Morgunblaðið - 14.05.2004, Blaðsíða 22

AKUREYRI
22 FÖSTUDAGUR 14. MAÍ 2004 MORGUNBLAÐIÐ
Saw Palmetto
Styrkjandi blanda fyrir
blöðruhálskirtilinn
www.islandia.is/~heilsuhorn
SENDUM Í PÓSTKRÖFU
Glerártorgi, Akureyri, s. 462 1889
fæst m.a. í Lífsinslind í Hagkaupum,
Fjarðarkaupum
Árnesaptóteki Selfossi og
Yggdrasil Kárastíg 1.
Frá Minningarsjóði Þorgerðar S. Eiríksdóttur
Minningarsjóður Þorgerðar Eiríksdóttur auglýsir eftir
umsókn um styrki til framhaldsnáms í tónlist
Hlutverk sjóðsins er:
Að styrkja nemendur frá Tónlistarskólanum á Akureyri
til framhaldsnáms í tónlist.
Umsækjendur þurfa að gera grein fyrir framtíðaráformum sínum og
framvísa staðfestingu á skólavist skólaárið 2003-2004.
Umókn sendist til Tónlistarskólans á Akureyri, Hvannavöllum 14,
600 Akureyri, fyrir 21. maí 2004.
Kór MA | Kór Menntaskólans á Ak-
ureyri heldur vortónleika sína í
Glerárkirkju föstudagskvöldið 14.
maí klukkan 20.30. Stjórnandi kórs-
ins er Erla Þórólfsdóttir. Á efnis-
skrá Kórs MA að þessu sinni er fjöl-
breytt úrval sönglaga, frá þjóðlögum
til dægurlaga. Undirleikari er Sig-
urður Helgi Oddsson en auk hans
leikur hljómsveit nemenda skólans
með kórnum í fáeinum lögum. Þá
mun Pálmi Gunnarsson verða gestur
kórsins og syngja með. Fleiri gestir
verða á tónleikunum, en Kór Fjöl-
brautaskóla Suðurlands á Selfossi
undir stjórn Roberts Darling mun
taka þátt í tónleikunum.
  
Kynna verkefni | Nemendur á 4. ári
félagsfræðibrautar í Mennta-
skólanum á Akureyri efna til ráð-
stefnu í Kvosinni á morgun, laug-
ardaginn 15. maí. Hún stendur frá
klukkan 10 til 15. Þar kynna þeir
rannsóknarverkefni sín í lokaáfanga í
uppeldis- og menntunarfræðum.
Viðfangsefni nemenda eru af marg-
víslegum toga: kynferðisofbeldi, ein-
hverfa, Downs-heilkenni, átröskun
meðal unglingsstúlkna, líkamsvitund
unglingsstúlkna, hreyfing og náms-
árangur, íþróttakennsla í MA, for-
dómar gagnvart ættleiddum börnum,
eineltisforvarnir, aðstoð við börn
vegna skilnaðar foreldra, samband
samkynhneigðra og foreldra þeirra,
tengsl kvíða barna og sjónvarpsgláps
og geðheilsa framhaldsskólanema. Þá
verða kynnt hönnunarverkefni, unnin
upp úr niðurstöðum rannsókna nem-
enda og ætluð m.a. til forvarna,
fræðslu og úrræða. Sem dæmi má
nefna fræðslubæklinga, veggspjöld,
heimasíður, spil, vigtunarklefa, náms-
og æfingaáætlanir.
Markmið ráðstefnunnar eru að gefa
nemendum færi á að miðla þekkingu
sinni sem þeir hafa aflað sér með
rannsóknum sínum, þjálfa þá í að
koma hugmyndum sínum á framfæri,
efla sjálfstæði þeirra í faglegum
vinnubrögðum um leið og fólki er gef-
in innsýn í störf nemenda í MA.
  
