Morgunblaðið - 16.04.2005, Blaðsíða 25
Akureyri | Nemendur í 3. U í
Menntaskólanum á Akureyri
fóru heldur fyrr á ról en
venjulega einn daginn í vik-
unni og komu sér fyrir með
blað og blýant við grunnskóla
bæjarins og við bæjarmörkin.
Tilgangurinn var að gera
könnun á ferðamáta þeirra
sem sækja skóla og vinnu
daglega til Akureyrar og stóð
hún yfir í eina klukkustund,
frá kl. 7.15 til 8.15.
Markmið könnunarinnar var
að áætla heildar CO2-losun
við akstur barna í skólann og í
vinnu langt að. Börn sem voru
keyrð í skólann komu á 324
bílum og þar af voru 95 bílar
með fleiri en eitt barn í bíl.
Inn í þessar tölur vantar þó
Síðuskóla. Þeir sem komu til
vinnu inn í bæinn voru tæp-
lega 400.
Morgunblaðið/Kristján
María Björk Björgvinsdóttir, nemandi í MA, með blað og penna við Glerárskóla.
Mörgum ekið í skólann
Ferðamáti
Akureyri | Landið | Austurland
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Fréttaritarar Morgunblaðsins á lands-
byggðinni stofnuðu félagið Okkar menn
fyrir tuttugu árum. „Mér datt í hug hvort
það væri ekki þess virði að stofna einhvers
konar félag til að efla innbyrðis samband
fréttaritaranna og ekki síður að efla blað-
ið,“ sagði Helgi Kristjánsson, fréttaritari í
Ólafsvík og hugmyndasmiðurinn á bak við
stofnun Okkar manna, í samtali við und-
irritaðan fyrir áratug, þegar félagið fagnaði
tíu ára afmæli.
Í skammdeginu veturinn 1984–85 hringdi
Helgi í Úlfar Ágústsson á Ísafirði og nefndi
þá hugmynd að stofna samtök fréttaritara
Morgunblaðsins. „Ég hafði mikinn áhuga á
þessu starfi. Samstarfið við blaðið var alltaf
lifandi og gott og ég kom við í Aðalstrætinu
í hvert skipti sem ég fór suður og hitti þá
blaðamennina og fréttastjórana. Ég hugs-
aði einnig stundum til annarra fréttaritara
sem voru í raun starfsfélagar mínir. Ég sá
nöfn þeirra undir fréttum í blaðinu, fylgdist
með því sem þeir voru að gera en hitti þá
sjaldan. Mig langaði að gera þetta samband
lifandi og sjá framan í fréttaritarana.
Morgunblaðið hefur verið vinur manns til
margra ára og það vakti ekki síst fyrir mér
að efla það,“ sagði Helgi.
Félagið var stofnað 12. apríl 1985 og hef-
ur starfað síðan að ýmsum áhugamálum
fréttaritaranna, meðal annars að nám-
skeiðahaldi fyrir félagsmenn. Aðalfundir
eru annað hvert ár og sá ellefti er einmitt í
dag. Úlfar og Helgi voru kosnir í fyrstu
stjórn félagsins ásamt Ólafi Guðmundssyni
á Egilsstöðum. Sigurður Jónsson á Selfossi
tók síðar við formennsku af Úlfari, þá
Grímur Gíslason í Vestmannaeyjum og
Gunnlaugur Árnason í Stykkishólmi er nú-
verandi formaður félagsins.
Hlutverk fréttaritaranna hefur breyst á
þessum tíma og breytist stöðugt. Þannig
hefur blaðið sett upp tvær starfsstöðvar á
landsbyggðinni, fyrst á Akureyri og síðan á
Egilsstöðum. Þá hafa breytingar í upplýs-
ingatækninni með Netinu og upplýs-
ingaflæði á því og tilkoma stafrænnar ljós-
myndatækni breytt aðstöðu og hlutverki
fréttaritaranna. Enn gegna þó fréttarit-
ararnir úti á landi veigamiklu hlutverki í
þeim öfluga fréttaflutningi af landsbyggð-
inni sem Morgunblaðið er vettvangur fyrir
og sést meðal annars á daglegum síðum í
blaðinu.
Úr
bæjarlífinu
LANDSBYGGÐIN
eftir Helga Bjarnason
Kvennakór Suð-urnesja heldurtónleika annað
kvöld, sunnudag, í Lista-
safni Reykjanesbæjar í
Duushúsum í Keflavík.
Dagskráin er frekar á
léttu nótunum, eins og á
tónleikum sem kórinn hélt
í Sandgerði um síðustu
helgi.
Þema tónleikanna er
söngleikir og verða ein-
göngu sungin lög úr
þekktum sönleikjum. Á
fyrri hluta tónleikanna eru
á efnisskránni íslensk
dægurlög og þjóðlög og
ítölsk sönglög.
Stjórnandi kórsins er
Dagný Þórunn Jónsdóttir
og undirleikari á píanó
Geirþrúður Fanney Boga-
dóttir. Miðar á tónleikana
eru seldir við innganginn.
