Morgunblaðið - 16.04.2005, Blaðsíða 24
24 LAUGARDAGUR 16. APRÍL 2005 MORGUNBLAÐIÐ
ERLENT
AÐ MINNSTA kosti tuttugu manns
fórust í miklum eldsvoða sem kom
upp í hótelbyggingu í miðborg Par-
ísar í fyrrinótt. Tíu hinna látnu voru
börn, að því er franska lögreglan
greindi frá. Meira en fimmtíu manns
slösuðust í brunanum, þar af þrettán
alvarlega og óttuðust menn því mjög
að tala látinna ætti eftir að hækka.
Hótelið heitir Paris-Opera og er
nálægt Galeries Lafayette-verslun-
arbyggingunni. Er hótelið við rue de
Provence í Opera-hverfinu í níunda
hverfi, norður af Louvre-safni. Gest-
ir hótelsins í fyrrinótt voru einkum
ferðamenn en einnig voru þar nokkr-
ar fjölskyldur innflytjenda og hinir
slösuðu voru af ýmsu þjóðerni,
frönsku, portúgölsku, bandarísku og
úkraínsku. Ennfremur var fólk frá
Senegal, Fílabeinsströndinni og
Túnis meðal gesta á hótelinu. Mun
það stundum hafa verið notað af
borgaryfirvöldum sem tímabundið
athvarf fyrir fátæka innflytjendur,
að því er greint var frá í gær. Pierre
Mutz, lögreglustjóri í París, sagði að
75 gestir hefðu verið á hótelinu þessa
nótt en alls eru þar 32 herbergi.
Stukku út um gluggana
Slökkviliðsmenn unnu í gærmorg-
un að því að ráða niðurlögum eldsins
en sóttist verkið seint, þykkur reyk-
ur fyllti öll herbergi hótelsins og eld-
urinn hafði veikt stoðir byggingar-
innar og gólf þess þannig að fara
þurfti að öllu með gát.
Um er að ræða einn mannskæð-
asta bruna í frönsku höfuðborginni í
tuttugu ár. Vitni og björgunarmenn
sögðust hafa orðið vitni að því er
gestir hótelsins köstuðu sér út um
glugga hótelherbergja til að flýja
eldinn, sem eyðilagði bygginguna
gjörsamlega.
„Það er erfitt við slíkar aðstæður
að segja fólki að halda ró sinni. Fólk
stökk. Fólk á fyrstu hæðinni kastaði
börnum sínum út um gluggana,“
sagði Alfred Millot, yfirmaður eld-
varnarmála hjá Galeries Lafayette,
sem vann að slökkvistarfinu.
Nokkrar vændiskonur sem starfa
í nærliggjandi götum urðu einnig
vitni að brunanum. Ein þeirra,
Laure, sagðist hafa heyrt fólk kalla á
hjálp. Flestir hefðu greinilega verið
sofandi þegar eldurinn kom upp.
Sagðist hún hafa séð fólk stökkva út
um glugga, heyrst hefði „dynkur“ er
það lenti á götunni fyrir neðan.
Rannsókn var hafin á tildrögum
eldsins í gær en heimildarmenn
AFP-fréttastofunnar sögðu nánast
öruggt að kviknað hefði í fyrir slysni.
Ekkert hefði fundist sem benti til að
kveikt hefði verið í að yfirlögðu ráði.
Jacques Chirac Frakklandsforseti
kallaði eldsvoðann „einn sársauka-
fyllsta harmleik sem nokkurn tíma
hefði riðið yfir Parísarborg“.
Hörmulegur
bruni í mið-
borg Parísar
Að minnsta kosti
tuttugu fórust,
þar af tíu börn
AP
Slökkviliðsmenn bjarga fólki út úr París-Ópera-hótelinu. Borgaryfirvöld
hafa notað það sem hæli fyrir illa staddar fjölskyldur frá Afríku.
'()*+,-./
0
2 3
24
5
2 6
7
0
3
0,
'
2
0 682
LITLAR væringar hafa verið með
Grikkjum og Tyrkjum á Kýpur að
undanförnu og þessi mynd bendir
vissulega til, að þar sé allt með friði
og spekt. Tyrknesk stúlka að róla
sér rétt við eina varðstöð Sameinuðu
þjóðanna á „grænu línunni“, sem
skiptir eynni milli þjóðarbrotanna.
Reuters
Rólað í friði á Kýpur
Sydney. AFP. | Ástralska lögreglan
gerði í gær upptækar fimm milljónir
e-taflna en um er að ræða heimsmet
í þessum efnum, að því er talsmenn
lögreglunnar héldu fram í gær. E-
töflurnar voru faldar í flísasendingu
frá Ítalíu og fundust í gámi í borg-
inni Melbourne, farmurinn vó meira
en eitt tonn. Fjórir menn voru
handteknir í tengslum við málið.
„Þessi aðgerð kemur í veg fyrir
að um það bil fimm milljónir e-
taflna verði seldar á götunni og
þetta er stærsti fundur þessarar
tegundar í heiminum,“ sagði Chris
Ellison, dómsmálaráðherra Ástral-
íu.
Sagði lögreglan að verðmæti eit-
urlyfjanna væri meira en 250 millj-
ónir dollara, rúmlega fimmtán millj-
arðar ísl. króna. Áfram væri unnið
að rannsókn málsins en talið er að
alþjóðlegur glæpahringur tengist
þessum smyglinnflutningi.
