Morgunblaðið - 10.10.2003, Blaðsíða 52

KNATTSPYRNA
52 FÖSTUDAGUR 10. OKTÓBER 2003 MORGUNBLAÐIÐ

FABIEN Barthez, markvörður
Manchester United, er nú orðaður
við Marseille en Alain Perrin sá
sem ræður ríkjum hjá félaginu er
reiðubúinn að bjarga Barthez út úr
krísunni hjá United og bjarga ferli
hans. Barthez hefur ekkert leikið
með meisturum United á leiktíð-
inni og virðist ekki lengur inni í
myndinni hjá Sir Alex Ferguson
eftir að hann fékk bandaríska
markvörðinn Tim Howard til liðs
við sig.

BARTHEZ er ekki alveg ókunn-
ugur Marseille en hann var í liðinu
sem vann Evrópumeistaratitilinn
fyrir tíu árum.

MICHAEL Owen, framherji Liv-
erpool, getur ekki leikið með Eng-
lendingum í leiknum við Tyrki í
undankeppni EM sem fram fer í
Istanbul á morgun. Owen náði ekki
að yfirstíga meiðslin sem hann
hlaut í leik Liverpool og Arsenal
um síðustu helgi og valdi Sven
Göran Eriksson landsliðsþjálfari
Darius Vassell frá Aston Villa í
hans stað.

STEVE Coppell var í gær ráðinn
knattspyrnustjóri enska 1. deild-
arliðsins Reading í stað Alans
Pardews sem nýlega ákvað að taka
við stjórninni hjá West Ham. Copp-
ell kemur til Reading frá Brighton
en þar áður var hann við stjórnvöl-
inn hjá Brentford þar sem hann
fékk Ólaf Gottskálksson og Ívar
Ingimarsson til liðs við sig. Ívar
lék einnig undir stjórn Coppells
hjá Brighton á síðustu leiktíð, þá
sem lánsmaður frá Wolves.

LEEDS United ákvað í gær að
vísa Jody Morris frá félaginu á
meðan lögreglurannsókn stendur í
kynferðismáli gagnvart honum og
öðrum manni sem ekki tengist fé-
laginu. Morris var handtekinn í
vikunni á æfingasvæði félagsins en
ung kona sakar Morris og annan
mann um að hafa ráðist á sig og
beitt sig kynferðilegu ofbeldi.

MARCEL Desailly, fyrirliði
franska landsliðsins í knattspyrnu
og leikmaður Chelsea, verður ekki
með á morgun þegar lið hans mæt-
ir Ísrael í lokaumferðinni í riðla-
keppni Evrópumóts landsliða.
Frakkar eru þegar komnir í loka-
keppnina í Portúgal, hafa unnið
alla sína leiki. Desailly er meiddur
í mjöðm. Zinedine Zidane frá Real
Madrid verður fyrirliði í hans stað.

