Morgunblaðið - 07.05.2004, Qupperneq 22

HÖFUÐBORGARSVÆÐIÐ
22 FÖSTUDAGUR 7. MAÍ 2004 MORGUNBLAÐIÐ
Fossvogur | Átta ára nemendur í
Fossvogsskóla tóku í síðustu viku
þátt í spennandi verkefni, svo-
nefndum Listabúðum, en þær eru
samvinnuverkefni Fossvogsskóla
og Myndlistarskóla Reykjavíkur.
Nemendur skólans eru þeir fyrstu
sem taka þátt í þessu tilraunaverk-
efni en farið var með rútu frá skól-
anum kl. 9:00 hvern morgun og
komið til baka samkvæmt stunda-
skrá alla dagana.
Verkefnið heitir „Heimur dýr-
anna“ og er þar fræðst um dýrarík-
ið. Meðal annars kom í heimsókn
náttúrufræðingur, sem sagði frá
lífsháttum og búsvæðum dýra auk
þess sem nemendur bjuggu til sín
eigin dýr og bók. Myndlistarskóli
Reykjavíkur skipuleggur listabúð-
irnar og bauð hann Fossvogsskóla
að taka þátt í þeim. Áformað er að
bjóða öðrum grunnskólum í Reykja-
vík að koma í slíkar listabúðir strax
næsta vetur og segja aðstandendur
Myndlistarskólans að þessi „prufu-
keyrsla“ hafi gengið framar von-
um.
Mæltist vel fyrir
Markmið listabúðanna er að auka
við þekkingu nemenda í gegnum
sjónræna skynjun og með persónu-
legri listrænni tjáningu. Að sögn
Aðalheiðar Bragadóttur, annars
umsjónarkennara barnanna, segir
mikilvægt, með lengingu skólaárs-
ins, að brjóta hefðbundið skólastarf
reglulega upp á skapandi hátt.
Reynsla af sköpunarvinnu hafi
einnig jákvæð áhrif á störf nem-
enda í almennu námi grunnskólans.
„Okkur fannst kjörið að nýta þenn-
an aukatíma á annan hátt en með
því að auka við bóklegu greinarnar.
Það er nóg námsefni í því í átta ára
bekk,“ segir Aðalheiður. „Það er
mikilvægt að í skólastarfinu sé
reynt að kynna þeim sem flestar
listgreinar.“
Aðalheiður segir búðirnar hafa
gengið mjög vel upp og allir hafi
verið afar ánægðir með árang-
urinn. „Krökkunum fannst það mik-
ið ævintýri að fara úr sínum skóla
og fara annað. Foreldrarnir sýndu
þessu einnig mjög mikinn áhuga og
voru mjög jákvæðir gagnvart
þessu. Það var mjög góð mæting á
opið hús sem haldið var í enda lista-
búðanna. Þau voru líka mjög frjáls í
sinni sköpun, þau fengu að skapa
sjálf og finna listamanninn í sjálfum
sér. Mér finnst að það eigi að gefa
öllum börnum tækifæri til að kynna
sér listgreinar,“ segir Aðalheiður.
Morgunblaðið/Eggert
Víðtækur lærdómur: Krakkarnir í Fossvogsskóla voru mjög ánægðir með námsefnið.
Nýstárleg og fjölbreytileg
náttúrufræðsla í nýju umhverfi
Nemendur Fossvogsskóla lærðu margt í listabúðum
Reykjavík | Opið hús verður í nokkr-
um leikskólum í borginni á morgun,
laugardag, og gefst þá fjölskyldum og
foreldrum barna sem eru að hefja
leikskólanám tækifæri til að kynnast
afrakstri starfsins og því sem um er
að vera í leikskólunum. Leikskólarnir
starfa allir samkvæmt lögum um leik-
skóla en hver þeirra hefur mismun-
andi áherslur.
Það getur því verið áhugavert að
kynna sér mismunandi leiðir leikskól-
anna.
Í Laugarnes-, Langholts- og Voga-
hverfi verða eftirtaldir leikskólar
opnir kl. 11– 13:
Laugaborg v/Leirulæk
Lækjarborg v/Leirulæk
Hof – Gullteig 19
Sunnuborg – Sólheimum 19
Holtaborg – Sólheimum 21
Ásborg – Dyngjuvegi 18
Hlíðarendi – v/Laugarásveg
Brákarborg – v/Brákarsund
Steinahlíð – v/Suðurlandsbraut.
Í Seljahverfi verða leikskólarnir
Jöklaborg, Seljaborg, Seljakot,
Hálsakot og Hálsaborg með opið kl.
10–12. Þá bjóða börnin vinum og
vandamönnum og öllum sem vilja
kynna sér starfsemi og menningu
leikskólanna í heimsókn.
Leikskólarnir fimm í Seljahverfi
hafa formlegt samstarf sín á milli. Í
því felst m.a. samstarf um ýmsa ár-
vissa viðburði, s.s. öskudag, opið hús
og sérstaka hátíð í tilefni þjóðhátíðar.
Þá verða fjórir leikskólar í Graf-
arvogi með opið hús kl. 10–12, en þeir
eru:
Bakki – Bakkastöðum 77
Engjaborg – Reyrengi 11
Sjónarhóll – v/Völundarhús
Laufskálar – Laufrima 9
Opið hús í leik-
skólum á morgun
Taxfrír dagur - Taxfrír dagur - Taxfrír dagur
15% afsl. - 15% afsl. - 15% afsl.
af öllum vörum í dag og langan laugardag 8. maí
Laugavegi 54,
sími 552 5201
Tax-free helgi
í Flash
15% afsláttur af öllum vörum
föstudag og laugardag
Sumarjakkar
áður 7.990, nú 3.990
Gallabuxur stærðir 40-48
áður 4.990, nú 1.990
Frítt í
bílastæðahús
allan daginn
og í bílastæði
eftir kl. 13
AUGLÝSINGADEILD
netfang: augl@mbl.is eða sími 569 1111