Morgunblaðið - 16.10.2003, Blaðsíða 39
FRÉTTIR
MORGUNBLAÐIÐ FIMMTUDAGUR 16. OKTÓBER 2003 39
Traustur kaupandi óskar eftir 4ra-5 herbergja íbúð
í Smárahverfi eða Lindum í Kópavogi.
Nánari upplýsingar veitir
Kjartan Hallgeirsson fasteignasali.
4ra herbergja íbúð óskast í Kópavogi
Sími 552 1400
fax 552 1405
Laugavegi 170, 2. hæð, 105 Reykjavík
Viðar Böðvarsson
viðskiptafræðingur
löggiltur fasteignasali
Heimasíða: www.fold.is - Netfang: fold@fold.is
20 íbúðir - 2ja, 3ja og 4ra herbergja
Okkur hefur verið falið af opinberum aðila að útvega 20 íbúðir, 2ja,
3ja og 4ra herbergja, í Reykjavík. Staðgreiðsla í boði fyrir réttar
eignir. Skoðun og kaup ganga mjög hratt fyrir sig. Áhugasamir hafi
samband við sölumenn Foldar fasteignasölu í síma 552 1400 eða í
gsm-síma sölumanna:
Böðvar 892 8934/Helgi 897 2451
Þorri 897 9757/Ævar 897 6060
NÝR banki, Kvennagagnabank-
inn, www.kvennaslodir.is, verður
opnaður föstudaginn 17. október
kl. 15.30, við hátíðlega athöfn í
Norræna húsinu. Vigdís Finn-
bogadóttir opnar gagnagrunninn
og Árni Magnússon, félags- og
jafnréttismálaráðherra, flytur
ávarp.
Markmið kvennaslóða er að
gera kunnáttu og hæfni kvenna
sýnilega og aðgengilega. Kvenna-
gagnabankinn er vettvangur fjöl-
miðla, fyrirtækja og stjórnvalda til
þess að finna með skjótvirkum
hætti hæfar konur til álitsgjafar,
ráðgjafar, leiðsagnar og til að taka
sæti í ráðum, nefndum eða stjórn-
um. Kvennagagnabankinn
kvennaslóðir hefur verið opinn fyr-
ir skráningu um nokkurt skeið og
þegar hafa um 350 konur skráð sig
í grunninn. Kvennagagnabanka er
að finna víða í nágrannalöndunum
þar sem þeir hafa verið reknir í
nokkur ár með góðum árangri.
Að gerð kvennaslóða stendur
Rannsóknastofa í kvenna- og
kynjafræðum við Háskóla Íslands í
samstarfi við jafnréttisnefnd Há-
skóla Íslands, Kvennasögusafn Ís-
lands og Jafnréttisstofu fyrir til-
styrk ráðuneyta, stofnana og
fyrirtækja.
Kvennagagnabanki
opnaður á morgun
Herrafataverslunin High and
Mighty, Hlíðarsmára 13 í Kópa-
vogi, verður ársgömul laugardaginn
18. október nk. Í tilefni þess býður
verslunin upp á 15% af öllum
vörum í dag, fimmtudag, á morgun,
föstudag, og laugardaginn 18. októ-
ber.
Lauf, samtök áhugafólks um
flogaveiki, halda fræðslufund í
dag, fimmtudaginn 16. október, kl.
20 í Hátúni 10b, kaffistofu á jarð-
hæð. Dögg Káradóttir, fram-
kvæmdastjóri Umhyggju, flytur er-
indi um starfsemi Umhyggju,
tilgang og markmið, og mun svara
fyrirspurnum að fyrirlestri loknum.
Boðið verður upp á veitingar á
vægu verði.
Fyrirlestur um trúarbragðasál-
fræði. Í dag, fimmtudag, mun pró-
fessor Nils G. Holm frá guð-
fræðideild háskólans í Åbo (Turku)
í Finnlandi halda opinberan fyr-
irlestur á vegum guðfræðideildar
Háskóla Íslands um „Religons-
psykologin i Norden ur en person-
lig synvinkel“ (Trúarbragðasál-
fræðin á Norðurlöndum af
persónulegum sjónarhóli). Fyr-
irlesturinn verður í stofu V í að-
albyggingu HÍ og hefst kl. 12.15.
Fyrirlestur um velferð og mæðra-
hyggju í íslenskri kvennahreyf-
ingu. Kristín Ástgeirsdóttir sagn-
fræðingur flytur fyrirlestur á
vegum Rannsóknastofu í kvenna-
og kynjafræðum í dag, fimmtudag-
inn 16. október, kl. 12.05–13 í stofu
301 í Árnagarði. Fyrirlesturinn
kallar hún „Velferð og mæðra-
hyggja í íslenskri kvennahreyfingu
1915–1930“. Í fyrirlestri sínum ræð-
ir Kristín um hlutverk íslenskrar
kvennahreyfingar eftir að konur
fengu takmarkaðan kosningarétt
árið 1915.
Í DAG
Doktorsvörn í næringarfræði. Á
morgun, föstudaginn 17. október,
kl. 10 fer fram doktorsvörn í hátíð-
arsal Háskóla Íslands. Ingibjörg
Gunnarsdóttir næringarfræðingur
ver doktorsritgerð sína Næring og
vöxtur snemma á lífsleiðinni – þátt-
ur í forvörnum hjarta- og æða-
sjúkdóma: Tengsl milli fæðing-
arstærðar, vaxtar og næringar
snemma á lífsleiðinni og áhættu-
þátta hjarta- og æðasjúkdóma.
