Morgunblaðið - 26.03.2004, Page 63

FRÉTTIR
MORGUNBLAÐIÐ FÖSTUDAGUR 26. MARS 2004 63
STJÓRN Verkalýðsfélags Akraness
hefur sent frá sér ályktun þar sem er
skorað á ríkisstjórn Íslands að fella
niður virðisaukaskatt af veggjaldi í
Hvalfjarðargöngum, en það gæti
leitt strax til 14% lækkunar á
veggjaldi.
„Stjórn Verkalýðsfélags Akraness
vill minna á að samgönguráðherra
sagði í utandagskrárumræðum á Al-
þingi í desember 2003 að ríkisstjórn-
in stefndi á að lækka virðisaukaskatt
á veggjald í Hvalfjarðargöngum, og í
máli hans kom líka fram að það kæmi
vel til greina að ríkið tæki á sig hluta
af tryggingum ganganna.
Verkalýðsfélag Akraness vill
benda á hve gríðarlegt hagsmuna-
mál þetta er fyrir Akurnesinga, en í
skýrslu sem Vegagerð ríkisins lét
gera í október 2002 kom fram að um
fimmti hver bíll sem fór í gegnum
göngin, eða 18%, hefði komið frá
Akranesi.
Stjórn Verkalýðsfélags Akraness
skorar jafnframt á sveitarstjórnir og
verkalýðsfélög á Vesturlandi að taka
höndum saman í því að fá stjórnvöld
til að afnema virðisaukaskatt á
veggjaldi, því eins og fram kom í
skýrslu Vegagerðarinnar, voru 40%
þeirra sem óku í gegnum Hvalfjarð-
argöng búsett á Vesturlandi. Því er
það mikið hagsmunamál fyrir Vest-
urland í heild sinni að vel takist til í
þessu máli.
Verkalýðsfélag Akraness vill
þakka þeim forsvarsmönnum Spalar
ehf. sem með elju og atorkusemi létu
þann draum rætast að hægt væri að
aka undir Hvalfjörð. Tíminn hefur
leitt það í ljós að hér er um eina
mestu samgöngubót sem Íslending-
ar hafa orðið vitni að.
Það er mat stjórnar Verkalýðs-
félags Akraness að þetta framtak
Spalar ehf. hafi orðið til mikilla hags-
bóta fyrir félagsmenn Verkalýðs-
félags Akraness, sem og aðra lands-
menn.“
Vilja afnema
virðisaukaskatt
af veggjaldi
LÖGREGLAN í Reykjavík lýs-
ir eftir vitnum að árekstri og af-
stungu á bílastæði við Kringl-
una, 3. hæð, laugardaginn 20.
mars kl. 12:34. Ekið var utan í
svartan VW Passat árg. 1999
og hann skemmdur töluvert.
Tjónvaldur yfirgaf vettvang án
þess að tilkynna tjónið lögreglu
eða hlutaðeigandi. Tjónvaldur-
inn er beðinn um að hafa sam-
band við lögreglu svo og vitni
sem gætu veitt upplýsingar.
Lýst eftir
vitnum
Málþing um fiskveiðistjórnun og
málefni fiskimanna á Íslandi
verður haldið í Sjómannaskólanum í
dag, föstudaginn 26. mars kl. 13, á
vegum nemendafélaga skólanna.
Einar Örn Einarsson formaður
nemendafélags Stýrimannaskólans
setur þingið og Böðvar Þ. Kárason
nemendafélag Vélskólans er með
stutta kynningu. Framsögu hafa
m.a.: Helgi Laxdal form VSFÍ, Frið-
rik Jón Arngrímsson framkv.stj.
LÍÚ, Sævar Gunnarsson form SSÍ,
Jón E. Friðriksson framkvæmda-
stjóri Fiskiðjunnar Skagfirðings hf.
og Árni Bjarnason form FFSÍ. Mál-
þingsstjóri Jón B. Stefánsson skóla-
meistari.
Fyrirlestur Líffræðistofnunar
verður í dag, föstudaginn 26. mars
kl. 12.20, í stofu 132, Náttúrufræði-
húsi Háskólans. Erindi heldur: Stef-
án Óli Steingrímsson frá Hólaskóla.
Yfirskrift fyrirlestrarins er: Ný sýn
á óðalsatferli og fæðunám laxaseiða.
Í fyrirlestrinum verður greint frá
nýjum rannsóknum á fæðunámi og
óðalsatferli einstaklingsmerktra
laxaseiða við náttúrulegar aðstæður.
Í DAG
Opið hús hjá Hólaskóla Starfsfólk
og nemendur Hólaskóla, Hólum í
Hjaltadal, verða með opið hús á
morgun, laugardaginn 27. mars kl.
13–17, til að kynna starfsemi skólans.
