Morgunblaðið - 10.10.2003, Blaðsíða 46

HUNDAR
46 FÖSTUDAGUR 10. OKTÓBER 2003 MORGUNBLAÐIÐ
ÁÞREMUR dögum vorusýndir um 350 hundar ogekki var hægt að kvartaundan úrvalinu, því hund-
arnir voru af tæplega 50 tegundum,
allt frá pínulitlum hvolpum upp í
stóra, kraftalega fullþroskaða
hunda. Sigurvegari sýningarinnar
var smávaxinn og síðhærður hund-
ur, amerískur cocker spaniel sem
ber nafnið My-Ida-Ho N My Jems
Keno. Bára Einarsdóttir á hundinn
og flutti hann til landsins fyrr á
þessu ári gagngert til sýninga og
ræktunar, en hún hyggst rækta
hunda af þessari tegund í framtíð-
inni. Hún á jafnframt hundana sem
valdir voru besta par sýning-
arinnar.
„Amerískur cocker spaniel-
hundur hefur aldrei áður sigrað á
hundasýningu hér á landi áður svo
sigurinn var einstaklega sætur,“
segir Bára og brosir breitt. „Ég var
mjög ánægð með sýninguna, um-
gjörð hennar var afar falleg, starfs-
fólkið öruggt og hjálplegt og and-
rúmsloftið frábært.
Bára á sex ameríska cocker span-
iel-hunda og einn þýskan fjárhund.
Hún segir glaðlyndi cocker-
hundanna hafa heillað sig þegar
hún kynntist þeim fyrst fyrir fimm
árum. „Þetta eru mjög skemmti-
legir heimilishundar, lífsglaðir og
blíðlyndir auk þess sem mér finnst
þeir óviðjafnanlega fallegir.“
Síður og þéttur feldur hundanna
þarfnast talsverðrar umhirðu. „Ég
baða þá einu sinni til tvisvar í viku
og það tekur um tvo klukkutíma að
baða, blása og snyrta feldinn á
hverjum hundi. Við hjónin rekum
bílapartasölu og höfum hundana
alltaf hjá okkur í vinnunni. Þetta
eru því ekki hreinustu eða snyrti-
legustu hundar í heimi dags dag-
lega, en mér finnst skipta mestu
máli að hafa þá alltaf nálægt mér
og að þeir fái að njóta lífsins. Þeir
fara á hundasýningar þrisvar til
fjórum sinnum á ári og eru þá
hreinir og vel snyrtir, en þess á
milli eru þeir bara eins og hverjir
aðrir heimilishundar.“
Skemmtilegir áhorfendur
Dómarar sýningarinnar voru
fjórir að þessu sinni. Hjónin Wera
og Rodi Hübenthal komu frá Nor-
egi og Bo Skalin frá Svíþjóð, en
fulltrúi Íslands var Monika Karls-
dóttir sem dæmdi unga sýnendur í
yngri flokki. Allir voru dómararnir
sammála um að sýningin væri með
þeim glæsilegustu í heimi, skipulag
væri til fyrirmyndar og starfsfólkið
vel þjálfað og faglegt. Undir lok
sýningar bað Wera Hübental um
orðið, tók sér hljóðnema í hönd og
þakkaði kærlega fyrir frábæra sýn-
ingu, skemmtilega áhorfendur og
dásamlegt andrúmsloft. Mun það
vera einsdæmi að dómari á hunda-
sýningu ávarpi áhorfendur og
starfsfólk sýningar á þennan hátt.
