Morgunblaðið - 10.10.2003, Blaðsíða 4
FRÉTTIR
4 FÖSTUDAGUR 10. OKTÓBER 2003 MORGUNBLAÐIÐ
SAUTJÁN sjöttubekkingar á Pat-
reksfirði geta ekki haft rangt fyrir
sér. Körfubolti hlýtur einfaldlega
að vera frábær úr því að heill bekk-
ur heldur því fram. Körfubolti er
málið. Bekkurinn var í tíma hjá
Lilju Ingimundardóttur á þriðju-
dagsmorgun og leyfði hún blaða-
mönnum að trufla kennsluna í
nokkrar mínútur. Strákarnir eru í
miklum minnihluta í bekknum, að-
eins sex, en stelpurnar ellefu.
Strákarnir kunna þessu ágætlega
og líta greinilega á þetta sem ofur-
eðlilegan hlut. Stelpurnar líka.
Þegar farið er í fótbolta í frímín-
útum er skipt í lið og strákar og
stelpur spila saman.
Fyrir utan skólann er búið að
grafa fyrir nýju íþróttahúsi og þar
verður sko farið í körfu, það er á
hreinu.
Annað árið með
íþróttafélaginu Herði
Katrín Ylfa Barðadóttir situr á
fremsta borði í kennslustofunni og
æfir að sjálfsögðu körfubolta með
íþróttafélaginu Herði. „Þetta er
annað árið sem ég æfi körfu,“ segir
hún, en auk þess æfir hún frjálsar
íþróttir á sumrin. Varðandi náms-
efnið virðist henni ekki efst í huga
að gera upp á milli námsgreina,
hugsar sig um þegar hún er spurð
um uppáhaldsgreinina og kveður
síðan upp úrskurð: „Uppáhalds-
greinin mín er eiginlega íslenska,“
segir hún. Eins og flestir, hlakkar
hún til að sjá nýja íþróttahúsið rísa
og telur að það verði betra að spila
körfu þegar það verður tilbúið.
Íþróttahúsið er mikið rætt í bænum
og bekkurinn hefur aldeilis ekki
verið hafður út undan í þeirri um-
ræðu. „Við fórum til bæjarstjórans
og skoðuðum teikningar,“ segir
einn úr bekknum. Það var í síðustu
viku, sem bæjarstjórinn bauð
krökkunum á sérstakan fund og
þeim leist mjög vel á fyrirætlanir
bæjaryfirvalda.
Hressir sjöttubekkingar í Patreksskóla fagna framkvæmdum við íþróttahús
Hlakka til að fá
nýja íþróttahúsið
Morgunblaðið/Árni Torfason
Sjötti bekkur Patreksskóla lítur björtum íþróttaaugum fram á veginn.
„ÞETTA er mikilvægt innlegg og
þetta eru stór og metnaðarfull
verkefni, en samt eru þarna
ákveðnir vankantar,“ segir Tryggvi
Felixson, framkvæmdastjóri Land-
verndar, um drög umhverfisráð-
herra að náttúruverndaráætlun
2004 til 2008, sem voru kynnt í
fyrradag.
Tryggvi segir það mjög metnað-
arfullt að ætla að stækka tvo þjóð-
garða og stofna nýjan. Það sé líka
metnaðarfullt að friðlýsa nefnd
svæði, ekki síst fjörurnar á höfuð-
borgarsvæðinu. „Við munum ekki
gera lítið úr því,“ segir hann, en
bætir við að ýmis atriði þurfi að fara
yfir. Í því sambandi nefnir hann að
það þurfi til dæmis að styrkja
verndunina í Þjórsárverum. „Í öðru
lagi þá er ekkert í þessari áætlun
um landslag,“ segir hann og leggur
áherslu á að taka þurfi á landslagi.
