Morgunblaðið - 08.01.2004, Blaðsíða 59

ÍÞRÓTTIR
MORGUNBLAÐIÐ FIMMTUDAGUR 8. JANÚAR 2004 59
Paul Scholes – hans fimmta markí síðustu sex leikjum – og Ruud
Van Nistelrooy komu Manchester
United í 2:0 í fyrri hálfleik á Reebock
vellinum í Bolton en Frakkinn Youri
Djorkaeff minnkaði muninn fyrir
heimamenn fimm mínútum fyrir
leikslok. Bolton réð ferðinni í síðari
hálfleik en tókst ekki að finna glufur
á sterkri vörn United fyrr en í lokin
auk þess sem Tim Howard átti frá-
bæran leik á milli stanganna í marki
Manchester liðsins. Þetta var annað
tap Bolton á heimavelli í síðustu 20
leikjum en United hefur unnið sex
leiki í röð í úrvalsdeildinni.
„Ég er fyrst og fremst ánægður
með sigurinn og að við skulum vera
komnir á gott skrið. Við spiluðum vel
í fyrri hálfleik en í þeim síðari voru
mínir menn fullværukærir og héldu
ekki áfram að gera sömu hlutina og í
fyrri hálfleik. En úrslitin í kvöld voru
okkur hagstæð og ég gleðst yfir því,“
sagði Sir Alex Ferguson, stjóri Unit-
ed eftir leikinn.
„Við skoruðum aðeins of seint því
ég er viss um að ef við hefðum skor-
að fyrr þá hefðum við krækt okkur í
stig. Við spilum á köflum mjögvel en
við nýttum færi okkar illa auk þess
sem markvörður þeirra gerði okkur
lífið leitt,“ sagði Sam Allardyce,
stjóri Bolton eftir ósigurinn gegn
meisturunum.
Nígeríumaðurinn Nwankwo Kanu
kom Arsenal yfir á Goodison Park á
móti Everton með fyrsta úrvals-
deildarmarki sínu síðan í október
2002 en Kanadamaðurinn Thomas
Radzinski bjargaði stigi í höfn fyrir
heimaliðið þegar hann jafnaði stund-
arfjórðungi fyrir leikslok. Arsenal
hefur nú leikið 22 leiki í röð í úrvals-
deildinni án taps, 20 á þessu tímabili
og tveir síðustu leikirnir á síðustu
leiktíð, en síðast beið liðið lægri hlut
fyrir Leeds á Highbury í byrjun maí,
tap sem gerði það að verkum að
Manchester United hafði betur í
baráttunni við Arsenal um Eng-
landsmeistaratitilinn.
„Þetta var slakur leikur af okkar
hálfu og við áttum ekkert meira skil-
ið en stigið. Það vantaði baráttu í
mitt lið, við töpuðum mikið af boltum
og sköpuðum okkur fá færi. Leik-
urinn einkenndist af baráttu og var
ekki mikið fyrir augað,“ sagði Ar-
sene Wenger knattspyrnustjóri Ars-
enal.
Hermann með –
Jóhannes inná
Hermann Hreiðarsson lék að
vanda allan tímann fyrir Charlton
sem gerði 1:1 jafntefli við Manchest-
er City á útivelli. Það leit allt út fyrir
að mark Robbie Fowlers ætlaði að
tryggja City fyrsta sigurinn í 13
leikjum en ítalski töframaðurinn
Paolo Di Canio sá til þess að svo
gerðist ekki því hann jafnaði metin
sex mínútum fyrir leikslok. Canio
tók þá vítaspyrnu sem David Seam-
an varði en sá ítalski náði frákastinu
og skoraði framhjá þeim gamla.
Jóhannes Karl fékk að spreyta sig
síðustu 10 mínúturnar í liði Wolves
sem gerði 2:2 jafntefli við Blackburn.
Fyrrverandi leikmenn Manchester
United, Andy Cole og Dwight Yorke
skoruðu fyrir Blackburn og jafnaði
Yorke metin fyrir Blackburn 12 mín-
útum fyrir leikslok.
Alan Shearer skoraði 16. mark sitt
í úrvalsdeildinni og sitt 20. á ferl-
inum gegn Leeds þegar hann
tryggði Newcastle sigur á Leeds á
St.James Park. Shearer skoraði
markið á fjórðu mínútu leiksins og
þar við sat.
