Morgunblaðið - 08.01.2004, Blaðsíða 60

FÓLK Í FRÉTTUM
60 FIMMTUDAGUR 8. JANÚAR 2004 MORGUNBLAÐIÐ
ÞAÐ hefur verið einkar ánægju-
legt að koma við á veitingahúsinu
Kaffi List á fimmtudagskvöldum síð-
ustu misseri. Þar hefur verið boðið
upp á djasstónlist í háum gæðaflokki
og stemmningin eins og best gerist á
djassbúllum erlendis, þótt orðið búlla
eigi kannski ekki við um húsakynnin á
Kaffi List. Hér er það notað í já-
kvæðri merkingu, afslappað umhverfi
þar sem menn geta setið í rólegheit-
um og jafnvel ráfað á barinn án þess
að trufla tónlistarflutninginn, enda er
hér ekki um að ræða tónleika í hef-
bundinni merkingu þess orðs. Tón-
listarmennirnir eru staðsettir í skoti
fyrir miðjum sal, kannski ekki þægi-
legasta aðstaða fyrir tónlistarflutn-
ing, en á móti kemur að þeir eru í
skemmtilegri nálægð við gesti og
hljómburðurinn ágætur. Það merki-
legasta við þetta er þó að hér eru að
troða upp margir frábærir djassistar,
sumir hverjir í heimsklassa að mínu
mati, og gestir hússins eru að fá þess-
ar trakteringar án þess að borga
krónu fyrir. Heildarútkoman er
djassþel eins og það gerist best, með
samanburði við sambærilega staði er-
lendis, svo sem í New York, London,
Barcelona og Kaupmannahöfn, þar
sem undirritaður þekkir til. Já,
stemmningin á Kaffi List á fimmtu-
dagskvöldum að undanförnu hefur
verið talsvert mikið „erlendis“, eins
og ástsæll söngvari hefði orðað það.
Um það hvort hafin er hér á landi ný
djassvakning þori ég ekki að fullyrða.
En það liggur eitthvað í loftinu og
eins og að fólk sé almennt að verða
opnara fyrir djasstónlist og þeirri
stemningu sem hún býður upp á.
Undirritaður hefur orðið þeirrar
ánægju aðnjótandi að vera viðstaddur
nokkrar af þessum uppákomum og
skulu hér tilfærðar fjórar þeirra, án
þess að um sé að ræða hefðbundna
tónlistargagnýni, heldur fremur til að
vekja athygli á þessum merku menn-
ingarviðburðum og eiga forsvars-
menn Kaffi List heiður skilinn fyrir
framtakið.
Fyrst skal telja Tríó Jóels Pálsson-
ar, en auk hans skipuðu það Pétur
Grétarsson á trommur og Davíð Þór
Jónsson á hljómborð (og bassa!). Jóel
er einn af þessum ungu snillingum
sem komið hafa fram á sjónarsviðið í
íslenskum djassheimi og þarf í raun-
inni ekki að hafa mörg orð um
frammistöðu hans á tenórsaxann,
hvar og hvenær sem hann kemur
fram. Honum bregst sjaldan boga-
listin. Pétur hefur lengi verið í hópi
pottþéttustu djasstrommara landsins
og Davíð Þór er einn sá efnilegasti á
hljómborðið sem ég hef heyrt í lengi
hér á landi. Þeir félagar brugðu á leik
og voru greinilega ekki að taka sig of
hátíðlega, en fóru vel með sprellið.
Sérstaka athygli vakti framganga
Davíðs Þórs, ekki síst er hann tók sér
bassa í hönd þrátt fyrir eigin yfirlýs-
ingar um að hann kynni ekkert á
bassa. Þetta var skondin og skemmti-
leg uppákoma og stemmningin létt og
afslöppuð allt kvöldið.
Havana-sextett Tómasar R. Ein-
arssonar mætti til leiks á Kaffi List
eitt fimmtudagskvöldið og spiluðu
þeir félagar lög af stórskemmtilegri
plötu Tómasar, Havana. Tómas hefur
um árabil verið í hópi þeirra djassista
sem dregið hafa vagninn í þeirri við-
leitni að skapa hér íslenska djasshefð
og oft hefur leiðin legið upp í móti.
Einhvern veginn finnst mér að nú sé
brautin orðin beinni og breiðari og
Tómas blómstrar sem aldrei fyrr, um
það ber Havana-platan glöggt merki.
Í Havana-sveitinni voru þeir aftur
mættir Pétur trommari og Davíð Þór
og ungur básúnuleikari, Samúel Jón
Samúelsson, úr hljómsveitinni Jagú-
ar, vakti verðskuldaða athygli þetta
kvöld.
