Morgunblaðið - 22.02.2004, Síða 4

FRÉTTIR
4 SUNNUDAGUR 22. FEBRÚAR 2004 MORGUNBLAÐIÐ
TVEIR menn á tvítugsaldri veittust
að manni á þrítugsaldri þar sem
hann var á gangi í Suðurhvammi í
Hafnarfirði um kl. 8 á laugardags-
morgun. Lögregla var kvödd á stað-
inn og handtók hún árásarmennina
tvo.
Sá sem ráðist var á mun ekki hafa
þekkt árásarmennina, en aðdrag-
andi árásarinnar er óljós að sögn lög-
reglu. Maðurinn var nokkuð bólginn
og marinn og leitaði sjálfur á slysa-
deild eftir árásina.
Ráðist á
mann í Suður-
hvammi
HALLDÓR Ásgrímsson, utanríkisráðherra og
sitjandi iðnaðarráðherra, segir það sitt mat að
ekki sé tilefni til heildarhækkunar á orkuverði
vegna fyrirhugaðra breytinga á lögum um fyr-
irkomulag raforkuflutninga enda sé ekki um
það að ræða að nýr kostnaður muni falla til. Ut-
anríkisráðherra segist því ekki sjá ástæðu til
þess að hafa jafnmiklar áhyggjur af málinu og
margir aðrir hafi viðrað í fjölmiðlum.
Halldór hefur m.a. átt viðræður við forstjóra
Orkuveitu Reykjavíkur, Guðmund Þórodds-
son, sem hefur gagnrýnt tillögur 19 manna
nefndarinnar svonefndu, og talið að þær
myndu hækka raforkuverð á svæði OR um allt
að 20%. Guðmundur segir að eftir þær við-
ræður sé ljóst að myndast hafi „gagnkvæmur
skilningur“ á því að meta flutningsmannvirki
orkufyrirtækjanna á fullu verði inn í flutnings-
kerfið. Einnig að beinar niðurgreiðslur séu
betur komnar inni í skattkerfinu, fari þannig
beint inn á fjárlög ríkisins og að raflínur í
strjálbýli séu ekki metnar í kerfið á fullu verði.
„Ef það verður niðurstaðan þá verðum við sátt-
ir,“ segir Guðmundur og telur að þá geti aðeins
orðið lítilsháttar hækkun á raforkuverðinu.
Halldór Ásgrímsson minnir á að kostnaður
vegna flutnings raforkunnar á landsvísu sé
ekki nema 15 til 17% af heildarkostnaðinum og
að hærra hlutfall sé vegna dreifingar orku-
veitnanna á eigin svæðum.
Enn eftir að útkljá ýmis atriði
Halldór segir enn eftir að útkljá nokkur
óvissuatriði, s.s. verðmat á mannvirkjum og
það mat þurfi að vera sanngjarnt og því eðli-
legt að fara vel yfir málið. Eins bendir ráð-
herra á að félagslegur kostnaður vegna dreif-
ingar raforku í mesta dreifbýlinu sé um 200
milljónir á ári og enn hafi engin ákvörðun verið
tekin um það hvernig það verði leyst eða hvort
ríkissjóður komi þar beint að. Mál séu því enn
ekki frágengin.
Halldór telur að margt jákvætt muni gerast
á raforkumarkaðinum þegar þessar breytingar
hafa verið gerðar, aukin samkeppni verði í sölu
á raforku og ljóst að hagræðingarmöguleikar í
dreifingu verði einnig fyrir hendi.
Halldór Ásgrímsson, sitjandi iðnaðarráðherra, hefur rætt við stjórnendur orkufyrirtækja
Ekki tilefni til heildar-
hækkunar á orkuverði
Forstjóri OR segir gagnkvæman skilning vera að myndast
Halldór
Ásgrímsson
Guðmundur
Þóroddsson
FULLTRÚI Vinstri grænna í 19 manna nefnd-
inni svonefndu, Jón Bjarnason þingmaður,
skilaði inn séráliti til iðnaðarráðuneytisins
vegna flutningskerfis raforkunnar. Þar segir
Jón m.a. að flutningskerfið eigi skilyrðislaust
að vera í opinberri eigu og arðsemiskrafa eigi
aldrei að fara yfir 3%. Fellst hann ekki á
hlutafélagaformið sem meirihluti nefnd-
arinnar leggur til og hefur óskað eftir sam-
anburði á kostum og göllum mismunandi eign-
ar- og rekstrarforma flutningsfyrirtækisins
sem þarf að stofna með nýjum raforkulögum
eftir tilskipun ESB um aðskilnað framleiðslu,
sölu og dreifingar á raforku.
