Morgunblaðið - 16.10.2003, Blaðsíða 4

FRÉTTIR
4 FIMMTUDAGUR 16. OKTÓBER 2003 MORGUNBLAÐIÐ
10% kynningarafsláttur og fallegur kaupauki
Ertu á breytingaskeiðinu?
www.laprairie.comwww.laprairie.com
3 KYNNINGAR
í dag fim. 16. okt. í HYGEU Kringlunni, sími 533 4533
Föstud. 17. okt. í HYGEU Laugavegi, sími 511 4533
Laugard. 18. okt. í HYGEU Smáralind, sími 554 3960
Alla daga frá kl. 12-17.
Með CELLULAR RADIANCE CREAM
geislar húð þín á ný!
STEFÁN Jón Hafstein, borgar-
fulltrúi Reykjavíkurlistans og for-
maður fræðsluráðs og menningar-
málanefndar, segir afsögn Stein-
unnar Birnu Ragnarsdóttur sem
varaborgarfulltrúa og varaformanns
menningarmálanefndar, valda von-
brigðum. Steinunn Birna hefur sagt
af sér vegna óánægju með framgöngu
borgarinnar í menningarmálum og
ólýðræðislegra vinnubragða.
„Hún hefur verið sá félagi minn í
Reykjavíkurlistanum, sem ég hef haft
einna mestar mætur á, enda höfum
við unnið mikið saman,“ segir hann og
bendir m.a. á í sambandi við gagnrýni
Steinunnar Birnu að hún sé formaður
stefnumótunarhóps um tónlistar-
fræðslu í borginni. „Það ábyrgðar-
starf fól ég henni sem formaður
fræðsluráðs. Ég vona svo sannarlega
að hún ljúki þeim störfum, þó hún sé
hætt sem varaborgarfulltrúi.“
Kveðst skilja sjónarmið hennar
Steinunn Birna nefnir sérstaklega
að hún sé mjög ósátt við túlkun borg-
arinnar á kjarasamningum tónlistar-
kennara og að það geti ekki verið
æskilegt að umræður fari fram eftir
að ákvarðanir hafi verið teknar.
Stefán Jón bendir á að það sé auð-
vitað sérstakt hagsmunamál Stein-
unnar Birnu og margra annarra.
„Hún stóð framarlega í flokki þeirra
sem voru í verkfallsbaráttu og börð-
ust fyrir réttmætri hækkun launa. Ég
hef sagt sem formaður fræðsluráðs að
það væri mjög vafasamt fyrir stjórn-
málamann að fara inn á þá braut að
taka að sér að túlka kjarasamninga,
þegar ekki væri búið að reyna á hina
formlegu áfrýjunarleið sem samning-
ar fela í sér, sem eru launanefnd og fé-
lagsdómur. Við höfum talið að við
hefðum leyfi til að haga þjónustu-
kaupum af tónlistarskólunum, eins og
við höfum lagt til og höfum viljað láta
á það reyna eftir lögformlegum leið-
um. Hvað tónlistarskólana í heild
varðar þá er alveg ljóst að það hefur
búið um sig áralöng deila og úlfúð.
Sumt af því snýr að Reykjavíkurborg
og sumt mjög alvarlega að ríkinu en
ég á nú í viðræðum við ríkið um að það
taki framhaldsnámið til sín. Á meðan
skilur maður að starfsmenn þessara
stofnana telji sig eiga erfitt uppdrátt-
ar. Ég skil því Steinunni Birnu að
mörgu leyti sem foringja í þeirri bar-
áttu. En ég sé mjög mikið eftir
henni,“ segir Stefán.
Alfreð Þorsteinsson, borgarfulltrúi
R-listans, segist ekki sammála mál-
flutningi Steinunnar Birnu um ólýð-
ræðisleg vinnubrögð innan Reykja-
víkurlistans. „Þar fara fram miklar
umræður sem hún hefur tekið þátt í,“
segir Alfreð og bætir við að sjónarmið
meirihlutans hljóti að teljast lýðræð-
isleg niðurstaða. „Mér þykir það leitt
að hún skuli hafa tekið þessa ákvörð-
un. Hún lagði mjög margt gott til
málana þannig að það er eftirsjá af
henni,“ segir Alfreð.
Einn okkar bestu liðsmanna
Árni Þór Sigurðsson, forseti borg-
arstjórnar og borgarfulltrúi R-list-
ans, segist harma afsögn Steinunnar
Birnu „Hún er einn af okkar bestu
liðsmönnum og ég hef mjög vel kunn-
að að meta hennar störf,“ segir Árni
Þór. „Ég held að í öllum meginatrið-
um ræðum við málin fyrirfram í okkar
borgarstjórnarflokki,“ segir Árni Þór
um þessi rök Steinunnar Birnu. „Ég
held að við höfum borið gæfu til þess
að bera virðingu fyrir sjónarmiðum
hvers annars. En auðvitað geta verið
dæmi um það í einstökum tilfellum að
skort hafi umræðu um mál áður en
ákvörðun hefur verið tekin. Það getur
vel verið að það hafi komið illa við þau
mál sem Steinunn Birna hefur sér-
staklega borið fyrir brjósti og unnið
að. Við hin sem erum úr VG í þessu
samstarfi höfum ekki sömu sögu að
segja í samskiptum okkar við fulltrúa
annarra flokka þarna inni.“ Árni Þór
segir þó að röksemdir Steinunnar
Birnu varðandi kjarasamninga tón-
listarkennara geti átt við rök að styðj-
ast.
