Morgunblaðið - 14.05.2004, Qupperneq 14

VIÐSKIPTI/ATHAFNALÍF
14 FÖSTUDAGUR 14. MAÍ 2004 MORGUNBLAÐIÐ
Fyrirtækjaþjónusta Blómavals
Plöntur gera vinnustaðinn heilsusamlegri, hlýlegri og fegurri.
Þær draga úr skaðlegum efnum í andrúmsloftinu og bæta rakastig í vistarverum.
Síðast en ekki síst prýða þær aðkomu að fyrirtækjum.
Við leggjum áherslu á:
• Grænar lausnir fyrir fyrirtæki og stofnanir
• Reglulegar heimsóknir til viðskiptavina okkar
• Skreytingar við öll tækifæri
• Blómaáskrift
• Silkiblóm, þar sem þau henta
Allar upplýsingar í verslunum Blómavals og á blomaval.is
Blómstrandi fyrirtæki
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
BL
O
24
35
4
04
/2
00
4
HAGNAÐUR Burðaráss hf. og dótt-
urfélaga á fyrsta fjórðungi þessa árs
var 4.932 milljónir króna eftir skatta.
Þar vegur þyngst að hagnaður af
sölu dótturfélaga Brims ehf. eftir
skatta var 3.547 milljónir. Á fyrsta
ársfjórðungi síðasta árs var hagnað-
ur Buraðaráss 1.162 milljónir. Arð-
semi eigin fjár félagsins á fyrsta
fjórðungi þessa árs var 25%.
Árshlutareikningur Buarðaráss
samstæðunnar, sem var birtur í gær,
inniheldur afkomu fjárfestingar-
starfsemi félagsins annars vegar og
afkomu flutningastarfsemi dóttur-
féalgsins Eimskipafélags Íslands
ehf., hins vegar.
Tap Eimskipafélagsins
65 milljónir
Hagnaður af fjárfestingarstarf-
semi Burðaráss á fyrsta fjórðungi
þessa árs var 4.997 milljónir króna
en hins vegar var 65 milljóna króna
tap af rekstri dótturfélagsins Eim-
skipafélags Íslands.
Hreinar fjárfestingartekjur Burð-
aráss á fyrsta fjórðungi ársins námu
5.153 milljónum króna. Þar af er
söluhagnaður vegna sölu á dóttur-
félögum Brims 4.143 milljónir, en
Útgerðarfélag Akureyringa, Skags-
trendingur, Haraldur Böðvarsson og
Boyd Line voru seld í upphafi árs.
Flutningatekjur Eimskipafélagsins
voru 4.136 milljónir á fyrsta fjórð-
ungi ársins en voru 3.940 milljónir á
fyrsta ársfjórðungi 2003.
Heildareignir samstæðu Burðar-
áss í lok mars síðastliðins námu um
45,8 milljörðum króna en voru um
53,3 milljónir á síðustu áramótum.
Þær hafa því minnkað um 14% sem
má rekja til sölu dótturfélaga Brims.
Skuldir samstæðunnar lækkuðu
úr um 33,7 milljörðum á áramótum í
um 20,4 milljarða í lok mars og hafa
þær því lækkað um 39%, sem er að-
allega vegna brotthvarfs dóttur-
félaga Brims úr samstæðunni. Í til-
kynningu frá félaginu kemur fram að
þar til viðbótar hafi aðrar skuldir
einnig verið greiddar niður um rúm-
lega tvo milljarða króna.
Eigið fé Burðaráss í lok mars var
um 25,2 milljarðar króna en var um
19,5 milljarðar á áramótum og hefur
því hækkað um 29%. Eiginfjárhlut-
fall er 55% en var 36% um síðustu
áramót.
Burðarás hf.
hagnast um
tæpa 5 milljarða



 




 
  



 







 

!

