Morgunblaðið - 22.02.2004, Qupperneq 38

LISTIR
38 SUNNUDAGUR 22. FEBRÚAR 2004 MORGUNBLAÐIÐ
GRADUALEKÓR Langholtskirkju
flytur Gloriu eftir Vivaldi í Lang-
holtskirkju kl. 17 í dag. Kammersveit
sem að hluta til er skipuð fyrrverandi
„Gröllurum“ leikur með. Konsert-
meistari verður Helga Þóra Björg-
vinsdóttir sem er að ljúka námi frá
Listaháskóla Íslands. Einsöngvarar
eru allir úr röðum kórfélaga, Auður
Albertsdóttir, Ásdís Eva Ólafsdóttir,
Ingibjörg Friðriksdóttir, María Vig-
dís Kjartansdóttir, Þorgerður Edda
Hall og Þóra Sif Friðriksdóttir.
Glorian og Árstíðirnar eru þau
verk sem „Rauðhærði presturinn“
Vivaldi er þekktastur fyrir og oftast
eru flutt. Glorian er samin fyrir
blandaðan kór og hefur margsinnis
verið flutt hérlendis. Það er sjaldgæf-
ara að heyra verkið í flutningi barna-
kórs, en útsetningin er eftir Louis
Pichierri (f. 1917) sem var tónlistar-
skólastjóri og hljómsveitarstjóri í
New Hampshire. Gradualekórinn
flutti verkið fyrir tíu árum ásamt
Unglingakór Selfosskirkju. Á fyrri
hluta tónleikanna munu nemendur
söngdeildar Gradualekórsins syngja
einsöng. Kórfélögum hefur um
margra ára skeið verið gefinn kostur
á söngnámi á vegum kórsins. Sl.
haust var námið aukið og tekin upp
kennsla í tónfræðum og geta nem-
endur nú lokið grunnnámi í söng.
Auk einsöngvaranna í Gloriunni
syngja eftirtaldir á tónleikunum:
Aðalbjörg Rósa Indriðadóttir,
Andri Björn Róbertsson, Auður
Anna Kristjánsdóttir, Ásdís Björg
Gestsdóttir, Guðný Debora Jóhanns-
dóttir, Guðrún M. Sigurbergsdóttir,
Lilja Guðmundsdóttir, Ragnhildur
Jóhanna Júlíusdóttir, Sigurborg
Skúladóttir og Snædís Snorradóttir.
Kennarar við söngdeildina eru
Harpa Harðardóttir, Ólöf Kolbrún
Harðardóttir og Sesselja Guðmunds-
dóttir.
Stjórnandi og undirleikari er Jón
Stefánsson.
Morgunblaðið/Sverrir
Jón Stefánsson æfir Gradualekórinn í Gloríu eftir Vivaldi.
Gradualekór Lang-
holtskirkju flytur
Gloriu eftir Vivaldi
Á NÆSTU tónleikum í Kamm-
ermúsíkklúbbnum verða flutt þrjú
verk eftir þá Friedrich Kuhlau, Jo-
hann Sebastian Bach og Johannes
Brahms. Tónleikarnir eru sem
fyrr í Bústaðakirkju kl. 20 í kvöld,
sunnudagskvöld. Flytjendur eru
Martial Nardeau, Greta Guðna-
dóttir, Zbigniew Dubik, Guð-
mundur Kristmundsson, Þórunn
Ósk Marinósdóttir, Hrafnkell Orri
Egilsson og Sigurgeir Agnarsson.
Á fyrri hluta tónleikanna verða
flutt tvö verk: Kvintett fyrir
flautu, fiðlu, tvær víólur og selló í
A-dúr, op. 51,3 í fjórum köflum
eftir Friedrich Kuhlau (1786–
1832). Friedrich var þýskur en
flúði frá Hamborg til Kaup-
mannahafnar undan herjum
Napóleons árið 1810. Þar festi
hann rætur og varð, ásamt C.E.F.
Weyse, mikilvægasta tónskáld
Dana á mótum klassíska og róm-
antíska tímabilsins. Eftir hann
liggja verk af öllu tagi öðru en
kirkjutónlist, en meðal vinsælustu
og best þekktu verka hans eru
sönglögin í Elverhøj eftir Heiberg,
sem hefur svipaða stöðu í danskri
þjóðarsál og Skugga-Sveinn hér.
Næst kemur verk eftir Bach, Fúga
nr. 8. í Es-dúr úr Das Wohltemper-
ierte Klavier. Verkið er umskrifað
fyrir strengjatríó af W.A. Mozart,
K. 404. Mozart kynntist Bach fyrir
tilviljun í kringum 1880. Þar var í
Vínarborg staddur tónlistar-
áhugamaðurinn van Swieten bar-
ón. Á hverjum sunnudegi spilaði
hann kammermúsík með tveimur
vinum sínum; stundum bættist
Haydn eða einhver annar fiðlari í
hópinn til að spila kvartett, ellegar
Mozart sem þá spilaði á píanó. Van
Swieten safnaði tónlist Bachs og
hafði með sér í handriti Das Wohl-
temperierte Klavier í handriti,
sem Mozart spilaði af blaðinu í
samkvæminu og heillaðist mjög af
mætti og andríki þessa meistara
kontrapunktsins.
