Morgunblaðið - 17.09.2003, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 17. SEPTEMBER 2003 VERÐ Í LAUSASÖLU 190 KR. MEÐ VSK.
Sími 588 1200
VERÐ á íbúðarhúsnæði á höfuðborg-
arsvæðinu hækkaði enn í ágústmánuði
samkvæmt upplýsingum Fasteignamats
ríkisins.
Hækkunin í
ágúst var 0,5%
og hefur þá
verð á íbúðar-
húsnæði í fjöl-
býli hækkað
um 4% í sumar
og um rúm
14% á síðustu
12 mánuðum.
Fasteigna-
mat ríkisins
reiknar út í
hverjum mán-
uði vísitölu íbúðaverðs í fjölbýli á höf-
uðborgarsvæðinu. Vísitalan í ágúst var
162,4 stig og hækkaði um 0,5% frá fyrra
mánuði. Vísitalan hefur hækkað jafnt og
þétt undanfarin misseri. Þannig var hún
100 í ársbyrjun 1999, sem þýðir að frá
þeim tíma á fjórum og hálfu ári hefur
verð á íbúðarhúsnæði hækkað um
62,4%.
Íbúðaverð hefur hækkað enn meira sé
farið lengra aftur í tímann. Þannig var
vísitalan í ágúst árið 1997, fyrir sex ár-
um, 88,7 stig. Frá þeim tíma hefur
íbúðaverð í fjölbýli því hækkað um 83%.
Fasteigna-
verð hækk-
aði um 14%
á einu ári
" #

  "
$
"%
#&"
## ####

, 
 -. /0-1

& 
& 
2
.%%%3
!
#

"

