Morgunblaðið - 21.01.2004, Page 18

HÖFUÐBORGARSVÆÐIÐ
18 MIÐVIKUDAGUR 21. JANÚAR 2004 MORGUNBLAÐIÐ
Reykjavík | Flutningur Hringbrautar suður
fyrir Umferðarmiðstöð hefur staðið til um ára-
bil, en nú hefur verið ákveðið að setja fram-
kvæmdir við hann í út-
boð um næstu
mánaðamót. Höf-
uðborgarsamtökin og
Samtök um betri
byggð hafa sent borg-
arráði Reykjavíkur
bréf þar sem hvatt er
til að fresta útboðinu
og framkvæmdum og
taka til greina mögu-
leikann á því að setja
Hringbrautina í stokk
til að greiða fyrir fram-
tíðarþróun miðborgarinnar á Vatnsmýr-
arsvæðinu.
Gert er ráð fyrir að framkvæmdir við færslu
Hringbrautar hefjist nú í lok mars. Að sögn
Ólafs Bjarnasonar, forstöðumanns verk-
fræðistofu umhverfis- og tæknisviðs Reykja-
víkurborgar, verður unnið við framkvæmd-
irnar á þessu ári og fram eftir því næsta.
„Aðalframkvæmdatíminn er þetta og næsta ár
og er reiknað með að kostnaðurinn verði um
1.500 milljónir,“ segir Ólafur. Áhyggjur akandi
vegfarenda af skerðingu umferðar vegna fram-
kvæmdanna segir Ólafur óþarfar. „Fram-
kvæmdasvæðið er að mestu leyti utan gatna,
þannig að vandamál með umferð verða bara
rétt þegar verið er að tengja nýju göturnar við
þær eldri. Framkvæmdasvæðið er sjálfstætt
að því leyti til.“ Ólafur segir brúna á Bústaða-
veginum vera hluta af umferðarskipulaginu,
nýja Hringbrautin verði leidd undir Bústaða-
veginn.
Tvö hús verða fjarlægð vegna færslu Hring-
brautar, fjölbýlishús við Miklubraut 16 og leik-
skólinn Sólbakki, sem liggur á nýju vegarstæði
Hringbrautar. Nú er verið að byggja Sólbakka
nýtt húsnæði í Stakkahlíð í stað þess gamla og
verður það tilbúið í vor.
Framtíðarmöguleikar í húfi
Bæði samtökin hafa mótmælt útfærslu
Reykjavíkurborgar á færslu Hringbrautar og
segja útfærslu borgarinnar skammsýna og hún
valdi miklum skerðingum á framtíðarmögu-
leikum byggðar í Vatnsmýri. Þar er bent á að
viðbótarlóð Landspítala – háskólasjúkrahúss
(LSH) skerðist um 55% vegna hljóðvistar og
beinir tengimöguleikar LSH við Háskólann og
hátæknifyrirtæki í Vatnsmýrinni verði að
engu. Einnig taka þeir fram að tengsl gömlu
miðborgarinnar við framtíðarbyggð í Vatns-
mýri verði að engu og umhverfisgæði aðliggj-
andi útivistarsvæða skerðist verulega. Enn-
fremur leiða samtökin líkur að því að staða nýs
flugvallar í Vatnsmýrinni styrkist. Þá eru
gatnamót við Bústaðaveg, Barónsstíg og
Njarðargötu sögð óskilvirk, landfrek, dýr og
háskaleg. Segja samtökin gatnamótin við Bar-
ónsstíg algerlega óþörf og óhagkvæm út frá
umferðarfræðilegum forsendum.
Örn Sigurðsson, arkitekt og meðlimur í Höf-
uðborgarsamtökunum, segir meginvandamálið
felast í því að ef tækifærið er ekki nýtt til að
setja Hringbrautina í stokk ónýtist ellefu hekt-
arar af verðmætasta byggingarlandi borg-
arinnar, en verðmæti þess sé auðveldlega hægt
að áætla um 5 milljarða. „Ef Hringbrautin færi
í stokk væri hægt að setja þarna afar verð-
mæta byggð, annars er þarna um að ræða 200
metra líflaust og óbyggilegt hávaðasvæði.
