Morgunblaðið - 09.01.2004, Blaðsíða 4
FRÉTTIR
4 FÖSTUDAGUR 9. JANÚAR 2004 MORGUNBLAÐIÐ
Alltaf ód‡rast á netinu
83 flug á viku til 13 áfangastaða
Verð á mann frá 19.500 kr.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
IC
E
22
35
0
10
/2
00
3
MARGIR hafa fengið að finna
óþyrmilega fyrir hálkunni síðustu
daga. Nú þegar götur eru orðnar
nær auðar í Reykjavík og ökumenn
komast greiðlega leiðar sinnar eru
það gangandi vegfarendur sem
komast vart úr sporunum sums
staðar og kvarta undan því að
gangstéttir séu illa sandbornar.
Mikið annríki hefur verið á slysa-
deild Landspítalans í Fossvogi und-
anfarna daga. Margir hafa dottið í
hálkunni og komið marðir eða
brotnir á deildina. Að sögn Ófeigs
Þorgeirssonar læknis er það helst
eldra fólk sem slasast við að detta í
hálkunni. Úlnliðsbrot eru algeng-
ust en hryggbrot, þó ekki alvarleg,
hafa einnig orðið. Sveinn Skúlason,
forstöðumaður Hrafnistu, segir að
íbúarnir séu hvattir til að vera ekki
á ferðinni í hálkunni, en bendir á
að nánasta umhverfi sé sandborið
og víða séu gangstéttir upphitaðar
svo fólkið getur gengið um úti án
þess að eiga það á hættu að detta.
Forstöðumenn fleiri hjúkrunar- og
dvalarheimila sögðu við Morg-
unblaðið að heimilisfólk héldi sig
inni og væri hvatt til að vera ekki
mikið á ferðinni meðan færðin er
erfið.
Ólafur Ólafsson, formaður Fé-
lags eldri borgara í Reykjavík og
nágrenni, hvetur eldra fólk til að
vera vel búið á góðum skóm sé það
mikið á ferðinni og eigi þess ekki
kost að ferðast um í bíl, eða að
halda sig heima við þar til mesta
hálkan er farin.
Starfsmenn þjónustumiðstöðvar
Gatnamálastofu sem sjá um að
sandbera gangstéttir borgarinnar
og við stofnanir hennar, hafa ekki
haft undan og hafa því fengið
margar kvartanir frá borgarbúum.
Sandborið nær allan
sólarhringinn
Að sögn Sigurðar Geirssonar, yf-
irverkstjóra dráttarvéladeildar,
hefur verið unnið nær allan sólar-
hringinn frá því mjög miklum snjó
kyngdi niður 29. desember sl., við
að ryðja gangstéttir og sandbera.
„Síðan þá höfum við nær óslitið
verið að frá því klukkan fjögur á
nóttunni og fram til svona sex og
jafnvel átta á kvöldin,“ útskýrir
Sigurður. „Við sandberum göngu-
leiðir; gangstéttir og stíga og þurf-
um oft að fara aftur og aftur yfir
sömu leiðirnar.“ Sigurður segir
skýringuna liggja í því að oft vilji
sandurinn renna af klakanum og
þar að auki vilji það brenna við að
þeir sem sjá um að ryðja snjó af
götum og bílastæðum ýti honum
upp á gangstéttirnar. Aðstæður
hafa því verið erfiðar og hafa
starfsmennirnir ekki haft undan
við að sandbera. „Það stafar að
miklu leyti af því að við höfum
þurft að fara aftur og aftur sömu
leiðirnar.“
Sigurður segir að deildin hafi því
fengið töluvert af kvörtunum upp á
síðkastið. „Við fengum mjög mikið
af kvörtunum í gær [miðvikudag]
en þá var gríðarleg hálka í borg-
inni. Um það leyti sem fólk fer af
stað til vinnu fer síminn að hringja
hjá okkur.“ Sigurður segir að
reynt sé að bregðast við kvört-
unum eftir tökum. „Stundum gerir
fólk ekki greinarmun á gangstétt
og bílastæði, en við tökum aðeins
okkar leiðir; ekki innkeyrslur og
bílastæði, fólk verður að sjá um það
sjálft.“
Í hverju borgarhverfi er bæki-
stöð sem sér um að þjónusta stofn-
anir, s.s. skóla, dvalarheimili og
leikskóla, ryðja snjó og sandbera
eftir óskum.
