Morgunblaðið - 16.04.2005, Blaðsíða 29

MORGUNBLAÐIÐ LAUGARDAGUR 16. APRÍL 2005 29
MINNSTAÐUR
LEGÓDAGAR 25% AFSLÁTTUR
GILDIR TIL 20. APRÍL
APÓTEK OG HEILSUBÚÐIR
Góð heilsa gulli betri
Selfoss | Sveitarfélagið Árborg
undirbýr mikla uppbyggingu á
íþróttaaðstöðu á Selfossi og er í
viðræðum við fjárfesta um bygg-
ingu fjölnota íþróttahúss með
knattspyrnuvelli og hlaupabraut-
um ásamt inni- og útisundlaug
sem fyrsta skref í þessari upp-
byggingu. Húsið verður við Eyr-
arveg, í nágrenni flugvallarins.
Reiknað er með að í framtíðinni
verði einnig byggð upp frekari
aðstaða, svo sem til aksturs-
íþrótta. Gangi áætlanir eftir verð-
ur nýja húsið opnað 2. apríl 2006.
„Það er horft til framtíðar með
þessum áætlunum. Það verður
þarna sameiginlegur miðkjarni
með búningsaðstöðu sem mun
nýtast af fjölnotahúsinu og sund-
laugunum. Svo er hægt að spinna
framhaldið áfram, svo sem með
vatna- og fjölskyldugarði, aðstöðu
fyrir akstursíþróttir og fleira.
Þetta hús mun leysa mikla þörf
hjá íþróttahreyfingunni og fjölga
þeim tímum sem íþróttagreinar
hafa aðgang að í íþróttahúsunum
á Selfossi,“ sagði Þorvaldur Guð-
mundsson, forseti bæjarstjórnar
Árborgar, en hann vildi ekki gefa
upp hver einkaaðilinn væri sem
rætt væri við en kvaðst vonast til
að endanlegir samningar næðust
fljótlega. Hugmyndin að upp-
byggingunni gengur út á það að
stofnað verði hlutafélag um þessa
uppbyggingu í Árborg og að
sveitarfélagið eigi hlut í því
ásamt þeim einkaaðila sem um
ræðir. Gert er ráð fyrir að sveit-
arfélagið leigi tíma í húsinu fyrir
íþróttastarfsemina í sveitarfé-
laginu en hlutafélagið muni ann-
ast rekstur hússins. Hið nýja fé-
lag mun síðan markaðssetja húsið
fyrir ýmsa aðra starfsemi, svo
sem tónleika, sýningar og hvað-
eina sem mögulegt er á mark-
aðnum.
Forsvarsmenn sveitarfélagsins
kynntu þessi áform sín á fundi
með forystumönnum úr íþrótta-
hreyfingunni á Selfossi á fimmtu-
dagskvöld. Fyrirhugað var að
byggja upp gervigrasvöll á þessu
ári en uppbyggingu á íþrótta-
vallasvæðinu á Selfossi verður
slegið á frest. „Við erum að fara í
þetta núna þar sem aðstæður
hafa breyst varðandi lánakjör og
það er hagstætt að gera þetta
núna. Við viljum því reyna þetta
til þrautar og nýta það tækifæri
sem gefst,“ sagði Þorvaldur.
Hann sagði einnig að sveitarfé-
lagið hefði fyrir nokkru kynnt
slíkar hugmyndir fyrir nágranna-
sveitarfélögunum og nokkur
þeirra verið jákvæð.
Sveitarfélagið Árborg stefnir að byggingu knattspyrnuhallar á Selfossi
Viðræður við fjárfesta
um uppbygginguna
Morgunblaðið/Sigurður Jónsson
Hér mun það rísa Þorvaldur Guðmundsson, forseti bæjarstjórnar, Gylfi
Þorkelsson, formaður íþrótta- og tómstundaráðs, og Grímur Hergeirs-
son, verkefnisstjóri íþróttamála, standa á þeim stað þar sem nýja íþrótta-
höllin mun rísa við Eyraveg sunnan Hagalands í nágrenni flugvallarins.
Eftir Sigurð Jónsson
ÁRBORGARSVÆÐIÐ
Þorlákshöfn | Bæjarráð Ölfuss átel-
ur harðlega þau vinnubrögð sem
hafa verið viðhöfð við ákvarðanir um
fjárveitingar til Suðurstrandarvegar
og telur þau algjörlega óviðunandi.
Bæjarráð skorar því á forsætisráð-
herra og utanríkisráðherra og þing-
menn kjördæmisins að standa við
gefin fyrirheit um lagningu Suður-
strandarvegar.
Ályktunin var gerð í framhaldi af
kynningu á samgönguáætlun 2005 til
2008 þar sem ekki er gert ráð fyrir
fjárveitingu til Suðurstrandarvegar.
Rifjað er upp að með kjördæma-
breytingu og þar með tilkomu Suð-
urkjördæmis boðuðu þingmenn og
ráðherrar að vegur sem tengdi
kjördæmin á Reykjanesi og Suður-
landi saman kæmi með suðurströnd-
inni. Vegurinn hafi farið í gegnum
mat á umhverfisáhrifum og hönnun
hans hafin. Jafnframt hafi fé verið
veitt til hans á undanförnum árum.