&

DR. HELGA Hannesdóttir, barna-
og unglingageðlæknir, hefur verið
sæmd heiðursdoktorsnafnbót við
læknadeild Turku-háskóla í Finn-
landi. Doktorsritgerð Helgu ber
heitið, Studies on child and adoles-
cent mental health in Iceland, en
hún var varin 22. febrúar 2002 við
Turku-háskóla. Ritgerðin var valin
besta doktorsritgerð ársins 2002
við læknadeild háskólans í Turku.
Sérstök nefnd finnskra alþing-
ismanna og deildarráðs lækna-
deildar Turku-háskóla stendur ár-
lega að útnefningunni en athöfnin
fór fram í fyrradag. Heiðraðir eru
þeir sem hafa skrifað bestu dokt-
orsritgerðirnar á hverju ári og efn-
ir háskólinn af
þessu tilefni til
sérstakrar at-
hafnar og er
blaðamönnum
hvaðanæva frá
Finnlandi boðið
að vera við-
staddir.
Helga segir
nafnbótina
mikla viðurkenningu á rannsókn-
arstarfi sínu en vinnan við ritgerð-
ina tók tíu ár. Fól hún í sér rann-
sókn á 4.000 íslenskum börnum á
aldrinum 4-18 ára. „Það hefur vak-
ið athygli að ritgerð um geðlækn-
ingar skuli hafa verið valin besta
ritgerðin en síðustu ár hafa þær yf-
irleitt komið úr greinum eins og
erfða- og sameindalæknisfræði.“
Helga kveðst vona að nafnbót há-
skólans í Turku auki skilning hér á
landi á því að barna- og unglinga-
geðlækningar séu viðurkennd vís-
indagrein um allan heim en Ísland
sé eina landið í Evrópu sem hafi
ekki viðurkennt hana sem sérgrein
innan læknisfræði.
Við læknadeild Turku-háskóla
voru varðar 97 doktorsritgerðir á
árunum 2001-2002 og af þeim voru
valdar til heiðursdoktors-
útnefningar 7 ritgerðir. Ritgerð
Helgu var sú eina sem var valin á
sviði geðlækninga.
Sæmd heiðursdoktorsnafnbót
Helga Hannesdóttir
KRAKKARNIR á leikskólanum Fögrubrekku
heimsóttu Gerðarsafn í Kópavogi í gær til að
kynnast list Olgu Bergmann. Börnin voru
eftir að fá að kíkja inn í eitt verkið. Kannski
leynast í hópi þeirra listamenn eða listrýn-
endur framtíðarinnar?
spennt og áhugasöm enda ekki amalegt að fá
að skoða listsýningu sem þessa.
Hér standa þau prúð og stillt í röð og bíða
Morgunblaðið/Ásdís
Listrýnendur framtíðarinnar
GAT kom á sportbát við Þerney
skammt undan Reykjavík um kl.
21 í gærkvöldi þegar hann rakst
á pramma sem er milli lands og
Þerneyjar. Tveir menn voru um
borð og komust þeir heilir á húfi
upp á prammann. Í fyrstu var
talið að báturinn hefði sokkið og
var björgunarskip Slysavarna-
félagsins Landsbjargar, Ás-
grímur S. Björnsson, frá
Reykjavík, ásamt slöngubátum
frá Seltjarnarnesi, hraðbjörgun-
arbát úr Kópavogi og þyrlu
Landhelgisgæslunnar, kallað út.
Mennirnir komust upp á
prammann sem fyrr segir og
var björgunarbátum og þyrlu
því snúið við en ákveðið að
björgunarskipið héldi áfram til
mannanna. Þegar að var komið
var talsverður fjöldi sport- og
fiskibáta á staðnum og voru
mennirnir ekki í neinni hættu.
Bátur mannanna maraði í gær-
kvöldi í hálfu kafi bundinn við
prammann og undir miðnætti
var aðeins stefni bátsins upp úr
sjó. Ekki er ljóst hverjar orsak-
ir slyssins eru en lögreglan í
Reykjavík fer með rannsókn
málsins.
Jónas Garðarsson, formaður
Sjómannafélags Reykjavíkur,
var einn af þeim fyrstu á vett-
vang en hann var staddur í smá-
bátahöfn Snarfara, félags sport-
bátaeigenda, við Elliðavog.
Sáu neyðarblys
frá bátnum
„Við stóðum bara á bryggj-
unni í góða veðrinu,“ segir Jón-
as þegar hann sá neyðarblys frá
bátnum og fór á staðinn. Bát-
urinn heitir Inga Dís, norskur
af gerðinni Marex og er einn af
stærri og kraftmeiri sportbátum
landsins, tíu og hálfur metri að
lengd. Hann kostar nærri 20
milljónir króna nýr. Jónas seg-
ist sjálfur hafa flutt bátinn til
landsins frá Noregi í hitteð-
fyrra.
Í gærkvöldi var unnið að því
að reyna að blása upp björg-
unarbát inni í bátnum og koma
honum þannig á flot og freista
þess að draga hann í fjöru.
Pramminn sem báturinn rakst
á er í eigu Snarfara, félags
sportbátaeigenda, og er notaður
sem áningarstaður fyrir báta-
eigendur, en þar eru bæði grill
og borð. Engin lýsing er við
prammann.
Gat kom á
hraðbát við
Þerney
Einum af stærri sportbátum
landsins siglt á skemmtipramma
IMPREGILO segist hafa um það
staðfestar upplýsingar að rúmensk-
ur starfsmaður eins af undirverktök-
um félagsins hafi fengið greitt sam-
kvæmt virkjanasamningi. Í
tilkynningu frá Impregilo, sem send
var út í gærkvöld, segir að von sé á
fulltrúa undirverktakans hingað til
lands og verði þá óskað nánari skýr-
inga og staðfestingar á því að fyr-
irtækið hafi virt samninga um lág-
markslaun.
Rúmeninn var látinn fara af Kára-
hnjúkasvæðinu eftir að hafa neitað
að undirrita yfirlýsingu um að hann
hefði 265 þúsund króna mánaðarlaun
og dvelst hann nú í Reykjavík með
aðstoð íslenskra verkalýðsfélaga
sem vilja að hann sæki rétt sinn.
Framkvæmdastjóri Samiðnar hef-
ur fullyrt að í ráðningarsamningi
starfsmannsins hafi verið kveðið á
um allt önnur og betri laun en hann
hafi síðan raunverulega fengið. Tel-
ur hann málið vera athugandi fyrir
Vinnumálastofnun og þar með fé-
lagsmálaráðherra.
Af hálfu Impregilo er tekið fram
að algengt sé að hluti launa starfs-
manna umrædds undirverktaka sé
að þeirra eigin ósk greiddur fjöl-
skyldum þeirra í Rúmeníu en mis-
munurinn hafi verið varðveittur á
sérstökum reikningi undirverktak-
ans til útborgunar hér á landi. Þann
mismun geti starfsmenn fengið
greiddan hvenær sem þeir óski þess.
Miðstjórn Samiðnar mótmælir
harðlega framkomu Impregilo við
starfsmenn á virkjunarsvæðinu og
framkvæmd á gildandi kjarasamn-
ingum. Segir í ályktun miðstjórnar-
fundarins að Impregilo hafi ráðið
hundruð starfsmanna gegnum
starfsmannaleigur á kjörum sem
standist hvorki íslensk lög né ís-
lenska kjarasamninga. „Stjórnin lít-
ur á þessa framkvæmd sem alvar-
lega aðför að íslenskum
vinnumarkaði og áskilur sér rétt til
að verjast henni með öllum tiltækum
ráðum,“ segir í ályktuninni. Þá lýsir
stjórnin furðu sinni á framgöngu
Samtaka atvinnulífsins.
Segjast virða samninga
um lágmarkslaun
Samiðn mótmæl-
ir framkomu
Impregilo

Mótmælir/4