Morgunblaðið - 21.01.2004, Blaðsíða 25

LISTIR
MORGUNBLAÐIÐ MIÐVIKUDAGUR 21. JANÚAR 2004 25
VIÐAR Hreinsson bókmenntafræð-
ingur hlýtur viðurkenningu Hag-
þenkis fyrir ævisögu sína um Steph-
an G. Stephansson í 2 bindum,
Landneminn mikli og Andvöku-
skáld. Viðurkenningin er veitt fyrir
framúrskarandi fræðilegt efni á
árinu 2003.
Hagþenkir hefur frá árinu 1986
veitt viðurkenningu fyrir fræðirit og
aðra miðlun fræðilegs efnis til al-
mennings. Viðurkenningarráð Hag-
þenkis úthlutar viðurkenningunni,
það er skipað fimm félagsmönnum
Hagþenkis af ólíkum fræðasviðum.
Viðurkenning Hagþenkis eru ein
veglegustu verðlaun sem höfundum
fræðirita og fræðilegra rita fyrir al-
menning getur hlotnast. Öll fræðirit
sem koma út á Íslandi koma til
greina óháð útgefanda eða tilnefn-
ingum. Verðlaunaupphæðin hefur
nú verið hækkuð í 750 þús. kr., sem
er sama upphæð og Félag íslenskra
bókaútgefenda veitir til Íslensku
bókmenntaverðlaunanna í hvorum
flokki fyrir sig.
Ævisögur fyrirferðarmiklar
Í umsögn Hagþenkis um verð-
launaveitinguna nú segir m.a.: „Ævi-
sögur eru mjög fyrirferðarmiklar á
íslenskum bókamarkaði. Þannig má
segja að drjúgur hluti þeirra bóka
sem skipuðu efstu sætin á sölulistum
sí0ðustu bókavertíða hafi verið ævi-
sögur í einhverjum skilningi, eða
sögulegar skáldsögur, en mörkin
milli þessara tveggja bókmennta-
greina – og annarra skyldra – verða
gjarnan heldur óljós og fljótandi.
Undirrótin er ekki síst áhugi ís-
lenskra lesenda á fólki, á lífi nafn-
greindra persóna í nútíð og fortíð. Á
síðari árum hefur æ meira borið á
því að fræðimenn leitist við að höfða
til hins almenna lesanda með því að
búa fræðum sínum einhvers konar
ævisagnaform, sem aftur hefur leitt
af sér vissa endurnýjun á því sviði.
Þrátt fyrir mikla verðleika
margra fræðilegra ævisagna á und-
anförnum árum hefur slíkt verk ekki
hlotið Viðurkenningu Hagþenkis –
fyrr en nú. Á viðurkenningarskjali
er letrað að Viðar „opnar heim
skáldsins með næmleika, traustri
fræðimennsku og alþýðlegri fram-
setningu“.
Verðleikar bókanna felast ekki
síst í greiningu Viðars á ljóðum
Stephans. Skáldskapur hans er
skoðaður í hugmyndasögulegu og
þjóðfélagslegu samhengi síns tíma,
en um leið verður ljóst hvað ljóð
Stephans eru í raun tímalaus, við-
fangsefni hans sammannleg og nær-
tæk allt fram á okkar tíma. Þessar
bækur eru mikill fengur þeim sem
unna ljóðum Stephans G. Steph-
anssonar og ekki síður þeim sem
eiga eftir að kynnast verkum þessa
mikla skálds.“
Viðar Hreinsson hlýtur viðurkenningu Hagþenkis fyrir ævisögu Stephans G.
Morgunblaðið/Þorkell
Ármann Jakobsson afhendir Viðari Hreinssyni viðurkenningarskjal Hagþenkis.
Traust fræðimennska
Næsti bar, Ingólfstræti 1a, kl.
21.30 Þjóðaríþróttakvöld þar sem
listamenn flytja og syngja texta sína
og annarra kunnra Íslendinga.
Fram koma meðal annarra Steindór
Andersen, Friðrik Erlingsson, Guð-
rún Eva Mínervudóttir, Kristbergur
Pétursson, Lísa Pálsdóttir, Björg-
úlfur Egilsson, Hálfdán Theodórs-
son o.fl. Kynnir er Guðjón Sigvalda-
son.
