Morgunblaðið - 10.10.2003, Blaðsíða 23

SUÐURNES
MORGUNBLAÐIÐ FÖSTUDAGUR 10. OKTÓBER 2003 23
Garði | „Garðurinn sífellt menn seiðir; sýn-
ir þeim spánnýjar leiðir.“ Þannig hljóðar
upphaf Lífsins ljóðs, nýs sönglags Jóhönnu
Fjólu Ólafsdóttur við ljóð Þorsteins Egg-
ertssonar sem tileinkað er Garðinum. Það
verður frumflutt af Birtu Rós Arnórs-
dóttur söngkonu og hljómsveitinni Græn-
um vinum á sýningu sem haldin verður í
Garðinum um næstu helgi í tilefni af 10
ára afmæli Íþróttamiðstöðvarinnar og 95
ára afmæli Gerðahrepps.
Þorsteinn Eggertsson samdi ljóðið að
ósk Ásgeirs Hjálmarssonar sem sæti á í
undirbúningsnefnd sýningarinnar en þeir
gengu saman í Gerðaskóla. Þorsteinn er
fæddur í Keflavík en ólst upp í Garðinum,
frá tveggja til fimmtán ára aldurs. „Eftir
það þurftum við að fara annað í skóla. Ég
fór á Laugarvatn. Þar byrjaði ég að syngja
og þurfti að fara að gera eigin texta því
ég náði þeim ekki nógu vel í útvarpinu,“
segir Þorsteinn en hann er einn af nafn-
kunnustu höfundum dægurlagatexta hér á
landi.
Þorsteinn segist hafa verið að leita að
góðu lagi fyrir Lífsins ljóð, athugað meðal
annars nokkur Bítlalög, en það hafi ekki
verið nógu gott enda væri það sín reynsla
að þau féllu oftast í flutningi annarra. Þá
leystist málið innan veggja heimilisins, Jó-
hanna Fjóla Ólafsdóttir, kona Þorsteins,
tók að sér að semja lag við ljóðið. Jóhanna
Fjóla hefur fengist við lagasmíðar og út-
setningar, meðal annars fyrir leikhús, og
hún hefur samið lög við allmarga texta
Þorsteins þótt þau hafi ekki gefið neitt af
þeim út enn sem komið er.
Þau segjast hafa lagt áherslu á að hafa
lagið einfalt í sniðum svo hvert orð kæmist
til skila og allir gætu lært ljóðið strax og
sungið með.
Aftur upp á svið
Hljómsveitin Grænir vinir og Birta Rós
Arnórsdóttir söngkona tóku að sér að
flytja lagið á sýningunni. Þau fluttu það
með sínum áherslum fyrir Þorstein og Jó-
hönnu Fjólu á æfingu í Samkomhúsinu í
fyrrakvöld og kunnu viðstaddir vel að
meta. Þorsteinn sagði við Birtu Rós að þau
hefðu fundið réttu lausnina.
Hljómsveitin Grænir vinir hefur starfað í
Garðinum í tólf ár. Birta Rós söng með
henni í níu ár, frá því hún var sextán ára.
Nú er hún nýflutt heim frá Noregi með
fjölskyldu sinni og þá var leitað til hennar
með að syngja nýtt hátíðarlag Garðmanna
enda er hún uppalin á staðnum. Hún sagði
að þau hefðu ekki æft lagið mikið fram til
þessa enda væri hún upptekin við að koma
sér fyrir í íbúð eftir flutninginn heim.
Birta Rós hefur greinilega gaman af að
stíga aftur á svið enda segist hún aðeins
hafa sungið fyrir börnin sín síðustu árin.
Lífsins ljóð verður frumflutt við opnun
sýningar og menningardaga í Garðinum
föstudaginn 17. október, kl. 17.30 og síðan
flutt aftur á laugardag og sunnudag.
„Garðurinn sífellt menn seiðir“
Morgunblaðið/Helgi Bjarnason
Í pásu á æfingu sönglagsins Lífsins ljóð: Höfundarnir Þorsteinn Eggertsson og Jóhanna Fjóla
Ólafsdóttir eru með Birtu Rós Arnórsdóttur söngkonu á milli sín. Á bak við þau eru Grænir
vinir, þeir Sigurjón Georg Ingibjörnsson, Jón Rósmann Ólafsson og Friðrik Ívarsson.
Þar sem dagurinn hefst við Esjuna,
og endar við Snæfellsjökul.
Þar byrjar og endar lífsins ljóð
og lóan syngur vökul.
Finnst þar sólsetur, fegurst hér á jörð,
og Faxaflóinn er víður.
Þar ennþá svo margbreytt mannlífið
um minningarnar líður.
Í fornum sögum sagt er frá
löngum Skagagarði
sem írskir papar reistu á
auðu heiðarbarði.
(Úr Lífsins ljóði eftir Þorstein Eggertsson.)