Morgunblaðið - 06.06.2004, Síða 55

FÓLK Í FRÉTTUM
MORGUNBLAÐIÐ SUNNUDAGUR 6. JÚNÍ 2004 55
ROKKSVEITIN Creed er hætt. Creed átti dramatíska rokk-
smelli á borð við „Higher“ og „With Arms Wide Open“ og gaf
út breiðskífurnar My Own Prison, Human Clay og Weathered.
Plötur Creed seldust í samtals tuttugu og fjórum milljónum
eintaka í Bandaríkjunum þar sem þeir áttu sterkt bakland.
Creed hóf upptökur á fjórðu plötu sinni síðasta vetur en and-
inn í herbúðum Creed-liða var víst að engu orðinn, sér-
staklega var spennan mikil á milli Mark Tremonti gítarleikara
og Scott Stapp söngvara en þeir stofnuðu sveitina á sínum
tíma.
Þrír fyrrv. meðlimir ætla að stofna nýja sveit með nýjum
söngvara. Hljómsveitin heitir Alter Bridge og inniheldur
Creed-liðana Tremonti, Scott Phillips, Brian Marshall (sem
hafði hætt í Creed árið 2000) og söngvarann Myles Kennedy
(áður í Mayfield Four). Fyrsta plata Alter Bridge kemur út í
ágúst. Stapp vinnur hins vegar að sólóefni.
Creed kveður
Það var alltaf stutt í testósterónið hjá Creed.
LÖGREGLAN í Los Angeles hefur
fallið frá því að leggja fram kærur á
hendur sjálfskipuðum konungi
poppsins, Michael Jackson, vegna
ásakana sem lagðar voru fram á
hendur honum um að hann hefði
misnotað ungan dreng síðla á níunda
áratugnum. Þær ásakanir eru þó
með engu tengdar ákærunni sem
lögð hefur verið fram á hendur hon-
um vegna meintrar misnotkunar á
unglingnum Gavin Arvizo, en Jack-
son, sem kveðst saklaus af öllum
ásökunum, bíður þess nú að réttað
verði yfir honum …
ÞAÐ getur verið
svalt að eiga
rappstjörnu fyrir
bróður. Eminem
tók sig nefnilega
til á dögunum og
gaf yngri bróður
sínum Nate 10
þúsund dala
heimastúdíó í 18
ára afmælisgjöf. Nú er bara að sjá
hvort Nate getur eitthvað nýtt sér
græjurnar og fetað í fótspor stóra
bróa …
NÝJASTA tilraun
Victoriu Beckham
til þess að verða eitt-
hvað meira en konan
hans Davids er að
spreyta sig á skó-
hönnun. Hún ætlar
að hvíla sig á söngn-
um og einbeita sér að því að hanna
skó fyrir merkið Gina. Ætlar hún að
hanna fyrir Ginu nýja línu sem bera
mun nafn hennar. „Victoria stökk á
tækifærið þegar það bauðst. Hún
elskar skó,“ segir „vinur“ hennar við
breskt götublað …
BRITNEY Spears og nýi kærastinn
hennar, Kevin Federline, eru að
sögn búin að fá sér tattú með gagn-
kvæmri ástarjátningu …
ÍRSKA sveit-
in The
Thrills, sem
sló í gegn í
fyrra með
plötunni So
Much For
The City, hefur svo gott sem lagt
lokahönd á aðra plötu sína, sem
fengið hefur útgáfudaginn 13. sept-
ember. Fyrsta smáskífan af plötunni
fer að hljóma í ágúst en hún heitir
því skemmtilega nafni: „Whatever
Happened to Corey Haim“. Ýmsir
kunnir gestir koma við sögu á nýju
plötunni, þ.á m. Peter Buck, gít-
arleikari R.E.M. og Van Dyke
Parks, meðhöfundur Brians Wil-
sons, sem útsetti strengina fyrir The
Thrills. Conor Deasy hefur lýst
nýju lögunum sem meira „rokki og
róli“ …
FORSÖNGVARI All Saints sálugu,
Shaznay Lewis gefur út sína fyrstu
sólóplötu í sumar. Platan heitir Open
en þar munu m.a. koma við sögu
Primal Scream og Basement
Jaxx …
ÞAÐ er töggur í
Avril Lavigne
blessaðri. Það hef-
ur hún sýnt í tón-
list sinni og textum
en stelpan var að
gefa út nýja plötu á
dögunum sem heit-
ir Under My Skin. Hún er heldur
ekkert að láta blekkjast af freist-
ingum rokksins og því fékk durg-
urinn Fred Durst úr Limp Bizkit að
kynnast á dögunum. Á hann að hafa
reynt að gera hosur sínar grænar
fyrir Lavigne með því að bjóða henni
út að borða – í borgara og franskar –
og síðan reynt að lokka hana með
sér í bólið en án árangurs. Eftir
þessa fyrstu höfnun á hann svo að
hafa haldið áfram, reynt að ganga í
augun á henni með ýmsum stærilát-
um, eins og að mæta á einkaþotu
sinni á tónleika hennar. En Lavigne
vill bara ekkert með kauða hafa og
lái henni hver sem vill. „Hann reyndi
allt sem hann gat til að fá mig upp í
rúm með sér. Hann var líka ekkert
lítið spældur þegar ég vildi ekki
koma nálægt honum og fór ein upp á
herbergi mitt,“ játaði Lavigne fyrir
Rolling Stone tímaritinu …
FÓLK Ífréttum