Drögin séu mest á forsendum gróð-
urs og fugla og síðan á forsendum
jarðminja en auk þess megi nefna
áhugaverða og merkilega verndun á
einum birkiskógi. „Í Þjórsárverum
fer saman landslag, fuglar og gróð-
ur og það hefði verið ástæða til að
styrkja verndunina þar, færa mörk
friðlandsins út fyrir reglustrikun og
nota náttúruleg mörk.“
Yfirlýsing samtaka
Fuglaverndarfélag Íslands og
Náttúruverndarsamtök Íslands
sendu frá sér eftirfarandi yfirlýs-
ingu vegna draga náttúruverndar-
áætlunarinnar.
„Undirrituð samtök fagna fram
komnum drögum að Náttúruvernd-
aráætlun sem umhverfisráðherra
hefur kynnt. Áætlunin einkennist af
vistfræðilegri nálgun og með henni
gætu ræst áratuga gamlir draumar
um stækkun þjóðgarðanna í Jökuls-
árgljúfrum og Skaftafelli. Þau drög
að fyrstu náttúruverndaráætlun-
inni sem er unnin samkvæmt lögum
um náttúruvernd frá 1999 og ráð-
herra kynnti í gær eru hins vegar
ekki síður merkileg fyrir það sem
þar er ekki að finna. Af drögunum
má ætla að umhverfisráðherra hafi
ekki enn áttað sig á því að lausn
deilna undanfarinna ára um land-
nýtingu á miðhálendi Íslands felst
ekki bara í byggingu uppistöðulóna
og virkjana. Ráðherrann er úti á
þekju hvað þetta varðar.
Umhverfisráðherra hefði verið í
lófa lagið að taka stækkun frið-
landsins í Þjórsárverum með í drög
að Náttúruverndaráætlun enda var
tillaga þar að lútandi í þeim tillög-
um sem Umhverfisstofnun vann
fyrir umhverfisráðuneytið. Slík að-
gerð gæti samræmst þeirri lausn
með lóni í 566 metra hæð sem sett-
ur umhverfisráðherra, Jón Krist-
jánsson, kynnti með úrskurði sínum
um Norðlingaölduveitu í upphafi
þessa árs og lýst var sem sátt í
deilunni um Þjórsárver (sjá
http://www.natturuverndarsam-
tok.is/email2.asp). Ennfremur hefði
ráðherra auðveldlega getað lýst því
yfir að stefnt væri að verndun Eyja-
bakka samkvæmt Ramsarsáttmál-
anum um verndun votlendis.
Það er kaldhæðnislegt að for-
stjóra Landsvirkjunar, Friðriki
Sophussyni, skuli boðið að tjá sig
um þessi drög að Náttúruverndar-
áætlun á umhverfisþingi í næstu
viku en fyrirtæki hans hafi í raun
engra hagsmuna að gæta. Öll svæði
sem tengjast virkjunarhagsmunum
eru lögð til hliðar og iðnaðarsvæði á
Reykjanesi tekin út fyrir sviga í til-
lögum að verndun þess svæðis
(Reykjanes – Eldvörp).“
Náttúruverndarsam-
tök um náttúruverndar-
áætlun 2004 til 2008
Metnaðar-
full verk-
efni en
ákveðnir
vankantar
ALLT tiltækt lið Slökkviliðs höf-
uðborgarsvæðisins var kallað út í
gærmorgun þegar eldur kom upp í
húsnæði í eigu Reykjavíkurhafnar í
Daníelsslipp við Mýrargötu. Til-
kynning barst um að svartan reyk
legði undan þaki í húsnæði við
slippinn og virtist aukast töluvert.
Húsið var aldelda þegar slökkvilið
kom á vettvang, en slökkvistarf
gekk vel og tók rúman hálftíma að
ráða niðurlögum eldsins. Húsið var
vaktað til klukkan 10.30 til að fylgj-
ast með glæðum. Að sögn varð-
stjóra var um að ræða mikinn
bruna og skemmdir voru sömuleiðis
miklar.
Rannsókn á tildrögum eldsvoð-
ans er í höndum lögreglunnar í
Reykjavík. Eldsupptök eru ókunn.
Morgunblaðið/Júlíus
Rúman hálftíma tók að ráða niðurlögum eldsins en skemmdir eru miklar.
