Morgunblaðið - 16.04.2005, Blaðsíða 31
MORGUNBLAÐIÐ LAUGARDAGUR 16. APRÍL 2005 31
410 4000 | landsbanki.is
Ferðalán
Nánari upplýsingar á landsbanki.is eða í næsta útibúi.
Það getur breytt öllu að hafa aðgang að ferðaláni
á hagstæðum kjörum. Þá er aðeins spurning um
að fylgja eigin innsæi og taka sér gott frí.
• Þú færð lán fyrir ferðinni
• Þú færð lán fyrir gjaldeyrinum
• Þú getur sótt um á landsbanki.is og reiknað þitt lán
Besti tíminn til að fara í frí
er þegar þú þarft á því að halda!
www.gisting.dk
sími: 0045 3694 6700
Ódýr og góð gisting
í hjarta Kaupmannahafnar
Heradid Rajasthan á Ind-landi er með vinsælustuviðkomustöðum ferða-manna þar í landi. Raj-
asthan er enda einkar aðgengilegt
frá höfuðborginni Delhí og þetta
hrjóstruga, gróðurlitla svæði hefur
auk þess um aldaraðir verið heim-
kynni Rajputan-ættbálksins, sem í
anda sannra riddara kýs dauða um-
fram vansæmd.
Bærinn Jailsamer, sem liggur á
útmörkum Pakistans og Indlands, er
meðal þeirra staða sem flestir ferða-
langar leggja leið sína til, enda
óneitanlega rómantískur viðkomu-
staður þar sem þetta gamla virki rís
líkt og snarbrött eyja upp úr sand-
auðninni í kring.
Og þótt bærinn hafi fyrir löngu
teygt anga sína töluvert út fyrir upp-
haflega varnarveggi virkisins kjósa
flestir ferðamenn að dvelja innan
virkismúranna þar sem mikil vinna
hefur verið lögð í viðhald og end-
urgerð gamalla bygginga á und-
anförnum árum.
Það er líka dramatísk upplifun að
vakna upp á sólríkum morgni og
njóta útsýnis yfir nærliggjandi sveit-
ir út um hótelglugga sem eru í sjálf-
um virkisveggjunum.
Með skipum eyðimerkurinnar
Þótt fjölmargir láti sér eflaust
nægja að skoða þær fornu bygg-
ingar og líflega og litríka mannlíf
sem Jailsamer býður upp á setur
kameldýrið ekki síður svip á
Jailsamer, sem m.a. hýsir vinsæla
kamelhátíð ár hvert.
Þar er keppt í túrbangerð og kam-
elkappreiðum og herra Eyðimörk
valinn en keppnin sú byggist líklega
á öllu hetjulegri forsendum en hefð-
bundin fegurðarsamkeppni.
Stóran hluta ársins eru kamelsaf-
aríferðir út í Thar-eyðimörkina.
Besti tíminn til slíkra ferða er frá
október og til loka febrúar.
Hægt er að velja allt frá hálfs-
dagsferðum, til að mynda sólarlags-
ferðum út í sandauðnirnar, til kam-
elferða sem taka allt að viku.
Algengasta ferðalengdin er um
tveir til fjórir dagar enda flestir bún-
ir að fá nóg af brennandi sól og hæg-
um gangi kameldýranna eftir þann
tíma þótt dýrin hafi raunar reynst
þægilegri fararskjóti en blaðamaður
átti von á.
Ferðirnar eru farnar með far-
arstjóra og kamelhirðum sem auk
þess að hirða um skepnurnar sjá um
eldamennsku fyrir ferðalanga sem
hvílast á meðan eins og nýlendu-
herrar í skugga nærliggjandi trjáa.
Maturinn er yfirleitt góður, einfald-
ur, hafragrautur og ristað brauð
með tei í morgunmat og chapatti-
flatbrauð, hrísgrjón og grænmet-
isréttur í hádeginu og á kvöldin. Í
flestum tilfellum er sofið við varðeld
undir stjörnubjörtum himni en það
getur orðið nokkuð kalt þrátt fyrir
teppi og aðrar ábreiður og ekki úr
vegi að kippa með sér svefnpoka.