Hálka við strætóskýli
varhugaverð
Strætisvagnabílstjórar og við-
skiptavinir Strætó bs. hafa ekki
farið varhluta af færðinni síðustu
daga. Hallgrímur Gunnlaugsson,
varðstjóri hjá Strætó bs., segir að
nú séu götur borgarinnar orðnar
nær auðar en gangstéttirnar ill-
færar sökum hálku. Hann segir
dæmi um að fólk hafi dottið við að
reyna að komast inn í vagnana en
hafði þó ekki heyrt um alvarleg
slys af þeim sökum er Morg-
unblaðið ræddi við hann í gær.
„Það verða helst vandræði þegar
snjó er rutt upp á gangstéttirnar
og fólk þarf að klöngrast yfir ruðn-
ingana til að komast upp í vagn-
inn,“ segir Hallgrímur.
Strætisvagnabílstjórarnir eru
duglegir að láta Gatnamálastofu
vita ef ákveðnir staðir eru sér-
staklega hálir og segir Hallgrímur
að iðulega sé vel brugðist við og
sandborið við skýlin við fyrsta
tækifæri.
Veðurstofan spáir því að hitinn
verði yfir frostmarki í Reykjavík í
dag, 2–7 stig, og að von sé á skúr-
um.
Fólk á hálum ís
um alla borg
Mikið annríki á slysadeildinni
Morgunblaðið/RAX
Það getur verið erfitt að komast leiðar sinnar fótgangandi í Reykjavík sökum hálku. Ruðningar á gangstéttum
hindra sandburð og margir hafa þurft að leita til slysadeildar eftir hálkuslys. Hér er varlega farið í hálkunni.
NEMANDI sem lauk stúdentsprófi
að loknu starfsnámi frá Fjölbrauta-
skólanum í Breiðholti um síðustu jól
er afar óhress með þá uppgötvun að
stúdentspróf að loknu starfsnámi
tryggir ekki rétt til náms í Háskóla
Íslands, enda hafi hann innritað sig í
námið í þeirri trú að hann ætti rétt á
skólavist í Háskólanum. Skólayfir-
völd við FB og HÍ segja það skýrt að
prófið veiti ekki rétt til háskólanáms.
Maðurinn sagði upp vinnu sinni og
hafði ráðgert að hefja nám í sagn-
fræði á vorönn en úr því verður ekki í
bili. Hann stendur uppi atvinnulaus
og án skólavistar.
Prófin eru ný af nálinni í fram-
haldsskólum þar sem boðið er upp á
bæði starfsnám og bóknám og hugs-
uð fyrir nemendur sem lokið hafa
starfsnámi í tiltekinni grein og vilja
bæta við sig bóknámsfögum og út-
skrifast með stúdentspróf.
Stúdentspróf af hefðbundinni
bóknámsbraut almennt skilyrði
Kristján Arnarsson, nýstúdent
sem lokið hefur sveinsprófi í tré-
smíði, segir að þegar hann hugðist
innrita sig í sagnfræði við HÍ á vor-
önn hafi honum verið tjáð að hann
þyrfti að hafa stúdentspróf af hefð-
bundinni bóknámsbraut. „Mennta-
málaráðuneytið gefur út tilskipun til
framhaldsskóla um að þeir eigi að
bjóða upp á braut sem er viðbót fyrir
þá sem eru með sveinspróf upp í
stúdentspróf. [...] Ég skrái mig og
útskrifast sem stúdent úr Fjölbraut í
Breiðholti. Ég segi upp vinnunni og
arka niður í Háskóla með nýja stúd-
entsprófið mitt og þá er mér sagt að
þetta sé ekki merkilegur pappír og
að þeir taki ekki við því. [Þeir] gjald-
fella þar með mitt stúdentspróf og
stúdentspróf allra sem er ekki af
máladeild, raunvísindadeild og hin-
um gömlu brautunum,“ segir Krist-
ján. „Ég vissi ekki þegar ég fór í
stúdentsprófið og lauk því og sagði
upp vinnunni að þetta yrði eitthvert
B-stúdentspróf, eitthvert „kókó-
pöffs-próf,“ segir hann.