LÍKLEGT er að William Gallas,
félagi Desaillys hjá Chelsea, missi
líka af leiknum vegna meiðsla og
þá munu Frakkar stilla upp ungu
miðvarðapari. Það verða þeir Jean-
Alain Boumsong frá Auxerre og
Sebastien Squillaci frá Mónakó, en
þeir eru báðir 23 ára gamlir. Tvo
aðra varnarmenn vantar í franska
hópinn, þá Mikael Silvestre og
Willy Sagnol, sem báðir eru
meiddir.
FÓLK
ÁSGEIR Sigurvinsson, landsliðs-
þjálfari í knattspyrnu, segir að
hann verði ekki í aðalhlutverk-
inu í Hamborg, þó svo að hann
hafi leikið lengi í Þýskalandi –
með Bayern München og Stutt-
gart á árum áður. „Ég vil vera í
friði með mína menn og mun
ekki gefa kost á mér í viðtöl við
þýska fjölmiðla í tíma og ótíma.
Við verðum með fréttamanna-
fund fyrir síðustu æfingu okkar
fyrir leikinn (í dag), þar sem ég
mun sitja fyrir svörum. Önnur
viðtöl eru ekki á dagskrá fyrr en
eftir leikinn.
„Þetta er ekki spurning um
mig, Þýskaland og minn knatt-
spyrnuferil í Þýskalandi. Ég verð
ekki inni á vellinum, heldur eru
það strákarnir sem leika þar og
um það snýst málið. Ég hef ekk-
ert við það að gera að vera í
sviðsljósinu í Þýskalandi vegna
landsleiksins. Við erum ekki
mættir til Hamborgar út af mér.“
„Ég er ekki aðalmálið
í Hamborg“
ÁSGEIR Sigurvinsson segir að það yrði mikið æv-
intýri ef Ísland kæmist beint á EM í Portúgal næsta
sumar. „Það væri einnig gaman að fara í hattinn í
Frankfurt þegar dregið verður þar um hvaða tíu
þjóðir, sem hafna í öðru sæti í riðlunum tíu í Evr-
ópu, mætast til að leika um fimm laus sæti á EM.
Það yrði skemmtilegt ef það gerðist – að við vær-
um með í þeim drætti. Það er ekki öll von úti um að
við verðum í öðru sætinu. Það gæti farið svo að í
hattinum yrðu lið eins og England og Holland.
Ef við komumst í aukaleikina gæti komið upp
enn eitt vandamálið – það er að bíða í mánuð eftir
leikjunum, án þess að margir leikmenn okkar væru
að leika reglulega. Þá er spurning um veður og
hvernig Laugardalsvöllurinn verður í nóvember,“
sagði Ásgeir.
Væri gaman
að fara í hattinn
í FrankfurtENSKU knattspyrnufélögin
Stoke City og Sunderland hafa
loksins komist að samkomu-
lagi um bætur sem Sunder-
land greiðir fyrir að „stela“
Steve Cotterill, knattspyrnu-
stjóra, af Stoke á síðasta ári.
Hann hafði aðeins stýrt Stoke
í nokkra mánuði þegar Sund-
erland bauð honum til sín sem
aðstoðarmanni Howards Wilk-
insons, en þeir félagar voru
reyndar reknir úr starfi síðar
um veturinn.
Stoke krafðist þess að fá
eina milljón punda, um 125
milljónir króna, í bætur. Talið
er að upphæðin sem félögin
komu sér saman um sé í kring-
um 20 milljónir króna og
greiðir Sunderland hana á tólf
mánuðum.
„Ég vil ekki segja annað um
þessa útkomu en að það var
þess virði að ganga eftir rétti
okkar gagnvart Sunderland,“
sagði Gunnar Þór Gíslason,
stjórnarformaður Stoke, við
vefsíðuna OneSunderland-
.com.
Þá hafði Sentinel, staðar-
blaðið í Stoke, eftir Gunnari
að félagið hefði eytt öllum ráð-
stöfunartekjum sínum í að
semja við sóknarmanninn Ade
Akinbiyi sem gekk til liðs við
félagið fyrir skömmu. Stoke
hefði ekki meiri peninga um-
leikis til að styrkja leikmanna-
hópinn. „Við munum þó skoða
málið vel ef knattspyrnustjór-
inn kemur með tillögu um ein-
hver frábær kaup,“ sagði
Gunnar.
Ásgeir segir að það yrði mikið æv-intýri fyrir landslið Íslands, ef
það næði að knýja fram sigur í Ham-
borg. „Við getum
látið okkur dreyma,
en það vita allir að
Þjóðverjarnir eru
sigurstranglegri á
heimavelli sínum. Við gerum okkur
fyllilega grein fyrir því að verkefnið
sem við eigum fyrir höndum er
geysilega erfitt og það verður á
brattann að sækja.
Við erum komnir hingað til Ham-
borgar með réttu hugarfari – stað-
ráðnir að gera okkar besta, eins og
alltaf.
Ef við náum ekki þeim úrslitum
gegn Þjóðverjum, sem við vonumst
eftir, verðum við að treysta á að
Litháar nái að taka stig af Skotum.“
Þjóðverjar eru efstir í riðlinum
fyrir lokaleikina tvo og þeir ætla sér
að tryggja sér farseðilinn til EM í
Portúgal – í Hamborg. Sleppa við að
leika aukaleiki um farseðilinn.
Ásgeir þekkir vel hugsunarhátt
Þjóðverja – hvernig telur hann að
Þjóðverjar hugsi og komi til leiksins
gegn Íslandi?
„Ég get alveg sagt þér það, því að
það er ekki svo langt sem ég upplifði
svipaða stemmningu fyrir landsleik
– sá var leikinn á Parken í Kaup-
mannahöfn fyrir tveimur árum. Þá
voru Danir öruggir með farseðilinn á