"

  
#"

" Eignasala skýrir
mikinn hagnað
VIÐ erum rétt búin að fá forsmekk-
inn af því sem koma skal með
stærstu fyrirtæki landsins, sagði Þór
Sigfússon, framkvæmdastjóri Versl-
unarráðs Íslands, á fundi Félags við-
skiptafræðinga og hagfræðinga um
hringamyndun, viðskiptablokkir og
samþjöppun í atvinnulífinu í gær.
Í máli hans kom einnig fram að af
þeim 13,8 milljörðum króna sem fyr-
irtæki greiddu í tekjuskatt í ríkissjóð
árið 2002 skiluðu um tíu bandarísk
og kanadísk stórfyrirtæki, sem hafa
stofnað eignarhalds- eða fjármögn-
unarfélög til að þjónusta önnur félög
innan samstæðu sinnar, um 500
milljónum króna, eða um 4% af
skatttekjum allra skattskyldra fyr-
irtækja á Íslandi. Þór sagði að hægt
væri að græða á því að bjóða hag-
stætt umhverfi fyrir alþjóðleg fyr-
irtæki og fjárfesta. Það kunni að
vera að þau byrji smátt hér á landi
en séu aðstæður góðar geti verið að
þau auki umsvif sín. Besta svarið
gegn samþjöppun í atvinnulífinu
sagði hann vera að bjóða upp á
rekstrar- og skattaumhverfi í
heimsklassa, hleypa inn fleiri fyrir-
tækjasamsteypum, láta erlend fyrir-
tæki keppa við íslenskar fyrirtækja-
samsteypur og opna landið fyrir
fyrirtæki og fjárfesta.
Mikill vöxtur
„Ef stærstu útrásarfyrirtækin
vaxa eins og þau virðast stefna að má
áætla að velta fimm stærstu fyrir-
tækjanna og dótturfélaga þeirra árið
2010 geti orðið meiri en núverandi
þjóðarframleiðsla – velta fimm
stærstu yrði því eðlilega meiri en
velta allra annarra fyrirtækja hér-
lendis samanlagt. Samt sem áður
munu þessi fyrirtæki verða skil-
greind sem lítil meðalstór fyrirtæki
á erlenda vísu. Við erum rétt búin að
fá forsmekkinn af því sem koma skal
með stærstu fyrirtæki landsins,“
sagði Þór, og bætti því við að árang-
ur margra þessara fyrirtækja er-
lendis opnaði einstök tækifæri fyrir
Ísland.
Þór sagði augljóst að þeir sem
leiddu breytingar á íslensku sam-
félagi í átt til aukins frjálsræðis
hefðu nú áhyggjur af þróun mála og
óttuðust hringamyndun og markaðs-
ráðandi fyrirtæki sem myndu á end-
anum draga úr lífsgæðum og hafa
varanlegar breytingar í för með sér á
íslensku samfélagi. Viðskiptalífið
sagði hann að yrði að sjálfsögðu að
taka alvarlega þá gagnrýni sem
stjórnvöld hefðu sett fram á einstak-
ar gjörðir stjórnenda fyrirtækja og
umsvif einstakra fyrirtækja og fyr-
irtækjasamsteypa hérlendis.
Ábyrgð leiðtoga
fyrirtækja er mikil
Þór sagði einnig að viðskiptalífinu
væri að takast að breyta leikreglun-
um á skilvirkan máta og án lagasetn-
ingar og vísaði þar meðal annars til
leiðbeininga um stjórnarhætti fyrir-
tækja.
„Við þurfum að halda áfram að líta
í eigin barm og skoða hvort við get-
um ekki áfram hækkað viðmiðin, ef
svo má segja, með opinni umræðu.
Þar er ábyrgð leiðtoga fyrirtækja
mikil. Forystumenn stórfyrirtækja
verða að skynja að stórfelld kaup á
margvíslegri starfsemi í okkar litla
landi, stórri og smárri, hljóta að leiða
til þess að ótti skapast í þjóðfélaginu
um að fyrirtækin séu á góðri leið
með að kaupa upp Ísland. Þá má
segja að ekki sé heppilegt að fyrir-
tæki sem eru í hatrammri sam-
keppni á fleiri en einu sviði séu sam-
eiginlega eigendur að öðrum
fyrirtækjum. Það væri fráleitt að
banna þeim slíkt en viðskiptalífið