Mikill bruni í
Daníelsslipp
SAMKVÆMT niðurstöðum við-
horfskönnunar á húsnæðismarkaðn-
um virðast líkur á því að þensluáhrif
af 90% húsnæðislánum verði í það
minnsta ekki meiri en menn hafa
spáð, og ekkert sem bendi til þess að
fólk taki ákvörðun um að flytja sem
það hefði ekki gert ef lánshlutfallið
héldist óbreytt, að sögn félagsmála-
ráðherra.
Árni Magnússon félagsmálaráð-
herra kynnti í gær niðurstöður við-
horfskönnunar sem Gallup vann fyrir
félagsmálaráðuneytið og Íbúðarlána-
sjóð. Þar voru viðhorf almennings til
húsnæðismála könnuð ýtarlega og
verða niðurstöðurnar nú nýttar til að
vinna áfram að því að kanna hvernig
best sé að efna loforð stjórnarinnar
um 90% lán til húsnæðiskaupa.
Aðspurður hvort á grundvelli
þessarar skýrslu væri hægt að segja
til um þensluáhrif 90% lána sagði
Árni: „Það er óskaplega erfitt að spá
fyrir um það en ég skal viðurkenna
það að miðað við þær niðurstöður
sem koma fram í þessari skýrslu hef
ég ekki meiri áhyggjur eftir heldur
en áður. Um leið og fólk lýsir yfir
stuðningi við þessar hugmyndir þá
virðist það að koma þeim í fram-
kvæmd ekki hafa í för með sér ein-
hverja krossvendingu á markaði,
hvorki hvað varðar áform fólks til að
skipta um húsnæði né heldur lán-
tökumál.“
Í niðurstöðum könnunarinnar
sögðust 65% aðspurðra telja ólíklegt
að þeir skipti um húsnæði á næstu
fjórum til sex árum, en þrír af hverj-
um fjórum segja að það myndi engin
áhrif hafa á þá varðandi kaup á hús-
næði hvort 90% lán eru í boði eða
ekki.
„Þetta finnst mér [...] segja svolítið
um hættuna á því að þessar tillögur,
þegar þær komast í framkvæmd,
valdi mikilli ofþenslu á húsnæðis-
markaði. Það virðist vera að minnst-
ur hluti þeirra sem spurðir eru telja
að þetta mundi hafa nokkur áhrif á
hvenær þeir koma til með að skipta
um húsnæði.“
Tveir af þremur
hlynntir 90% láni
Árni sagði stuðning almennings
við hugmyndina um 90% húsnæðis-
lán mikla: „Meðal þess sem kemur
fram er það að tveir af hverjum
þremur eru hlynnt hugmyndum um
90% húsnæðislán en 25% eru andvíg.
Þeir sem búa í leiguhúsnæði eða for-
eldrahúsum eru hlynntari hugmynd-
inni en viðmiðunarhópar.“
Þessi könnun er liður í upplýsinga-
öflun til að móta tillögur ráðgjafar-
hóps þriggja sérfræðinga frá ráðu-
neytum félagsmála, fjármála og
viðskipta, segir Árni: „Hópurinn hef-
ur verið að vinna að undirbúningi til-
lagna um það með hvaða hætti skyn-
samlegast verði að koma þessum
fyrirætlunum ríkisstjórnarinnar í
framkvæmd. Þeirri vinnu miðar
ágætlega.“ Ráðherra segir að tillög-
ur vegna málsins eigi að koma fram
ekki seinna en í lok ársins.
Könnun félagsmálaráðuneytis á húsnæðismarkaðnum á Íslandi
Þensluáhrif hugsanlega ofmetin
Morgunblaðið/Jim Smart
Hallur Magnússon verkefnisstjóri, Árni Magnússon félagsmálaráðherra og
Sigurjón Örn Þórsson, aðstoðarmaður ráðherra, kynntu niðurstöður könn-
unarinnar á fundi í Þjóðmenningarhúsinu í gær.