Morgunblaðið - 21.01.2004, Qupperneq 17

www.lv.is
Bjarnarflagsvirkjun
og Bjarnarflagslína 1
Kynning á mati á umhverfisáhrifum
í M‡vatnssveit
Landsvirkjun kynnir sk‡rslu um mat á umhverfisáhrifum
Bjarnarflagsvirkjunar og Bjarnarflagslínu 1 í opnu húsi á
Hótel Reynihlí› í dag, mi›vikudaginn 21. janúar, frá
klukkan 14.00 til 18.00.
Á kynningarfundinum ver›a ni›urstö›ur mats á
umhverfisáhrifum virkjunarinnar kynntar. Einnig gefst
tækifæri til a› ræ›a vi› fulltrúa Landsvirkjunar og rá›gjafa
fyrirtækisins.
Sk‡rslur um mat á umhverfisáhrifum Bjarnarflagsvirkjunar
og Bjarnarflagslínu 1 eru a›gengilegar á heimasí›u
Landsvirkjunar www.lv.is.
Höfuðborgin | Akureyri | Suðurnes | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Jólaskreytingar verðlaunaðar | Það er
orðinn árlegur viðburður að veita viðurkenn-
ingar fyrir jólaskreytingar í Dalabyggð. Voru
margir tilnefndir en eftirtaldir aðilar fengu
verðlaun sem KB banki gaf í formi 10.000
króna inneignar. Í einstaklingsflokki unnu
verðlaun þau Björn Anton Einarsson og Góa
Haraldsdóttir á Búðarbraut 3, í flokki
bændabýla unnu þau Jón Egill Jóhannsson
og Bjargey Sigurðardóttir á Skerðings-
stöðum og í flokki fyrirtækja var það Hár-
húsið/Vínbúðin undir stjórn Jóhönnu Ein-
arsdóttur og Sæmundar Jóhannssonar sem
þóttu skara fram úr. Verðlaunhöfum var boð-
ið til veislu í KB bankann þar sem Stefán
Jónsson útibússtjóri veitti þeim verðlaunin
ásamt Önnu Birnu Þráinsdóttur sýslumanni,
er sat með honum í dómnefnd.
Úr
bæjarlífinu
Morgunblaðið/Helga Ágústsdóttir
Viðukenning: Verðlaunahafar ásamt
útibússtjóra, fulltrúa og sýslumanni.
HÉÐAN OG ÞAÐAN
Nýta ekki gistirýmið | Það hefur vakið at-
hygli fulltrúa í atvinnu- og hafnaráði Reykja-
nesbæjar að í tvö síðustu skiptin sem erlend-
ar flugvélar hafa nauðlent á Keflavíkur-
flugvelli hefur öllum farþegunum verið ekið
á hótel Flugleiða í Reykjavík þótt hótelrými í
Reykjanesbæj hafi staðið nánast autt. Kom
það fram á síðasta fundi ráðsins.
Atvinnu- og hafnaráðið ákvað að spyrjast
fyrir um það hjá flugvallarstjóranum á
Keflavíkurflugvelli, hvernig staðið væri að
útvegun gistingar og annarrar þjónustu við
farþega flugvéla sem lenda á Keflavík-
urflugvelli vegna neyðarástands.
Endurbætur | Um 240 umsóknir bárust um
styrki til úrbóta á ferðamannastöðum, en aug-
lýst var eftir umsóknum um miðjan nóvember
sl. Umsóknarfrestur rann út síðastliðinn
föstudag. Þegar er byrjað að flokka og vinna
úr umsóknum en ráðgert er að tilkynna um
afgreiðslu í síðari hluta febrúar.
Íshokkíleikur fórfram í fyrsta skiptiá Hornafirði á
sunnudaginn, svo vitað
sé, skv. frétt á vefsíðunni
horn.is. Leikið var á svo-
kallaðri Óslandstjörn.