Að hans sögn hafa skólayfirvöld í
Háskólanum tjáð honum að hann
geti sótt um aftur á undanþágu.
Ljóst sé hins vegar að hann hefji
ekki nám í sagnfræði á þessari önn
eins og hann hafði ráðgert. Ekki
liggi fyrir, að hans sögn, hvort sú
undanþága verði loks samþykkt.
Kristján segir að Fjölbrautaskóli
Breiðholts hafi ekki tjáð sér að próf-
ið myndi ekki tryggja skólavist í Há-
skólanum. Þegar hann leitaði til
menntamálaráðuneytisins eftir að
hann lauk prófi hafi honum verið tjáð
að HÍ væri í sjálfsvald sett að setja
inntökuskilyrði.
Veltur á samsetningu prófsins
hvort stúdentar fá inngöngu
Að sögn Þórðar Kristinssonar,
kennslustjóra við HÍ, eru almenn
inntökuskilyrði í Háskóla Íslands
nám af bóknámsbraut og kemur það
skýrt fram í reglum skólans. Nem-
endur sem lokið hafi stúdentsprófi
að loknu starfsnámi geti þó sótt um
inngöngu og veltur þá á samsetningu
prófsins hvort viðkomandi fær inn-
göngu. Ef í ljós komi að einhverja
áfanga vanti upp á geti nemendur
lokið þeim áföngum í framhaldsskóla
og sótt aftur um. Í ljósi fjárhags-
vanda HÍ sé hins vegar ljóst að komi
til fjöldatakmarkana þá gangi þeir
fyrir sem lokið hafa formlegu stúd-
entsprófi.
Stefán Benediktsson, aðstoðar-
skólameistari Fjölbrautaskólans í
Breiðholti, segir að skýrt sé tekið
fram við þá nemendur sem stundi
nám til stúdentsprófs að loknu
starfsnámi, að það veiti ekki réttindi
sem hefðbundið stúdentspróf geri.
„Það er alveg skýrt út fyrir þeim og
þau taka auðvitað miklu minna í
þessum bóklegu greinum en Háskól-
inn krefst. Hann krefst ákveðinna
eininga í þeim greinum sem fólk ætl-
ar að stunda nám í í Háskólanum.
[...] Þetta er alveg á hreinu gagnvart
nemandanum og okkur.“
Að sögn Stefáns var einungis um
lítinn hóp að ræða sem útskrifaðist
með hið nýja stúdentspróf frá skól-
anum um jólin. Hann segist ekki
hafa heyrt af því að nemendur hafi
ætlað að sækja um í háskólum og
lent í vandræðum.
Stúdentspróf
tryggir ekki rétt
til háskólanáms
Nýstúdent synjað um inngöngu í
sagnfræði við HÍ með nýtt stúdents-
próf að loknu starfsnámi
Morgunblaðið/Kristinn Ingvarsson
SÍMAKOSTNAÐUR Reykjavíkur-
borgar í fyrra var rúmar 180 milljónir
króna. Þetta kemur fram í svari borg-
arstjóra við fyrirspurn sjálfstæðis-
manna um símakostnað og lagt var
fram í borgarráði. Um er að ræða all-
an fjarskiptakostnað, þ.m.t. kostnað
við gagnaflutninga og gagnalínuleiga.
Búið er að semja drög að verklags-
reglum um úthlutun og notkun á far-
símum, sem unnar hafa verið á grund-
velli greinargerðar sparnaðarnefndar
borgarinnar. Þar er að finna reglur
um úthlutun og notkun á farsímum en
gert er ráð fyrir að starfsmenn, sem
nota farsíma í þágu Reykjavíkurborg-
ar, geri samninga um notkunina. Þá
eru í reglunum fjárhæðarmörk fyrir
símreikninga starfsmanna.
Þak á síma-
kostnað
starfsfólks
Reykjavíkurborg