Morgunblaðið - 06.06.2004, Qupperneq 21

FRÉTTIR
MORGUNBLAÐIÐ SUNNUDAGUR 6. JÚNÍ 2004 21
KVENNASKÓLANUM í Reykjavík var slitið í 130.
sinn 25. maí sl. með brautskráningu 97 stúdenta.
Jóna Guðný Arthúrsdóttir, nemandi á nátt-
úrufræðibraut, útskrifaðist með 9,52 í með-
aleinkunn en það er hæsta einkunn sem nemandi
hefur hlotið á stúdentsprófi við skólann. Hún hlaut
verðlaun úr Minningarsjóði Þóru Melsteð, stofn-
anda Kvennaskólans.
Hæstu einkunn á bekkjarprófi hlaut Hrafnhildur
Birgisdóttir, nemandi í 1. bekk, en meðaleinkunn
hennar var 9,9 sem er skólamet á bekkjarprófi.
Í ávarpi sínu hrósaði Ingibjörg Guðmundsdóttir
skólameistari nýstúdentum fyrir framúrskarandi
árangur en sex nemendur hlutu ágætiseinkunn á
stúdentsprófi. Kór skólans söng við athöfnina og
Þráinn Haraldsson nýstúdent söng einsöng. Þá
flutti Einar Baldvin Árnason ávarp fyrir hönd ný-
stúdenta og Ragnheiður Stefánsdóttir fyrir hönd
30 ára útskriftarárgangs.
Kvennaskólan-
um í Reykjavík
slitið í 130. sinn
ÚTHLUTUNARNEFND fræði-
mannsíbúðar samkvæmt reglum um
Hús Jóns Sigurðssonar í Kaup-
mannahöfn hefur lokið störfum og út-
hlutað íbúðinni frá 1. september 2004
til 31. ágúst 2005. Í úthlutunarnefnd-
inni eiga sæti Halldór Blöndal, forseti
Alþingis, Þorsteinn Pálsson, sendi-
herra Íslands í Kaupmannahöfn, og
dr. Jakob Yngvason prófessor. Ritari
nefndarinnar er Helgi Bernódusson,
aðstoðarskrifstofustjóri Alþingis.
Alls bárust nefndinni 24 umsóknir
að þessu sinni. Átta fræðimenn fá af-
not af íbúðinni, sem hér segir:
Arndís S. Árnadóttir, Norræn áhrif
á íslenska hönnunarsögu 1930–1970,
Guðjón Friðriksson, Ævisaga Hann-
esar Hafsteins, Guðmundur Hálfdan-
arsson, Íslensk sjálfstæðisbarátta í
augum Dana, Helga Kress, Ævisaga
Maríu Stephensen sögð í bréfum,
Jörgen L. Pind, Guðmundur Finn-
bogason sálfræðingur, Sigurður Gylfi
Magnússon, Hugmyndafræði hvers-
dagslífsins, Sven Þ. Sigurðsson, Bút-
areiknilíkön af straumum sjávar og
hafíss og Þórunn Sigurðardóttir, Ís-
lensk erfiljóð frá 17. öld.
Fræðimannsíbúðin í Kaupmanna-
höfn, tengd nafni Jóns Sigurðssonar,
er skammt frá Jónshúsi, í Sankt Pauls
Gade 70. Fræðimaður hefur vinnu-
stofu í Jónshúsi.
Úthlutun fræði-
mannsíbúðar
Húss Jóns
Sigurðssonar
LÍKUR eru á að aukin afföll
verði af seiðum sem sleppt var í
Norðurá í vor. Fyrir rúmlega
tveimur vikum gerði mikið
vatnsveður í Norðurárdal með
þeim afleiðingum að 10.000
seiði sluppu úr þar til gerðri
tjörn og út í á, en ráðgert var að
sleppa seiðunum einum til
tveimur vikum síðar.
Um er að ræða sjógöngu-
seiði, tæplega ársgömul, sem
alin eru í tjörninni þangað til
þau eru tilbúin að ganga til
sjávar. Sigurjón Valdimarsson,
formaður veiðifélags Norðurár,
reiknar með örlítið meiri afföll-
um vegna þessa. „Það verða ef-
laust aðeins meiri afföll því
seiðin hafa ekki alist upp í ánni
og eru óvarin fyrir fugli og öðr-
um aðsteðjandi hættum.“
Veiði hefur farið hægt af stað
í Norðurá, en fyrsta hollið fékk
ekki nema fjóra laxa og sá ekki
mikið af fiski. „Þeir sáu ekki
mikið af fiski en urðu þó varir
við eitthvað, en þetta er óvenju-
lítið miðað við opnun árinnar,“
segir Sigurjón.
10.000 seiði
sluppu í
Norðurá