Eitt verk verður flutt eftir hlé:
Sextett fyrir tvær fiðlur, tvær víól-
ur og tvö selló í B-dúr, op. 18,1 eft-
ir Johannes Brahms í fjórum þátt-
um. Brahms taldi sig ekki hæfan
til að skrifa strengjakvartett fyrr
en hann var orðinn fertugur, slík
var virðing hans fyrir meisturum
strengjakvartettsins, Haydn, Moz-
art og Beethoven. Enginn þeirra
stóru skrifaði fyrir þessa samsetn-
ingu hljóðfæra, tvær fiðlur, tvær
víólur, tvö selló, og því þurfti hann
ekki að óttast samanburð.
Morgunblaðið/Jim Smart
Þau flytja tónlist eftir Kuhlau, Bach og Brahms hjá Kammermúsíkklúbbnum.
Brahms þurfti ekki
að óttast samanburð
SIGRÚN Magna Þórsteinsdóttir, org-
anisti í Breiðholtskirkju, og Þórunn El-
ín Pétursdóttir sópransöngkona halda
tónleika í Hjallakirkju kl. 20 í kvöld.
Þær eru báðar að kveðja sér hljóðs í
fyrsta sinn því Þórunn Elín er að ljúka
burtfararprófi úr Listaháskólanum í
vor en Sigrún Magna útskrifaðist úr
Tónskóla Þjóðkirkjunnar og hélt sína
burtfararprófstónleika í Hallgríms-
kirkju í desember sl.
„Við ætlum að vera með söng og
orgel í bland,“ segir Sigrún Magna.
„Þórunn Elín byjar á því að synja tvö
lög eftir Atla Heimi Sveinsson, Fest-
ingin víða og Maríukvæði. Svo spila ég
Allein Gott in der Höh sei Ehr úr 18
Leipzig-kórölum Bachs, síðan syngur
Þórunn þrjú ljóð sem Schemelli safn-
aði, í útsetningu J.S. Bachs. Þar á eftir
kemur Ave María eftir Gounod og
Bach, svo syngur hún I know that my
Redeemer liveth úr Messíasi eftir
Händel. Svo spila ég verk eftir Mend-
elssohn, Sónötu í d-moll nr. 6. Að lok-
um syngur Þórunn Elín Laudate dom-
inum úr Kvöldmáltíðamessu eftir
Mozart.“
Þær ákváðu að hafa verk á efnis-
skránni sem spannar breitt bil og ís-
lenskt tónskáld varð líka að vera með.
„Atli Heimir er eitt af mínum uppá-
halds tónskáldum. Hann gerir svo
ótrúlega fallegar línur. Í Festingunni
er undirleikurinn mjög einfaldur í
fyrsta erindinu, rétt liggjandi hljómar
en í öðru erindinu fær maður svona
dásamlega yfirrödd sem kallast á við
söngröddina. Yndislega viðkvæmt,
auðvelt að lesa en hárfínt að spila. Mar-
íukvæðið er í raun mjög erfitt að
syngja, það er svo brothætt, svo fín-
legt.“
Um samstarf þeirra Þórunnar segir
Sigrún Magna: „Við Þórunn Elín
kynntumst í Mótettukór Hallgríms-
kirkju. Einhverju sinni var vinkona
hennar að fara að gifta sig á Þingvöll-
um og Þórunn Elín ætlaði að syngja
við athöfina. Það vantaði undirleikara
og hún spurði hvort ég væri til í slag-
inn. Ég sló til og samstarfið gekk það
vel að við ákváðum að halda áfram.
Þessir tónleikar eru bara þeir fyrstu.“
„Atli Heimir gerir svo
ótrúlega fallega línu“
helgag@mbl.is
Nordic Historical
National
Accounts –
Proceedings of
Workshop VI,
Reykjavík 19.–
20. september
2003 hefur að
geyma 13 greinar
frá ráðstefnu um
sögulega þjóðhagsreikninga sem
haldin var á vegum Sagnfræðistofn-
unar og Hagfræðistofnunar í Háskóla
Íslands. Ritstjóri er Guðmundur Jóns-
son.
Ritið gefur þverskurð af þeim fjöl-
breytilegum rannsóknum sem stund-
aðar eru á sögulegri þróun þjóð-
arframleiðslu og annarra hagstærða
á Norðurlöndum. Fjallað er bæði al-
mennt um framlag þjóðhagsreikninga
til hagvaxtar og afmörkuð efni s.s.
áætlanir á hagstærðum, rætur hag-
vaxtar og aðferðafræðileg álitamál.
Höfundar greina eru meðal annarra
Jan-Pieter Smits, Niels Kærgård, Ola
Grytten, Peter Vikström, Jari Kaup-
pilla, Elisabeth Bjorsvik, Johanna
and Seppo Varjonen, Carl-Axel Nils-
son og Magnus Lindmark.
Útgefandi er Sagnfræðistofnun Há-
skóla Íslands. Ritið er 272 bls., kilja.
Háskólaútgáfan sér um dreifingu.
Verð: 4.450 kr.
Greinar