Í DAG
 Sjá einnig Staður og stund á mbl.is
VEGNA mikillar aðsóknar hefur
verið ákveðið að bæta við fjórum
aukasýningum á uppistandi Eddu
Björgvinsdóttur í Iðnó. „Þetta er til-
valið tækifæri fyrir stærri og smærri
hópa að gera sér glaðan dag í lok
vinnuviku,“ segir í kynningu.
Innifalið í miðaverði er súpa dags-
ins og heimabakað brauð.
Uppistandið er milli 12.00 og 12.55
á föstudögum í Iðnó og eru næstu
sýningar 23. og 30. janúar, 6. og 13.
febrúar.
Miðasala er í Iðnó alla daga vik-
unnar og einnig á heimasíðu Iðnó.
Hádegisuppi-
stand Eddu
Björgvins
í Iðnó
KRISTÍN Ómarsdóttir hefur gert
útgáfusamning við Bókaútgáfuna
Sölku og mun skáldsaga sem hún
hefur í smíðum koma út hjá Sölku á
árinu, segir í fréttatilkynningu frá
útgáfunni.
Fyrsta bók Kristínar var ljóða-
bókin Í húsinu okkar er þoka sem
hún gaf út sjálf 1987, síðan hafa birst
eftir hana á annan tug verka, leikrit
sem sýnd hafa verið víða og ljóða-
bækur, skáldsögur og smásögur sem
gefnar hafa verið út hjá Máli og
menningu. Nokkur verka Kristínar
hafa verið þýdd á erlend tungumál
og hafa meðal annars komið út í
Finnlandi, Svíþjóð og Frakklandi.
Kristín dvelur nú í Barcelona við rit-
störf.
Kristín
Ómarsdóttir
gengur til liðs
við Sölku
♦♦♦
SOFFÍA Sæmundsdóttir myndlist-
arkona hreppti nýverið bandarísku
Joan Mitchell-verðlaunin fyrir
myndlist sína. Verðlaunin eru kennd
við bandarísku listakonuna Joan
Mitchell, sem var einn kunnasti mál-
ari þjóðar sinnar á síðustu öld. Stofn-
un í hennar nafni sér um verðlauna-
veitinguna.
Að sögn Soffíu var Joan Mitchell
abstrakt-expressjónisti, og starfaði
lengi í París. „Þetta eru svipuð verð-
laun og Pollock-Krasner verðlaunin,
en eingöngu fyrir starfandi lista-
menn í málaralist og skúlptúr,“ segir
Soffía. „Mér hlotnaðist sá heiður að
verða tilnefnd til að sækja um verð-
launin. Það er ekki hægt að sækja um
þau sjálfstætt; - fólki er boðið að gera
það. Þetta var í sumar. Mér var boðið
að senda inn slides-myndir af verk-
um mínum og komast í þennan pott
listamanna sem valið er úr. Tíu lista-
menn voru svo valdir úr þessum
hópi.“
Sýnir talsvert í Bandaríkjunum
Í 30 manna hópi sem velur þá sem
boðið er að sækja um, eru sýning-
arstjórar og listamenn, og hver
þeirra tilnefnir tvo, og segist Soffía
gruna kennara sinn úr Kaliforníu um
að hafa tilnefnt sig, þótt ekki sé gefið
upp hverjir sitji í hópnum. Það er svo
óháð dómnefnd sem vel-
ur þá tíu sem verðlaunin
hljóta.
Soffía er nýkomin
heim úr tveggja ára
meistaranámi í San
Francisco, og segir verð-
launin vera gríðarlega
hvatningu fyrir sig um
að halda áfram ótrauð.
„Ég hef verið að skoða
þau nöfn sem hafa fengið
þessi verðlaun áður og
hvað það fólk er að gera,
og listinn er fagur og af-
rekin mörg, bæði meðal
þeirra sem fá verðlaunin
núna, og þeirra sem hafa
fengið þau áður. Þetta hvetur mann
því sannarlega til dáða.“
Verðlaunin eru drjúg peningaupp-
hæð sem listamaðurinn getur notað
að eigin vild til framdráttar sinni list,
og segist Soffía hafa ákveðið að nota
tækifærið og taka sér vinnustofu á
leigu, til að skapa sér betri aðstöðu.
