Morgunblaðið - 08.01.2004, Side 26
AUSTURLAND
26 FIMMTUDAGUR 8. JANÚAR 2004 MORGUNBLAÐIÐ
LANDIÐ
Seyðisfjörður | Í dag hefst vinnsla í frystihúsinu á
Seyðisfirði að nýju eftir tveggja mánaða hlé.
Adolf Guðmundsson keypti reksturinn eftir að
Útgerðarfélag Akureyringa lokaði húsinu og hætti
starfsemi á Seyðisfirði seint á síðasta ári. Við það
urðu ríflega fjörutíu Seyðfirð-
ingar atvinnulausir og olli það
miklu umróti í bænum. Voru
um nokkurra vikna skeið áhöld
um hvort tækist að fá nýja
rekstraraðila og lagði bæj-
arstjórn nótt við dag til að
reyna að leysa málið.
Adolf opnar í dag frystihúsið
undir nafni Brimbergs ehf., en
áður hét það Dvergasteinn.
Hann er ekki ókunnugur
rekstri frystihússins, því hann hefur verið viðloð-
andi reksturinn á ýmsan máta frá árinu 1982 til
1995.
„Undanfarna daga hefur verið unnið að end-
urbótum í húsinu,“ sagði Adolf í samtali við Morg-
unblaðið. „Við fórum í að laga gólfin í vinnslusaln-
um, mála og snurfusa. Síðustu daga hefur verið
farið yfir allar leyfisveitingar á Fiskistofu og við
vorum að skipta um kennitölu á fyrirtækinu. Þetta
verður ekki Dvergasteinn lengur heldur færist
reksturinn yfir á gamalt fyrirtæki sem ég átti;
Reykhúsið, sem fær síðan nafnið Brimberg ehf.
Húsið er í minni eigu eins og er en það koma fleiri
aðilar að þessu innan skamms. Sá sem verður
framleiðslustjóri hjá mér, Gunnlaugur Bogason,
og bróðir hans Ómar Bogason, verða eigendur
með mér að þessu. Um aðra get ég ekki sagt að
svo stöddu, því það er ekki handfast, en það eru
nokkrir aðilar sem hafa sýnt því áhuga að koma að
þessu með okkur.“
Þá hefði farið að molna hér úr
Adolf segir það hafa tekið lengri tíma að koma
frystihúsinu aftur í gang en menn vonuðust til í
fyrstu. „Mitt tilboð var samþykkt 18. nóvember og
þá var bara of stuttur tími til stefnu til að fara af
stað fyrir áramót.
ÚA hætti hér rekstri og taldi að húsið væri erf-
itt og þyrfti miklar viðgerðir og framkvæmdir til
að gera það rekstrarhæft. Ég veit ekki hvort að
þau ummæli hafa fælt menn frá kaupum, en menn
stóðu ekkert í biðröðum að koma að þessu. Ef það
hefði dregist mikið lengur að koma húsinu af stað
hefðum við misst fólkið í burtu og þá hefði farið að
molna hér úr. Í svona litlu samfélagi hefði það ekki
gengið upp til lengdar að vera með hátekjumenn
og svo fólk sem gengur um atvinnulaust.
Þetta er nú kannski meginástæða þess að ég
ákvað að kaupa. Inn í þá ákvörðun kemur einnig
að nauðsynlegt er fyrir Gullberg ehf., sem gerir út
togarann okkar, Gullver, að hafa áframhaldandi
aðstöðu, kæligeymslur og annað slíkt við frysti-
húsið og það hefði haft veruleg áhrif á rekstur
skipsins að missa þá aðstöðu.“
Vinnslan á svipuðum nótum
Adolf segir að ekki verði gerð nein breyting á
rekstri Gullversins í bráð.
„Við höfum verið að senda karfa, grálúðu og
aukategundir á erlendan markað, höfum flutt út
þorsk þegar verð hefur verið hátt, s.s. stærri fisk-
inn, en að öðru leyti hefur verið landað hér inn í
hús þorski, ýsu og ufsa. Það er hugsunin áfram.
Frystihúsið fær þennan fisk, þorsk, ýsu og ufsa
inn, en við þurfum að bæta við okkur hráefni og
leita eftir viðskiptaaðilum eða kaupa á markaði,
það liggur alveg fyrir.
Vinnslan í húsinu verður á svipuðum nótum til
að byrja með. Það er engin launung að við förum í
ferskan útflutning eins og allir aðrir og reynum að
gera það á þann hátt að við getum komið sem
mestu af okkar vörum út ferskum. Það er raunar
ekki útlit fyrir að það verði í ýsu og ufsa, en í
þorskhnökkum eigum við góða möguleika og
framtíðin verður svo að leiða í ljós hvort við getum
komið meira fersku hráefni á markað. Við ætlum
að fara rólega af stað og höfum ekki efni á að vera í
neinni tilraunastarfsemi. Verðum að vita hvað við
erum að gera frá degi til dags og verðum að vera
útsjónarsamir í því sem við erum að gera.“
Sama fólk ráðið aftur
Adolf segir ætlunina að fara í loðnufrystingu í
samstarfi við Síldarvinnsluna ef færi gefst og er
unnið að undirbúningi þessa dagana.
Hvað mannahald varðar verða ekki miklar
breytingar frá því sem var. Adolf segir mjög gott
starfsfólk hafa verið í frystihúsinu gegnum tíðina
og gengið sé út frá því að sem allra flestir verði
teknir aftur í húsið.
