Eintak - 01.12.1993, Side 136

cro- o
JÓLAPLÖTUR
' Úi
ITE FÁN l-IH.MARSSON

Stefán Hilmarsson
LÍF
SoulHeimar/Spor
Duglegur er hann Stefán og svo afkastamikill að stundum
finnst manni hann fara á hálfgerðu hundavaði gegnum músík-
ina; þegar sá gállinn er á honum er eins og röddin hans fái
kaldan og vélrænan hljóm, sneyddan tilfinningu og tilbreyt-
ingu. Það á þó tæpast við um þessa piötu. Hér fá hæfileikar
hans að njóta sín, sérstaklega í hinum rólegri lögum; það er í
mátulega hægri angurværð sem sönggáfa Stefáns blómstrar
helst. Lagasmíðar eru að sönnu nokkuð misjafnar; bestu
lögin eru eftir Stefán sjálfan - sérílagi Líttu þér nær sem er
sérdeilis þokkafullt lag. Textarnir kannski engar listasmíðar, meira en lítið
væmnir á köflum, en það verður ekki skafin af þeim einlægni ungs manns
sem þykir vænt um konu sína og barn.
Megas
PARADÍSARFUGLINN
Skifan
Það er af ærnu að taka þegar velja skal efni á safndisk með
lögum Megasar og líklega yrðu aðdáendur hans seint sam-
mála um hvaða lög væru þar við hæfi. Hér er þversnið
tuttugu laga sem spanna tuttugu ár og varla ástæða til að
kvarta neitt sérstaklega yfir því, en greinilega hefur áherslan
verið lögð á að velja hin fjögugari og aðgengilegri lög, líkt og
platan sé agn fyrir þá sem hafa ekki viljað þekkjast Megas.
En þá saknar maður auðvitað angurværðarinnar, hins lýrískari
Megasar - til dæmis meistarasmíða á borð við Orfeus og
Evridísi. En fínt úrval samt.
Rabbi
EF ÉG HEFÐI VÆNGI
R. Músík/Japis
Þetta er besta Grafíkplata sem hefur komið út í næstum tíu ár
- allar götur síðan Get ég tekið séns? var óvænt vinsælda-
plata vertíðarinnar 1984. Grafík? Jú, þar var Rafn Jónsson
alltaf prímus mótor ásamt féiaga sínum Rúnari Þórissyni, og
hér heldur hann enn áfram að þróa ísafjarðarsánd þeirra vin-
anna. Og gerir það svona dæmalaust vel. Hljómurinn, áferð
plötunnar, er með eindæmum fágaður og fínpússaður, en þó
kvikur af lífi. Góðir söngvarar fara sumir hverjir á kostum í
lögum sem eru langt fyrir ofan meðallag; við því mátti auðvit-
að búast af Helga Björnssyni og Andreu Gylfadóttur, en
Sævar Sverrisson og Berglind Björk gefa þeim lítið eftir. Þetta
er gott popp og full ástæða til að gratúlera.
Bubbi Morthens
LÍFIÐ ER LJÚFT
Skifan
Þótt Bubbi sé rammísienskur er hann líka í aðra röndina skil-
getið afkvæmi Dylans og Neil Young. Og eins og þessir
meistarar er hann obbolítið eiróarlaus og þarf sífellt að vera
að taka hliðarspor; finna nýjan stíl, skipta um hann, finna
hann aftur. Líklega er það Bubbi á þessum nótunum sem
þjóð hans vill helst heyra; einlægur, melódískur, dálítið hugsi,
maður sem hefur reynt ýmislegt og lært margt. Þetta er
semsagt indælis plata; Bubbi virðist ánægður með lífið og
það er gott. Poppkóngurinn okkar á það skilið.
Ýmsir flytjendur
KÆRLEIKUR
Skifan
Allir sem eru komnir um eða yfir fertugsaldurinn nauðaþekkja
lögin á þessari plötu. Þetta er músík '68 kynslóðarinnar, lög
eftir poppara á borð við Gunnar Þórðarson, Jóhann G.
Jóhannsson og Rúnar Gunnarsson sem eru rifjuð upp undir
stjórn nostalgískasta manns á íslandi, Jóns Ólafssonar bítla-
vinar. Honum finnst alltaf jafngaman að spila gömlu lögin og
fær í lið með sér unga söngvara sem sumir hafa ágæta hæfi-
leika; gallinn er bara sá að hér er engu bætt við, allt er þetta
frekar dauðyflislegt og frumútgáfur laganna í öllum tilvikum
betri, líflegri og skemmtilegri.
Móeiður Júníusdóttir
MÓA SYNGUR
Smekkleysa
Auðvitað er það ansi djarft uppátæki hjá tvítugri söngkonu að
ráðast til atlögu við sundursungnar dægurperlur sem hérum-
bil allir kunna utan að, lög eftir spámenn á borð við Cole
Porter, Irwing Berlin, Gershwin og Þórðarson. Og það verður
að segjast að ekki tekst Móeiði að finna neina lífsvon í þess-
um slitnu flíkum af flóamarkaði dægurtónlistarinnar; það er
eins og hún, líkt og við hin flest, geri ekki meira en að kunna
lögin nokkurn veginn utan að. Raddbeitingin er tilgerðarleg,
einatt öpuð upp eftir frægum söngstjörnum; í söngnum örlar
varla á þeim sannfæringarkrafti og innblæstri sem er
nauðsynlegur til að hrífa.

; ÍS i ' t i -
k... 1
Djarfar styttur,
léttleiki og gleði. Það er jólaklippingin í ár.
Strípur, meiri styttur, jafnvel háerótískar styttur.
Sposkur svipur, mjúkt hár, kvenlegt hár, lífsgleði og
húmor.
Það er Símbí hjá Jóa og félögum sem greiddi
fyrirsætunum þremur hér á síðunni. Hann er ný-
kominn frá Barcelona og sótti þar í smiðju fr;
hárgreiðslusnillings, meistara Llongueras.
Hárgreiðslan er í anda hans, enda ætlar meistarinn
að birta myndir eftir Simba í næsta hefti tímarits
sem hann gefur út og kallar Peluquerias.
EINTAK DESEMBER