Þarna er verið að skera miðborgina í sundur.“
segir Örn og bætir við að hljóðvistarvandamál
voru ekki þekkt þegar Miklabraut og Hring-
braut voru upphaflega lagðar. „Nú vitum við að
hávaði yfir 55 desibelum, eins og verður á
þessu 200 metra breiða svæði, getur valdið
gríðarlegum heilsuvandamálum, fólk er mun
líklegra til að þjást af langtímastreitu og fá
streitutengda sjúkdóma eins og hjarta-
sjúkdóma og krabbamein þótt það finni ekki
beint fyrir hávaðanum,“ segir Örn. Hann segir
einnig að mikill kostnaður verði vegna glataðra
tækifæra og lélegrar nýtingar lóða. Þennan
kostnað sé erfitt að reikna beint út, en hann
liggi í augum uppi.
Þá gagnrýna samtökin umferðarljósa-
gatnamót og segja mun nærtækara að setja
upp hringtorgsgatnamót eins og eru áætluð á
mótum Kringlumýrarbrautar og Miklubraut-
ar. Með óslitnu flæði minnki allar umferð-
artafir og slysahætta minnki.
Ósammála um kostnað við stokk
Ólafur Bjarnason segir þessum athugasemd-
um samtakanna hafa verið svarað á deiliskipu-
lagsstigi. „Á undirbúningsstigi skoðuðum við
ýmsa möguleika á yfirbyggingu gatnamóta og
að setja götuna í stokk,“ segir Ólafur. Á þeim
tíma segir Ólafur kostnað við stokk frá gatna-
mótum við Bústaðaveg að Háskóla hafa verið
áætlaðan að minnsta kosti fimm milljarða.
„Stokkurinn færi um fimm metra niður fyrir
sjávarmál, þar sem hann færi undir Tjarn-
arlækinn, og mjög erfiðar tengingar yrðu við
Njarðargötu og Barónsstíg og Hlíðarfót með
landfrekum mislægum gatnamótum. Þótt
stokkurinn sé byggður verður eftir sem áður
umferð á yfirborði. Einnig var athugað að yf-
irbyggja gatnamót Hringbrautar og Njarð-
argötu. Áætlaður kostnaður við það var um 1,2
milljarðar. Þessar hugmyndir voru lagðar til
hliðar bæði vegna kostnaðar og takmarkaðs
umhverfislegs ávinnings,“ segir Ólafur.
Örn Sigurðsson segir þessar tilraunir borg-
arinnar til að kæfa hugmyndir samtakanna í
fæðingu undanbrögð. „Þar má nefna að þeir
áætla kostnað við hvern metra stokks á um-
ræddu framkvæmdasvæði fjórum til fimm
sinnum meiri en sambærilega stokka sem þeir
sjálfir hafa gert ráð fyrir sitthvorumegin við
þetta svæði og gera hvergi grein fyrir ástæðum
þessa dularfulla munar á kostnaði.
Þessi stefna samgönguyfirvalda veldur öll-
um landsmönnum skaða með lélegri landnýt-
ingu, hrörnandi miðborg og hærri slysatíðni á
þessu svæði. Með þessari útfærslu er aug-
ljóslega verið að vernda flugvöllinn og byggja í
kringum hann í stað þess að gera ráð fyrir því
að hann fari á endanum.
Þótt okkar útfærsla á framkvæmdunum
væri eitthvað dýrari einn og sér er hann á end-
anum mun hagkvæmari fyrir framtíð borg-
arinnar og samfélagið í heild,“ segir Örn að lok-
um.
Höfuðborgarsamtökin og Samtök um betri byggð vilja Hringbraut í stokk og hringtorgsgatnamót
Áætlað verðmæti landsins
um fimm milljarðar króna
Áformuð færsla Hringbrautar: Höfuðborgarsamtökin segja þessa útfærslu eyðileggja 11 hekt-
ara byggingarlands að verðmæti a.m.k. fimm milljarða.
Hringtorgsgatnamót auka gegnumflæði:
Samtökin vilja setja Hringbrautina í stokk til
að auka verðmæti lands í vatnsmýrinni.
Örn Sigurðsson
Forvarnarstarf | Undanfarin ár hefur hópur
þeirra sem fara með mál unglinga í Mosfellsbæ
hist reglulega til að ræða á hvern hátt hægt er
að styðja unglingana í að standa sterk gegn böli
vímuefna.
Hópinn skipa forsvarsmenn skólamála, fé-
lagsmála, kirkju, lögreglu, Rauða kross Kjós-
arsýslu, Heilsugæslu og foreldraráða skólanna.
Meðal þeirra forvarnaverkefna sem greint
var frá á fundi hópsins í Kjarna á dögunum má
nefna svokallað foreldrarölt, sem foreldrar með
aðstoð Rauða krossins hefur endurvakið í vet-
ur. Foreldrar safnast þá saman kl. 22 á föstu-
dags- og laugardagskvöldum í húsnæði Rauða
krossins í Urðarholti 4. Gengið er um bæinn í
einn og hálfan tíma. Þetta veitir krökkunum
aðhald og þau sjá að foreldrar láta sig þau
varða.