„Ég er ekki alveg farin að melta það
með mér hverju þetta kann að breyta
fyrir mig, ætli ég þurfi ekki að setjast
niður og velta fyrir mér næstu skref-
um.“
Soffía hefur sýnt talsvert í Banda-
ríkjunum að undanförnu og hélt með-
al annars sýningu á verkum sínum í
SF MOMA Artist
Gallery í San Franc-
isco síðasta vor, en
galleríið er starfrækt í
tengslum við Nútíma-
listasafnið í San
Francisco. „Mér var
boðið að sýna þar á
meðan ég var enn í
skólanum, og síðan þá
hef ég tekið þátt í
tveimur samsýningum
og sýni í Boston í maí í
vor.“
Í kjölfar verð-
launanna opnast
Soffíu ýmis tækifæri,
sem hún segir að tíma
taki að velta fyrir sér. „Ég þarf fyrst
og fremst að átta mig á því hvað ég vil
sjálf gera og eftir hverju ég er að
sækjast í listinni. Ég kom heim í
haust, búin að ákveða að setjast hér
að og njóta þess, en tækifærin ráðast
kannski af því sem ég vil gera. Joan
Mitchell-stofnunin er í New York, og
ef maður vill, býðst manni kennsla
þar. En það er kannski mesta hjálp-
artækið að hafa nafn Joan Mitchell á
bak við sig á þennan hátt. Einn af
verðlaunahöfunum frá í fyrra, Fred
Wilson, var til dæmis valinn sem
fulltrúi Bandaríkjanna til að sýna á
Feneyjatvíæringnum. Margir fleiri
úr hópi þessara verðlaunahafa eru að
gera það mjög gott í listaheiminum.
Verðlaunin eru ætluð til þess að lista-
mennirnir geti unnið að sínum ferli,
og það er undir hverjum og einum
komið hvernig hann spilar úr því. Úti
var ég til dæmis að vinna risastórar
teikningar, sem eru ekki beint sölu-
vænar. Verðlaunin auðvelda manni
þannig að sinna því sem hugurinn
stendur til og það er mesti ávinning-
urinn.“
Soffía Sæmundsdóttir hreppir bandarísku Joan Mitchell-verðlaunin
Gott að hafa nafnið á bak við sig
Soffía Sæmundsdóttir
Skeifan 2 - 108 Reykjavík - S. 530 5900
poulsen@poulsen.is - www.poulsen.is
Reimar og drifbúnadur
70 íbúðir - 2ja, 3ja og 4ra herbergja
Óskast
Erum að leita fyrir opinberan aðila að 70 íbúðum, 2ja, 3ja og
4ra herbergja, á höfuðborgarsvæðinu. Staðgreiðsla í boði
fyrir réttar eignir. Skoðun og kaup ganga mjög hratt fyrir sig.
Hafið samband við sölumenn Foldar
í síma 552 1400 eða 694 1401!
Laugavegi 170, 2. hæð.
Opið virka daga kl. 8-17.
Sími 562 1400
Fax 552 1405
www.fold.is
fold@fold.is
EINBÝLISHÚS Á SELTJARNARNESI ÓSKAST
Traustur kaupandi hefur beðið okkur að útvega 250-350 fm einbýlishús á
Seltjarnarnesi. Góðar greiðslur í boði. Allar nánari uppl. Sverrir Kristinsson.
EINB. - HÆÐ OG RIS EÐA HÆÐ OG KJ. Í VESTURB.
4RA HERB. ÍBÚÐ ÓSKAST Í KÓPAVOGI
Traustur kaupandi óskar eftir 4ra-5 herbergja íbúð í Smárahverfi eða Lindunum í
Kópavogi. Nánari upplýsingar veitir Kjartan Hallgeirsson fasteignasali.
RAÐH., PARH. EÐA EINBÝLISH. Í VESTURBÆ ÓSKAST
Góð 57 fm 2ja herb. íbúð á 3. hæð.
Íbúðin skiptist í hol, stofu,
baðherbergi, svefnherbergi og
eldhús. Í kjallara er sameiginlegt
þvottahús og sérgeymsla.
V. 8,9 m. 3836
HRINGBRAUT - LAUS STRAX
Traustur kaupandi óskar eftir eign eins og lýst er í fyrirsögn. Æskileg stærð 250-
350 fm. Eignin má kosta á bilinu 25-40 millj. Nánari uppl. veitir Sverrir Kristinsson.
Traustur kaupandi hefur beðið okkur að útvega 150-250 fm eign skv. ofanskráðri
lýsingu. Sjávarútsýni æskilegt. Staðgreiða í boði.
Allar nánari uppl. veitir Sverrir Kristinsson.