Segir innbyrðis átök staðfest
Vilhjálmur Þ. Vilhjálmsson segir
afsögn Steinunnar Birnu staðfesta
það sem sjálfstæðismenn hafa haldið
fram um ástandið í R-listanum og
Reykvíkingar hafi margoft orðið vitni
að á þessu ári. „Innbyrðis átök milli
flokkanna þriggja og einstaklinga eru
mikil og fara greinilega vaxandi. Af-
sögn Steinunnar Birnu staðfestir
þetta enn frekar. Steinunn Birna seg-
ist sakna lýðræðislegrar umræðu inn-
an R-listans og segir enn fremur að
það geti ekki verið æskileg framvinda
að umræða um málefni fari fram eftir
að ákvarðanir eru teknar. Ég spyr:
Þarf frekari vitna við?“ segir Vil-
hjálmur og bætir við að það væri fróð-
legt að fá álit oddvita VG í borgar-
stjórn á þessum skorti á lýðræðislegri
umræðu.
Harma afsögn
Steinunnar Birnu
SÝNING Ólafs Elíassonar í túrb-
ínusal Tate Modern listasafnsins í
London hefur þegar vakið mikla at-
hygli, ekki bara í breska listheim-
inum heldur einnig í hinum al-
þjóðlega listheimi, þrátt fyrir að
formleg opnun fyrir almenning sé
ekki fyrr en í dag. Tate Modern er
eitt af örfáum söfnum í heiminum
sem álitið er standa í fremstu röð,
ekki bara hvað nýstárlega sýningar
og framsækna list varðar, heldur
einnig vegna þeirrar hug-
myndafræði sem safnið hefur mót-
að um gagnvirkt samband almenn-
ings og safnsins er önnur söfn líta í
vaxandi mæli á sem fyrirmynd.
Í gær var hátíðleg foropnun sýn-
ingar Ólafs, er hann nefnir „Verk-
efni um veðrið“ eða „The Weather
Project“, og var Friðrik krónprins
Danmerkur heiðursgestur af því
tilefni, enda hefur löngum verið lit-
ið á Ólaf sem danskan listamann í
hinum alþjóðlega listheimi. Það
vakti því óneitanlega athygli
margra að þessu sinni að í kynning-
arefni Tate-safnsins er sérstaklega
tekið fram að Ólafur sé dansk-
íslenskur.
Tvö risavaxin
verkefni á einu ári
Í hádegisverðarboði Ólafi til
heiðurs sagði Nick Serota, er stýrir
öllum Tate-söfnunum í Bretlandi og
er meðal mestu áhrifamanna í sam-
tímalistum í dag, m.a. að túrbínu-
salurinn hefði reynst öllum sem
unnið hafa með hann erfiður biti að
kyngja. Hann sagði arkitektana
sem gerðu tillögur að endurhönnun
hússins sem listasafns hafa glímt
við salinn í langan tíma, en flestum
hefði mistekist að gera rýmið þann-
ig úr garði að hægt væri að nota
það sem áhugaverða umgjörð um
list. „Síðan kom að listamönnunum
að glíma við salinn og þótt þær fjór-
ar sýningar sem hingað til hafa ver-
ið settar þar upp hafi allar verið
stórkostlegar þarf ekki að efast um
að þetta er einhver mesta ögrun
sem nokkur listamaður getur feng-
ið að takast á við.“
Nick Serota sagði einnig að það
væri ekki á færi allra listamanna að
takast á við tvö risavaxin verkefni á
einu ári og vísar þar til þess að
Ólafur er fulltrúi Dana á Fen-
eyjatvíæringnum sem enn stendur
yfir, en það taldi hann krefjast
óvenjulegra hæfileika og úthalds.
Fleira en fiskur, álbræðslur
og barir á Íslandi
Dorrit Moussaieff, forsetafrú Ís-
lands, var einnig viðstödd hátíð-
aropnunina í gær og lofaði list-
sköpun Ólafs óspart. Hún sagði
sýningu hans fela í sér ómetanlegt
tækifæri fyrir íslenskan listheim,
þar sem athygli alls heimsins, ekki
síst sýningarstjóra og safnara,
beindist nú að Íslandi.