Fram kom að unglingar eru ekki mikið úti á
kvöldin. Ánægja ríkti á fundinum með unglinga
í Mosfellsbæ og voru menn á einu máli um að
gott ástand ríkti á þessu sviði í vetur.
Seltjarnarnes | Félagsstarf aldraðra á Sel-
tjarnarnesi er nú að hefjast eftir jólaleyfi.
Dagskráin er fjölbreytt og margt spennandi í
boði. Auk handavinnu er boðið upp á ker-
amik og postulínsstimplun, tréskurð, bók-
band og glerskurðarnámskeið. Leikfimi
verður stunduð tvisvar í viku og boccia einu
sinni í viku. Auk þess eru spilakvöld annan
hvern þriðjudag til vors og einu sinni í mán-
uði er farið í óvissuferð.
Aðsókn að félagsstarfinu er vaxandi og
flestir ættu að finna eitthvað við sitt hæfi á
dagskránni en hana má finna á vefsíðu Sel-
tjarnarnesbæjar, www.seltjarnarnes.is, auk
þess sem henni hefur verið dreift til eldri-
borgara.
Félagsstarf
aldraðra að hefjast
  
Reykjavík | Reykjavíkurborg hefur í undir-
búningi stofnun símavers þar sem á einum stað
verður svarað fyrirspurnum um þjónustu og
starfsemi borgarinnar eða
símtölum beint áfram. Hug-
myndirnar voru kynntar
borgarráði í gær, en stefnt
er að því að opna símaverið
samhliða þjónustumið-
stöðvum í hverfum borgar-
innar.
Í tilkynningu frá Reykja-
víkurborg segir að fjöl-
breytt starfsemi Reykjavík-
urborgar snerti flesta þætti
daglegs lífs íbúa borgarinn-
ar og þurfi því aðgengi borgarbúa að þjónustu,
upplýsingum um hana og starfsemi borgarinn-
ar að vera gott. Undanfarið hefur verið unnin
hugmyndavinna um betra aðgengi að upplýs-
ingum, m.a. með endurbótum að vef, og betra
aðgengi að þjónustu borgarinnar með stofnun
þjónustumiðstöðva í hverfum.
Ákveðið var að meta hvort rétt væri að bjóða
upp á eitt aðalnúmer Reykjavíkurborgar sem
svarað yrði í úr símaveri þar sem sérþjálfað
starfsfólk svarar fyrirspurnum borgarbúa og
vísar áfram til réttra aðila.
Þjónusta batni án
kostnaðarauka
Dagur B. Eggertsson borgarfulltrúi segir
þarna um að ræða tilraun til að læra af reynslu
annarra þjóða og því sem best gerist hjá þjón-
ustufyrirtækjum. „Við viljum einfalda aðgengi
íbúa og fyrirtækja að þjónustu og stjórnsýslu
borgarinnar. Langfæst sveitarfélög á íslandi
eru með það flókna þjónustu að þurfi meir en
eina aðkomuleið að þjónustu þeirra. Við þurf-
um að ná ákveðnu jafnvægi milli nálægðar
þjónustu við íbúa og einfaldleika hennar. Við
erum í raun að skoða þessa þríþættu gátt að
borginni, þ.e.a.s. í gegnum síma, net og þjón-
ustumiðstöðvar. Á vormánuðum reynum við að
komast til botns í skynsamlegustu og hag-
kvæmustu leiðunum til þess að þjóna íbúum
betur án þess að seilast dýpra í vasa skattborg-
aranna. Kannanir hafa sýnt að almennt upp-
lýsinga- og þjónustuver getur svarað um 80%
spurninga fólks. Þannig losum við um leið um
tíma sérfræðinga sem annars þyrftu að svara
þessum spurningum,“ segir Dagur.
Hlutverk símaversins verður að veita allar
almennar upplýsingar, í gegnum eitt aðalnúm-
er Reykjavíkurborgar og mun útfærslan taka
mið af starfsemi þjónustumiðstöðvanna.
Samrýming fyrirhuguð á upplýsingaþjónustu Reykjavíkurborgar
Eitt númer fyrir alla þjónustu
Dagur B.
Eggertsson
Morgunblaðið/Sverrir
Ein miðstöð þjónustu: Mikil hagræðing er talin nást með sameiginlegu þjónustuveri fyrirtækja
og stofnana borgarinnar, en talið er að það geti svarað um 80% spurninga innhringjenda.