Morgunblaðið - 19.12.2003, Blaðsíða 31

LANDIÐ
MORGUNBLAÐIÐ FÖSTUDAGUR 19. DESEMBER 2003 31
Siglufjörður | Í byrjun júlí í sum-
ar var hafist handa við gerð snjó-
flóðavarnargarða í fjallshlíðinni
ofan við nyrðri hluta Siglufjarð-
arkaupstaðar.
Það er fyrirtækið Suðurverk
ehf. sem vinnur verkið samkvæmt
tilboði sem hljóðaði upp á 554
milljónir króna. Þarna er um
mikil mannvirki að ræða því
áætlað er að flytja úr stað um
650 þúsund rúmmetra af jarðvegi
vegna þessarar framkvæmdar.
Gerð snjóflóðagarðanna og frá-
gangi á svæðinu á að ljúka haust-
ið 2006.
Þessari fyrstu lotu verksins er
nú að ljúka og starfsmennirnir að
fara í frí um jól og áramót.
Fréttaritari hitti Grétar Ólafsson
verkstjóra og spurði hann út í
gang verksins skömmu áður en
vinnuflokkurinn yfirgaf Siglu-
fjörð.
,,Það má segja að verkið hafi
gengið nokkuð vel það sem af er
og við höfum getað haldið þeirri
áætlun sem við gerðum fyr-
irfram. Sumarið var okkur hag-
stætt, lítið um úrkomu en nú síð-
ustu vikur hefur blotnað mikið
um, en það er bara það sem við
vissum að myndi gerast.
Við munum hugsanlega halda
hér áfram eftir áramót ef ekki
kemur mikill snjór á vinnusvæðið
meðan við erum í burtu.
Þetta eru fimm snjóflóðagarð-
ar, alls um 1920 metrar að lengd
og einn svokallaður leiðigarður
um 150 metra langur.
Við erum langt komnir að
keyra til efni í tvo þá stærstu
sem eru hérna nyrst í fjallinu.
Síðan eru þrír talsvert minni
sunnar í fjallinu og þar erum við
búnir með hluta af einum þeirra
en tveir eru alveg eftir og verða
teknir á næsta ári. Það er okkar
stefna að ljúka við gerð sjálfra
garðanna árið 2005 a.m.k. þannig
að flutningi á efnismassanum
verði lokið. Í verkinu felst einnig
frágangur á svæðinu. Það þarf að
sá grasfræi í talvert mikið land-
svæði og svo á einnig að gera
talsvert af göngustígum, gera
svæðið skemmtilegt og aðlaðandi
fyrir útivistarfólk og þetta verð-
ur þá gert sumarið 2006, það er
að segja það sem ekki verður lok-
ið við áður því við getum vænt-
anlega byrjað að sá í og ganga
frá vissum svæðum strax næsta
sumar,“ segir Grétar.
Tíu manns vinna
við verkið
Að jafnaði hafa unnið 10 manns
að verkinu. Notaðar eru svokall-
aðar Búkollur við efnisflutninga í
fjallinu þar sem hægt er að koma
þeim við, en fjallshlíðin er tals-
vert brött á vinnusvæðinu.
Að sögn Grétars verkstjóra er
vonast til að allt efni gangi upp
innan svæðisins þannig að ekki
þurfi að sækja efni lengra að.
Þannig hafa verið fluttir lið-
lega 200 þúsund rúmmetrar af
mold sem ekki er hægt að nota í
garðana og henni komið fyrir í
hlíðinni norðan byggðarinnar.
Grétar lét þess getið að þó svo
að fyrirtækið kæmi að væri það
með þrjá heimamenn í vinnu og
auk þess væri Steypustöðin Bás í
Siglufirði undirverktaki og hefði
m.a. tekið aðsér tilfærslu á jarð-
strengjum sem lágu upp í Hvann-
eyrarskál.
Morgunblaðið/Örn Þórarinsson
Efni mokað á eina Búkolluna, þessi
flutningatæki henta vel í torfærum
eins og eru í fjallshlíðinni ofan við
Siglufjörð.
Stórframkvæmdir
við snjóflóðavarnir
Reykjadalur | Söngur og gleði var aðaleinkenni
skemmtisamkomu sem nemendur Litlulauga-
skóla í Reykjadal efndu til á dögunum og fjöl-
menntu foreldrar, afar og ömmur, ættingjar og
vinir til þess að sjá og heyra allt það sem var á
boðstólum.
Um var að ræða rúmlega tveggja tíma sam-
komu sem byrjaði með söng litla kórsins, þ.e.
