Morgunblaðið - 19.12.2003, Blaðsíða 32
LISTIR
32 FÖSTUDAGUR 19. DESEMBER 2003 MORGUNBLAÐIÐ
ENN einu sinni er jólasveinninn
Spyrnugaur kominn til byggða og
bregst ekki íslenskum knattspyrnu-
börnum fremur venju. Segja má að
fjölbreytninni sé ekki fyrir að fara í
úttroðnum poka fjórtánda íslenska
jólasveinsins frekar en fyrri daginn;
nú er þar eingöngu bókin Íslensk
knattspyrna 2003 – vísvitandi nota
ég ekki orðið bara, það gæti misskil-
ist – en þessi eina gjöf er fallega
slípaður demantur sem endranær.
Víðir Sigurðsson, íþróttafrétta-
maður á Morgunblaðinu, fer með
hlutverk Spyrnugaurs eins og hann
hefur gert síðustu tvo áratugi; er
höfundur umræddrar bókar og sér
til þess að áhugamenn um knatt-
spyrnu og allt
sem henni við-
kemur hérlendis
þurfa ekki að
fara í jólaköttinn
í ár. Kann hlut-
verkið orðið vel;
bókin er enn ein
skrautfjöðrin í
hatt Víðis, sem
heldur til haga
öllu því sem skiptir máli varðandi
þessa vinsælu íþrótt og kemur því
skilmerkilega til skila. Fjölbreytnin
er sem sagt mikil að því leyti; þarna
eru upplýsingar um öll úrslit, hvað-
an og hvernig mörkin voru gerð, hve
mikið markverðirnir vörðu, hverjir
meiddust, hvar og hvernig og þar
fram eftir götunum.
Bókin er með svipuðu sniði og
undanfarin ár, sérstaklega er fjallað
um hverja deild karla og kvenna á
Íslandsmótinu, einnig um keppni
yngri flokka, um bikarkeppni KSÍ,
landsleiki Íslands, Evrópuleiki fé-
lagsliða og Íslendinga sem leika er-
lendis. Þá er að finna í bókinni úrslit
í öllum leikjum í KSÍ-mótum í öllum
aldursflokkum á árinu, skv. sam-
starfssamningi bókaútgáfunnar
Tinds og Knattspyrnusambands Ís-
lands. Tindur hefur nú tekið við út-
gáfu Íslenskrar knattspyrnu af
Skjaldborg og ekki er annað að sjá
en hið nýja útgáfufélag hyggist
halda merkinu hátt á loft.
Auglýsingar eru nú í fyrsta skipti
í bókinni, reyndar ekki margar;
bókarhöfundur segir í formála að
varlega sé farið í þeim efnum svona
fyrsta kastið. Ekkert er athugavert
við að selja auglýsingar í svona bók
að mínu mati, og þær gerðu kleift,
að sögn höfundar, að láta prenta
bókina hérlendis að þessu sinni, í
fyrsta skipti í fjögur ár, „og það
leiddi af sér að unnt var að ná síð-
asta stóra viðburði ársins, lands-
leiknum gegn Mexíkó þann 20. nóv-
ember, inn í hana. Þar með var
tryggt að bókin væri tæmandi heim-
ild um árið og um leið að allar upp-
lýsingar um landsleikjafjölda væru
réttar þegar hún kæmi út.“
Að vanda prýða bókina litmyndir
af öllum meisturum ársins; lands-
og bikarmeisturum allra flokka auk
A-landsliðanna. Hefðbundin viðtöl
eru að þessu sinni við Kristján
Finnbogason, fyrirliða Íslands-
meistara KR, og Helenu Ólafsdótt-
ur, landsliðsþjálfara kvenna, og ít-
arleg viðtöl við þá Eyjólf Sverrisson
og Guðna Bergsson, sem báðir
lögðu skóna á hilluna á árinu eftir
glæsilegan feril.
Það eina sem undirritaður fann
að bók Víðis í fyrra, var að krakkar
á nokkrum myndum voru ekki nafn-
greindir. Nú hefur verið úr því bætt
í langflestum tilfellum og gerir góða
bók enn betri.
Enn kemur Spyrnugaur færandi hendi
BÆKUR
Íþróttir
eftir Víði Sigurðsson. 208 bls. Útgefandi
Tindur.
ÍSLENSK KNATTSPYRNA 2003
Skapti Hallgrímsson
Víðir Sigurðsson
ÍTALSKI hljómsveitarstjórinn
Riccardo Muti heilsar hér áheyr-
endum á tónleikum í Feneyjaóper-
unni á dögunum. Tónleikarnir voru
liður í endurvígslu hússins sem
brann nánast til grunna í janúar
1996. Sjö ár tók að endurreisa húsið
sem Feneyingar hafa sterkar
taugar til.
Reuters
Feneyjaóperan opnuð á ný
NÁMSKEIÐ í spuna verður hald-
ið í Þjóðleikhúsinu helgina 3. og 4.
janúar og miðvikudaginn 7. og
fimmtudaginn 8. janúar frá kl. 17
til 21.