„Í gegnum Ólaf Elíasson mun
heimurinn gera sér grein fyrir til-
vist annarra íslenskra listamanna
og átta sig á því að það er fleira að
finna á Íslandi en fisk, álbræðslur
og bari,“ sagði Dorrit í samtali við
Morgunblaðið. „Þess vegna megum
við ekki láta Dani eigna sér Ólaf al-
farið.“
Tvinnar saman veðrið
og safnastarfið
Almenningur í Bretlandi mun
ekki fara varhluta af auglýsinga-
herferð Tate-safnsins í tengslum
við sýninguna, því Ólafur hefur
sjálfur haft hönd í bagga með
markaðsetningu safnsins á verkinu
sem er í hæsta máta óvenjuleg. Í
stað þess að auglýsa hinn áþreif-
anlega hluta sýningarinnar er blas-
ir við í sjálfum túrbínusalnum, eins
og gert hefur verið fram að þessu,
verður margvíslegum upplýsingum
um veðrið komið á framfæri í borg-
inni, m.a. í leigubílum Lund-
únaborgar. Þar kemur t.d. fram að
„73% allra leigubílstjóra ræða veðr-
ið við farþega sína“, auk þess sem
spurt er hvort fólk hafi „talað um
það að tala um veðrið í dag“. Á
boðskorti því er sýningargestir
fengu kom einnig fram að „veðrið
muni hafa áhrif á mætinguna á opn-
unina sem nemur 27%“, sem þó
kann reyndar að vera rangt þar
sem veðrið í London var með ein-
dæmum gott í gær. Upplýsingarnar
eru afrakstur skoðanakönnunar er
Ólafur framkvæmdi í safninu til að
rannsaka tengsl almennings við
umhverfi sitt, en þau tengsl eru ein-
mitt meginþema sýningarinnar sem
heildar.
Á fjölmennum blaðamannafundi,
er haldinn var í gærmorgun, sagði
Susan May, sýningarstjóri verkefn-
isins, að Ólafi hefði tekist að tvinna
saman í eitt listverkefni þætti, sem
við fyrstu sýn virtust eiga fátt sam-
eiginlegt; veðrið og safnastarfið,
„sem leið til að rannsaka hvernig
samskipti og miðlun hafa áhrif á
skilning okkar“.
Sýning Ólafs Elíassonar í túrbínusal Tate Modern
Ljósmynd/Ari Magg
Ólafur Elíasson myndlistarmaður í túrbínusal Tate Modern-safnsins.
„Ómetanlegt tækifæri
fyrir íslenska list“
London. Morgunblaðið.
LANDSTJÓRI Kanada, Adrienne
Clarkson, og eiginmaður hennar,
John Ralston Saul, heimsóttu Vest-
urfarasetrið á Hofsósi á síðasta degi
opinberrar heimsóknar landstjórans
hér á landi. Fjölbreytt dagskrá hafði
verið undirbúin fyrir landstjóra-
hjónin í Vesturfarasetrinu en þaðan
hélt Clarkson að Glaumbæ í Skaga-
firði þar sem Guðríðar Þorbjarnar-
dóttur var minnst. Síðasti áfanga-
staður landstjórahjónanna var álver
Alcan á Íslandi í Straumsvík en það
er stærsta einstaka fjárfesting Kan-
adamanna á Íslandi.
Í samtali við Morgunblaðið sögð-
ust landstjórahjónin einkar ánægð
með heimsóknina og ekki síst með
að fara norður í land: „Við hjónin
höfum komið til Íslands í allnokkur
skipti en ég hef ekki áður farið um
Norðurland eða komið til Akureyr-
ar. Mér þótti mjög áhugavert að sjá
starfsemi háskólans þar og eins
Stofnun Vilhjálms Stefánssonar og
við hjónin nutum tímans fyrir norð-
an,“ sagði Clarkson. Þau sögðust
hafa dregið þann lærdóm af ferð
sinni til Akureyrar að nauðsynlegt
sé að koma á fót háskólum á hinum
norðlægari og fámennari stöðum.
„Við höfum menntaskóla í norður-
héruðum Kanada en við höfum enga
háskóla þar en ég er sannfærður um
að þeim þurfum við að koma á fót.
Akureyri hefur fært okkur heim
sanninn um að þetta er vel hægt.“
Landstjórahjónin sögðust vera
sammála í því mati að Ísland væri af-
ar nútímalegt land að öllu leyti en
samt haldi Íslendingar fast í gamlar
hefðir. Ísland væri einstakt land og
þótt þau hefðu ferðast vítt og breitt
um heiminn væri ekkert land sam-
bærilegt. Þau sögðust hafa fundið
fyrir miklum hlýhug og vinsemd í
ferðinni allri.
Nauðsynlegt að stofna háskóla í
fámennum norðlægum héruðum
Morgunblaðið/Ásdís
Rannveig Rist, forstjóri Alcan á Íslandi, tók á móti Adrienne Clarkson og
John Ralston Saul í Straumsvík áður en þau héldu af landi brott í gær.