Morgunblaðið - 21.03.2004, Blaðsíða 62
FRÉTTIR
62 SUNNUDAGUR 21. MARS 2004 MORGUNBLAÐIÐ
NÚNA er aðeins rétt rúm vika í að
stangaveiðivertíðin hefjist og
óhætt er að segja að sjaldan eða
aldrei hafi veiðimönnum staðið
annað eins úrval til boða svo
snemma á vordögum. Skal aðeins
rýnt í það.
Flest svæði hjá Agni/Lax-á
Agn.is og Lax-á eru saman með
langflestu veiðisvæðin sem verða
opnuð 1. apríl á sinni könnu. Stefán
Sigurðsson sölustjóri veiðileyfa
innanlands hjá Lax-á sagði mikla
eftirspurn eftir vorveiðileyfum,
stangaveiðimönnum fjölgaði og
menn vildu viðra sig snemma árs.
Hjá honum fengust þær upplýs-
ingar, að hjá Lax-á og agn.is fengj-
ust veiðileyfi í Brúará v/Spóastaði,
vesturbakka Hólsár, Ytri Rangá
neðan Ægissíðufoss, Galtalæk, Sel-
vatni/Seltjörn, Tannastaðatanga,
Tungufljóti í Biskupstungum,
Varmá/Þorleifslæk, Víkurflóði í
Landbroti og á vatnasvæði Lýsu á
Snæfellsnesi. Hér er um allar gerð-
ir silungsveiði að ræða, sjóbirtings-
veiði og veiði á staðbundinni
bleikju og urriða. Fleiri svæði í
Brúará gætu verið að opna á sama
tíma, t.d. mætti athuga með Sels-
land. Hjá agn.is verður Ferjukots-
síki ennfremur opnað 15. apríl.
SVFR og Strengir líka
Stangaveiðifélag Reykjavíkur er
enn fremur með mikið úrval af vor-
veiði, m.a. fjögur svæði í Soginu,
Ásgarð, Bíldsfell, Alviðru og Þrast-
arlund, þar sem stór staðbundin
bleikja sveimar um, sjóbleikjuveiði
í Andakílsá og Hítará og síðan sjó-
birtingsveiði í Tungufljóti í Skaft-
ártungum. Þá er SVFR komið í
samvinnu við Ragnar Johansen í
Hörgslandi og býður nú holl og
daga í Vatnamótunum og Hörgsá,
en á báðum stöðum, svo og í
Tungufljóti, er vorveiðireglan að
veiða aðeins á flugu og sleppa fiski.
Strengir eru með minna, en þó
afgerandi góð svæði, t.d. hinn óvið-
jafnanlega Minnivallalæk. Enn-
fremur hefur félagið innlit í
Tungulæk sem er rómuð vor-
veiðiverstöð fyrir sjóbirting og ein
sú allra besta.
Fleiri
Stangaveiðifélag Keflavíkur opn-
ar Geirlandsá og eflaust má finna
fleiri veiðislóðir 1. apríl, t.d. er bú-
ið að setja upp skilti við Vífils-
staðavatn sem bannar veiðar, en
með fyrirheitum um að 1.apríl hefj-
ist veislan. Nýlega sáu menn sil-
unga sveima um vatnið og tína
flugur af yfirborðinu, þannig að
aflinn er til reiðu.
Boltar
Þess má geta hér, svona í lokin,
að veiðimaður einn var á ferð fyrir
austan í blíðviðrinu um síðustu
helgi. Hann ók um Skaftártung-
urnar og gat ekki á sér setið og
gægðist oní Brúarhylinn í Tungu-
fljóti er hann átti leið þar um. Vatn
var í meira lagi, en fallegt og vel
tært. Og nema hvað... fjórir stórir
skuggar tifuðu skammt neðan brú-
ar. Þarna lágu fjórir birtingar á
niðurleið, slápar, en furðulangir!
Morgunblaðið/Golli
Í tilefni af nýrri vorvertíð… kvöldstemning við Vífilsstaðavatn.
Vorveiðikostum
fjölgar með
hverju árinu
ERU ÞEIR AÐ FÁ’ANN?