Leiðbeinandi við doktorsverkefnið
var Inga Þórsdóttir, prófessor í
næringarfræði við Háskóla Íslands,
og samstarfsaðilar voru Hjarta-
vernd og Barnaspítali Hringsins.
Andmælendur eru Janet Rich-
Edwards frá Harvard Medical
School í Boston og Jóhannes Gísla-
son, rannsókna- og þróunarstjóri
hjá líftæknifyrirtækinu Prímex í
Reykjavík. Hörður Filippusson, for-
seti raunvísindadeildar, stýrir at-
höfninni.
Klæðskeri frá Armani í verslun
Sævars Karls. Klæðskerameist-
arinn Pino Basile frá Armani verð-
ur í verslun Sævars Karls í Banka-
stræti á morgun, föstudaginn 17.,
og laugardaginn 18. október, í til-
efni af því að tuttugu ár eru frá því
Sævar Karl byrjaði að flytja inn
fatnað frá Giorgio Armani. Pino
Basile þjálfar starfsfólk í vinnu-
brögðum klæðskera, kynnist við-
skiptamönnum, tekur mál af þeim
og ráðleggur með snið og efni. Þá
verður einnig hægt að panta tíma
hjá Pino Basile, segir í frétta-
tilkynningu.
Öldrunarfræði – rannsókn-
ardagur í Salnum í Kópavogi.
Rannsóknarstofa Háskóla Íslands
og Landspítala – háskólasjúkrahúss
í öldrunarfræðum verður með rann-
sóknardag í Salnum í Kópavogi
föstudaginn 17. október kl. 13 en
skráning hefst kl. 12.30. Fund-
arstjóri er Jón Snædal læknir. Er-
indi halda: Anna Björg Aradóttir
hjúkrunarfræðingur, Pálmi V.
Jónsson, sviðsstjóri lækninga á
öldrunarsviði LSH, Gunnar Sig-
urðsson prófessor og Halldóra
Björnsdóttir íþróttafræðingur,
starfsmaður Beinverndar. Verð
1.500 kr. Allir velkomnir.
Á MORGUN
MARÍA Carrasco og Stefán Claessen
frá Dansdeild ÍR eru á leið á heims-
meistaramót í suður-amerískum
dönsum, í flokki unglinga 14–15 ára.
Mótið fer fram laugardaginn 18.
október nk. í Vilnius Concert and
Sports Palace í Vilníus í Litháen.
65 keppnispör frá 40 löndum
munu taka þátt í keppninni að þessu
sinni. Keppnin er haldin af Lithuan-
ian DanceSport Federation, sam-
kvæmt reglum IDSF eða alþjóða
dansíþróttasambandsins. Hægt er að
nálgast frekari upplýsingar um
keppnina á www.dancesport.lt, seg-
ir í fréttatilkynningu.
Heimsmeistaramót í suð-
ur-amerískum dönsum
Stefán og María fara á heimsmeistaramót í suður-amerískum dönsum.
TALSMAÐUR Impregilo á Íslandi,
Ómar R. Valdimarsson, hefur sent
eftirfarandi athugasemd frá fyrir-
tækinu:
„Undanfarna daga hafa fjölmiðlar
fjallað um fatnað og búnað starfs-
manna Impregilo við Kárahnjúka-
virkjun. Af fréttaflutningi sumra
fjölmiðla mætti ætla að starfsmenn
Impregilo hefðu ekki yfir hlífðarbún-
aði að ráða þegar unnið er við log-
suðu. Þetta er alls ekki rétt.
Allir starfsmenn sem vinna við
logsuðu við Kárahnjúka – hvort sem
um er að ræða starfsmenn Impregilo
eða undirverktaka – eru krafðir um
að nota logsuðuhjálma, sem þeir
hafa yfir að ráða, til þess að vernda
sjón sína við vinnu.
Einhverjir starfsmenn hafa óskað
eftir að fá logsuðugleraugu í stað
logsuðuhjálmanna og hafa forsvars-
menn Impregilo á svæðinu orðið við
þeirri bón. Von er á logsuðugleraug-
unum á næstu dögum.
Þá hefur komið fram í fréttum að
portúgalskur verkamaður sem veikt-
ist og var sendur á sjúkrahús hafi
verið sendur heim. Í fréttaflutningi
sumra miðla hefur verið látið í veðri
vaka, að umræddur maður hafi verið
rekinn fyrir það eitt að verða veikur.
Þetta er síður en svo rétt. Viðkom-
andi einstaklingur var alvarlega
veikur og ljóst var að hann myndi
ekki ná fullri heilsu, samhliða fullri
líkamlega erfiðri vinnu. Þegar um-
ræddur maður var sendur heim var
það gert í þeim tilgangi að heilsu
hans myndi ekki hraka frekar og að
hann myndi hljóta skjótan bata.
Þetta fæst staðfest af Hauki Valdi-
marssyni, yfirmanni læknaþjónust-
unnar við Kárahnjúka og starfs-
manni Heilbrigðisþjónustu Austur-
lands.“
Athugasemd frá
talsmanni Impregilo
LINSUMÁTUN hefur opnað nýja
verslun á Laugavegi 60 í Reykjavík.
Boðið er upp á allar helstu tegundir
af linsum ásamt úrvali af gleraugum.
Lögð er áhersla á að hafa úrval af
litlinsum á boðstólum. Fáanlegar eru
allar helstu tegundir af snertilinsum.
Linsumátun sérhæfir sig í fram-
leiðslu á sérslípuðum gleraugum fyr-
ir stangaveiði, skotveiði, golf, sól,
akstursíþróttir og skjávinnu, segir í
fréttatilkynningu.
Linsumátun á
Laugaveg 60
♦ ♦ ♦