Morgunblaðið - 16.04.2005, Blaðsíða 38

38 LAUGARDAGUR 16. APRÍL 2005 MORGUNBLAÐIÐ
DAGLEGT LÍF
Málningarpenslar og ósamsettarhillur lágu á nýlökkuðu skjanna-hvítu gólfi þegar blaðamaður ogljósmyndari litu inn í verslunina
Pjúra sem verður opnuð í dag, laugardag, í
Ingólfstræti 8. Á þönum um tilvonandi versl-
unarhúsnæðið voru þrjár af þeim fjórum
ungu konum sem eiga verslunina, en und-
anfarinn mánuð eða svo hafa þær allar eytt
hverri lausri stund í undirbúning og stofn-
setningu hennar. „Þetta gerðist með mjög
stuttum fyrirvara. Við fengum hús-
næðið í síðasta mánuði og
ákváðum þá að opna þenn-
an dag,“ segir Íris
Eggertsdóttir og
systurnar Kolbrún Ýr
og Elín Arndís Gunn-
arsdætur taka undir
með henni og segja að
allt hafi gerst mjög hratt
og þetta hafi verið skemmti-
legt átaksverkefni þar sem vin-
ir og vandamenn hafi tekið
höndum saman.
Húsnæðið sem um ræðir er við
hliðina á og deilir inngangi með versl-
uninni Frú fiðrildi, en eigandi þeirrar versl-
unar, Ingibjörg Grétarsdóttir, og Kolbrún Ýr
eru æskuvinkonur. Þá þekktu systurnar Kol-
brún og Elín Írisi í æsku og rifjuðu svo upp
kynni sín fyrir um ári þegar þær voru allar
að selja fötin sem þær hönnuðu í versluninni
Oni. Fjórði eigandinn, Hildur Hinriksdóttir,
tengist hópnum síðan sem vinkona Írisar.
Með ólíkan bakgrunn og
í ólíkum störfum
Þær Kolbrún, Elín, Íris og Hildur hafa all-
ar ólíkan bakgrunn í fatahönnun, en eiga það
sameiginlegt að hafa selt fötin sín í versl-
unum sem selja íslenska hönnun svo sem Oni
og Búðinni og/eða heima hjá sér. Hildur
lærði fatahönnun á Ítalíu, Íris lærði myndlist
í Bretlandi og við Listaháskóla Íslands og
Elín og Kolbrún eru kennaramenntaðar, Elín
sérhæfið sig í myndmennt og Kolbrún í text-
íl. Allar stunda þær fatahönnun með öðrum
störfum, Kolbrún er leikfimikennari, Íris er
myndlistarmaður, Elín er upp-
lýsingafulltrúi hjá lífeyrissjóði
og Hildur er fram-
leiðslustjóri bún-
ingasviðs hjá Ís-
lensku óperunni.
Elín byrjaði
að hanna föt á
sjálfa sig þeg-
ar hún var
fjórtán ára.
„Þá fékk ég
saumavél í
ferming-
argjöf sem
ég er
ennþá að
nota.
Ég fór
strax á
nám- skeið og lærði á
saumavélina og svo prófaði ég mig bara
áfram. Lagðist jafnvel sjálf á gólfið og teikn-
aði eftir og svo var bara saumað þangað til
það passaði,“ segir Elín, sem hannar og selur
kvenfatnað og fyrirburafatnað.
Kolbrún segist hins vegar ekkert hafa
saumað sem unglingur. „Ég hataði allt sem
tengdist saumaskap, en þegar ég byrjaði í
Kennaraháskólanum ákvað ég að taka textíl
og fannst það rosalega skemmtilegt. Fyrir
tveimur og hálfu ári, þegar mig vantaði með-
göngufatnað og langaði í eitthvað meira en
það sem var til, fór ég svo að prófa að búa til
mín eigin föt og upp úr því fór ég að selja
óléttupils í Dixie Company og Búðinni. Ég
hélt svo áfram að prófa mig áfram með með-
göngufatnað og líka kvenfatnað sem mér
finnst mjög mikilvægt að sé fyrst og fremst
þægilegur en samt flottur,“ segir Kolbrún
sem hannar aðallega kvenföt en er auk þess
að prófa sig áfram með barnaföt.