1.–3. bekkjar, við undirleik Margot Kiis tónlist-
arkennara. Hélt dagskráin síðan áfram með
léttu gríni m.a. með foreldrum uppi á sviði og
mörgum söngatriðum. Þá var og sýnd kvik-
mynd úr lífinu í Reykjadal sem nemendur
gerðu sjálfir undir leiðsögn kennara og skóla-
hljómsveitin Helþoka flutti tvö dægurlög.
Laugaþrestir, kór skólans, söng nokkur lög í
tilefni að því að nú er kominn út geisladiskur,
sem heitir Söngsins gleði, með fjórtán lögum
sem tekin voru upp sl. vor. Kór þessi er sam-
starfsverkefni Litlulaugaskóla og Tónlistar-
skólans á Laugum og er kórstarf valgrein hjá
börnum í 4.–10.bekk. Æft er að staðaldri tvisv-
ar í viku og kemur kórinn fram á öllum helstu
samkomum vetrarins. Stjórnandi og undirleik-
ari er Margot Kiis frá Eistlandi sem búið hefur
í Reykjadal frá árinu 1998 og kennir við skól-
ann og þá lék Pétur Ingólfsson einnig undir.
Verðlaun afhent
Meðan á samkomunni stóð kvaddi Baldur
Daníelsson skólastjóri sér hljóðs og afhenti
hann ásamt Birnu Björnsdóttur kennara tvenn
verðlaun í Nýsköpunarkeppni grunnskóla frá
því í haust og skiptu þeir Gunnar Sigfússon og
Hjalti R. Jónsson verðlaunum frá Félagi ís-
lenskra smíðakennara, 30.000 kr., fyrir verk
sem nefndist „Lífið eins og það er“ og Jón
Arnar Sighvatsson fékk 10.000 kr. frá Iðn-
vélum fyrir „Gagnvirkt hnattlíkan“. Pening-
arnir voru í formi ríkisskuldabréfa en auk
þessa fengu þeir gjafabréf frá Dominos-pizzum
og litla pakka frá Nýsköpunarkeppninni. Alls
fengu 13 verk verðlaun af rúmlega tvö þúsund
innsendum tillögum frá nemendum víðs vegar
af landinu og gátu því Litlulauganemendur vel
við unað að eiga tvö verk af þessum þrettán.
Í lok skemmtidagskrárinnar fékk Rósa Ösp
Ásgeirsdóttir, formaður Kvenfélags Reykdæla,
10.000 kr. til uppbyggingar á sjúkraþjálfunar-
aðstöðu í íþróttahúsinu en peningarnir voru
hluti af ágóða af þessari samkomu, en kven-
félagið hefur mikið unnið að því að koma þess-
ari aðstöðu á fót.
Allir voru sammála um að kvöld þetta hefði
verið sérstaklega skemmtilegt og gaman hefði
verið að sitja yfir kakói og vöfflum sem nem-
endur reiddu fram og heyra og sjá allt það
vandaða efni sem á boðstólum var.
Skemmtikvöld hjá Litlulaugaskóla
Morgunblaðið/Atli Vigfússon
Verðlaunahafarnir Gunnar Sigfússon, Hjalti R.
Jónsson og Jón Arnar Sighvatsson ásamt Baldri
Daníelssyni skólastjóra og Birnu Björnsdóttur
kennara.
Morgunblaðið/Atli VigfússonLitli kórinn söng nokkur lög.
Fljót | Nemendur Sólgarðaskóla í
Fljótum tóku virkan þátt í aðventu-
kvöldi í Barðskirkju á sunnudags-
kvöldi fyrir skömmu. Krakkarnir
sungu undir stjórn Önnu Jónsdóttur
tónlistarkennara og fluttu auk þess
helgileik. Einnig sáu þau um upp-
lestur úr ritningunni, fluttu jólasögu
og ein stúlkan lék á flautu. Við und-
irbúning nutu þau aðstoðar kennara
skólans og sóknarprestsins séra
Ragnheiðar Jónsdóttur. Séra Ragn-
heiður flutti hugvekju og talaði við
börnin, ekki síst þau yngstu, sem hún
spurði um ýmislegt varðandi jólahá-
tíðina. Aðventukvöldið í Barðskirkju
er árlegur viðburður og eftir sam-
komuna eru kaffiveitingar í Sólgarða-
skóla. Tæplega sjötíu manns voru við
athöfnina að þessu sinni. Morgunblaðið/Örn Þórarinsson
Aðventukvöld í
Barðskirkju