Á horn.is segir að
feðgarnir Ásgrímur og
Ari Þorsteinsson hafi
flutt þessa íþróttagrein
inn frá Kanada en þar
æfði Ásgrímur íshokkí
áður en fjölskyldan
flutti heim til Hafnar á
síðasta ári. „Ari segist
hafa átt tvö mörk og tvo
markmannsbúninga en
töluvert af búnaði þarf í
þessari grein, hraðinn
er mikill og nauðsynlegt
að hafa góðar hlífar.
Fyrirhugað er að
stofna Skautafélag
Hornafjarðar og segir
Ari að félagið muni
starfa í tveimur deild-
um, íshokkídeild og list-
dansdeild,“ segir í frétt-
inni.
Hokkí á Höfn
SKAFTAFELL, nýjasta
vöruflutningaskip Sam-
skipa, kom til hafnar á
Reyðarfirði í gær. Skafta-
fellið er tæplega fimm
þúsund tonna gámaskip
og þriðja skipið sem Sam-
skip er með í föstum áætl-
unarsiglingum milli Ís-
lands og Evrópu og jafn-
framt fjórtánda skipið í
reglubundnum siglingum
hjá félaginu. Einnig hefur
það allmörg skip í ýmsum
sérverkefnum.
Siglt verður á 14 daga
fresti og auk Reyðar-
fjarðar eru Grundartangi
og Færeyjar nýir áfanga-
staðir Samskipa á þessari
nýju siglingaleið milli Ís-
lands og meginlands Evr-
ópu. Aðrir viðkomustaðir
skipsins eru Immingham
á Bretlandseyjum og Rot-
terdam í Hollandi.
Morgunblaðið/Helgi Garðarsson
Nýtt skip Samskipa
til Reyðarfjarðar
Í sambandi við meintvanhæfi Péturs H.Blöndal hefur rifjast
upp að Sigurvini Ein-
arssyni var synjað með
forsetaúrskurði um að fá
að greiða atkvæði um fjár-
veitingu til kirkju á
Rauðasandi, sem hafði
fokið og var bændakirkja í
eigu hans sjálfs. Skömmu
áður hafði Hannibal Valdi-
marsson sest að í Selárdal.
Af því tilefni kvað Karl
Kristjánsson:
Saurbær kirkju sviptur skal,
sálir í nauðum húka.
En svo er kirkja í Selárdal
sem á eftir að fjúka.
Í stórhríðinni sem brast á
á Norðurlandi í síðustu
viku orti Móri:
Víkurskarðs í skafli sat:
„Í skelfing þess ég beiði
elsku drottinn gef mér gat
í gegnum Vaðlaheiði.“
Þessi staka gefur tilefni til
að rifja upp vísu Páls Guð-
mundssonar á Hjálms-
stöðum:
Næðir fjúk um beran búk
byltist skafl að hreysi,
tunglið yfir Hekluhnjúk
hangir í reiðileysi.
Rauðasandskirkja
Mývatnssveit | Þeir eru bjart-
sýnir og framkvæmdaglaðir
þessir vösku menn sem hér
standa á þaki snjóhúss og fagna
því með þjóðfánanum að hafa
komið þaki yfir húsið hans Ingva
Ragnars Kristjánssonar í Sel
hóteli Skútustöðum.
Það var í fyrravetur sem
Yngvi Ragnar reisti fyrst þvílíkt
hús en þá voru máttarvöldin ekki
hliðholl framkvæmdinni og
bræddu niður fyrir honum húsið
um það bil þegar það var að
verða tilbúið. En það beygði ekki
Yngva Ragnar, hann er byrjaður
öðru sinni. Fullur bjartsýni og
framkæmdagleði er hann kom-
inn vel á veg með nýtt snjóhús.
