Morgunblaðið - 17.09.2003, Blaðsíða 4
FRÉTTIR
4 MIÐVIKUDAGUR 17. SEPTEMBER 2003 MORGUNBLAÐIÐ
Skógarhlíð 18, sími 595 1000.
www.heimsferdir.is
Nú getur þú tryggt þér síðustu sætin í sólina í
september á hreint ótrúlegum kjörum til vinsælasta
áfangastaðar Íslendinga. Sumarið er í blóma á Spáni
fram í október og hér getur þú notið lífsins við frá-
bærar aðstæður og nýtur traustrar þjónustu farar-
stjóra Heimsferða allan tímann. Bókaðu strax og
tryggðu þér
síðustu sæt-
in í haust.
Munið Mastercard
ferðaávísunina
Verð kr. 19.950
Flugsæti m.v. 2 fyrir 1, 17. og 24. sept.
Skattar innifaldir. Staðgreitt. Almennt
verð kr. 20.950.
Verð kr. 49.950
Flug og gisting, m.v. 2 í stúdíó/íbúð. 1.
okt. – 3 vikur. Skattar innifaldir.
Staðgreitt. Almennt verð kr. 52.450.
Síðustu sætin
17. sept. – 8 sæti 2 vikur
24. sept. – 14 sæti vikuferð
1. okt. – 28 sæti 3 vikur
Val um úrvals gististaði:
· Timor Sol
· Aguamarina
Sértilboð 1. okt – 3 vikur
2 fyrir 1 til
Costa del Sol
24. sept.
frá kr. 19.950
Á FUNDI miðstjórnar Samiðnar í
Reykholti í Borgarfirði, sem lauk í
gær, var samþykkt að mótmæla
harðlega framkomu Impregilo við
starfsmenn á virkjunarsvæðinu og
framkvæmd á gildandi kjarasamn-
ingi. Telur miðstjórnin að „lang-
lundargeð“ verkalýðshreyfingarinn-
ar sé á þrotum og hvetur til aðgerða
til að ná fram rétti starfsmanna á
svæðinu.
Spurður hvaða aðgerða grípa eigi
til segir Þorbjörn Guðmundsson,
framkvæmdastjóri Samiðnar, það
ekki vera ákveðið. Þó megi velta fyr-
ir sér hve mikið verkalýðshreyfingin
sé bundin af virkjanasamningi við
Kárahnjúka, miðað við framkomu
Impregilo. Er samningurinn í gildi
til 1. febrúar 2004 og í honum er
ekkert uppsagnarákvæði.
„Fyrirtækið hefur ráðið hundruð
starfsmanna í gegnum starfsmanna-
leigur á kjörum sem standast hvorki
íslensk lög né kjarasamninga.
Stjórnin lítur á þessa framkvæmd
sem alvarlega aðför að íslenskum
vinnumarkaði og áskilur sér rétt til
að verjast henni með öllum tiltæk-
um ráðum,“ segir m.a. í ályktun mið-
stjórnarinnar.
Lýsir miðstjórnin furðu sinni á
framgöngu Samtaka atvinnulífsins
(SA) í þessu máli. Með framgöngu
sinni grafi þau undan tilveru ís-
lenskra fyrirtækja og skekki veru-
lega samkeppnisstöðu þeirra. Skor-
ar miðstjórnin á íslensk fyrirtæki að
láta í sér heyra og mótmæla fram-
komu SA í málinu.
Kröfur miðstjórnar Samiðnar eru
að allir starfsmenn við Kárahnjúka-
virkjun verði ráðnir samkvæmt gild-
andi virkjunarsamningi, að samið
verði um sambærileg starfskjör og
þekkst hafa við aðrar virkjanir, ekki
verði gengið fram hjá tiltæku ís-
lensku vinnuafli, ekki verði notaðar
erlendar starfsmannaleigur, allar
launagreiðslur fari fram hér á landi
og að aðaltrúnaðarmaður fái fullan
aðgang að öllum upplýsingum um
ráðningar- og starfskjör.