Þá ber að nefna Tríó Sigurðar
Flosasonar. Með Sigurði spiluðu Þór-
ir Baldursson á Hammond-orgel og
sænskur trommari, Erik Quick, sem
stóð vaktina með prýði. Siggi Flosa
klikkaði ekki frekar en fyrri daginn
og Þórir Baldursson er auðvitað sér
kapítuli út af fyrir sig. Í hreinskilni
sagt fannst mér hann „brillera“ þetta
kvöld, hvort heldur var í sólóum eða
þéttum undirleik við lipurlega snar-
stefjun altósaxistans. Ég hef fylgst
með Hammond-organistum allar göt-
ur frá því ég heyrði fyrst í Jimmy
Smith á sjöunda áratug síðustu aldar
og þótt það geti verið varasamt að
vera með miklar yfirlýsingar leyfi ég
mér að fullyrða að Þórir er einn sá
besti í bransanum.
Til gamans má geta þess að nokkrir
Ameríkanar voru staddir á Kaffi List
þetta kvöld og heyrði ég af tali þeirra
að þeim fannst með ólíkindum að rek-
ast inn á bar, í litlum bæ norður á
hjara veraldar og heyra þar, sér að
kostnaðarlausu, djasstónlist í heims-
klassa.
Að lokum vil ég nefna hér hljóm-
sveitina Tilnefningu, sem hóað var
saman í tilefni af tilnefningu til ís-
lensku tónlistarverðlaunanna, en í
þeim hópi voru þau Tómas R. Ein-
arsson, Ómar Guðjónsson gítarleikari
og Ragnheiður Gröndal söngkona.
Þeim til halds og trausts voru Pétur
trommari Grétarsson og Óskar Guð-
jónsson, bróðir Ómars, á tenor-saxó-
fón. Þetta var reyndar á föstudags-
kvöldi og kostaði eitthvað lítilræði
inn, – þó það nú væri! Hljómsveitin
flutti lög af áðurnefndri Havana-plötu
Tómasar, sólóplötu Ragnheiðar, sem
ber hennar nafn, og plötu Ómars, sem
ber heitið Varma Land. Ragnheiður
tók nokkra þekkta standarda af plöt-
unni sinni og er greinilega vaxandi
djasssöngkona. Ómar tók hins vegar
frumsamin lög af sinni plötu og tókst
afburða vel upp að mínu mati. Sér-
staklega var ánægjulegt að hlusta á
samspil þeirra bræðra, enda spilar
Óskar með bróður sínum á plötunni.
Hann hefur reyndar verið í hópi
minna uppáhalds tónlistarmanna frá
því hann hleypti ferskum andblæ inn í
hljómsveitina Mezzoforte hér um ár-
ið. Bróðir hans Ómar er líka að koma
þrælsterkur inn og í sannleika sagt
finnst mér platan hans Varma Land
ein sú besta sem ég hef heyrt lengi.
Það er vissulega tilhlökkunarefni að
fylgjast með þessum unga gítarleik-
ara í náinni framtíð.
Það mætti vissulega skrifa langt
mál um djassinn á Kaffi List, en hér
læt ég staðar numið. Ég vil aðeins
ítreka að menn þurfa ekki endilega að
vera forfallnir „djassgeggjarar“ til að
njóta þess sem þarna er boðið upp á.
Hér eru menn nefnilega ekkert að
flækja málin um of með því að spila
flókinn nútímadjass, þar sem keppi-
keflið er að koma sem flestum nótum
inn í hvern takt. Þetta er í flestum til-
fellum þægileg og áheyrileg tónlist,
þar sem hæfileikar þessara snjöllu
tónlistarmanna njóta sín vel. Kaffi
List er staðurinn, - að minnsta kosti á
fimmtudagskvöldum.
Tónlist
Djassþel
af bestu
gerð
DJASSKVÖLD
Fimmtudagskvöldum
Kaffi List
Tríó Jóels Pálssonar, Tómas R. Einarsson
og hljómsveit, Tríó Sigurðar Flosasonar,
Hljómsveitin Tilnefning
Sveinn Guðjónsson
Morgunblaðið/Kristinn
Þórir Baldursson, einn sá besti í
djassbransanum.
Í vítahring
(Around The Fire)
Drama
Bandaríkin 1999. Skífan VHS. Bönnuð
innan 12 ára. (106 mín.) Leikstjórn John
Jacobsen. Aðalhlutverk Dewon Sava,
Tara Reid, Bill Smitrovich.
