Eintak - 01.12.1993, Qupperneq 56

Brynhildur
Þorgeirsdóttir
Af einhverjum ástæðum eru
bestu myndhöggvararnir okkar
af yngri kynslóð mestanpart
konur. Kannski er orsökin
frjósöm barátta hins harða og
mjúka; kvenlegrar mýktar við
harðan steininn. Þar er
Brynhildur einna fremst í flokki
með dálítið óvenjulega
kaldhömruð verk.
Siv Friðleifsdóttir
Siv sem situr í bæjarstjórn á Seltjarnarnesi fyrir
Framsóknarflokkinn segir réttlætiskenndina sterkasta
eiginleikann í fari sínu. ,,Ég er félagslynd með þá hugsjón að
móta samfélagið til betri vegar fyrir heildina." Siv segist vera
jafnréttissinni og mikil keppnismanneskja sem þolir mótbyr
jafnt sem meðbyr.
Hallgerður
Höskuldsdóttir langbrók
Hallgerður er kona Gunnars bónda á
Hlíðarenda sem sagt er frá I Njálu. Hún er
kvenskörungur, en jafnframt skass og ólukku-
kráka. Hún er glæsileg á að líta, en undir fögru skinni leynist flagð
og hún steypir ástvinum sínum I glötun, þótt ekki sé alltaf við hana
eina að sakast. Hallgerður er femme fatale íslendingasagnanna;
hún heillar og tælir, en bregst þegar mest á reynir. Fremur fáar
konur hafa borið nafn Hallgerðar, þó svo að Njála væri mikið lesin,
en íslendingar hafa löngum veigrað sér við að nota nöfn ógæfu-
fólks á börn sín. Þetta sama á raunar við um nafn grannkonu
hennar, Bergþóru á Bergþórshvoli.
Elisabet Cochran
Elísabet er auglýsinga-
teiknari, þeir sem þekkja til
segja að engin kona njóti
meiri virðingar í því fagi
enda er hún þekkt fyrir að
vita hvað hún vill. Hún
starfar á Auk.
Auður Eir
VlLHJÁLMSDÓTTIR
Auður Eir er frumkvöðull. Hún
er fyrsti íslenski kvenpresturinn
og tók vígslu meðan það þótti
eiginlega út í hött að konur
væru prestar. Hneykslanlegt og
nánast hlægilegt. Síðan hafa
margar konur orðið prestar og
þær hafa margar farið að velta
fyrir sér hinum dýpri rökum
guðfræðinnar. Er til dæmis
alveg víst að guð sé karlkyns?
Auður Eir hefur fundið svarið
við þessari spurningu í
kvennakirkjunni: „Ef við konur
tölum um guð í kvenkyni, þá er
hún meðal okkar og þar með
ein okkar. Það mun smátt og
smátt breyta afstöðu kvenna til
guðs og síðar til okkar sjálfra."
Dagný Gísladóttir
„Lifið snýst meira og minna um hesta. Öll fjölskyldan er í
þessu." Dagný kynntist hestamennskunni í gegnum börnin
sín, og það breytti lífi þeirra allra. Annar sonur hennar hefur
atvinnu af hrossum, og dóttirin er margfaldur Islandsmeistari.
Dagný lætur félagsmálin til sín taka í hestamennskunni, en
segir að félagsskapurinn sé ekki aðalatriðið. „Mér finnst
gaman að ríða út og vera með hrossum. Manni finnst þetta
ekkert bindandi, maður hlakkar til þegar hestarnir koma aftur í
bæinn."

Gunnhildur Emilsdóttir
Gunnhildur telur einlægni vera mest einkennandi í fari
sínu, svo og staðfesta og trúin á það sem hún er að
gera. Hún rekur ein matsölustað sinn Á næstu grösum
þar sem eingöngu er eldað náttúrufæði. „Það er enginn
sem bakkar mig upp, heldur er það trúin og þolinmæðin
sem heldur mér gangandi. Ég gefst ekki upp.“