Morgunblaðið - 21.03.2004, Blaðsíða 50

MINNINGAR
50 SUNNUDAGUR 21. MARS 2004 MORGUNBLAÐIÐ
✝ Stefán HeiðarBrynjólfsson
fæddist í Reykjavík 5.
nóvember 1978. Hann
andaðist í Reykjavík
9. mars síðastliðinn.
Foreldrar hans voru
Hildur Gunnarsdótt-
ir, f. 11. janúar 1962,
og Brynjólfur John
Gray, f. 19. október
1961. Fósturfaðir
Stefáns var Frank
Robertson, f. 17. febr-
úar 1960. Hálfsystk-
ini Stefáns voru:
Selma Rut, f. 12. maí
1983, og Íris Alma, f. 13. desember
1988, Franksdætur, og börn Brynj-
ólfs: Sandra, f. 8. ágúst 1984, Dan-
fríður Inga, f. 31. maí 1988, Daníel
Ingvar, f. 28. september 1989, Jó-
hann Birkir, f. 10. maí 1992, Vil-
hjálmur John Gray, f.
5. nóvember 2002, og
Elín Victoría Gray, f.
25. október 2003.
Stefán kvæntist
17. júlí 1999 Huldu
Stefaníu Kristjáns-
dóttur, f. 12. desem-
ber 1976, og eignuð-
ust þau þrjár dætur;
Kolbrúnu Sól, f. 6.
ágúst 1997, Dag-
björtu Nótt, f. 6.
ágúst 1997, og Sess-
elju Báru, f. 20. jan-
úar 2001.
Seinni kona Stef-
áns var Alma Rós Ágústsdóttir, f.
28. júlí 1981.
Stefán Heiðar ólst upp í Reykja-
vík og Siglufirði, en var uppkom-
inn til heimilis í Reykjavík.
Útför hans hefur farið fram.
Systursonur minn, Stefán Heiðar,
er farinn í ferðina löngu og komið er
að hinstu kveðjustund. Hugur minn
ráfar fram og til baka um hans ævi-
skeið, og margs er að minnast; bæði
gleði og sorgar. Ljúfar bernsku-
minningar ylja mér um hjartarætur,
fyrst í Dalalandinu (æskuheimili
mínu) sem var hans fyrsta heimili.
Við frænkurnar sáum ekki sólina
fyrir litla sólargeislanum. Stefán var
með eindæmum fallegt barn. Bar-
áttuþrek hans var aðdáunarvert í
gegnum margar og erfiðar aðgerðir
á fótum hans fyrstu æviár, en Stefán
fæddist með klumbufætur. Hann lét
gipsin á báðum fótum aldrei aftra sér
í leik- og athafnagleði og hann var
snillingur í að redda sér á milli staða.
Hann var söngvari mikill og kunni
ótal marga söngva sem hann söng af
mikilli innlifun með Stebbu ömmu
sinni. Innilegi hláturinn og kímnigáf-
an geymist í hjarta mínu eins og
leyndur fjársjóður um ókomna tíð.
Þegar Stefán flutti með mömmu
sinni í Grýtubakkann voru mínar
strætóferðir úr Fossvogi í Breiðholt-
ið ófáar. Ég elskaði að passa litla
frænda, og síðar systur hans tvær.
Ljósu lokkarnir, bollukinnarnar,
ómótstæðilega brosið, fallegu geisl-
andi augun, mjúku hendurnar, þéttu
og hlýju faðmlögin…. hann var al-
gjört æði!
Árin liðu og þegar Stefán nálgað-
ist tólfta aldursárið sá ég hvernig
þyngsli og óhamingja tók að stig-
magnast í hans sál. Lífsgleðin og
geislinn í augunum dofnaði alltaf
meir og meir ... og slokknaði svo al-
veg með tímanum sem leið. Eitur-
lyfjaneyslan var þá byrjuð og eitur-
lyfin voru ekki lengi að ná tökum á
Stefáni;þau hreinlega gleyptu hann!
Hálf ævi hans fór í stríð og angist í
klóm fíkniefnapúkans.