heimsmeistarakeppnina í Suður-
Kóreu og Japan. Þeir slógu ekki
slöku við í rimmunni við okkur. Það
var geysilegur kraftur í leik þeirra
frá byrjun. Við máttum þá þakka
fyrir að sleppa með að fá ekki fleiri
en sex mörk á okkur, 6:0. Ég hef
sjaldan lent í því að horfa á leik, þar
sem við vorum svo langt frá því að
eiga einhverja möguleika. Við vorum
reknir til baka frá fyrstu mínútu.
Þjóðverjar mæta örugglega með
sama hugarfari til leiks gegn okkur.
Þeir mæta ekki til leiks til að taka
það rólega og reyna að halda jöfnu.
Það er öruggt að þeir gefa allt í leik-
inn frá byrjun.“
Verðum að halda höfði
Það er ekki annað að heyra á þér,
en að þú og Logi Ólafsson ætlið ekki
að láta leikinn frá Parken endurtaka
sig í Hamborg?
„Við mætum til leiks með því hug-
arfari að láta söguna frá Parken ekki
endurtaka sig. Það er ekki hægt að
loka augunum fyrir því, að við getum
ekki teflt fram liði sem mætir í þenn-
an úrslitaleik til að leika hápressu
frá byrjun. Ef það yrði gert, myndi
það kosta okkur lífið á fyrstu tuttugu
mínútum leiksins.
Styrkur okkar er vel skipulögð
vörn, sem við höfum ekki efni á að
opna með stórlegum sóknaraðgerð-
um. Við munum hugsa um leikinn
með réttu hugarfari, verjast vel og
síðan munum við að sjálfsögðu reyna
að nýta þau tækifæri sem til falla.
Við verðum fyrst og fremst að leika
sem ein sterk liðsheild og loka svæð-
um – pirra Þjóðverja eins lengi og
hægt er. Ég þekki alveg hvernig
andrúmsloftið getur orðið á knatt-
spyrnuvöllum í Þýskalandi. Ef allt
fer ekki að ganga hjá þeim, eins og
þeir vonuðust eftir, eftir tuttugu til
þrjátíu mínútur, þá getur flautu-
konsertinn frá áhorfendum orðið há-
vaðasamur og öflugur. Ég þekki það
og ef þannig andrúmsloft losnar úr
læðingi gerir það ekkert annað en að
minnka sjálfstraust leikmanna
Þýskalands, hvaða nafni sem þeir
heita. Við reynum að halda höfði eins
lengi og við getum – svo að Þjóð-
verjar lendi í erfiðleikum með að
brjóta okkur niður. Þeir hafa átt í
erfiðleikum með mótherja sína á
heimavelli, eins og Litháa og Fær-
eyinga. Við vitum að við fáum alltaf
nokkur færi í leikjum. Ef okkur
tekst að nýta, þótt það væri ekki
nema eitt, þá getur allt gerst,“ sagði
Ásgeir, sem vonar að flautukonsert í
Hamborg verði hans óskalag á laug-
ardaginn. „Það geri ég svo sannar-
lega.“
Léttleikinn mun
ráða ríkjum
Ásgeir sagði að eins og áður þá
muni léttleikinn ráða ríkjum í lands-
liðshópnum. „Við munum að sjálf-
sögðu einbeita okkur að alvöru inni á
leikvellinum, á fundum og æfingum,
en þess á milli viljum við að léttleik-
inn ráði ríkjum – að leikmenn slái á
létta strengi og skemmti sér og hafi
gaman af því sem þeir eru að fást
við.
Andrúmsloftið hjá landsliðshópn-
um er sérstaklega gott. Ef við ber-
um saman Þjóðverjana og okkur, þá
eru okkar leikmenn vinir og þeir
hafa gaman af því að vera saman. Á
sama tíma eru Þjóðverjarnir alltaf
að metast. Það hefur alltaf verið
ákveðinn einstaklingshugsunarhátt-
ur og egó hjá Þjóðverjum, sem met-
ast oft um það hverjir eru stærstu
nöfnin. Síðan hafa myndast ákveðnir
hópar innan landsliðshópsins. Þetta
er ákveðið vandamál sem Þjóðverjar
hafa ekki náð að brjóta niður innan
liðsheildarinnar – að búa til öfluga
liðsheild, sem stendur saman í öllu.
Þá eru fjölmiðlar í Þýskalandi
óvægnir og það er aðeins eitt sem
Ásgeir Sigurvinsson segir að hugarfarsbreyting
hjá landsliðinu hafi átt sér stað á Selfossi
„ÞAÐ er óneitanlega sérstök tilfinning að vera kominn hingað til
Þýskalands á ný – nú sem landsliðsþjálfari, en áður lék ég hér með
Bayern München og Stuttgart,“ segir Ásgeir Sigurvinsson, landsliðs-
þjálfari í knattspyrnu, sem verður í sviðsljósinu í Hamborg á laugar-
daginn er hann stjórnar íslenska landsliðinu í hinum þýðingarmikla
leik gegn Þjóðverjum í Evrópukeppni landsliða. Ísland á möguleika á
því að komast í lokakeppni EM í Portúgal næsta sumar – tryggir sér
farseðilinn þangað með sigri, hefur einnig möguleika á að leika auka-
leiki um farseðilinn til Portúgal. „Leikurinn er afar þýðingarmikill fyrir
bæði liðin, enda um úrslitaleik að ræða,“ sagði Ásgeir.
Morgunblaðið/Kristinn
Ásgeir Sigurvinsson fagnar
Eiði Guðjohnsen eftir fyrri
leikinn gegn Þýskalandi.
Eftir
Sigmund Ó.
Steinarsson
Stoke fær síðbúnar
bætur frá Sunderland
Gunnar Gíslason
Ætlum ekki að láta
söguna frá Parken
endurtaka sig