Morgunblaðið - 27.02.2004, Page 48

ÍÞRÓTTIR
48 FÖSTUDAGUR 27. FEBRÚAR 2004 MORGUNBLAÐIÐ
ÞAÐ verður sannkölluð bikarúr-
slitahelgi hjá Handknattleiks-
sambandi Íslands í Laugardalshöll
nú um helgina. Á morgun verður
spilað til úrslita í meistaraflokki
karla og kvenna en á sunnudaginn
fá leikmenn yngri flokkanna að láta
ljós sitt skína í Höllinni auk sem
leikið verður til úrslita í grunn-
skólamótinu.
Í karlaflokki leiða Fram og KA
saman hesta sína klukkan 16.30 á
morgun. Liðin hafa þrívegis mæst á
Íslandsmótinu í vetur og þar hafa
KA-menn vinninginn, 2:1. Enginn
forföll eru í leikmannahópum lið-
anna að því undanskildu að Fram-
arinn Björgvin Björgvinsson, fyrr-
verandi leikmaður KA, er meiddur
í baki og leikur ekki meira með á
tímabilinu. Í kvennaflokki takast á
Íslandsmeistarar ÍBV, sem hafa
verið hreint óstöðvandi í vetur, og
bikarmeistarar Hauka og hefst
leikur liðanna klukkan 13. Liðin
áttust einnig við í úrslitum í fyrra
þar sem ÍBV hafði betur í æsispenn-
andi leik, 24:23, en fyrir þremur ár-
um höfðu Haukar betur í úrslitaleik
gegn ÍBV eftir framlengdan leik,
21:18.
Bæði lið geta teflt fram sínum
sterkustu leikmönnum. Anna Yak-
ova hefur átt við smámeiðsli að
stríða en að sögn forráðamanna
ÍBV verður hún klár í slaginn. Liðin
hafa mæst einu sinni á Íslands-
mótinu í vetur og fögnuðu Eyjakon-
ur sigri á heimavelli með þrettán
marka mun, 36:23.
Bikarúrslitahelgi
í Laugardalshöllinni
BJARNI Guðjónsson, landsliðsmaður í knattspyrnu, er
að vonast til að Eric Black, knattspyrnustjóri enska 1.
deildarliðsins Coventry, bjóði sér varanlegan samning
við félagið en Bjarni er í láni hjá Coventry frá þýska
liðinu Bochum út leiktíðina.
„Þegar ég kom til Coventry var það vegna þess að ég
var ekki ánægður að fá ekki að spila. Ég vil spila en
ekki sitja á bekknum og ég vona að ég geti verið áfram
hjá Coventry,“ segir Bjarni í viðtali við Coventry Even-
ing Telegraph.
Bjarni hefur fallið vel inn í leik Coventry. Hann hef-
ur lagt upp mörk og skoraði um síðustu helgi fyrsta
mark sitt fyrir liðið í 3:0-sigri á Wimbledon.
„Ef ég held áfram að standa mig er ég að vona að
Erick Black bjóði mér að vera áfram. Ég hef ekki úti-
lokað að snúa aftur til Þýskalands.
Ég á tvö ár eftir af samningi mínum við Bochum sem
er ákveðin trygging og ég fer auðvitað þangað aftur og
reyni að gera mitt ýtrasta til að komast í liðið ef ekkert
gerist hjá mér hjá Coventry,“ segir Bjarni.
Bjarni vill vera
áfram hjá Coventry
JAKOB Sigurðarson skoraði 31 stig fyrir körfuknatt-
leiksliðið Birmingham-Southern gegn Radford í Big
South-deildinni í háskólakeppninni aðfaranótt fimmtu-
dags, en Jakob hefur aldrei áður skorað jafnmörg stig
fyrir BSC. Liðið hefur unnið nítján leiki en tapað sjö
það sem af er keppnistímabilinu. BSC er í efsta sæti Big
South en aðeins einn leikur er eftir af keppnistíma-
bilinu. Helgi Margeirsson lék í 13 mínútur með BSC og
skoraði þrjú stig.
Jakob setti niður fimm af sjö tilraunum sínum fyrir
utan þriggja stiga línuna og tíu af fimmtán skotum sín-
um í vítateignum. Að auki tók hann sex fráköst.
BSC hefur aðeins verið í efstu deild háskólakeppni
NCAA frá því í haust og verður því ekki í úrslitakeppn-
inni. Reglur NCAA kveða á um að skólar verði að
„sanna“ tilvist sína í tvö ár áður en þeir fá að leika í úr-
slitakeppninni.
Jakob, Helgi og félagar þeirra hjá í BSC fá því ekki
tækifæri að láta ljós sitt skína í úrslitakeppninni, sem
hefst í mars.