Við Hólaskóla starfa þrjár deildir,
hrossaræktardeild, fiskeldisdeild og
ferðamáladeild.
Skúli Skúlason rektor segir frá starfi
skólans og framtíðarsýn. Hrossa-
ræktardeild kynnir uppbyggingu
námsins við deildina og leiðsögn
verður um hesthúsin og reiðskemm-
urnar og teymt verður undir börn-
um. Kynnt verður kynbótastarf í
bleikjueldi og leiðsögn verður um
rannsóknarstofu og rannsóknarverk-
efni kynnt, s.s álaeldi. Ferða-
máladeild sér um móttöku gesta og
afþreyingu fyrir börnin og deild-
arstjóri ferðamáladeildar kynnir
nám deildarinnar. Nýir nem-
endagarðar verða einnig til sýnis.
Boðið verður upp á kaffiveitingar.
Kynningardagur Kennaraháskól-
ans Á morgun, laugardaginn 27.
mars kl. 13–16 í Kennaraháskóla Ís-
lands verður kynning á því námi sem
verður í boði næsta háskólaár. Nem-
endur, kennarar og námsráðgjafar
skólans munu kynna námið og svara
fyrirspurnum um nám fyrir grunn-
skólakennara, leikskólakennara,
íþróttafræðinga, tómstundafræðinga
og þroskaþjálfa. Fulltrúar viðkom-
andi stéttarfélaga verða á staðnum
og svara fyrirspurnum um atvinnu-
möguleika, kaup og kjör. Bókasafn
og gagnasmiðja verða opin gestum í
nýbyggingu skólans. Óvæntur gest-
ur mætir á svæðið.
Umsóknarfrestur um námið er til 17.
maí, sjá nánari upplýsingar á vef
skólans www.khi.is.
Fræðslufundur Félags eldri borg-
ara verður á morgun, laugardaginn
27. mars kl. 13.30, í félagsheimili fé-
lagsins Ásgarði í Glæsibæ. Fræðslu-
efni nú er „sykursýki aldraðra“ og
„hreyfing er holl og nauðsynleg“.
Sykursýki meðal aldraðra fer vax-
andi með hækkandi aldri, stærri hópi
eldra fólks og breyttu mataræði.
Guðný Bjarnadóttir sérfræðing í
öldrunarsjúkdómum fjallar um syk-
ursýki meðal eldra fólks. Seinni hluti
fræðslufundarins er um gildi hollrar
hreyfingar á efri árum. Guðrún Niel-
sen og Soffía Stefánsdóttir fjalla um
íþróttir en þær hafa staðið fyrir efl-
ingu líkamsþjálfunar á vegum Fé-
lags áhugafólks um íþróttir aldraðra.
Vorsýning Garðheima verður á
morgun, laugardaginn 27. og sunnu-
daginn 28. mars. Á vorsýningunni
verður fræðsla og kynning um sem
flest sem tengist garðrækt, grænum
lífstíl, föndri og skreytingum, að-
allega fyrir áhugamanninn en einnig
fyrir atvinnumenn í garðrækt.
Margvísleg sýnikennsla verður í boði
ásamt því að hægt verður að prófa
klippur og tæki, skoða mismunandi
gerðir af mold og plöntum á ýmsum
vaxtarstigum og fræðast um nýj-
ungar. Garðyrkjufélag Íslands kenn-
ir vorverkin í garðinum. Á útisvæð-
inu verður Kraftvélaleigan með
kynningu á gröfum og stærri garð-
vinnutækjum til leigu. Börnin fá að
föndra og prófa að sá fræjum.
Sameiginlegt málþing, skák-
keppni og skemmtun ungliðahreyf-
inga stjórnmálaflokkanna í félags-
heimilinu á Seltjarnarnesi
laugardaginn 27. mars kl. 14. Ung-
liðahreyfingarnar munu kynna starf-
semi sína og kappræður verða milli
fulltrúa þeirra. kl. 20.30 fer fram
keppni í atskák þar sem hver ung-
liðahreyfing sendir einn stórmeist-
ara.
Að Stjórnmáladegi ungs fólks
standa: Samband ungra framsókn-
armanna, Samband ungra sjálfstæð-
ismanna, Ung frjálslynd, Ungir jafn-
aðarmenn og Ung vinstri græn.
Fundur um skólamál Álftanes-
hreyfingin boðar til stefnumóts um
skólamál á morgun, laugardaginn 27.
mars í sal Álftanesskóla frá kl. 10–13.
Erindi halda: Tryggvi M. Baldvins-
son tónskáld, Jakob Hagedorn Olsen
tónlistarkennari, Hjördís Ólafs-
dóttir, aðstoðarleikskólastjóri,
Hanna Ragnarsdóttir lektor við
Kennaraháskóla Íslands, Júlíus K.