Þá er rifjað upp að í átaki ríkis-
stjórnar Íslands til atvinnusköpunar
sem kynnt var fyrri hluta vetrar
2003 af Davíð Oddssyni, þáverandi
forsætisráðherra, og Halldóri Ás-
grímssyni, þáverandi utanríkisráð-
herra, var gert ráð fyrir fjárveiting-
um til Suðurstrandarvegar sem
dugað hefði til lagningar meginhluta
vegarins. Eftir alþingiskosningarnar
sama ár var stór hluti fjárveitingar-
innar dreginn til baka.
Skora á ráðherrana
að efna loforðin
Flóinn | Kjötmjölsverksmiðjan í Hraun-
gerðishreppi hætti í gær móttöku á slát-
urúrgangi og slökkt verður á henni í dag
þegar úrvinnslu er lokið. Framkvæmda-
stjórinn segir að verksmiðjan verði seld til
niðurrifs.
Kjötmjöl ehf. tekur á móti slátur- og kjöt-
úrgangi frá sláturhúsum og kjötvinnslum á
Suðurlandi og höfuðborgarsvæðinu, alls um
6 þúsund tonnum á ári. Í upphafi var fram-
leiddur áburður úr þessu hráefni en fyrir
tveimur árum var sala þess bönnuð vegna
dýrasjúkdóma, meðal annars vegna þess að
riða kom upp í Ölfusi. Við það brast rekstr-
argrundvöllur verksmiðjunnar endanlega.
Áfram var haldið að taka á móti úrgangi,
hann hitameðhöndlaður og síðan fargað.
Torfi Áskelsson framkvæmdastjóri segir að
áhugi hafi verið á því að breyta verksmiðj-
unni í eyðingarstöð en til að standa undir
kostnaðinum af því hafi verið nauðsynlegt
að leggja úrvinnslugjald á sláturafurðir.
Stjórnvöld hafi virst skilja mikilvægi þess
en ekkert orðið úr framkvæmd.
KB banki eignaðist verksmiðuna á nauð-
ungaruppboði fyrir ári og hefur rekið hana
með tapi síðan út á loforð um að rekstur
hennar yrði tryggður en hefur nú gefist upp
á biðinni, að sögn Torfa. Starfsfólkið er að
ljúka við að vinna uppsagnarfrestinn og
verksmiðjan verður seld til niðurrifs á
næstu mánuðum. Torfi bindur enn vonir við
að stjórnvöld taki við sér en segir að það
muni taka tíma að þjálfa upp starfsfólk til að
gangsetja stöðina á nýjan leik.
Kjötmjöl hættir vinnslu í dag
Verksmiðjan
verður seld
til niðurrifs
Morgunblaðið/Sigurður Jónsson
Torfi Áskelsson framkvæmdastjóri.
Selfoss | Karlakór Selfoss er að
ljúka sínu fertugasta starfsári.
Samkvæmt venju heldur kórinn ár-
lega vortónleika að kvöldi sum-
ardagsins fyrsta, 21. apríl, kl. 20.30
í Selfosskirkju. Sérstaklega er
vandað til efnisskrár tónleikanna í
tilefni af fjörutíu ára afmæli kórs-
ins.
Í vetur hafa rúmlega fimmtíu
söngmenn æft með kórnum, að
sögn Valdimars Bragasonar, for-
manns karlakórsins. Á söngskránni
eru mörg þekkt karlakórslög og
einnig ný verk. Má þar nefna að sá
góðkunni lagahöfundur og kór-
stjórnandi Björgvin Þ. Valdimars-
son hefur samið nýtt lag við texta
Hjartar Þórarinssonar, Heimabær-
inn minn, sem þeir félagar afhentu
karlakórnum í tilefni afmælisins.
„Annars má segja að söngskráin
spanni 40 ára sögu Karlakórs Sel-
foss, þannig að í fyrri hlutanum sé
horft til baka og sungin lög sem
kórinn hefur flutt áður en seinni
hlutinn einkennist af lögum sem
kórinn hefur ekki flutt fyrr,“ sagði
Valdimar Bragason. Kórinn er einn
af máttarstólpum í menningarlífinu
á Selfossi og í Árnessýslu.
Sungið í Ými
Auk þess að halda tónleika á Sel-
fossi syngur Karlakórinn einnig í
Tónlistarhúsinu Ými við Skógar-
hlíð í Reykjavík sunnudaginn 24.
apríl kl. 20 og Selfosskirkju mið-
vikudaginn 27. apríl kl. 20.30. Loka-
tónleikarnir verða svo í Félags-
heimilinu á Flúðum laugardaginn
30. apríl kl. 21. Gestakór á þeim
tónleikum verður Karlakór
Hreppamanna og dansleikur verð-
ur að loknum tónleikum eins og
venja er á hverju ári.
Stjórnandi Karlakórs Selfoss er
Loftur Erlingsson sem syngur ein-
söng með kórnum og gefur tónleik-
unum með því sérstakt yfirbragð.
Undirleikari kórsins er Julian
Edward Isaaks. Í vor fara svo
karlakórsfélagar í hljóðver og ljúka
við að taka upp efni fyrir geisla-
plötu sem gefin verður út í tilefni 40
ára afmælis kórsins. Í lok júlí held-
ur kórinn til Vesturheims og mun
syngja bæði í Kanada og Banda-
ríkjunum.
Karlakór Selfoss heldur afmælistónleika og gefur út geisladisk
Söngskráin spannar 40 ára sögu kórsins
Stórafmæli Karlakór Selfoss stillir sér upp á bökkum Ölfusár ásamt stjórnanda og undirleikara.