Keppni ungra sýnenda er orðin
fastur liður í sýningum Hundarækt-
arfélags Íslands enda hefur ung-
lingadeild félagsins skipulagt æf-
ingar fyrir börn og unglinga á
síðustu árum og lagt mikinn metn-
að í það. Í keppni ungra sýnenda er
lögð megináhersla á að börn nái
góðu sambandi við hunda sína og
sýni þá eins vel og kostur er. Að
mati Moniku Karlsdóttur, sem
dæmdi 10–14 ára unglinga, bar
Guðrún Hauksdóttir af, en hún
sýndi weimaraner-tíkina Silf-
urskugga Kókó. „Guðrún var í góðu
sambandi við tíkina og sýndi hana
mjög vel þótt erfitt sé að sýna
hunda af þessari tegund.“
Góður efniviður
Bo Skalin, sem ekki hefur áður
dæmt á sýningu hér á landi, segist
hafa orðið undrandi yfir því hversu
margir fallegir hundar væru til hér
á landi. „Ég dæmdi alla hvolpana
og sá mikið af mjög góðum efniviði
þar. Það er góðs viti að sjá góða
hvolpa, því það gefur manni von um
að hundar framtíðarinnar verði fal-
legir. Það kom mér á óvart hversu
hár gæðastaðall hundanna er og
þegar ég valdi ræktunarhóp sýn-
ingar, þar sem ræktandi sýnir fjóra
hunda úr ræktun sinni, var úr
vöndu að velja, en boxer-hundarnir
sköruðu þó fram úr. Þeir eru ákaf-
lega fallegir, vel byggðir og með af-
ar góðar hreyfingar. Ræktandi
þeirra er augljóslega á réttri leið.“
Bo Skalin dæmdi jafnframt unga
sýnendur í eldri flokki, 14–17 ára,
og fannst Anna Francesca Bianchi
best meðal jafningja. „Hún er fljót
að mynda tengsl við hunda og er af-
ar fær sýnandi. Hún hefur það fram
yfir aðra keppendur að geisla frá
sér innri gleði og ánægju yfir sam-
skiptum við þá hunda sem hún sýn-
ir.“ Þess má geta að Anna Franc-
esca var stigahæsti ungi sýnandi
ársins og verður fulltrúi Íslands í
heimskeppni ungra sýnenda sem
haldin verður í Englandi í mars nk.
Hjónin Wera og Rodi Hübenthal
hafa komið hingað til lands nokkr-
um sinnum áður til að dæma á
hundasýningum og segjast bæði af-
ar ánægð með framfarir sem orðið
hafa í hundarækt á síðustu árum.
„Við sáum marga mjög fallega
hunda hér og erum ánægð yfir því
að Íslendingar skuli vera svo metn-
aðarfullir í ræktun sinni.“
Wera var í því erfiða hlutverki að
velja besta hund tegundar og segist
hafa átt dálítið bágt. Ameríski cock-
er spaniel-hundurinn hafi þó skarað
fram úr, hann hafi verið af ákaflega
fallegri tegundargerð, vel byggður
og með afar fallegar hreyfingar.
Hún segir að sér hafi komið á óvart
hversu marga fallega hunda hún sá
á sýningunni og eiginmaðurinn tek-
ur undir það. „Vissulega þurfa Ís-
lendingar að huga að ýmsu í hunda-
rækt eins og ræktendur annars
staðar í heiminum, en ef litið er á
heildina verður að segjast eins og
er að þið eruð á réttri leið og ég
vona að íslenskir ræktendur haldi
áfram metnaðarfullu rækt-
unarstarfi og ekki síst vonast ég til
að áhorfendur á sýningum haldi
áfram að halda uppi einstöku and-
rúmslofti og rífandi stemningu sem
er afar sérstök og gerir íslenskar
hundasýningar að sérlega eftir-
sóknarverðum viðburðum í þjóð- og
menningarlífinu.“
Betra líf með hundum
Þórhildur Bjartmarz, formaður
Hundaræktarfélags Íslands, segist
ánægð með sýninguna. Sér hafi
þótt sérlega ánægjulegt að sjá
hversu margir hvolpar mættu til
leiks, en þeir voru rúmlega 80 tals-
ins og af 22 tegundum. „Ástæðan er
líklega sú að mikil aukning hefur
orðið á síðustu árum á ættbók-
arfærðum hundum hjá félaginu og
margir ræktendur hvetja hvolpa-
kaupendur til að mæta með hvolpa
sína á sýningar.“
Þórhildur kveðst afar stolt af
starfsfólki sýningarinnar enda fái
það jafnan toppeinkunnir hjá dóm-
urum sem hingað koma. „Við höfum
verið mjög heppin með starfsfólk.