veit að slíkt skapar tortryggni og
vantrú á að menn séu saman í einni
sæng einn daginn en sláist eins og
hundur og köttur til hagsbóta fyrir
neytendur hinn daginn.
Viðbrögð viðskiptalífsins við þeirri
gagnrýni sem fram hefur komið eiga
að vera að sýna að við erum að taka
okkur á, setja okkur skráðar og
óskráðar starfsreglur, auka upplýs-
ingar og hækka viðmiðin,“ sagði Þór
Sigfússon.
Rétt forsmekkur-
inn af stærð ís-
lenskra fyrirtækja
Gagnrýni Þór Sigfússon segir að
viðskiptalífið verði að taka gagn-
rýni stjórnvalda alvarlega og sýna
að það sé að taka sig á.
Morgunblaðið/Golli
GREININGARDEILDIR bankanna
gerðu ráð fyrir að hagnaður
Burðaráss á fyrsta fjórðungi
þessa árs yrði meiri en raun varð
á. Að meðaltali reiknuðu deild-
irnar með að hagnaður félagsins
yrði um 5,7 milljarðar króna en
niðurstaðan varð tæpir 5 millj-
arðar.
Meginuppistaðan í hagnaði
Burðaráss er hagnaður af fjár-
festingarstarfsemi félagsins. Þar
vegur að sjálfsögðu þyngst salan
á dótturfélögum Brims í janúar
síðastliðnum, sem óhætt er að
segja að hafi gengið greiðlega.
Tap varð af flutningastarfsem-
inni hjá dótturfélaginu Eimskipa-
félagi Íslands. Afkoman er þó
betri en á sama tímabili á síðasta
ári. Flutningstekjur hafa aukist
vegna aukinna flutninga til og frá
landinu, þá hefur einnig náðst ár-
angur í að draga úr kostnaði af
þessari starfsemi.
Í tilkynningu Burðaráss segir
að afkoman af flutningastarfsem-
inni á fyrsta ársfjórðungi sé að
jafnaði slökust. Því sé búist við
því að afkoman af þessari starf-
semi verði góð fyrir árið í heild.
Afkoman í flutningunum er í sam-
ræmi við áætlanir félagsins.
Afkoma Burðaráss mun að
miklu leyti ráðast af þróun á verð-
bréfamörkuðum. Félagið hefur
tilkynnt að aukin áhersla verði
lögð á fjárfestingar erlendis og í
óskráðum félögum. Staða félags-
ins er sterk og eignir að stórum
hluta handbært fé og skráð hluta-
bréf. Næsta víst er því að marg-
víslegir möguleikar eru fyrir
hendi til fjárfestinga.
 INNHERJI | Burðarás hf.
Afkoma undir vænting-
um en staðan sterk
innherji@mbl.is
● ÍBÚÐALÁNASJÓÐUR hefur samið
við Deutsche Bank í London um að
annast ráðgjöf og umsjón vegna end-
urskipulagningar markflokka hús-
bréfa. Í tilkynningu segir að skiptum
á bréfum fyrir íbúðabréf verði hleypt
af stokkunum eftir markaðs-
aðstæðum á næstu mánuðum. Ít-
arlegri upplýsingar verði veittar eftir
því sem tilefni verði til.
Íbúðalánasjóður sem-
ur við Deutsche Bank
ÞETTA HELST …
VIÐSKIPTI
● FÉLAG íslenskra stórkaupmanna,
FÍS, telur mikla möguleika á hag-
kvæmum innkaupum beint frá Kína
og öðrum ódýrum framleiðslulöndum
í Asíu, að sögn Péturs Björnssonar
formanns félagsins.
Halldór Ásgrímsson utanrík-
isráðherra hvatti til þess í gær á árs-
fundi Útflutningsráðs að innflytj-
endur gaumgæfðu vandlega
möguleika í Kína, og spurði hvort ver-
ið gæti að Íslendingar flyttu inn vörur
frá t.d. Kína og Indlandi í gegnum er-
lenda milliliði, á hærra verði en ella.
Pétur sagði það rétt að fé-
lagsmenn hefðu í gegnum tíðina
keypt mikið af vörum frá þessum
löndum í gegnum milliliði, en að-
stæður hefðu verið að breytast og
auðveldara væri nú en áður að
kaupa vörur beint og í viðráðanlegra
magni en áður.
FÍS bendir á
innflutning frá Asíu