Mike Phelan, talsmaður alríkis-
lögreglunnar áströlsku, sagði að
unnið hefði verið að rannsókn þessa
máls síðan í janúar. Var fylgst með
umræddum gámi, sem kom til
Melbourne frá Ítalíu fyrr í vikunni,
þar sem hann var afhentur í verk-
smiðju í úthverfi borgarinnar á
fimmtudag. Í kjölfarið hefðu tveir
menn verið handteknir þar, er þeir
gerðu sig líklega til að sækja eit-
urlyfin. Húsrannsókn var svo gerð á
nokkrum stöðum í Melbourne og
tveir menn handteknir til viðbótar,
að því er fram kom í yfirlýsingum
lögreglunnar.
Risavaxið eiturlyfja-
smygl í Ástralíu
Milljónir e-taflna gerðar upptækar
VIÐBRÖGÐ við þeim yfirlýsingum
Margrétar Danadrottningar, að
nauðsynlegt sé að bregðast við
ýmsum fylgifiskum íslamstrúar,
hafa verið jákvæð hjá hófsömum
múslímum í Danmörku.
„Ég er sammála drottningu og
hvet til þess, að trúfélögin talist við.
Það er eina leiðin til að auka um-
burðarlyndið,“ sagði klerkurinn
Abdul Wahid Pedersen en hann er
varaformaður íslamsk-kristinna
stúdentasamtaka. Sagði frá þessu á
fréttavef Jyllands-Posten í gær.
Í nýútkominni bók um drottningu
segir hún, að kannski sé eitthvað
aðdáunarvert við fólk, sem gefur
sig trúnni algerlega á vald, en um
leið sé ofstækið, einn af fylgifiskum
íslams, verulega óhugnanlegt.
„Allar trúarhreyfingar hafa of-
stækismenn innan sinna vébanda. Í
Bandaríkjunum er nýbúið að kveða
upp lífstíðardóm yfir ofstækis-
fullum, kristnum hægrimanni, sem
sprengdi upp fóstureyðingar-
stöðvar. Í Ísrael vilja ofstækismenn
sprengja upp helgidóma múslíma
og í okkar hópi eru menn, sem
fljúga á skýjakljúfa,“ sagði Ped-
ersen og undir þetta tók einnig
cand. polit. Zubair Butt Hussain,
talsmaður íslamskra samtaka, sem
beita sér fyrir aukinni umræðu og
skilningi á milli trúarhópa.
Ummælum
drottningar
vel tekið
ALLT of mikið er um að
læknar úrskurði fólk veikt,
„útbrunnið“, þótt raunveru-
lega ástæðan fyrir vandanum
sé félagsleg, til dæmis erf-
iðleikar í einkalífi eða starfi,
að sögn Marcello Ferrada-
Noli, sænsks geðlæknis og
prófessors í heilsufræði í
Gävle. Segir hann í viðtali við
Aftonbladet, að um sé að
ræða tískufyrirbæri.
„Læknar ættu ekki að
segja að fólk sé veikt þegar
þeir eru ófærir um að greina
sjúkdóminn,“ segir Ferrada-
Noli og telur að hlaupin sé of-
þensla í greiningar af þessu
tagi.
„Það hefur alltaf verið til
fólk sem er ósátt við aðstæð-
ur í vinnunni sinni en nú er
búið að taka óánægjuna og
gera hana að sjúkdómsgrein-
ingu. Það er rangt.“
Aleksander Perkis, sem
stundar rannsóknir á streitu í
Stokkhólmi, stynur sjálfur
þungan þegar hann heyrir
ummæli Ferrada-Noli. „Ég
og starfssystkin mín höfum
meðhöndlað 700 sjúklinga á
streitudeildinni á Karólínsku-
stofnuninni. Hann [Ferrada-
Noli] hefur ekki meðhöndlað
neinn.
Tíðni geðrænna sjúkdóma
hefur tvöfaldast síðan á ní-
unda áratugnum í vestrænum
ríkjum. Hluti þeirra tengist
streitu, þess vegna er meira
um útbrunnið fólk,“ segir
Perkis.
Tíska að
vera út-
brunninn?
London. AP. | Ákveðið hefur verið að
skipta upp Rover-verksmiðjunum
bresku og segja upp 5.000 starfs-
mönnum þeirra. Síðan verður reynt
að selja einstaka hluta framleiðsl-
unnar.
Ljóst var, að dagar Rover voru
taldir þegar viðræður við SAIC, kín-
verskar bílaverksmiðjur í ríkiseigu,
fóru út um þúfur og talsmaður
PricewaterhouseCoopers, sem fer
með stjórn fyrirtækisins eftir að það
sótti um greiðslustöðvun, segir, að
útilokað sé að selja það sem eitt
starfandi fyrirtæki. Sagði hann, að
meira en 70 fyrirtæki hefðu sýnt
áhuga á að kaupa hluta af fram-
leiðslunni, til dæmis MG-línuna, en
engar viðræður um það væru þó
hafnar.
Í síðustu viku var upplýst, að tap-
ið á Rover væri á bilinu 2,4 til þrír
milljarðar íslenskra króna á mánuði.
Gjaldþrot Rover-verksmiðjanna
er alvarlegt mál fyrir Tony Blair
forsætisráðherra og Verkamanna-
flokkinn rétt fyrir kosningar enda
hætta á, að vegna þess missi allt að
24.000 manns atvinnuna. Í gær boð-
aði Blair komu sína til Birmingham,
þar sem verksmiðjurnar eru, til að
kynna aðstoð ríkisstjórnarinnar við
starfsmennina. Mun hún nema um
18 milljörðum íslenskra kr.
Rover skipt upp og selt