Baráttu Stefáns er loksins lokið!
Þegar ég hugsa til hans í dag fyllist
ég frelsis- og friðartilfinningu fyrir
hans hönd – og annarra. Ég veit að
nú líður honum vel.
Stefán skilur eftir sig þrjár gull-
fallegar dætur, tvíburana Kolbrúnu
Sól og Dagbjörtu Nótt og Sesselju
Báru. Ég bið góðan Guð að blessa og
vernda þeirra æviskeið.
Ég lýk minni hinstu kveðju með
eftirfarandi ljóði – Hvíl í friði elsku
frændi:
Blessi nú faðir bros þitt og tár
blessuð sé sál þín um aldir og ár
öll er nú þjáning þín horfin á braut
þú horfin og farin í Frelsarans skaut.
Við söknum þín öll
samt gleðjumst því yfir
að alvaldur Drottinn
þig leysti frá pín.
Við vitum að eilífu
áfram þú lifir
og öll eigum eftir
að koma til þín.
(G. K.)
Elsku hjartans mamma, Hildur,
Frank, Selma, Íris og aðrir aðstand-
endur, megi góður Guð styrkja ykk-
ur í sorg ykkar.
Inga Birna Sigfúsdóttir.
Engum er ljóst, hvaðan lagt var af stað,
né hver lestinni miklu ræður.
Við sláumst í förina fyrir það,
jafn fúsir sem nauðugir, bræður!
Og hægt hún fer, en hún færist um set,
þessi fylgd yfir veginn auðan,
kynslóð af kynslóð og fet fyrir fet.
Og ferðinni er heitið í dauðann.
(Tómas Guðm.)
Þegar ungt fólk deyr í blóma lífs-
ins setur mann hljóðan og maður
veltir fyrir sér tilgangi lífsins. Líf
Stefáns var harðneskjulegt og erfitt
en átti líka sínar björtu stundir inn á
milli þó svo þær stundir hefðu svo
sannarlega mátt lita líf hans meira
en urðu því miður æ færri hans síð-
ustu ár. Fíkniefnin eru harður hús-
bóndi sem enginn óskar neinum að
þurfa að þjóna. Þegar ég skoða göm-
ul albúm birtist mér fyrir sjónum
ungur ljóshærður drenghnokki með
ljósa lokka og bjart bros. Stefán var
mjög fallegur drengur, skírður í höf-
uðið á móðurömmu sinni Stefaníu
Jóhannsdóttur. Hann átti stóra fjöl-
skyldu, margar frænkur sem pöss-
uðu litla frænda sinn þegar hann var
lítill, ömmur og afa, foreldra og ynd-
islegar systur. Ungur að árum varð
Stefán faðir og dætur hans þrjár bið
ég algóðan guð að blessa og varð-
veita.
Kæra systir, Hildur, og Frank,
Selma, Íris og amma Stebba. Ég bið
góðan guð að senda ykkur ljós, styrk
og kærleika sem og öðrum nánum
aðstandendum Stefáns.
Kæri Stefán frændi, það er komið
að leiðarlokum. Sál þín er frjáls og
laus úr viðjum fíknar. Hvíl í friði og
guð geymi þig um alla eilífð.
Elísabet María Sigfúsdóttir
(Elsa).
Með þessum fátæklegu orðum
kveð ég þig, elsku frændi. Það reyn-
ist mér ekki auðvelt, þar sem ég hef
fengið að fylgjast með þér frá því að
þú fæddist á gleðistundum sem sorg-
arstundum. Elsta systir mín sem er
móðir þín varð ólétt af þér mjög ung
að árum og ég man enn þann dag í
dag þegar hún sagði mér fréttirnar.
Þú varst yndislegt barn með mikið
fallegt hrokkið hár. Það var ósjaldan
sem ég fékk að passa þig í Breiðholt-
inu, og þótti það ekki leiðinlegt. Þeg-
ar þú varst lítill þá man ég eftir því
að þú varst mikið fyrir það að tala við
vin sem enginn sá nema þú, ég man
ekki hvað hann hét en þú gast verið
tímunum saman inni í herbergi og
leikið þér við þennan vin þinn. Þetta
var sérstakt eins og þú varst alltaf,
elsku Stefán, síðan eltist þetta af þér
og vinurinn fór sína leið eins og þú
hefur gert farið þína leið og sú leið er
búin að vera brött og erfið.
