Eintak - 01.12.1993, Page 24

Eiður Snorri & Einar Snorri
Eiður Snorri og Einar Snorri eru ekki bræður þótt margir haldi
það. En þeir eru ekki ósvipaðir í útliti og óaðskiljanlegir félagar, og
hafa verið það síðan þeir voru fimmtán ára unglingar. Nú eru þeir
tuttugu og þriggja ára. Þeir segjast hafa skrykkað saman á break-
tímabilinu, en það er löngu liðið og nú eru þeir tveir saman eins
konar gangandi auglýsingastofa, Ijósmyndastúdíó, fjölmiðill - eða
hvað á maður að kalla það? Þeir fást altént við að taka Ijósmyndir,
þeir hanna útlit á geisladiskum, gera sjónvarpsauglýsingar og þótt
þeir hafi ekkert lært til þessara verka verður ekki annað sagt en að
útkoman hjá þeim sé glæsileg. En aðferðir þeirra félaganna eru
óneitanlega nokkuð óvenjulegar.
„Við erum búnir að vera í þessu í tvö ár, en samt eigum við enga
myndavél. Við fáum lánaða myndavél hjá vini okkar þegar við ætlum
að taka myndir. En ef bókin gengur vel ætlum við að kaupa okkur
myndavél - það er draumurinn að eignast myndavél."
Hvaða bók?
Það er bók með Ijósmyndum sem þeir vinirnir eru að vinna að.
Jóhann Páll Valdimarsson í Forlaginu ætlar að gefa hana út næsta
haust; þeir gengu inn á skrifstofuna hans einn daginn og fimm
mínútum síðar var Jóhann Þáll búinn að samþykkja hugmyndina.
„Við höldum að svona bók hafi ekki verið gerð áður á íslandi.
Flestar Ijósmyndabækur sem hérna eru gefnar út eru fullar af.
landslagsmyndum fyrir útlendinga. Þetta verður hins vegar bók fyrir
(slendinga, með myndum af ungu fólki, strákum og stelpum. Þarna
verður fallegt fólk, fallegir kroppar, svolítil nekt, en þó ekki bara ein-
göngu, heldur líka myndir af karakterum sem okkur þykja skemmti-
legir. Við erum að byrja að vinna bókina - með lánsmyndavélinni."
Þurfið þið ekki að kaupa ykkur myndavél?
„Kannski, en það eru ekki græjurnar sem taka myndir. Það
byggist aðallega á hugmyndinni, tilfinningunni..."
Er það ekki ferlega vogað af mönnum sem hafa aldrei lært neitt
að ætla að gefa út heila bók með Ijósmyndum eftir sig?
„Maður þarf ekki endilega að fara í skóla til að læra Ijósmyndun,
annað hvort hefur maður þetta í sér eða ekki. Mest lærir maður á því
að fara sínar eigin leiðir, þá þarf maður sjálfur að komast yfir ýmsar
hindranir sem verða í veginum. Þannig kunnum við hitt og þetta sem
þeir sem hafa farið í skóla kunna ekki, sjálfsagt er Ifka ýmislegt sem
þeir kunna sem við höfum ekkert vit á.“
Báðir eru þeir félagarnir með eindæmum kurteisir menn, mjúkir á
manninn, prúðir liggur manni við að segja. En ber þetta samt ekki
vott um fullkominn ofmetnað?
„Ég held ég sé frekar hógvær maður, sem persóna er ég feiminn
og hlédrægur. En ég hef tröllatrú á sjálfum mér sem Ijósmyndara,"
segir Eiður Snorri.
„Við ráðumst beint af augum á hlutina. Kannski erum við svo
einfaldir og vitlausir að halda að við getum þetta," segir Einar Snorri.
Ljósmyndun er fráleitt það eina sem þeir vinirnir fást við. Þeir vilja
heldur ekki gera tilkall til þess að láta kalla sig Ijósmyndara, enda
hafa þeir fengist við ýmislegt annað síðustu misserin. Þeir gáfu út tvö
tölublað af tímariti sem þeir kölluðu Hamingju og segja reyndar að
það hafi verið ævintýralegt. „Við vorum hálfgerðir bakkabræður í
þessu öllu, skrifuðum blaðið, tókum myndirnar og settum það upp.
Við erum líka algjörir græningjar í fjármálum og alltof góðir við alla.
Við ættum kannski að fá einhvern harðan nagla með okkur - þá
ættum við kannski myndavél í dag...“
Fleira?
Þeir hafa gert sjónvarpsauglýsingar, bíóauglýsingar, umslög utan
um geisladiska fyrir Móeiði og Jet Black Joe og líka rokkvídeó fyrir
Bubbleflies og Móu og Eyþór.
Og þeir hafa líka þreifað fyrir sér í útlöndum. Þeir fóru til Kaliforníu
að heimsækja vini sína og í leiðinni létu þeir vita af sér hjá ýmsum
fyrirtækjum. Niðurstaðan var sú að þeir fengu verkefni fyrir fræg og
útbreidd tímarit, Spin og Ray Gun. Það hlýtur að teljast nokkur sigur
fyrir ómenntaða og óþekkta Ijósmyndara að fá að vinna fyrir svo
þekkt tímarit. Eiður Snorri tók mynd af frægri hljómsveit sem heitir
Diggable Þlanets, en Einar Snorri tók mynd djassistanum Jimmy
Scott. Og þeir eru að hugsa um að fara út aftur eftir áramótin til að
rækta sambönd sem gætu nýst þeim vel - þar eru peningarnir, þar
eru tækifærin.
En fyrst þarf að koma út bók...
24
EINTAK DESEMBER