ÞAÐ má vel stytta sér stundir yfir
þessu fjögurra ára gamla vanda-
máladrama. Dewon Sava úr Final
Destination leikur
vansælan unglings-
pilt sem leiðist út í
rugl og vitleysu,
dóp og kæruleysi
eftir að stífur pápi
hans og stjúpan
vonda senda hann á
heimavist. Sterk-
lega og ítrekað er
gefið í skyn að rótleysi drengsins
hafi eitthvað með það að gera að
hann missti móður sína þegar hann
var barn og virðist aldrei hafa jafnað
sig almennilega af því áfallinu.
Þökk sé ágætum leik hjá Sawa er
leiðin til glötunar þokkalega sann-
færandi, áhugaverð og jafnvel lær-
dómsrík en allar lausnir og greining
vandans virka þó þunnar og ósann-
færandi. Skarphéðinn Guðmundsson
Myndbönd
Á kaf í rugl
Stóra svið
Nýja svið og Litla svið
CHICAGO eftir J.Kander og F.Ebb
Frumsýning su 18/1 kl 20 - UPPSELT
2. sýn fi 22/1 kl 20 - gul kort
3. sýn lau 24/1 kl 20 - rauð kort
4. sýn su 25/1 kl 20 - græn kort
5. sýn fi 29/1 kl 20 - blá kort
Fö 30/1 kl 20 - UPPSELT
Fö 6/2 kl 20, Lau 7/2 kl 20
Fö 13/2 kl 20, Lau 14/2 kl 20
Miðasala: 568 8000
Nýr opnunartími: Mánudaga og þriðjudaga: 10:00 - 18:00
miðviku-, fimmtu- og föstudaga: 10:00 - 20:00
laugardaga og sunnudaga: 12:00 - 20:00
www.borgarleikhus.is midasala@borgarleikhus.is
Meira (en) leikhús!
SPORVAGNINN GIRND e. Tennessee Williams
Lau 10/1 kl 20,
Su 11/1 kl 20
Fö 16/1 kl 20,
Lau 17/1 kl 20,
Lau 24/1 kl 20,
Su 25/1 kl 20
RAUÐU SKÓRNIR e. H.C. Andersen
í samvinnu við RAUÐU SKÓNA
Frumsýning lau 17/1 kl 17
Su 18/1 kl 20
ÖFUGU MEGIN UPPÍ e. Derek Benfield
Fö 9/1 kl 20,
Fö 23/1 kl 20
Lau 31/1 kl 20
LÍNA LANGSOKKUR e. Astrid Lindgren
Lau 10/1 kl 14- UPPSELT, Su 11/1 kl 14- UPPSELT,
Su 18/1 kl 14 , Lau 24/1 kl 14 - UPPSELT,
Su 25/1 kl 14, Lau 31/1 kl 14, Su 1/2 kl 14,
Lau 7/2 kl 14 - TÁKNMÁLSTÚLKUÐ SÝNING
Su 8/2 kl 14
SPORVAGNINN GIRND Á NÝJA SVIÐI
JÓLASÝNING BORGARLEIKHÚSSINS
****************************************************************
MUNIÐ GLEÐISTUNDINA
FORSALURINN OPNAR KLUKKUTÍMA FYRIR KVÖLDSÝNINGU
sun. 11. jan. kl. 20
- laus sæti
lau. 17. jan. kl. 20
- laus sæti
LAU. 10/1 - KL. 18 LAUS SÆTI
ÓSÓTTAR PANTANIR SELDAR DAGLEGA
loftkastalinn@simnet.is
Fös. 9. janúar kl. 21
FRUMSÝNING - Örfá sæti laus
Fim. 15. janúar kl. 20
Fim. 22. janúar kl. 20
Lau. 31. janúar kl. 20
Opið virka daga kl. 13-18
Miðasala í síma 562 9700
Opið í dag 12-16 • www.idno.is
Opið frá kl. 18 fimmtudags-
sunnudagskvöld.
Tenórinn
Fös. 9. jan. k l . 20:00 laus sæti
Lau. 17. jan. k l . 20:00 laus sæti
Fim. 23. jan. k l . 20:00 laus sæti
Sellófon
Gríman 2003: „Besta leiksýningin“
að mati áhorfenda
Lau. 10. jan. k l . 21:00 nokkur sæti
Fös. 16. jan. k l . 21:00 örfá sæti
Fim. 22. jan. k l . 21:00 laus sæti
Lau. 24. jan. k l . 21:00 laus sæti
WWW.sellofon.is og sellofon@mmedia.is
Miðasala í síma 552 3000
Loftkastalinn
lau. 10. jan. kl. 20.00 laus sæti
lau. 18. jan. kl. 20.00 laus sæti
Sveinsstykki
Arnars Jónssonar
Nýr einleikur
eftir Þorvald Þorsteinsson