Greinargerð SA á leiðinni
Greinargerðar Samtaka atvinnu-
lífsins til fulltrúa verkalýðshreyfing-
arinnar í samráðsnefnd um virkj-
anasamning Kárahnjúkavirkjunar
er að vænta í lok vikunnar, að sögn
Hannesar G. Sigurðssonar, aðstoð-
arframkvæmdastjóra SA. Er grein-
argerðinni m.a. ætlað að fjallað um
lágmarkslaun og skilgreiningu
þeirra að mati samtakanna.
Miðstjórn Samiðnar ályktar um Kárahnjúkavirkjun
Mótmælir framkomu
Impregilo við starfsmenn
Morgunblaðið/Steinunn Ásmundsdóttir
Fjöldi erlendra starfsmanna vinnur við byggingu Kárahnjúkavirkjunar.
RÚMENSKUR starfsmaður undirverktaka Imp-
regilo, sem þar til um síðustu helgi vann við upp-
setningu vinnubúða við Kárahnjúkavirkjun, fékk
atvinnuleyfi frá Vinnumálastofnun í sumar á þeim
forsendum að hann væri sérfræðingur. Þorbjörn
Guðmundsson, framkvæmdastjóri Samiðnar, seg-
ir ljóst að Rúmeninn hafi aldrei unnið við svona
vinnubúðir og það eigi væntanlega við um fleiri
starfsmenn.
Þorbjörn segir að til að fá atvinnuleyfið hafi ver-
ið lagður fram ráðningarsamningur sem kveði á
um allt önnur og betri laun en Rúmeninn hafi í
raun fengið. Í grein á vefsíðu Rafniðnaðarsam-
bandsins segir formaðurinn, Guðmundur Gunn-
arsson, m.a. um málið að Rúmeninn hafi fengið
greiddar 1.164 evrur fyrir vinnu sína í ágústmán-
uði, sem svarar til um 100 þúsund króna.
Þorbjörn telur þetta mál vera athugandi fyrir
Vinnumálastofnun, og þar með félagsmálaráð-
herra sem yfirmann stofnunarinnar, hvað þarna
fari fram og spurning hvort forsendur fyrir at-
vinnuleyfi fyrir erlenda starfsmenn við virkjunina
séu til staðar. Reynist svo ekki vera eigi að draga
atvinnuleyfin til baka.
Rúmenski starfsmaðurinn var látinn fara af
Kárahnjúkasvæðinu eftir að hafa neitað að skrifa
undir yfirlýsingu, skrifaða á íslensku, um að hann
hefði 265 þúsund króna mánaðarlaun. Rúmeninn
dvelur nú í Reykjavík með aðstoð íslenskra verka-
lýðsfélaga, sem vilja að hann sæki rétt sinn.
Að sögn Þorbjörns eru fleiri atriði ámælisverð
er snerta aðbúnað og framkomu við erlenda
starfsmenn á virkjunarsvæðinu. Þannig séu vega-
bréf tekin af þeim við komu á svæðið og ætli þeir
að fara fyrir boðaða brottför fái þeir ekki vega-
bréfin aftur nema að sækja um það sérstaklega.
Starfsmanni við uppsetningu vinnubúða við Kárahnjúka sagt upp
Með atvinnuleyfi sem sérfræð-
ingur en aldrei reist vinnubúðir
FIMM nemendur úr 9. bekk í Kirkebæk-skóla í Kaup-
mannahöfn, sem dvelja hér á landi ásamt kennurum
sínum, nýttu gærdaginn til að fara á hestbak í Reiðskól-
anum Þyrli í Víðidal. Þetta var í annað sinn á ævinni
sem nemendurnir sitja hest og að sögn viðstaddra
skemmtu þeir sér konunglega.
Að sögn Guðrúnar Gunnarsdóttur, aðstoðarskóla-
stjóra Safamýrarskóla, fóru kennarar Safamýrarskóla
í námsferð til Kaupmannahafnar sl. sumar og heim-
sóttu þá meðal annars Kirkebæk-skóla. Í framhaldinu
hafði starfslið skólans samband við þá um hvort þeir
gætu orðið því innan handar með því að skipuleggja
viðburði fyrir væntanlega Íslandsför nemendanna. Í
dag ætla nemendurnir að skoða Gullfoss og Geysi.