Það hefur unnið árum saman á sýn-
ingum okkar og býr yfir víðtækri
reynslu.“
Þórhildur segir að sér finnist allt-
af jafnundarlegt að sjá venjulega
reiðhöll breytast í glæsilega sýning-
arhöll á örfáum klukkustundum, en
það væri ómögulegt nema vegna
starfsfóksins, sem allt vinnur í sjálf-
boðavinnu að því að gera sýningar
Hundaræktarfélags Íslands að jafn-
glæsilegum viðburðum og raun ber
vitni.
„Við höfum ávallt lagt áherslu á
að fá hingað til lands virta dómara
með mikla reynslu og að þessu
sinni má segja að bónusinn hafi ver-
ið hversu skemmtilegir dómararnir
voru. Mér fannst jafnframt ánægju-
legt að sjá heiðraða afrekshunda
ársins, sem unnu að rannsókn-
arverkefni með heilabiluðum sjúk-
lingum og sýndu fram á að hundar
geta haft jákvæð áhrif á sjúklinga.
Auk þess þótti mér skemmtilegt að
sjá heiðraðan þjónustuhund ársins,
sem þefað hefur uppi meira magn
af fíkniefnum en nokkur annar
hundur í þjónustu tollgæslunnar á
Keflavíkurflugvelli. Allir þessir
hundar hafa ásamt eigendum sínum
sýnt það og sannað að okkur er bet-
ur borgið með hundum en án
þeirra.“
Um 350 hundar voru til sýnis á árlegri haustsýningu Hundaræktarfélags Íslands í reiðhöll Gusts
Og þá var kátt
í hárri höll…
Stemningin var sjóðandi heit í reiðhöll
Gusts um síðustu helgi. Brynja Tomer
naut þess að fylgjast með fallegustu
hundum landsins og tók einlægt undir
lófatak og fagnaðarlæti um þúsund
áhorfenda sem fylgdust með gæðagrip-
um af öllum stærðum og gerðum.
Morgunblaðið/Jón Svavarsson
Besti öldungur sýningar var þessi fallegi 8 ára gamli Tíbet
spaniel-hundur, Nalinas Tabanus, í eigu Valgerðar Júlíus-
dóttur sem hér er ásamt dómaranum Rodi Hübenthal.
Morgunblaðið/Jón Svavarsson
Ameríski cocker spaniel-hundurinn My-Ida-Ho N My Jems Keno var besti
hundur sýningarinnar. Hann er með eiganda sínum, Báru Einarsdóttur.
Morgunblaðið/Jón Svavarsson
Besta par sýningar var þetta ameríska cocker spaniel-par.
Rakkinn heitir My-Ida-Ho N My Jems Keno og tíkin Silfur-
skugga Story Teller. Bæði eru í eigu Báru Einarsdóttur.
Morgunblaðið/Jón Svavarsson
Þessi föngulegi hópur boxer-hunda var besti ræktunarhópur sýningar að
mati dómarans Bo Stalin sem er lengst til hægri. Þetta eru Bjarkeyjar-
hundar frá Ingu B. Gunnarsdóttur. Frá hægri eru Þröstur Ólafsson með
Patrick Joe, Þórdís Sigurðardóttir með Tuma þumal, Ingunn Pétursdóttir
með Denna dæmalausa og Brynja Tomer með Sögu.
Morgunblaðið/Jón Svavarsson
Guðrún Hauksdóttir var besti ungi sýnandinn í yngri flokki og
er hér ásamt weimaraner-tíkinni Kókó og Weru Hübenthal.
Morgunblaðið/Jón Svavarsson
Þjónustuhundur ársins er enski
springer spaniel-hundurinn Sjarmi,
sem vinnur við fíkniefnaleit á
Keflavíkurflugvelli. Hann hefur
fundið meira af fíkniefnum en allir
aðrir leitarhundar tollgæslunnar.
Morgunblaðið/Jón Svavarsson
Anna Francesca Bianchi var valin
besti ungi sýnandinn í flokki 14–17
ára unglinga. Hún er hér ásamt sib-
erian husky-hundinum Ankalyn
Mascalzonelatino og dómaranum
Weru Hübenthal.