Ekki er um hefðbundið leiklist-
arnámskeið að ræða, heldur er
áherslan lögð á að kynna aðferðir
og ýmsar gerðir spuna sem not-
aðir hafa verið til að komast að
kjarna leiklistar og sköpunar og
að laða fram það besta og óvænta í
hverjum og einum.
Henta líka fólki sem vinnur
að annarri listsköpun
Þessar aðferðir henta bæði
þeim sem eru með brennandi leik-
listaráhuga og líka þeim sem eru
að vinna að annarri listsköpun, s.s.
dansi, innsetningum og vídeó-
verkum. Einn-
ig gæti þetta
námskeið
hentað þeim
sem eru að
vinna með
ungu fólki og
vilja fara nýjar
leiðir. Unnið
verður með
mismunandi
aðferðir nokk-
urra helstu leiklistarfrömuða
heims.
Leiðbeinandi er Gunnar Gunn-
steinsson, leikari, leikstjóri og
nemi í „dramapedagógík“.
Skráning er á netfangi Þjóð-
leikhússins, fradsla@leikhusid.is
eða hjá Vigdísi Jakobsdóttur
deildarstjóra fræðsludeildar.
Námskeið í spuna
í Þjóðleikhúsinu
Gunnar
Gunnsteinsson
Saga Íslands VI
eftir Helga Þor-
láksson er komin
út. Ritstjóri er Sig-
urður Líndal.
Þetta nýja bindi
tekur til tímans
1520–1640. Í upp-
hafi sögunnar
stóðu kaþólsku
biskuparnir Ögmundur Pálsson og
Jón Arason á hátindi valda og mektar
og leyfðu sér að deila harkalega inn-
byrðis. Árið 1527 sömdu þeir sátt
enda lútherskar ófriðarblikur á lofti.
Upp úr 1570 var m.a. öflugt útgáfu-
starf á Hólum undir forystu Guð-
brands biskups Þorlákssonar.
Í skjóli Guðbrands var Arngrímur
lærði Jónsson og með skrifum hans,
sem urðu þekkt víða um lönd, hlutu
Íslendingar nýjan skilning á mikilvægi
sögu sinnar, bókmennta og tungu.
Um 1610 var Ísland komið í þjóð-
braut siglingaþjóða og árið 1627 birt-
ust Tyrkir svonefndir og unnu greypi-
leg herverk. Danir urðu að herða tök
sín á landinu og efla eftirlit á miðum.
Um 1640 gengu í garð tímar sem voru
að ýmsu leyti góðir. Frá þeim segir
nánar í VII. bindi, sem verður út gefið
fyrrihluta árs 2004.
Jafnframt því að 6. bindi lítur nú
dagsins ljós, er 5. bindið endur-
prentað, en það hefur lengi verið ófá-
anlegt eftir að það kom út árið 1990.
Ennfremur hefur verið útbúin askja
með fyrstu fimm bindunum.
Útgefandi er Hið ísl. bókmennta-
félag. 458 bls. Verð: 4.500 kr.
Saga
Náðargáfan les-
blinda nefnist nýtt
myndband og bók þar
sem Axel Guðmunds-
son útskýrir Davis-
kerfið sem þróað var
af Ron Davis. Handrit
og umsjón hafði Mar-
grét Stefánsdóttir.
Í fréttatilkynningu
frá útgefanda segir m.a.: „Davis-
kerfið hefur skilað ótrúlegum árangri
víða um heim til að leiðrétta lesblindu
og skylda námsörðugleika. Davis-
kerfið varpar ekki aðeins ljósi á já-
kvæðar hliðar þeirra hæfileika sem
liggja að baki lesblindu, heldur býður
það einnig uppá auðveldar og einfald-
ar lausnir til að virkja þessa hæfi-
leika.
Útgefandi er lesblind.com. Verð:
3.000 kr.
Lesblinda
Ævintýri Artúrs
Pym er skáldsaga
eftir Edgar Allan
Poe í þýðingu Atla
Magnússonar.
Sagan gerist ár-
ið 1827 þegar
söguhetjan fer á
sjóinn sem laumu-
farþegi um borð í
hvalveiðiskipinu Grampusi. Fyrr en var-
ir steðja að hinar margvíslegustu
hættur – uppreisn um borð, fjölda-
morð, óveður, skipreiki, hungursneyð
og mannát. Um síðir ber Pym og félaga
hans, indíánann Peters, alla leið til
suðurheimskautsins, eftir að hafa
sloppið úr greipum villimanna á undra-
eyjunni Tsalal.
„Margt bendir til að sagan hafi orðið
kveikjan að Moby Dick eftir Herman
Melville og Gulleyjunni eftir Robert
Louis Stevenson og er þá aðeins
nokkuð talið um áhrif hennar,“ segir í
fréttatilkynningu frá útgefanda.
Útgefandi er Skjaldborg bókaútgáfa.
Bókin er 192 bls. Verð: 3.890 kr.
Skáldsaga