Morgunblaðið - 13.12.2004, Blaðsíða 17

RÁNIÐ er þriðja sjálfstæða saga Gunnhildar Hrólfs-
dóttur um stelpuna Kötlu, sem lendir fyrir tilviljun í
höndum Tyrkjanna í ráninu í Vestmannaeyjum sumarið
1627.
Katla er engu að síður nútímaleg Reykjavíkurstelpa
sem bregður sér á Þjóðhátíð í Vestmannaeyjum og ætlar
að njóta dvalarinnar hjá vinkonu sinni þegar dulrænir
hæfileikar hennar verða til þess að hún færist aftur í tím-
ann um nær 400 ár.
„Það hefur heilmikið verið skrifað um Tyrkjaránið fyr-
ir fullorðna en ekkert fyrir börn og unglinga. Þetta er
hluti af sögu lands og okkar og þjóðar og ég hef mikinn
áhuga á sögunni. Ég ber mikla virðingu fyrir gengnum
kynslóðum og því sem þær urðu að leggja á sig. Það hef-
ur allt skilað sér til okkar og mér finnst mikilvægt að
börn í dag þekki þessa sögu og viti úr hvaða jarðvegi við
erum sprottin,“ segir Gunnhildur sem sjálf er fædd og
uppalin í Vestmannaeyjum.
„Ég á líka ættir að rekja austur á land og var þar í
sveit á sumrin. Í sveitinni var ekkert rafmagn og ég
skammaðist mín fyrir það þá en þykir fengur að því í dag
að hafa kynnst þeim búskaparháttum sem fólk hafði
stundað öldum saman. Þetta er í rauninni grunnurinn að
hugmyndinni að láta nútímastelpuna Kötlu fara aftur í
tímann og upplifa viðburði og umhverfi sem eru allt
öðruvísi en við eigum að venjast.“
Fortíð og nútíð fléttuð saman
Gunnhildur segir telja nauðsynlegt að flétta hinn
sögulega fróðleik saman við nútímalega frásögn og þann-
ig skapist líka oft skemmtilegar andstæður sem börn í
dag eigi auðveldara með að skilja. „Katla lendir í því að
vera hertekin ásamt öðrum Vestmannaeyingum og flutt í
Barbaríið. Hún er með farsímann sinn í vasanum og deb-
etkortið og er staðráðin í því að taka fyrsta flug aftur
heim til Íslands þegar hún kemur í áfangastað með skip-
inu. En það fer nú öðruvísi.“
Ránið er 15. bók Gunnhildar Hrólfsdóttir en hún hlaut
Íslensku barnabókaverðlaunin árið 2000 fyrir bókina
Sjáumst aftur, þar sem aðalpersónan Katla birtist fyrst.
Fyrir tveimur árum kom svo út Allt annað líf, þar sem
Katla er enn sem fyrr í aðalhlutverki.
Nútímastelpu rænt af Tyrkjum
Gunnhildur Hrólfsdóttir hefur
sent frá sér unglingabókina Ránið
um stúlkuna Kötlu sem lendir í
óvæntum ævintýrum á Þjóðhátíð í
Vestmannaeyjum.
Morgunblaðið/Golli
„Heilmikið verið skrifað um Tyrkjaránið fyrir full-
orðna en ekkert fyrir börn og unglinga,“ segir Gunn-
hildur Hrólfsdóttir.
MORGUNBLAÐIÐ MÁNUDAGUR 13. DESEMBER 2004 17
MENNING
www.toyota.is
DESEMBERTILBOÐ - 15% AFSLÁTTUR
15% afsláttur út desember á hágæ›arafgeymum fyrir flestar ger›ir bifrei›a.
Frí ísetning og þriggja ára ábyrgð. www.toyota.is
ÍS
LE
N
SK
A
A
U
G
L†
SI
N
G
A
ST
O
FA
N
/S
IA
.I
S
T
O
Y
26
78
8
1
2/
20
04