Björnsson forstöðumaður Náms-
matsstofnunar, Stefán Arinbjarn-
arson íþrótta- og tómstundafulltrúi
Bessastaðahrepps, Sveinbjörn M.
Njálsson skólastjóri Álftanesskóla,
Guðlaug E. Gunnarsdóttir aðstoð-
arskólastjóri Álftanesskóla og Loft-
ur Magnússon skólastjóri Setbergs-
skóla. Fundarstjóri er Ólafur Proppé
rektor við KHÍ.
Á MORGUN
GUNNAR Karl Guðmundsson, for-
stjóri Skeljungs, og Óskar Freyr
Brynjarsson, formaður ÍBV íþrótta-
félags, undirrituðu nýverið nýjan
þriggja ára samning um áframhald-
andi samstarf Skeljungs og ÍBV
íþróttafélags um Shellmót í Eyjum.
Shellmótið hefur unnið sér sess sem
hápunktur knattspyrnunnar hjá 6.
flokki drengja um allt land. Shellmót-
ið hefur verið haldið síðan 1991 og því
er mótið í ár hið fjórtánda í röðinni.
Um eitt hundrað knattspyrnulið alls
staðar að af landinu koma til Vest-
mannaeyja í lok júní ár hvert til að
taka þátt í Shellmótinu og lætur nærri
að með aðstandendum og öðru fylgd-
arliði komi hátt í þrjú þúsund manns til
Eyja á ári hverju í tengslum við mótið.
Í fréttatilkynningu segir að frá sjón-
arhóli ÍBV íþróttafélags þurfi ekki að
fara mörgum orðum um samstarfið við
Skeljung. Það hafi verið mjög ánægju-
legt og farsælt í alla staði. Sé nokkuð
víst að erfitt yrði að gera Shellmótið
jafn glæsilegt og það hafi verið, kæmi
ekki til þetta samstarf. ÍBV íþrótta-
félag vonar um leið og það þakkar
samstarfið á liðnum árum að það megi
halda áfram sem lengst.
Óskar Freyr sagði að samstarfið
við Skeljung hefði verið mjög gott í
gegnum árin og vonaðist hann til að
það héldi áfram ásamt því að hann
vonaði að strákarnir sem taka þátt í
mótinu myndu hvar þeir eiga að taka
bensín þegar aldur gefst til. Gunnar
Karl upplýsti að hann hefði í fyrsta
skipti í fyrra komið á mótið sem gest-
ur og þegar hann sá hversu glæsilega
var staðið að þessu var ekki spurning
í hans huga að hann vildi að Skelj-
ungur héldi áfram að vera samstarfs-
aðili ÍBV í þessu móti.
Shell og ÍBV undir-
rita nýjan samning
Morgunblaðið/Sigurgeir
Óskar Freyr Brynjarsson, formaður ÍBV, og Gunnar Karl Guðmundsson,
forstjóri Skeljungs, handsala nýjan þriggja ára samning.
Vestmannaeyjum. Morgunblaðið.
TÍSKUFATA- og fylgihlutaverslun-
in CULT var opnuð í Smáralind 12.
mars sl. Þar er úrval af dömu- og
herrafatnaði með „funky & gothic“-
blæ, dömubelti, armbönd, skór og
undirfatnaður o.fl. Verslunin er
staðsett á milli Vero Moda og Ice in
a Bucket á 1. hæð.
Verslunin Pink var opnuð í
Smáralind 20. mars sl. Þar fæst allt
frá Henson-íþróttagöllunum til bak-
poka, bola og derhúfa merktum
Spiderman eða Bratz-dúkkum, sem
og nafni eiganda bakpokans til
dæmis. Verslunin er staðsett á móti
hárgreiðslustofunni Space og er við
hliðina á sælgætisversluninni
nammi.is og ísbúðinni Ís-Inn á 2.
hæð.
Tvær versl-
anir opn-
aðar í
Smáralind
VINSTRI-GRÆNIR í Garða-
bæ stofnuðu með sér svæðis-
félag 4. mars sl. og eru þá kom-
in svæðisfélög VG í öllum
sveitarfélögum Suðvesturkjör-
dæmis.
Stjórn hins nýstofnaða félags
skipa eftirtaldir: Bergur Rögn-
valdsson formaður, Indriði
Einarsson varaformaður,
Rögnvaldur Þorleifsson ritari,
Níels P. Sigurðsson gjaldkeri
og varamaður Árni Þór Árna-
son.
Helsta hlutverk hinnar nýju
stjórnar verður að koma af stað
virku starfi Vinstri-grænna í
Garðabænum, segir í fréttatil-
kynningu.
Nýtt svæð-
isfélag VG
í Garðabæ