneytisins
kvörtuðu yfir því hvernig leyniþjón-
ustuupplýsingar voru notaðar í
Íraksskýrslunni í september. Er
hann sakaður um að hafa gefið
nefndinni „villandi“ upplýsingar en í
breskum stjórnmálum er þá einfald-
lega átt við, að menn hafi logið.
Nýtur stuðnings Blairs
Iain Duncan Smith, leiðtogi
Íhaldsflokksins, krafðist þess í gær,
að Hoon yrði látinn taka pokann sinn
en Jack Straw utanríkisráðherra
sagði, að hann nyti fulls stuðnings
Blairs og annarra ráðherra. Verið
getur samt, að það eigi eftir að hitna
enn betur undir Hoon en það ræðst
af niðurstöðum Hutton-nefndarinn-
ar, sem rannsakað hefur dauða
breska vísindamannsins Davids
Kellys. Verða þær kynntar í október.
Hoon brást við skýrslunni í gær
með því að segjast leiður yfir því, að
einhver misskilningur hefði orðið er
hann kom fyrir leyniþjónustunefnd-
ina í sumar og vísaði á bug áskor-
unum um afsögn.
Í skýrslu leyniþjónustunefndar-
innar kemur einnig fram, að í febr-
úar sl. hafi breska leyniþjónustan
varað Tony Blair við því, að fall
Saddams Husseins Íraksforseta
gæti kynt undir hryðjuverkaárásum
og aukið líkur á, að efna- og lífefna-
vopn kæmust í hendur hryðjuverka-
manna. Það var hins vegar ein af
röksemdum Blairs fyrir innrásinni í
Írak, að þannig yrði komið í veg fyr-
ir, að þessi vopn lentu hjá hryðju-
verkamönnum.
Leyniþjónustunefnd
breska þingsins
Ríkisstjórn-
in sýknuð
af ýkjum
London. AP, AFP.