Kvennakór
Búðardalur | Foreldra-
félag Grunnskólans í Búð-
ardal gaf skólanum staf-
ræna upptökuvél með
tilheyrandi búnaði. Það
er von félagsins að þetta
eigi að glæða áhuga og
vinnu nemenda í stutt-
myndagerð og nýtist
nemendum og kennurum
skólans í að mynda hina
ýmsu atburði skólastarfs-
ins. Nemendaráð skólans
veitti gjöfinni viðtöku, en
það skipa Anna Pálína,
Jóhanna Lind, Erla Dögg,
Jón Gunnar og Benedikt
Frímann.
Morgunblaðið/Helga H. Ágústsdótt
Skólinn fær staf-
ræna upptökuvél
Umræðan um þing-víti er ekki nýeins og sést á vísu
Bjarna Ásgeirssonar al-
þingismanns sem hann
orti sumarið 1942. Til-
efnið var að Emil Jóns-
son, þáverandi forseti
neðri deildar Alþingis,
vítti nýkjörinn þingmann,
Áka Jakobsson, sem var
að halda jómfrúræðu
sína.
Rægimála rýkur haf,
rastir hvítar brýtur.
Reiðiskálum Emils af
Áka-víti flýtur.
Jón Ingvar Jónsson orti
eftir að Halldór Blöndal,
forseti Alþingis, vítti Lúð-
vík Bergvinsson, þing-
mann Samfylkingarinnar.
Og engu líkara en hafinn
væri kappleikur:
Vítaspyrnur á sig ær
fær urmull kratatitta.
Upp í hornin hamrar þær
Halldór vítaskytta.
Af vítum
pebl@mbl.is
Kópavogur | Fókus, félag áhugaljós-
myndara, er með ljósmyndasýningu í
Fífunni í Kópavogi um helgina, í
tengslum við sýninguna Sumarið 2005.
Átján félagar sýna myndir sem tengjast
sumrinu.
Fókusfélagar hafa haldið allmargar
ljósmyndasýningar á síðustu árum. Þeir
hafa sýnt í listamiðstöðinni Straumi í
Hafnarfirði, Ráðhúsi Reykjavíkur og
Kringlunni, meðal annars í tengslum við
vetrarhátíð og menningarnótt í Reykja-
vík. Þetta er í annað sinn sem sýnt er í
samstarfi við sumarsýninguna í Fífunni.
Átján Fókusfélagar eiga myndir á
sýningunni í Fífunni. Arnar Már Hall,
Ásdís Jónsdóttir, Claudia Schenk, Hart-
vig Ingólfsson, Haukur Gunnarsson,
Heiða Helgadóttir, Helgi Bjarnason,
Hjalti G. Hjartarson, Markus Rennen,
Ólafur Haraldsson, Páll Guðjónsson,
Páll Pétursson, Pálmi Guðmundsson,
Rafn Sigurbjörnsson, Ragnar Magnús-
son, Sigurjón Bláfeld, Sæþór L. Jónsson
og Þorsteinn Ásgeirsson.
Sýningunni Sumarið 2005 lýkur annað
kvöld.
Fókus sýnir
sumarmyndir
Ljósmynd/Sæþór L. Jónsson
Búðardalur | Hjarðarholtsprestakall og
Hvammsprestakall í Dölum hafa verið
sameinuð. Séra Ingiberg Hannesson pró-
fastur lætur af störfum vegna aldurs, en
hann gegnir engu að síður prestsembætti
við fjórar sóknir út maí og heldur þessar
vikurnar fermingar- og kveðjumessur fyrir
söfnuð sinn.
Óskar Ingi Ingason, sóknarprestur í
Hjarðarholtsprestakalli, mun taka við hans
prestaköllum, og mun þjóna í alls átta
prestaköllum eða öllum nema einu, en það
er Staðarhólsprestakall, fer það undir
Reykhólaprestakall.
Prestaköll
sameinuð
♦♦♦
Grímsey | Þeir eru bjartir bræðurnir Bjarni og Svafar Gylfasynir sem
sækja grásleppu þessa vertíðina í Grímsey á Konráð EA 90 ásamt tveimur
bátum öðrum, Hafdísi og Kristínu. Bræðurnir sögðu veðráttuna hafa verið
óhagstæða fyrir veiðarnar, aflabrögð verið nokkuð góð þegar gefið hefur.
Grásleppan er öll komin upp á grunnslóð til hrygningar og því nauðsynlegt
að veður sé gott til að net skemmist ekki. Verð á grásleppu er enn óráðið
en heyrst hefur að greiddar séu 50 þúsund krónur fyrir tunnu, sem er 25
þúsund krónum minna en í fyrra. Grásleppuvertíðin stendur yfir frá 30.
mars til 28. maí. Bjarni og Svafar sögðu að tveir skötuselir hefðu komið í
netin, sem er mjög óalgengt hér norðanlands, og segja hlýnandi sjó skýr-
inguna. „Allt veltur á veðrinu; ef það er gott er veiðin góð og menn bjart-
sýnir,“ sagði Svafar Gylfason að lokum.
Morgunblaðið/Helga Mattína
Bræðurnir Bjarni, til vinstri, og Svafar Gylfasynir og á milli þeirra stendur
Sæmundur Ólason, skipstjóri á Kristínu.
Allt veltur á veðrinu