Um brotthvarf ÚA frá rekstri frystihússins seg-
ir Adolf það endurspegla að þeir vilji reka sitt fyr-
irtæki vel. „Þeir voru búnir að tapa peningum hér
og þetta var kannski eðlileg ákvörðun í ljósi þess.
Ég get ekki gagnrýnt það í sjálfu sér, þó auðvitað
megi segja að maður hafi verið ósáttur við að þeir
fóru frá. Mitt samstarf við ÚA og Skagstrending í
gegnum tíðina hefur verið mjög gott og farsælt og
við höfum átt ágætt samstarf eftir að ÚA hætti
rekstri hússins.
Þetta er tilraunarinnar virði,“ segir Adolf. „Við
þolum að sjálfsögðu ekki botnlausan taprekstur og
það er engum, hvorki okkur, starfsfólkinu né
staðnum greiði gerður með því að tapa miklum
peningum á þessum rekstri. Við ætlum að gefa
þessu góðan tíma og sjá til hvernig gengur.“
Flestir starfsmenn sem misstu vinnuna þegar ÚA hætti rekstri endurráðnir
Frystihúsið á Seyðisfirði
hefur aftur vinnslu í dag
Morgunblaðið/Steinunn Ásmundsdóttir
Unnið að lokafrágangi í frystihúsinu: Stefán Ómar Stefánsson, Jacek Molenda og Ragnar Konráðs-
son leggja síðustu hönd á viðgerðir fyrir opnun frystihússins í dag.
Adolf
Guðmundsson.
Búðardalur | Dalamenn kvöddu jól-
in eins og flestir landsmenn með
brennu og flugeldum. Björg-
unarsveitin Ósk var með útsölu á
flugeldum fyrr um daginn og
höfðu menn mikið af bombum og
flugeldum til að skjóta upp af til-
efninu.
Morgunblaðið/Helga H.Ágústdóttir
Jólin kvödd í Dölunum
ÞRETTÁNDAGLEÐIN á Ísafirði var fjölmenn og
mjög vel heppnuð að þessu sinni. Í tunglskinsbjörtu
kvöldhúminu söfnuðust bæjarbúar saman á götum
úti ásamt margs konar skrautklæddum kynjaver-
um, þessa heims og annars.
Blysför lagði af stað frá skátaheimilinu við Mjall-
argötu, með álfakonung og álfadrottningu í broddi
fylkingar, og farið var á Eyrartún þar sem álfa-
dansinn dunaði fram eftir kvöldi. Sungið var og
dansað við dynjandi harmonikkuleik og einnig voru
jólasveinar á ferð, ásamt foreldrum sínum, Grýlu og
Leppalúða.
Að loknum álfadansi hélt blysförin af stað á ný og
nam staðar við verslunarmiðstöðina Neista þar sem
fram fór kraftmikil flugeldasýninghjá björg-
unarsveitarmönnum.
Ísfirðingar stóðu úti í tunglsljósi
Morgunblaðið/Halldór Sveinbjörns
Þróunarstofan | Umsóknarfrest-
ur um starf framkvæmdastjóra Þró-
unarstofu Austurlands rann út um
helgina. Fjórtán hafa sótt um, en
ekki fæst gefið upp hverjir þeir eru.
Elísabet Benediktsdóttir hætti sem
framkvæmdastjóri í desember sl. og
hefur Gunnar Vignisson gegnt starf-
inu til bráðabirgða. Stefnt er að því
að nýr framkvæmdastjóri hefji störf
í febrúarbyrjun.
Stórir bankar og litlir | Um ára-
mót bárust Sparisjóði Norðfjarðar
erindi frá hvorum tveggja Lands-
banka og Íslandsbanka, þar sem
beðið var um viðræður vegna hugs-
anlegrar sameiningar. Munu lang-
flestir sparisjóðir landsins hafa feng-
ið viðlíka bréf frá stóru bönkunum
um svipað leyti. Haft er eftir Sveini
Árnasyni sparisjóðsstjóra að Spari-
sjóður Norðfjarðar sé ekki falur.
Fjarðabyggð | Við Verkmennta-
skóla Austurlands í Fjarðabyggð
verður tekið upp nýtt námsmats-
kerfi á vorönn 2004. Kerfið bygg-
ist á þrískiptingu annarinnar, þar
sem mat verður lagt á náms-
framvindu nemenda þrisvar á önn-
inni. Kennt er í fimm vikur og í
sjöttu viku eru próf, auk þess sem
kennarar leggja mat á aðra vinnu
nemenda.
Tilgangurinn er að nemendur
fái stöðugra og markvissara mat á
námi sínu, um leið og þeir geta séð
í hvaða námsþáttum þeir standa
sig vel og í hvaða námsþáttum þeir
þurfa að bæta sig.
Stöðugt alhliða námsmat
Hugmyndin að þrískiptingu ann-
arinnar er komin frá Finnum, en
auk þess eru kenningar um stöð-
ugt alhliða námsmat ,,Authentic
Assessment“ hafðar að leiðarljósi.
Í stað þess að byggja matið á einu
prófi eða nokkrum prófum er fjöl-
þættra upplýsinga aflað og skipu-
lega unnið úr þeim.
Nemendum eru birtar einkunnir
eftir hverja námslotu. Umsjón-
arkennarar afhenda nemendum
einkunnablað þar sem námsþættir
eru sundurliðaðir. Hvert mat gildir
þriðjung af heildarmati. Við lok
annar fær nemandinn eina heildar-
einkunn sem byggist á þrískiptu
námsmati annarinnar.
Nemendur
fá markvissara
námsmat