Morgunblaðið - 07.01.2004, Síða 8

FRÉTTIR
8 MIÐVIKUDAGUR 7. JANÚAR 2004 MORGUNBLAÐIÐ
Út er komin biblía hlaupamannsins
Þúsundir á
harðahlaupum
Hlauparar og skokk-arar landsinsskipta ugglaust
þúsundum, en lokatalan
liggur ekki fyrir. Einn
mesti hlaupagikkur Ís-
lands hin seinni ár og þótt
lengra væri aftur leitað er
Gunnar Páll Jóakimsson,
sem hljóp og keppti og
var Íslandsmeistari ár eft-
ir ár í sínum eftirlætis-
greinum hlaupsins. Hann
hefur nú tekið sig til og
skrifað hlaupabók. Bók
með fjölbreyttu efni er
fjallar um allt frá keppn-
ishlaupurum til skemmti-
skokkara. Þetta er fyrsta
bók tileinkuð hlaupi og
hlaupurum sem komið
hefur út hér á landi í
mörg ár. Morgunblaðið
ræddi við höfundinn á dögunum
og lagði nokkrar spurningar fyr-
ir hann. Svör hans fara hér á eft-
ir.
Hvert er efni bókarinnar,
hvernig er hún sett upp?
„Í fyrsta hluta bókarinnar er
fjallað um ýmsa þætti þjálfunar
og um það hvernig eigi að nota
æfingaáætlanir. Einnig segja
nokkrir hlauparar frá eigin
reynslu af æfingum og keppni.
Þá eru æfingaáætlanir fyrir byrj-
endur og lengra komna. Fyrir
lengra komna eru æfingaáætlan-
ir fyrir vegalengdir frá 10 km
upp í maraþonhlaup. Síðan tekur
við æfingadagbók og í lokin eru
upplýsingar um skokkhópa og
hlaupadagskrá fyrir árið 2004 og
hraðatafla til að nota við æfingar
og keppni.“
Hver er hugsunin á bak við
þessa bók?
„Víða erlendis tíðkast að gefa
út árlega sérstakar æfingadag-
bækur fyrir hlaupara og hlaup-
arar hér á landi hljóta að hafa
sama gagn og aðrir af að færa
æfingar og keppni inn í sérstaka
bók sem um leið er með hand-
hægar upplýsingar fyrir hlaup-
ara. Þar sem ég átti í handrað-
anum talsvert af
fræðsluefni taldi ég upplagt að
koma einhverju af því á framfæri
með æfingadagbókinni.“
Þú ert sjálfur fyrrum hlaupa-
gikkur ekki satt?
„Ég æfði hlaup af kappi á ár-
unum 1972 til 1984. Keppti í
landsliðinu á þessum árum í
vegalengdum frá 400 m upp í
5.000 m og dvaldi mikið erlendis
við æfingar og keppni. Mín uppá-
haldsgrein var 800 m hlaup og ég
var oft Íslandsmeistari í þeirri
grein en náði ekki metinu; þegar
ég hljóp minn besta tíma, 1:50,2
mín., var Íslandsmetið 1:50,1
mín.“
Hver gefur út, hvert er upp-
lagið og hvar mun bókin verða á
boðstólum?
„Bókin er gefin út hjá GPJ
ráðgjöf, en það er ég og bróðir
minn Birgir
Þorsteinn, sem sá um alla upp-
setningu og hönnun,
sem stöndum að þess-
ari útgáfu. Upplagið
er tvö þúsund stykki.
Bókin er seld í flestum
bókabúðum og á hlau-
pasíðunni hlaup.is.“
Er bókin seld eða er hún gef-
in?
„Hún er seld. Útsöluverð
hennar er 2.490 kr.“
Hvað eru hlauparar/skokkarar
margir á Íslandi í dag?
„Það er erfitt að segja hve
margir stunda reglulega skokk
eða hlaup á Íslandi í dag. Það
æfa nokkur hundruð skokkarar
reglulega með skokkhópum víða
um land og það eru líklega um
2000 sem taka þátt í keppnis-
hlaupum á hverju ári og enn
fleiri sem taka þátt í skemmti-
skokki og svo er talsverður fjöldi
sem skokkar án þess að taka þátt
í keppni.“
Fjölgar þeim eða fækkar?
„Það var mikil þátttökuaukn-
ing í stærstu hlaupunum í upp-
hafi síðasta áratugar en síðan var
nokkur stöðnun og jafnvel fækk-
un. Mín tilfinning er að nú á síð-
ustu árum sé aftur talsverð
aukning í hópi þeirra sem æfa
hlaup reglulega. Það er mikil
aukning í starfi skokkhópanna og
það er hlaupið frá flestum sund-
laugum landsins.“
Er ekki þetta veðravíti glat-
aður staður fyrir hlaupara?