Stefán, það var oft svo erfitt og
sárt að sjá þig þarna úti og nú ertu
farinn og laus úr fjötrum efnanna
sem voru farin að taka sinn toll af
þér. Nú veit ég hvar þú ert – það var
oft sem ég vissi ekki hvar þú varst og
maður bað góðan guð að gæta þín,
þar sem ég veit að undirheimar fíkni-
efnanna eru mjög erfiðir, hættulegir
og alls ekki fyrir alla að lifa og hrær-
ast í.
Stefán, líf þitt hefur verið erfitt og
oft sat ég og hugsaði um hvað hægt
væri að gera til að aðstoða þig við að
losna frá fíkninni. Þetta var vandrat-
aður vegur sem þú gekkst á og þú
svo heltekinn að erfitt var að ná til
þín enda búinn að fara í nokkrar
meðferðir en ekkert gekk. Ég er
glöð í hjarta mínu að hafa farið með
móður þinni í heimsókn í fangelsið
fyrir stuttu þar sem þú og móðir þín
áttuð góðan tíma saman, því það er
erfitt fyrir móður að vera svona
langt í burtu þ.e. í öðru landi og vita
af syni sínum í fjötrum fíkniefna.
Móðir mín, amma þín, hefur verið
sterk þar sem líf fíkniefnaneytanda
markar líf aðstandenda. Hún hefur
verið þín stoð og stytta og reynt að
aðstoða þig eftir fremsta megni og
ég veit að fyrir það ert þú þakklátur.
Ég vil því senda móður þinni (systur
minni) og ömmu þinni (móður minni)
sérstakar samúðarkveðjur, því ég
veit að þrátt fyrir alla erfiðleikana
samfara líferni þínu þá elskuðu þær
þig af öllu sínu hjarta.
Með þessum orðum kveð ég þig,
frændi, og minningar um góðan
dreng lifa í hjarta mínu.
Erna Sigfúsdóttir.
Pínulítill með litlar lappir báðar í
gifsi eru fyrstu minningarnar mínar
um hann Stefán, en hann var full-
kominn lítill hnoðri og man ég ennþá
hversu mjúkar kinnarnar hans voru
sem smábarn. Þegar hann stækkaði
varð manni stundum starsýnt á
hversu fallegur ungur drengur og
seinna maður hann var, það var eitt-
hvað alveg spes við hann frænda
minn sem nú er farinn frá okkur af
þessum tilvistarstað og kominn á
þann næsta þar sem ég veit að horfn-
ir ástvinir hafa tekið hlýtt á móti
honum.
Stefán er orðinn frjáls á ný, frjáls
frá eiturlyfjum og öllu sem tilheyrir
að lifa í þeim hlekkjum sem fylgja
eiturlyfjafíkninni. Maður fyllist ang-
ist að hugsa til þess hverskonar líf
þetta var síðustu árin, og hvað það er
erfitt að horfa á þann sem maður
elskar deyja smám saman og allir
ráðþrota. Maður vonaði alltaf innst
inni að einhvern daginn myndi hon-
um takast að rífa sig lausan úr
hlekkjunum en Stefán sat fastur,
hann reyndi en bara gat ekki. Sálin
hans Stefáns er til himna komin og
þar sé ég hann fyrir mér frjálsan í
fyrsta sinn í langan langan tíma. Hvíl
í friði frændi, við sjáumst síðar, það
er ég viss um.
Friðþóra Sigfúsdóttir (Adda).
STEFÁN HEIÐAR
BRYNJÓLFSSON
Eiginmaður minn, faðir okkar, tengdafaðir og
afi,
GUÐMUNDUR PÁLMASON
jarðeðlisfræðingur,
Miðleiti 1,
Reykjavík,
verður jarðsunginn frá Dómkirkjunni fimmtu-
daginn 25. mars kl. 13.30.