SÝNING á verkum nemenda af listnámsbraut
Verkmenntaskólans á Akureyri verður í dag,
föstudag og á morgun laugardag. Hún verður í
húsnæði listnámsbrautarinnar, en nú er liðið rétt
um ár frá því að nýtt og glæsilegt húsnæði var tek-
ið í notkun fyrir brautina.
Á sýningunni verða verk eftir nemendur af
myndlistarkjörsviði og hönnunar- og text-
ílkjörsviði. Verk eins og módelteikning, verk unn-
in í pappír, málverk, skúlptúr, tauþrykk, fata-
saumur, vefnaður, myndvefnaður, útsaumur og
ljósmyndun svo eitthvað sé nefnt.
Listnámsbraut VMA er annars vegar 3 ára 105
eininga nám og hins vegar 4 ára 140 eininga nám
sem lýkur með stúdentsprófi.
Í vetur hafa verið um 120 nemendur á myndlist-
arkjörsviði, hönnunar- og textílkjörsviði og tón-
listarkjörsviði listnámsbrautar VMA.
Sýningin verður opin frá kl 14–17 á föstudag og
frá kl 13–17 á laugardag.
Listnámsbraut Verkmenntaskólans á Akureyri
Nemendur sýna
Setja upp sýningu: Nemendur á listnámsbraut Verkmenntaskólans á Akureyri við undirbúninginn.
Taka til hendinni | Vinnudagur
verður hjá Golfklúbbi Akureyrar á
laugardag, 15. maí, og stefna þeir
sprækustu að því að mæta kl. 9 um
morguninn. Annars er fólki frjálst
að mæta til vinnu á golfvellinum hve-
nær sem er dagsins og leggja hönd á
plóg. Verkefni eru næg, en nú vinna
félagsmenn að því að búa völlinn
undir sumarið. Þeir sem leggja fram
vinnu sína fá ríkulega umbun í kaffi-
hlaðborði sem boðið verður upp á á
vinnudeginum.
  
Vortónleikar | Tónlistarskólinn á
Akureyri efnir til vortónleika á
morgun, laugardaginn 15. maí.
Nemendur munu sýna afrakstur
vetrarins og er efnisskráin mjög
fjölbreytt. Yngri nemendur koma
fram kl. 13 og kl. 14:30 er komið að
eldri nemendum. Tónleikarnir verða
í sal skólans á Hvannavöllum 14.
Kaffiveitingar að loknum fyrri tón-
leikum. Allir eru velkomnir.
  
Skólaskák | Landsmót í skólaskák
verður haldið um komandi helgi á
Akureyri. Þá koma alls 24 kepp-
endur á grunnskólaaldri víðs vegar
að af landinu til bæjarins til að taka
þátt í mótinu. Skákfélag Akureyrar
á þrjá fulltrúa í hópnum.
Skákfélagið heldur maíhraðskákmót
sitt á sunnudagskvöld, 16. maí kl. 20.
Jóhanna í Deiglunni | Jóhanna Friðfinns-
dóttir opnar sýningu á verkum sínum í
Deiglunni, Kaupvangsstræti á morgun, laug-
ardaginn 15. maí, kl.
16.30. Þar sýnir hún ak-
rýlmyndir, allt nýjar
myndir sem unnar voru á
þessu ári og í fyrra, 2003.
Jóhanna hefur stundað
myndlistarnám hér heima
og í útlöndum og er nú á
leið til frekara náms í
Kaupmannahöfn. Hún
hefur stundað myndlist
síðastliðinn áratug. Þetta
er níunda einkasýning Jó-
hönnu, sem einnig hefur tekið þátt í samsýn-
ingum. Sýningin er opin daglega, nema á
mánudögum, frá kl. 14 til 17 og stendur til
23. maí næstkomandi.
Góð aðsókn | Aðsókn að sýningu
Myndlistarskóla Arnar Inga um liðna
helgi var mjög góð og því hefur verið
ákveðið að hafa hana einnig opna nú
um helgina, laugardag og sunnudag,
frá kl. 14 til 18. Sýningin er á Óseyri 6
og þar er að finna um 100 verk, unnin
með margvíslegu móti.
ANDREUS Stelmokas handknattleiksmaður
var útnefndur Íþróttamaður KA fyrir árið
2003 en kjöri hans var lýst á KA-deginum,
sem haldinn var í KA-heimilinu nýlega. Þetta
er annað árið í röð sem Stelmokas hlýtur
þessa viðurkenningu en hann yfirgefur her-
búðir KA í vor og heldur í atvinnumennsku til
Þýskalands, eftir farsælan feril með félaginu
síðustu ár. Hann var jafnframt valinn Íþrótta-
maður Akureyrar fyrir árið 2003.
Alls voru 15 íþróttamenn tilnefndir í kjöri
KA að þessu sinni. Arnór Atlason handknatt-
leiksmaður hafnaði í öðru sæti en hann er
einnig á leið í atvinnumennsku til Þýskalands
í vor. Jöfn í þriðja sæti í kjörinu urðu þau
Karen Gunnarsdóttir blakkona og knatt-
spyrnumaðurinn Dean Martin.
Á KA-deginum var samingur á milli KA og
Hummel formlega staðfestur og munu leik-
menn allra deilda félagsins leika í búningum
frá Hummel. Það voru þau Helga Steinunn
Guðmundsdóttir formaður KA og Áskell
Gíslason frá versluninni Toppmönnum og
Sport, sem skrifuðu undir samninginn.
  
Stelmokas Íþrótta-
maður KA