Hildur hannar fyrst og fremst barnaföt
með það í huga að það henti íslenskum börn-
um og aðstæðum. Stöllur hennar segja hana
ganga út frá því að íslensk börn séu gjarnan
stærri en börnin frá þeim Evrópulöndum
sem framleiða mikið af þeim fötum sem fást í
verslunum hér. Því hanni hún buxur sem eru
nógu langar fyrir stórt íslenskt tveggja ára
barn en samt með nægu plássi fyrir bleyju.
Eins hanni hún húfur sem útiloka vel ís-
lenska rokið sem komi gjarnan úr öllum átt-
um í einu.
Persónuleg samskipti við þá sem
kaupa fötin og munu klæðast þeim
Móðir Írisar er fatahönnuður og var með
vinnuherbergi heima og því hafði Íris aðgang
að efnum og öðru slíku í barnæsku. „Ég
saumaði fyrstu flíkina þegar var svona tíu
ára og hef alltaf saumað mikið, þótt ég hafi
síðan menntað mig sem myndlistarmaður. Ég
hef samt alltaf haldið áfram að sauma og svo
vatt það upp á sig og ég fór að selja, fyrst
heima og svo í Oni og Búðinni. Það var gott
byrjunarskref og nú er komið að þessu,“ seg-
ir Íris og þær hinar taka undir með henni í
því hversu ánægjulegt skref það sé að eign-
ast verslun enda hafi það verið draumur
þeirra allra lengi. Þær segja einn helsta kost-
inn við að vera með eigin verslun að eiga per-
sónuleg samskipti við þá sem kaupa fötin
þeirra og það sé virkilega ánægjulegt að fá
að fylgja hugmynd eftir frá því að hún kvikn-
ar í kollinum og þangað til hún er komin ofan
í poka og í hendur þess sem mun klæðast
henni.
„Það hjálpar manni áfram að heyra frá
fólkinu sem er að kaupa fötin hvað þeim
finnst gott og hvað þeim finnst mega vera
betra,“ segir Elín. „Og ef fólk kemur hingað
og þarf að láta laga eitthvað eða vill ein-
hverja flík í annarri stærð þá reynum við að
koma til móts við það,“ segir Íris. „Við viljum
endilega að fólk spyrji og segi okkur hverju
það er að leita að, og eins ef fólk er komið
heim og sér kannski að það er ekki alveg
ánægt þá á það endilega að koma aftur og við
gerum það sem hægt er,“ segir Kolbrún við
undirtektir Elínar og Írisar sem er síðan
hleypt frá spjalli í að pússa, raða og snúast,
svo allt verði örugglega tilbúið í tæka tíð.
 DAGLEGT LÍF | Ungir fatahönnuðir opna eigin verslun í miðbænum
Gamall draumur
rættist á svipstundu
Systurnar Kolbrún Ýr og Elín Arndís Gunnarsdætur og vinkon-
urnar Íris Eggertsdóttir og Hildur Hinriksdóttir hafa lengi
hannað og saumað föt. Í dag opna þær eigin verslun, sem fengið
hefur nafnið Pjúra, og lýsa yfir ánægju með að fá að fylgja hug-
myndum sínum eftir frá því að þær kvikna í kollinum þangað til
þær komast í hendur þeirra sem munu klæðast þeim.
Morgunblaðið/Golli
Toppur eftir Elínu, kjóll eftir Kolbrúnu og
kjóll eftir Írisi.
Elín Arndís og Kolbrún Ýr Gunnarsdætur og
Íris Eggertsdóttir.
bab@mbl.is
Íaldanna rás hafa menn leitað að lyfi semgetur komið í veg fyrir eða læknað semflest af mannanna meinum. Af og tilheyrum við af nýjum lyfjum eða nátt-
úruefnum sem munu leysa okkur undan oki van-
heilsu og sjúkdóma. Oftast er um að ræða
óraunhæfar væntingar til einfaldra lausna. Að
þessu sögðu er samt sem áður til einföld leið
sem fjölmargar rannsóknir sýna fram á að bætir
heilsu, kætir geð og dregur úr líkum á sjúkdóm-
um, en það er reglubundin hreyfing.