Hann hefur öðlast reynslu og
viðhefur önnur vinnubrögð en í
fyrra við bygginguna mokar t.d.
sjónum upp með kranabíl og
kælikerfi verður í húsinu til að
verjast óvæntum hlákum. Gert
er ráð fyrir að húsið verði tilbúið
um miðjan febrúar. Þarna verð-
ur aðstaða til veitinga og eflaust
verður hægt að fá þar gistingu ef
mönnum sýnist svo. Hver uppá-
koman eftir aðra er framundan á
vegum Yngva Ragnars fram á
vorið og mun snjóhúsið nýtast
vel. Vonandi er að sá góði snjór
sem nú er hér og loksins nóg af,
verði þaulsætinn í sveitinni til
vors þannig að útivistarfólk fái
vel notið Mývatnssveitar í vetr-
arbúningi.
Morgunblaðið/BFH
Á þaki snjóhússins: Friðrik Steingrímsson, Sigurður Kristjánsson, Sverrir Karlsson og Yngvi Ragnar
Kristjánsson. Þeir vinna nú baki brotnu við byggingu snjóhússins.
Veitingar og uppákomur í snjóhúsi
Nýjung
SKÓLANEFND Árborgar samþykkti á
fundi sínum á mánudag að mæla með Guð-
mundi Ó. Ásmundssyni í stöðu skólastjóra
við Suðurbyggðarskóla. Ráðgjafanefnd
taldi Birgi Edwald hæfastan til að gegna
stöðunni, en fulltrúum kennara og foreldra í
skólanefndinni fannst gengið fram hjá Páli
Leó Jónssyni.
Ráðgjafanefnd komst að þeirri niður-
stöðu að Birgir Edwald, Guðmundur Ó. Ás-
mundsson og Páll Leó Jónsson uppfylltu
þær kröfur sem gerðar voru í auglýsingu
um stöðuna. Eftir gagnaöflun og viðtöl taldi
nefndin að Birgir og Guðmundur Ó. væru
hæfastir til að gegna stöðunni og Birgir
hæfari af þeim tveimur. Í umsögn meiri-
hluta skólanefndar segir að ráðgjafanefndin
mæli með Birgi vegna reynslu hans af
skólaþróunarverkefnum, þekkingu á
kennslufræðum og tölvu- og upplýsinga-
tækni, en skólanefndin sé ekki fyllilega sam-
mála þessari niðurstöðu nefndarinnar og
forsendum hennar. Nefndarmenn vilji einn-
ig líta til þess að Guðmundur Ó. Ásmunds-
son hafi meiri reynslu af skólastjórn en
Birgir. „Hann hefur, auk þess að vera að-
stoðarskólastjóri, gegnt skólastjórastöðu í
eitt ár við erfiðar aðstæður í stórum skóla,“
segir í umsögninni. „Þá þurfti hann meðal
annars að takast á við það mikla umrót sem
átti sér stað við sameiningu grunnskólanna
á Selfossi og leiddi samstarfsfólk sitt saman
til farsælla verka. Þetta styður það álit okk-
ar að Guðmundur uppfylli þau skilyrði sem
fram koma í auglýsingunni um frumkvæði,
skipulagshæfileika, sjálfstæði í vinnubrögð-
um og hæfni í mannlegum samskiptum.“
Bókuðu mótmæli
Ari Thorarensen sat hjá en bókaði að ráð-
gjafinn Hafsteinn Karlsson „hafi verið al-
gerlega óhæfur til að fjalla um ráðningu
Páls þar sem Hafsteinn er bæjarfulltrúi
Samfylkingarinnar í Kópavogi og Páll
fulltrúi Sjálfstæðisflokksins í bæjarstjórn
Árborgar. Það er mat mitt að þar sem 17 ára
reynsla Páls sem skólastjóra og reynsla
hans af öðrum félagsmálum langt umfram
hina umsækjendurna sé að engu gerð og 13
ára samanlögð aðstoðarskólastjórnun hinna
umsækjendanna tveggja lögð að einhverj-
um líkum, sé um hreina pólitík að ræða en
ekki vönduð vinnubrögð ráðgjafanna.“
Í bókun Kristins M. Bárðarsonar segir
meðal annars: „Páll Leó hefur að mínu mati
yfirburða þekkingu og reynslu sem stjórn-
andi og er því hæfastur til starfans.“
Deilur vegna
ráðningar
skólastjóra