Jakob skoraði
31 stig fyrir BSC
Björn vann Letta í fyrstu umferðá mótinu í Baku, 9:0, og í þeirri
næstu mætti hann Bretanum Craig
Brown. Eftir harða
baráttu þar sem
Björn hafði frum-
kvæðið lengst af
skildu þeir jafnir,
8:8, en Bretanum var dæmdur sigur
vegna tveggja aðvarana sem Björn
hafði fengið frá dómurunum. Með
sigri hefði Björn farið langleiðina
með að tryggja sér sæti á Ólympíu-
leikunum í Aþenu en Bretinn Brown
hafnaði í öðru sæti á mótinu og
keppir í Aþenu í sumar.
Mikil vonbrigði
„Þetta var mjög svekkjandi og ég
er varla búinn að jafna mig á þessu.
Vonbrigðin voru mikil enda átti ég
að vinna Bretann og ég trúði því ekki
þegar dómararnir úrskurðuðu að ég
hefði tapað. Ég var með yfirhöndina
og átti með réttu að fá dæmdan sig-
ur. Við vorum mjög ósátt við dóm-
gæsluna og mótmæltum henni en
það dugði ekki til,“ sagði Björn í
samtali við Morgunblaðið.
Björn hafnaði í fimmta sæti á
mótinu af 28 keppndum sem tóku
þátt í hans flokki, -80 kg flokki.
Björn, sem er 25 ára gamall, hefur
ekki útilokað að hann verði á meðal
keppenda á Ólympíuleikunum en
hann hefur undanfarin ár stefnt
leynt og ljóst að því að komast á Ól-
ympíuleikana og verða fyrsti íslenski
taekwondo-maðurinn til að keppa á
leikunum.
Held enn í vonina
„Þetta var síðasta mótið þar sem
ég gat unnið mér keppnisréttinn á
Ólympíuleikunum en ég held í vonina
um að komast bakdyramegin til
Aþenu, það er að fá svokallað vildar-
kort. Það er verið að vinna í því og
vonandi tekst það en ef ekki þá verð
ég bara með á Ólympíuleikunum í
Peking eftir fjögur ár.“
Björn sagði aðbúnaðr keppenda í
Aserbaídsjan hafa verið betri en
hann átti von á. „Aðbúnaðurinn var
ágætur og kom mér á óvart. Það var
smá óskipulag en umgjörðin var í
góðu lagi og maturinn góður. Fólkið
þarna er afskaplega heiðarlegt og
gott. Það stóð til að við tækjum með
okkur mat að heiman en eftir að við
ráðfærðum okkur við íslenska konu
sem býr þarna úti og starfar fyrir
Rauða krossinn þá var hætt við það,“
sagði Björn.
Gauti Már Guðnason og Auður
Anna Jónsdóttir kepptu ásamt Birni
á mótinu í Baku en þau töpuðu fyrir
mótherjum sínum í fyrstu umferð.
Björn sagði að taekwondo-íþróttin
væri í miklum metum í Aserbaídsjan
og væri nánast eins og þjóðaríþrótt í
landinu.
Björn, sem var útnefndur tae-
kwondo-maður ársins, hefur verið ið-
inn við að keppa á mótum erlendis og
honum telst til að hann hafi keppt á
16 mótum á erlendri grund á síðasta
ári.
„Það er búið að vera ansi mikill
flækingur á manni og þetta hefur
verið mjög gaman. Það er auðvitað
kostnaðarsamt að fara á þessi mót en
til þess að komast í fremstu röð þá
verður maður að leggja mikið á sig,“
segir Björn sem nýtur B-styrks úr
Afreksmannasjóði Íþrótta- og Ól-
ympíusambands Íslands.
Danirnir vilja fá Björn
Björn hefur gert góða hluti á mót-
um erlendis og til að mynda sigraði
hann á opna skandinavíska meist-
aramótinu sem fram fór í Danmörku
í lok síðasta árs. Árangur Björns hef-
ur vakið eftirtekt og til að mynda
hafa Danir viðrað við hann að gerast
danskur ríkisborgari og keppa fyrir
þerra hönd.
„Danirnir hafa sýnt mér áhuga og
þeir hafa sóst eftir því að fá mig. Það
er mikill áhugi í Danmörku fyrir
þessari íþrótt og til að mynda hafa
tveir Danir tryggt sér keppnisrétt á
Ólympíuleikunum.“ Spurður hvort
komi til greina að skipta um ríkis-
fang segir Björn: „Ég hef alls ekki
útilokað það og held því alveg opnu.