Tottenham komst upp úr fallsæti
með stórsigri á Birmingham á White
Hard Lane, 4:1. Stephane Dalmat
skoraði tvö marka Spurs og þeir
Simon Davies og Robbie Keane
skoruðu hin tvö mörkin.
FORMAÐUR færeyska knatt-
spyrnufélagsins B68, Niclas Dav-
idsen, kannast ekki við að frágengið
sé að Hans Fróði Hansen, færeyski
landsliðsmaðurinn, fari frá félaginu
yfir í raðir Fram. Davidsen sagði við
færeyska dagblaðið Sosialurin í gær
að hann væri undrandi á slíkum
fréttum frá Íslandi. „Ég get aðeins
sagt að ég kannast ekki við þetta.
Fram hefur verið í sambandi við
okkur um Fróða en það liggur enn
ekki fyrir hvernig þetta mál fer.“
Sosialurin segir að Hans Fróði sé
samningsbundinn B68 í eitt ár til
viðbótar, þar sem hann hafi gert
fjögurra ára samning við félagið
þegar það keypti hann frá Sogndal í
Noregi árið 2001. Þá hafi það greitt
fyrir hann háa upphæð. Ennfremur
bendi allt til þess að bæði Hans Fróði
og Fram hafi brotið reglur FIFA í
samskiptum sínum.
Steingrímur Ólafsson, stjórn-
armaður hjá Fram, sagði við Morg-
unblaðið í gær að hann hefði litlar
áhyggjur. „Engar reglur hafa verið
brotnar. Hans Fróði hefur ekki und-
irritað samning við okkur, enda slíkt
ólöglegt meðan hann er samnings-
bundinn, Það liggur engu að síður
ljóst fyrir að hann kemur til Íslands.
Við höfum verið í viðræðum við fé-
lagið og ef það er eitthvað óljóst í
því, þá verður það leyst á milli félag-
anna,“ sagði Steingrímur.
Formaður B68 kannast
ekki við samning um
Hans Fróða
LOUIS Saha, sóknarmaður
Fulham, er allt annað en sátt-
ur við þá ákvörðun eiganda
félagsins að vilja ekki selja
hann til Manchester United,
en meistararnir buðu 8 millj-
ónir punda í hann á dögunum.
„Þetta var frábært tækifæri
fyrir mig, að fá að spila í
stóru og sigursælu liði. Ég
skil ekki hvers vegna Fulham
vildi ekki selja mig. Verðið
var fínt – ég er enginn Ron-
aldo,“ segir Saha í viðtali við
franska íþróttablaðið
L’Equipe en hann hefur gert
14 mörk á tímabilinu.„M-
anchester mun ekki reyna að
kaupa mig aftur, í það
minnsta ekki næsta hálfa ár-
ið. Mér finnst ég hafa staðið
mig vel hjá Fulham og félagið
hefði alveg getað gert mér
þann greiða að selja mig til
Manchester,“ sagði Saha.
Saha fúll út
í Fulham
 GUÐJÓN Þórðarson, knattspyrnu-
stjóri Barnsley, er sagður hafa í
hyggju að fá Chris Iwelumo, fram-
herja hjá Stoke, leigðan frá félaginu.
Guðjón keypti Iwelumo á sínum tíma
til Stoke þegar hann var knatt-
spyrnustjóri hjá félaginu.
 DAVID Beckham meiddist á
vinstri ökkla í leik Real Madrid og
Murcia um síðustu helgi og getur
væntanlega ekki af þeim sökum leikið
með Madrídar-liðinu gegn Real So-
ciedad á laugardaginn.
 MÓNAKÓ hefur boðið króatíska
framherjanum Dado Prso nýjan
samning en útlit var fyrir að hann
færi frá félaginu án greiðslu þegar
samningur hans rennur út í sumar.
AC Milan hefur þegar sýnt áhuga á
Prso, sem skoraði fjögur mörk í leik
með Mónakó gegn Deportivo La Cor-
una í Meistaradeildinni fyrr í vetur.
 PETER Enckelman, finnski mark-
vörðurinn sem hefur leikið með Aston
Villa, er genginn til liðs við Black-
burn. Þar á hann að vera varamark-
vörður fyrir Brad Friedel. Enckelm-
an var aðalmarkvörður Villa á síðasta
tímabili en í ár hefur hann fallið niður
í þriðja sætið í samkeppninni um
markvarðastöðuna hjá félaginu.