Að sögn Bjarna Eiríks Sigurðssonar hjá Reiðskól-
anum Þyrli hefur þjálfun fatlaðra verið hluti af starf-
semi Þyrils undanfarin sex ár í samstarfi við Ör-
yrkjabandalag Íslands. Fjölmörg börn hafa setið hest í
fyrsta sinn á ævinni hjá Reiðskólanum og ekki spillir
fyrir að þau njóta traustrar leiðsagnar Bjarna og Sig-
urðar Más Helgasonar sem hér sést á mynd. Hann er að
aðstoða Jesper og Nikolaj sem komnir eru á baki.
Á hestbaki í Víðidal
Morgunblaðið/Ásdís
Í FRÉTTATILKYNNINGU sem
ítalska fyrirtækið Impregilo, sem
byggir Kárahnjúkavirkjun, sendi
frá sér vegna launagreiðslna eins
af undirverktökum félagsins segir
að Impregilo hafi fengið staðfest-
ar upplýsingar um að laun starfs-
manna þess hafi verið greidd sam-
kvæmt virkjanasamningi: „Vegna
fyrirspurna varðandi launa-
greiðslur eins af undirverktökum
Impregilo S.p.A., byggingarfyrir-
tækisins Edilsider S.p.A., viljum
við láta eftirfarandi koma fram.
Edilsider er framleiðandi allra
vinnubúða sem verið er að koma
upp á vinnusvæðum við Kára-
hnjúkavirkjun. Búðirnar eru seld-
ar uppkomnar og tilbúnar til
notkunar. Eigin starfsmenn fyr-
irtækisins annast uppsetningu
búðanna.
Vinnubúðirnar eru framleiddar
í tveimur verksmiðjum og er önn-
ur í Tyrklandi og hin á Ítalíu.
Rúmenski hópurinn sem vinnur að
uppsetningunni kom hingað um
miðjan júlí en áformað er að ljúka
verkinu á næstu mánuðum.
Impregilo hefur fengið staðfest-
ar upplýsingar um að laun um-
ræddra starfsmanna hafi verið
reiknuð skv. launaflokki H3 í
virkjanasamningi fyrir a.m.k. 10
stundir á dag 6 daga vikunnar.
Því til viðbótar greiðast 10,17%
orlofslaun. Heildarupphæð skatt-
skyldra launa skv. framanskráðu
fyrir tímabilið frá miðjum júlí til
loka ágústmánaðar var 378.387.
Frá því dregst 4% framlag í líf-
eyrissjóð, kr. 15.135, og stað-
greiðsluskattur að fjárhæð kr.
98.216. Laun til útborgunar fyrir
framangreint tímabil voru skv.
þessu kr. 265.036. Algengast sé að
hluti launa hafi að ósk starfs-
manna verið greiddur fjölskyldu
þeirra í Rúmeníu en mismunurinn
hefur að þeirra ósk verið varð-
veittur á sérstökum reikningi i
umsjá Edilsider til útgreiðslu hér
á landi. Verður það gert fyrir lok
verkefnis eða hvenær sem hlut-
aðeigandi starfsmaður óskar að
taka inneign sína út.
Impregilo hefur fengið upplýst
frá Edilsider að einn starfsmanna
þeirra hafi hætt störfum um
helgina. Stjórnendur Edilsider
hafa tjáð Impregilo að gert hafi
verið upp við viðkomandi en til
frádráttar áðurtöldum launum
hafi komið fyrirframgreiðsla sem
hann hafi áður óskað eftir að
greidd væri fjölskyldu hans í
Rúmeníu. Fulltrúi Edilsider er
væntanlegur til landsins á næstu
dögum og verður þá óskað nánari
skýringa og staðfestingar á því að
fyrirtækið hafi virt íslensk lög og
samninga um lágmarkslaun og
skattgreiðslu.“
Yfirlýsing frá Impregilo um vinnu
starfsmanna við Kárahnjúkavirkjun
Laun greidd
samkvæmt virkj-
anasamningi