„Þegar veður er gott á Íslandi
er hvergi betra að hlaupa. Þegar
ég fer með hlaupara upp í Heið-
mörk að sumri til á mjúka skóg-
arstígana segi ég þeim að það sé
hvergi hægt að finna betri stað
til að hlaupa á og þá er hitastigið
yfirleitt eins og best verður á
kosið. En vissulega getur vet-
urinn verið erfiður og vindurinn
er gjarnan versti óvinurinn. En
góður útbúnaður gerir það að
verkum að yfirleitt er bara gam-
an að glíma við veðrið. Þeir sem
eru að æfa fyrir keppni í fremstu
röð verða reyndar að hlaupa inni
á hlaupaböndum eða koma sér í
æfingabúðir ef þeir ætla að halda
hágæðaæfingum þegar að-
stæður eru sem verstar.“
Hvað með framhald-
ið … verður þetta ár-
leg útgáfa?
„Ef viðtökur verða
góðar er ætlunin að út-
gáfan verði árleg. Við
bræðurnir erum þegar komnir
með ýmsar hugmyndir að nýju
efni. Einnig væri gaman að
heyra viðbrögð þeirra sem nota
bókina og bið ég þá endilega að
hafa samband á netfanginu
gpj@ismennt.is. Hlaup er einföld
og ódýr líkamsrækt og ég hef trú
á að þeim fjölgi sem ánetjast
hlaupunum og þá verður stöðug
þörf fyrir útgáfu sem þessa.“
Gunnar Páll Jóakimsson

Gunnar Páll Jóakimsson fædd-
ist í Reykjavík 21.8. 1954. B.ed.-
próf frá KHÍ 1978 og MA-próf í
þjálfunarlífeðlisfræði frá San
Jose State University 1989.
Starfar sem framhaldsskóla-
kennari. Hefur starfað sem
hlaupaþjálfari hjá íþrótta-
félögum og skokkhópum í 25 ár
og m.a. verið hlaupaþjálfari ís-
lenska frjálsíþróttalandsliðsins.
Kvæntur Oddnýju Árnadóttur og
eiga þau tvö börn, Arnar 12 ára
og Björgu 9 ára.
Upplagið er
tvö þúsund
stykki
Eftir höfðinu dansa limirnir.
ÞRÍR félagar Hjálparsveitar skáta í
Garðabæ klifu hæsta tind Suður-
Ameríku á nýársdag og þar á meðal
Sigfrid Einarsdóttir, sem er fyrsta
íslenska konan til að ná þessum
áfanga.
Fjallið Aconcagua í Argentínu er
6.962 m hátt og segja félagarnir úr
Hjálparsveit skáta að áður hafi þrír
Íslendingar náð á tindinn, síðast
Haraldur Örn Ólafsson í sjö tinda
leiðangri sínum fyrir tveimur ár-
um. Að þessu sinni voru fjögur í
leiðangrinum en Eiríkur Einarsson
komst ekki alla leið vegna há-
fjallaveiki. Að öðru leyti segja þau
að ferðin hafi gengið vel og Haukur
Parelius, Sigfrid Einarsdóttir og
Haukur M. Ómarsson fögnuðu nýju
ári á tindinum.
Aconcagua er næst hæsti tindur
sem íslensk kona hefur klifið en í
fyrravor braut Anna Svavarsdóttir
blað í íslenskri fjallgöngusögu þeg-
ar hún kleif Cho Oyu í Himalaja-
fjöllunum. Cho Oyu er sjötta hæsta
fjall jarðar, 8.201 m.
Haukur Parelius, Sigfrid Einarsdóttir og Haukur M. Ómarsson fögnuðu nýju ári á tindinum Aconcagua.
Þrjú á hæsta tindi Suður-Ameríku
STJÓRN BSRB telur mjög mikil-
vægt að deila sérfræðilækna og
Tryggingastofnunar ríkisins verði
leyst hið fyrsta og hvetur deiluaðila
til að ganga að samningaborðinu taf-
arlaust og að langtímahagsmunir
sjúklinga verði hafðir að leiðarljósi
við lausn deilunnar. Í ályktun stjórn-
ar BSRB segir að BSRB telji fram-
lag sjálfstætt starfandi sérfræðinga í
heilbrigðisþjónustunni mikilvægt og
því þurfi að tryggja fjárhagslegan
grundvöll til að standa straum af
nauðsynlegum kostnaði við þá þjón-
ustu sem þeir veiti. „Hins vegar
kemur ekki til greina að hálfu sam-
takanna að styðja kerfisbreytingar
sem fela í sér aukna markaðsvæð-
ingu þar sem sjálfstætt starfandi
læknar geti í senn verið á samningi
við TR en jafnframt haft sjálfdæmi
um hvenær sá samningur gildi og
þar af leiðandi um gjaldskrá.
Grundvallaratriði við lausn deil-
unnar er að samtryggingakerfið
verði varðveitt. Allir skulu hafa jafn-
an aðgang að læknisþjónustu,“ segir
á ályktun stjórnar BSRB.
Í tilkynningu Félags eldri borgara
í Reykjavík segir að félagið harmi
þær deilur sem risið hafi milli TR og
sérfræðilækna. „Þótt ákvörðun TR
sé sennilega í samræmi við ströng-
ustu túlkun laga um almannatrygg-
ingar, lýsum við yfir undrun okkar á
svo strangri túlkun vegna þess að
ákvörðunin bitnar verst á eldri borg-
urum er lengst og mest hafa greitt
skatta til ríkisins og reksturs T.R.“
Mikilvægt að samtrygg-
ingakerfið verði varðveitt