 FRANSKI framherjinn Christoph
Dugarry sem leikur með Birming-
ham var í gær ákærður af aganefnd
enska knattspyrnusambandsins fyrir
að veita Craig Short, varnarmanni
Blackburn, olnbogaskot í andlitið
með þeim afleiðingum að hann nef-
brotnaði. Verði hann fundinn sekur á
hann yfir höfði sér þriggja leikja
bann.
 SHALVA Apkhazava landsliðs-
maður Georgíu í knattspyrnu og leik-
maður Arsenal Kiev í Úkraínu lést í
gær af völdum hjartaslags, aðeins 23
ára gamall. Shalva var kjörinn efni-
legasti leikmaður Georgíu fyrir
þremur árum og lék sinn fyrsta A-
landsleik í febrúar á síðasta ári en
þótti ein bjartasta vonin í georgískri
knattspyrnu.
 NORÐMENN áttu ekki í vandræð-
um með að leggja Færeyinga að velli í
fyrri viðureign liðanna í undankeppni
HM í handknattleik í gærkvöld. Norð-
menn unnu tólf marka sigur, 36:24,
eftir að hafa haft 16:11 yfir í hálfleik.
 KENYON Martin leikmaður NBA-
liðsins New Jersey Nets og Corey
Maggette frá Los Angeles Clippers
voru úrskurðaðir í tveggja leikja bann
eftir slagsmál þeirra í viðureign lið-
anna í fyrrinótt. Atvikið átti sér stað í
þriðja leikhluta en Nets landaði sigri í
leiknum, 92:75.
 FRAMHERJI Boston Celtics, Vin
Baker, var einnig úrskurðaður í leik-
bann af félagi sínu en hann hafði ekki
staðið við skuldbindingar sínar í eft-
irmeðferð vegna áfengisvandamála.
FÓLK
Gott kvöld hjá United
LIÐSMENN Manchester United höfðu ríka ástæðu til að fagna eftir
leikina í ensku úrvalsdeildinni í knattspyrnu í gærkvöldi. Englands-
meistarararnir höfðu betur gegn grönnum sínum í Bolton, 2:1, en á
sama tíma töpuðu aðalkeppinautarnir, Arsenal og Chelsea, dýr-
mætum stigum. Chelsea lá fyrir Liverpool á Stamford og Arsenal
varð að láta sér lynda jafntefli við Everton á Goodison og þar með
jók United forystu sína í þrjú stig á toppnum.
Reuters
sig í fögnuði Everton eftir að félagi hans Thomasz Radzinski hafði jafnað metin, 1:1, gegn Arsenal.
DAGUR Sigurðsson fyrirliði ís-
lenska landsliðsins í handknatt-
leik tognaði á framanverðu læri á
æfingu landsliðsins í gærmorgun
og er óvíst hvort hann verður bú-
inn að ná sér fyrir Evrópumótið
sem hefst í Slóveníu 22. þessa
mánaðar. Einar Þorvarðarson að-
stoðarþjálfari íslenska landsliðs-
ins sagði við Morgunblaðið í gær-
kvöld að Dagur yrði örugglega
ekki með í leikjunum við Sviss-
lendinga um helgina en hann von-
aðist eftir því að fyrirliðinn næði
sér í tæka tíð fyrir Evrópumótið.
„Það er voðalega erfitt að
segja til um það á þessari stundu
hvort Dagur verður búinn að ná
sér fyrir Evrópumótið. Hann var
þegar í stað sprautaður og við
verðum að bíða í nokkra daga til
að sjá hvernig honum reiðir af.
Hann verður ekki með í leikj-
unum við Sviss en við verðum
bara að bíða og vona hvað Evr-
ópumótið varðar. Við erum með
gott sjúkra- og læknalið og von-
andi tekst þeim að koma Degi í
stand sem allra fyrst,“ sagði Ein-
ar.
Það yrði mikil blóðtaka fyrir ís-
lenska liðið ef Dagur yrði fjarri
góðu gamni á EM enda hann einn
af lykilmönnum landsliðsins og í
hópi leikjahæstu leikmanna liðs-
ins.
EM í hættu hjá Degi