Jón segir VG telja að sameiginlegar auð-
lindir landsmanna eigi að vera á forræði „al-
mannavaldsins“. VG hafi frá upphafi varað við
afleiðingum þess að tilskipun ESB um innri
skipan raforkumála verði tekin upp á Íslandi.
Jón segir lægri arðsemiskröfu draga úr
þörf fyrir hækkun raforkuverðs á einstökum
dreifisvæðum en æskilegt sé að hvergi komi
til umtalsverðra hækkana. Tekur Jón undir
það með meirihluta nefndarinnar að sama
verð verði greitt fyrir flutning og dreifingu
rafmagns hvar sem er á landinu. Verðjöfnunin
verði tekin innan raforkukerfisins en ekki
með sérstökum ríkisframlögum til einstakra
notenda eða veitna.
Fulltrúi VG
skilaði séráliti
DEILA hjúkrunarfræðinga og
sjúkraliða á Miðstöð heimahjúkrun-
ar við forsvarsmenn Heilsugæslunn-
ar í Reykjavík vegna aksturssamn-
inga er enn óleyst. Kristjana
Guðjónsdóttir einn af talsmönnum
starfsfólksins segir samningavið-
ræður undanfarnar vikur engan ár-
angur hafa borið. Hún gagnrýnir
hvernig stjórnendur heilsugæslunn-
ar hafa haldið á málum og segir til-
burði þeirra til að semja undanfarna
daga einkennast af ósamkvæmni.
Næsti samningafundur er boðaður á
miðvikudag en Kristjana er vonlítil
um að samningar náist.
Heilsugæslan í Reykavík hefur
sagt upp aksturssamningi við starfs-
fólk í heimahjúkrun sem notast við
einkabíl í vitjunum. Vilja stjórnend-
ur heilsugæslunnar að fólkið sinni
heimahjúkrun á rekstrarleigubílum
og hafa lagt fram samning þess efn-
is. Kristjana, Anna Guðrún Gunn-
arsdóttir og Harpa Karlsdóttir
segja samning, sem lagður hefur
verið fram, ólöglegan. Þar hafi verið
gert ráð fyrir að starfsfólk geti not-
að rekstrarleigubílinn til einkanota
sem samræmist ekki reglum um bif-
reiðamál ríkisins. Í kjölfarið hafi
samningnum verið breytt.
Einnig gagnrýna þær að í viðtöl-
um við starfsmenn hafi verið fullyrt
að ekki þyrfti að borga skatt af þess-
um hlunnindum. Segja þær það alls
ekki standast og hlunnindaskatt ná
yfir svona samninga. Reynt hafi ver-
ið að villa um fyrir starfsmönnum,
rökstuðningur fyrir framkvæmdinni
breytist reglulega og nýjar út-
færslur á samningnum séu lagðar
fram vikulega.
Hlúa ekki að starfsfólki
Harpa segist ekki skilja af hverju
forsvarsmenn heilsugæslunnar vilji
frekar eiga viðskipti við bílaumboð í
stað þess að hlúa að mannauði sem
felist í starfsfólki heimahjúkrunar
og eiga viðskipti við það. Þeir hafi
lýst því yfir í viðtölum að ekkert
sparist með þessu breytta fyrir-
komulagi. Anna Guðrún segir akst-
urssamninga klárlega hluta af
starfskjörum þeirra og verið sé að
rýra kjör starfsmanna með þessu
tillögum. Með greiðslum fyrir vitj-
anir hafi starfsmenn getað rekið eig-
in bíl fyrir greiðslur frá heilsugæsl-
unni.
Kristjana fullyrðir að 46 starfs-
menn muni hætta störfum um næstu
mánaðamót gangi þetta eftir. Litið
sé á þetta sem uppsögn í starfi.
Skjólstæðingar þeirra taki þetta
mjög nærri sér og þetta snerti yfir
þúsund manns. Segir hún samning
um þessar greiðslur megi rekja allt
til ársins 1990 þegar heimahjúkrun
fluttist frá sveitarfélögunum yfir til
ríkisins. Framvísaði hún samningi
máli sínu til stuðnings undirritaðan
af fulltrúa fjármálaráðuneytisins og
Ögmundi Jónassyni formanni
BSRB.