Lífselixírinn er sem sagt til, aukaverkanirnar
eru nær engar, en hann getur verið beiskur á
bragðið fyrir þá sem mikla fyrir sér tímann og
orkuna sem þarf til. Rannsóknir hafa sýnt fram
á að hreyfing hefur áhrif á eftirtalin heilsufars-
vandamál:
 Hjarta- og æðasjúkdóma
 Krabbamein, s.s ristilkrabba
 Beinþynningu
 Hækkaða blóðfitu og blóðþrýsting
 Mjóbaksverk
 Ofþyngd og offitu
 Sykursýki
 Sýkingar, styrkir ónæmiskerfið
 Liðagigt
 Astma
 Þunglyndi og kvíða
Auk þess eykur hreyfing líkamsþrek og lið-
leika, bætir svefn, eykur líkur á að fólk temji sér
heilbrigða lífshætti og er stuðningur fyrir þá
sem eru að hætta að reykja.
Lyfseðill á hreyfingu
Heilbrigðisþjónustan gegnir stóru hlutverki við
að stuðla að því að fólk hreyfi sig reglulega sér
til heilsubótar bæði í forvarnaskyni og til að ráða
bót á sjúkdómum. Á undanförnum árum hefur í
æ fleiri löndum verið tekin upp sú nýbreytni að
læknar ávísi hreyfingu í stað lyfja sem meðferð
við ákveðnum sjúkdómum. Hér á landi hefur
orðið vakning meðal fagfólks og stjórnmála-
manna um að gera slíkt hið sama og tekur Land-
læknisembættið undir það. Nú þegar hafa til-
lögur um þróunarverkefni verið lagðar fram og
fulltrúar fagfélaga eins og sjúkraþjálfara, lækna
og íþróttafræðinga ásamt Tryggingastofnun,
Landlæknisembætti og íþróttahreyfingunni lýst
sig reiðubúna til að fylgja henni eftir. Fyrst og
síðast er það þó í höndum okkar sjálfra að gera
hreyfingu að föstum þætti í daglegu lífi og draga
sem mest úr kyrrsetu. Engum ætti að vaxa í
augum að hreyfa sig minnst hálftíma á dag ekki
síst þar sem rannsóknir sýna að það má dreifa
þessum mínútum eitthvað yfir daginn. Temjum
okkur hreyfingu í daglegu starfi og frítíma og
hvetjum börnin til að gera slíkt hið sama. Þung
rök hníga að því að reglubundin hreyfing er
veruleg lífsbót og hún bæði lengir og bætir lífið.
Ef allur þorri fólks myndi hreyfa sig minnst
hálftíma á dag myndi það draga umtalsvert úr
kostnaði við heilbrigðisþjónustu.
 HOLLRÁÐ UM HEILSUNA | Landlæknisembættið
Lífselixír – er hann til?
Morgunblaðið/Ómar
Matthías Halldórsson aðstoðarlandlæknir.
Anna Björg Aradóttir hjúkrunarfræðingur.
Í GÆR voru les-
endur Daglegs lífs
beðnir að senda
inn uppskrift að
rétti sem kominn
er frá Raisu Gorb-
achev þ.e. ef þeir
ættu slíka upp-
skrift í fórum sín-
um að lambakjöts-
rétti. Ábendingar
bárust bæði sím-
leiðis og með tölvupósti og er lesendum
þakkað fyrir skjót viðbrögð.
500 g lambakjöt í litlum bitum
90 g smjör eða olía
1 tsk. kanill
1 laukur
pipar og salt
4 stk. græn epli
5 dl vatn
(1 sítróna ef vill)
Kjötið er steikt með lauknum í smjörinu
og síðan soðið með kanelnum í um 45 mín.
Eplin eru flysjuð og skorin í teninga.
Síðan eru þau sett í pottinn/pönnuna með
kjötinu og saltað og piprað.
Soðið í nokkrar mínútur. Ein útfærslan
á þessari uppskrift er sú að kreista eina
sítrónu yfir réttinn í lokin.
Borið fram með hrísgrjónum og fersku
salati.
 MATUR
Lambakjöts-
réttur Raisu
Raisa Gorbachev