Danirnir eru búnir að gera mér gott
tilboð svo ég ætla að skoða málið.“
Björn keppir á opna hollenska
mótinu og því belgíska í mars og apr-
íl og hann verður á meðal keppenda
á Evrópumótinu sem haldið verður í
Noregi í maí.
Morgunblaðið/Jim Smart
Björn Þorleifsson, taekwondo-maður, er hér annar frá vinstri í fremstu röð, með nemendum sínum, en hann keppir fyrir Björk í
Hafnarfirði og kennir einnig taekwondo hjá félaginu í Bjarkahúsinu við Flatahraun.
Björn missti naumlega
af ÓL-sætinu í Baku
BJÖRN Þorleifsson taekwondo-maður missti naumlega af farseðli
á Ólympíuleikana þegar hann keppti á móti í Baku í Azerbaídsjan
um síðustu helgi. Mótið var úrtökumót evrópskra taekwondo-
manna en þrír efstu keppendur í hverjum flokki tryggðu sér
keppnisréttinn á Ólympíuleikunum. Björn hefur þó ekki gefið upp
alla von um að komast á Ólympíuleikana en Ísland hefur sótt um
svokallað vildarkort, „wild card“, fyrir einn keppanda og þar er
Björn á meðal kandídata.
Guðmundur
Hilmarsson
skrifar
 STEINAR Tenden, markahæsti
leikmaður KA í úrvalsdeildinni í
knattspyrnu á síðasta ári, er til
reynslu hjá norska 1. deildarliðinu
Raufoss þessa dagana. Tenden skor-
aði 9 mörk fyrir KA í deildinni í fyrra
en norðanmenn ákváðu þó að bjóða
honum ekki nýjan samning og náðu í
staðinn í Jóhann Þórhallsson úr röð-
um Þórsara.
 TENDEN lék með Raufoss gegn 2.
deildarliði Ull/Kisa, sem Teitur
Þórðarson þjálfar, og þótti þungur
og ekki í leikæfingu. „En strákurinn
varð þó þriðji markahæsti leikmað-
urinn á Íslandi í fyrra, og það með
liði í botnbaráttu,“ segir á vef Rau-
foss, sem vann leikinn, 3:0.
 ROY Keane, fyrirliði Manchester
United sem fékk að líta rauða spjald-
ið í leik United gegn Porto í fyrra-
kvöld, hefur 11 sinnum fengið reisu-
passann frá því hann gekk í raðir
Manchester United árið 1993. Tvö
og hálft voru liðin frá því Írinn var
síðast sendur af leikvelli en það var í
leik gegn Sunderland í ágúst 2002.
 JOACHIM B. Olsen, fremsti kúlu-
varpari Dana um þessar mundir,
bætti eigið landsmet í kúluvarpi inn-
anhúss á alþjóðlegu kastmóti í Tall-
inn í Eistlandi í fyrrakvöld. Olsen
varpaði kúlunni 21,63 metra og bætti
eigið met um 15 sentímetra. Þess má
geta að Olsen hefur æft undir stjórn
Vésteins Hafsteinssonar síðan í
haust en þá varð Vésteinn landsliðs-
þjálfari Dana í kastgreinum og um
leið einkaþjálfari Olsens.
 LAWRENCE Frank, þjálfari
NBA-liðsins New Jersey Nets, tap-
aði í fyrsta sinn sem þjálfari liðsins
gegn Minnesota Timberwolves í
fyrrinótt en hann hafði stjórnað lið-
inu í 13 leikjum í röð án þess að tapa.
Frank tók við af Byron Scott og
Nets höfðu unnið 14 leiki í röð þar til
Úlfarnir lögðu þá, 81:68.
 SKOSKA knattspyrnuliðið Glas-
gow Rangers skilaði um 270 milljóna
króna hagnaði á síðari hluta rekstr-
arársins 2003 en á sama tíma fyrir
ári hafði liðið tapað rúmlega 1.100
milljónum króna og eru umskiptin
því mikil. Ástæðan er sú að Rangers
tók þátt í riðlakeppni Meistaradeild-
arinnar þar sem liðið átti í höggi við
Man. Utd., Stuttgart og Panathin-
aikos. Gengi Rangers var ekkert
sérstakt og komst liðið ekki áfram
eftir riðlakeppnina en fjárhagshlið
félagsins varð sterkari í kjölfarið.
 KNATTSPYRNUSAMBAND
arabaríksins Katar hyggst styrkja
landslið sitt með því að krækja í góða
leikmenn sem ekki fá tækifæri með
sinni þjóð. Þrír Brasilíumenn hafa
fengið tilboð um að gerast ríkisborg-
arar í Katar, þeir Ailton, marka-
hæsti leikmaður Bremen í Þýska-
landi, og bræðurnir Dédé, sem
leikur með Dortmund, og Leandro.
FÓLK