Deila um aksturssamninga vegna heimahjúkrunar í Reykjavík er enn óleyst
Segja heilsugæsluna hafa lagt
fram ólöglega samninga
ÞAÐ hefur verið mikil vinna hjá
saltfiskverkun GPG á Húsavík að
undanförnu og á dögunum var sett
met, hvað varðar það magn, sem
fer í gegnum vinnsluna hjá fyrir-
tækinu á einum degi. Fram ÞH 62
er einn þeirra netabáta sem er í við-
skiptum við GPG. Á myndinni er
Óðinn Sigurðsson skipstjóri hans að
landa í Húsavíkurhöfn.
„Já það er rétt við settum met í
flatningu þegar alls fóru 65 tonn af
fiski í gegnum vinnsluna hjá okkur
á 8 tímum og það hefur ekki áður
verið gert betur hjá GPG,“ sagði
Grímur Kárason verkstjóri og taldi
þá jafnvel geta gert örlítið betur,
en þá þarf allt að ganga upp. Grím-
ur segir að alls hafi 300 tonn af fiski
komið í húsið í þessari viku og ver-
tíðin virðist byrja vel. „Við fáum
fiskinn af viðskiptabátum okkar,
sem eru víða um landið, sendan
með flutningabílum auk þess sem
við eru með heimabáta í viðskipt-
um. Það hefur fiskast vel á línuna
hjá smábátunum hér heima og hann
virðist vera að byrja að gefa sig hjá
þeim í netin, sá guli,“ sagði Grímur
að lokum.
Morgunblaðið/Hafþór
Starfsmenn GPG settu met í flatningu
Húsavík. Morgunblaðið.
LÍÐAN konu á áttræðisaldri sem
var bjargað úr reykfylltu húsi sínu á
föstudagsmorgun er óbreytt. Lækn-
ir á gjörgæslu segir konuna áfram
þungt haldna og í öndunarvél.
Óbreytt líðan
eftir bruna
♦♦♦
EIN af kröfum Félags
grunnskólakennara í
kjaraviðræðunum við
launanefnd sveitarfé-
laga, sem í hönd fara,
er að einhverjar reglur
verði settar um stærð
bekkja, en í dag er
engin regla um hversu
stórir bekkir mega
vera. „Við gætum setið
uppi með 70–80 nem-
endur án þess að geta
sagt múkk. Það eru
allavega 900 bekkir á
landinu sem vitað er að
eru með fleiri en 20
nemendur,“ segir
Finnbogi Sigurðsson, formaður Fé-
lags grunnskólakennara.
Lægri kennsluskylda
Þá setja grunnskólakennarar
kröfu um að kennsluskylda verði
lækkuð og að meðallaun byrjenda
hækki úr 175 þúsund krónum í 250
þúsund, eða um 43%. Finnbogi segir
grunnskólakennara telja að 175 þús-
und króna mánaðarlaun séu allt of
lág. „Ef menn vilja manna skólana
með yngra fólki hlýtur að vera nauð-
synlegt að gera sæmilega við það,“
segir Finnbogi og bæt-
ir við að í gegnum tíð-
ina hafi verið talsvert
um að ungir kennarar
fari í önnur og betur
launuð störf en
kennslu, eftir útskrift
úr Kennaraháskólan-
um. „Við vorum komin
rosalega aftarlega, það
hefur vissulega eitt-
hvað áunnist á síðustu
árum, en það er bara
ekki nóg,“ segir hann.
Aðspurður hvort
kennarar séu bjartsýn-
ir að ná fram svo mik-
illi hækkun fyrir byrj-
endurna, segir Finnbogi að
kennarar væru varla að setja fram
þessa kröfu ef þeir væru ekki bjart-
sýnir á að ná settu marki. „En það
er alveg eftir að ræða þessi mál,“
segir hann.
Samningar grunnskólans renna
út 31. mars og segir Finnbogi að við-
semjendur hafi einungis hist á ein-
um fundi, fyrir tveimur vikum, þar
sem skipst var á pappírum, en engin
kynning fór fram. „Það má gera ráð
fyrir að þetta fari í skoðun eftir
svona viku,“ segir hann.
900 bekkir með fleiri
en 20 nemendur
Finnbogi Sigurðsson