Blóm vinsamlegast afþökkuð, en þeim, sem vilja
minnast hans er bent á líknarstofnanir.
Ólöf B. Jónsdóttir,
Magnús Atli Guðmundsson, Guðrún Torfhildur Gísladóttir,
Jón Pálmi Guðmundsson, Þórhildur Lilja Ólafsdóttir
og barnabörn.
Ástkær kona mín, móðir okkar, tengdamóðir,
dóttir, systir og mágkona,
BRYNDÍS KRISTINSDÓTTIR,
Víði,
Mosfellsdal,
sem lést á Landspítalanum við Hringbraut
laugardaginn 13. mars, verður jarðsungin frá
Bústaðakirkju þriðjudaginn 23. mars kl. 13.30.
Reynir Holm,
Bjarki Hólm, Bryndís Yngvadóttir,
Svava Dís Reynisdóttir,
Ásdís Reynisdóttir,
Kristinn Guðjónsson, Svava Brynjólfsdóttir,
Ómar Kristinsson, Kristín Geirsdóttir,
Hörður Kristinsson, Rut María Jóhannesdóttir,
Pálmi Kristinsson, Salome Tynes,
Svandís Kristinsdóttir, Sveinn Heiðar Bragason.
Útför móður okkar, tengdamóður, ömmu og
langömmu,
HALLDÓRU MARGRÉTAR JÓNSDÓTTUR,
elli- og hjúkrunarheimilinu Seljahlíð,
áður Bólstaðarhlíð 44,
Reykjavík,
sem lést fimmtudaginn 11. mars sl., verður
gerð frá Háteigskirkju þriðjudaginn 23. mars
og hefst athöfnin kl. 13.30.
Sigríður Jóna Kjartansdóttir, Björn Kristmundsson,
Halldór Kjartan Kjartansson, Margrét Gunnarsdóttir,
María Ólöf Kjartansdóttir, Einar Guðmundsson,
barnabörn og langömmubörn.
Elskuð eiginkona mín, móðir okkar, dóttir og
amma,
SVEINBORG HELGA SVEINSDÓTTIR,
sem lést laugardaginn 13. mars sl., verður
jarðsungin frá Víðistaðakirkju í Hafnarfirði
föstudaginn 26. mars kl. 11.00 árdegis.
Finnbogi Jónsson,
Esther Finnbogadóttir,
Ragna Finnbogadóttir,
Sigríður R. Júlíusdóttir,
Sveinn S. Sveinsson,
Finnbogi Guðmundsson.
Elskuleg eiginkona mín, móðir okkar, tengda-
móðir og amma,
GUÐBJÖRG M. FRIÐRIKSDÓTTIR,
Efstahjalla 1c,
Kópavogi,
sem lést á Landspítalanum við Hringbraut
fimmtudaginn 18. mars, verður jarðsungin frá
Neskirkju við Hagatorg, fimmtudaginn
25. mars kl. 15.00.
Þeim, sem vilja minnast hennar, er bent á Styrktarfélag krabbameins-
sjúkra barna.
Eiríkur Þóroddsson,
Ólöf Eiríksdóttir, Atli Helgason,
Þóroddur Eiríksson, Linda Björk Jóhannsdóttir,
Arnþór Atlason,
Erik Maron Þóroddsson.
Faðir okkar, tengdafaðir, afi og langafi,
JÓN RÓSMUNDSSON
fyrrverandi borgargjaldkeri,
Hæðargarði 22,
Reykjavík,
sem lést á Landspítala Landakoti sunnudag-
inn 14. mars, verður jarðsunginn frá Bústaða-
kirkju mánudaginn 22. mars kl. 13.30.
Rósmundur Jónsson, Kolbrún Sigurðardóttir,
Guðríður G. Jónsdóttir Chitow,
Garðar Jónsson, Sigríður Johnsen,
Þorbjörn Jónsson, Sigrún Kjartansdóttir,
barnabörn og barnabarnabörn.