Einnig standa til boða meiri lúx-
usferðir þar sem tjöld, beddar og
ríkulegra fæði er í boði sem og jepp-
ar sem hægt er að ferðast með hluta
leiðarinnar en kannski er spurning
hvort ekki tapist hluti þess látlausa
sjarma sem svona safarí einkennir ef
of mikill munaður er hafður með.
Út í auðnina
Algengustu viðkomustaðir kam-
elsafaríferðalanga eru menning-
arminjar í nágrenni Jailsamer á
borð við Amar Saagar, sem geymir
uppþornaðan brunn, Jain – trúarhof
og garðvin, Mool Sagar – eyðimerk-
urvin í niðurníðslu sem hýsir hof ind-
verska guðsins Shiva og svo yfirgef-
in þorp sem riðið er fram á. Þeir sem
búast við yfirgefnum sandauðnum á
þessari reiðleið verða hins vegar fyr-
ir vonbrigðum enda vinsældir henn-
ar slíkar að jafnvel kaupmenn með
söluvarning sjá sér leik á borði að
halda á þessar slóðir.
Ef þögnin er það sem leitað er eft-
ir borgar sig því frekar að panta
ferðina í gegnum fyrirtæki á borð
við Deseret Boy Guest House og
Ganesh Travels sem getið hafa sér
gott orð fyrir að leita út fyrir hinar
hefðbundnu ferðamannaslóðir.
Bæði fyrirtækin hafa helgað sér
hluta eyðimerkurinnar undir ferðir
sínar þannig að ferðalangarnir geta
verið nokkuð vissir um að einu
manneskjurnar sem þeir rekast á
verða íbúar lítilla eyðimerkurþorps-
kjarna sem staðnæmst er í á leiðinni
og safaríförum boðið að skoða frum-
stæð heimkynnin sem ýmist eru
unnin úr trjágreinum, grjóti eða
mykju og reynast þrátt fyrir einfald-
leikann oft mun hreinni en mörg
húsakynni sem eru innan borg-
armarkanna. Börnin hópast líka
jafnan í kringum ferðamennina í
þessum heimsóknum, áhugasöm um
að láta taka myndir af sér nú eða
eignast einhvers konar minjagrip.
Pennar eru algeng ósk og heyrðist
ósjaldan hrópað School pen (skóla-
penna) þótt sum væru frakkari og
óskuðu eftir úrum eða myndavélum
ferðalanga. Það kom á óvart hversu
gróin Thar-
eyðimörkin er.
Vissulega blasir
gylltur sandur við
svo langt sem aug-
að eygir, en tré og
runnar setja einnig
svip á landslagið og
bjölluhljómur frá
geitahjörðum veitti
víða kærkomna
hvíld frá þögninni
ekki síður en að há-
vaxin trén veittu hvíld frá brenn-
heitri miðdegissólinni.
Þjóðlagatónlist kryddaði
skemmtilega upp á kvöldvökurnar
er þorpstónlistarmaður næsta þorps
birtist jafnan, settist við varðeldinn
og dró fram framandi hljóðfæri eða
beitti fyrir sig raddböndunum og
upphófust þá tónleikar undir
stjörnubjörtum himni sem kam-
elhirðarnir áttu til að taka þátt í.
Síðustu kvöldstundina var ferða-
mönnum boðið upp á tilbreytingu frá
grænmetisfæðinu sem fól í sér að
keypt er geit eða kjúklingur frá
næsta þorpi, dýrinu slátrað og dýr-
indis máltíð elduð fyrir hópinn.
Ferðalangarnir í þessum hópi völdu
kjúkling sem þótti hinn mesti herra-
mannsmatur þótt vissulega hafi far-
ið svolítið um þennan vestræna hóp
þegar maturinn birtist síðdegis lif-
andi á náttstað tilbúinn til slátrunar
fyrir kvöldmáltíðina.
Hörð samkeppni
Það ríkir mikil samkeppni milli
þeirra fyrirtækja sem bjóða upp á
kamelsafarí og því er oft hægt að
finna ferðir á grunsamlega lágu
verði. Búast má við að greiða frá
500–600 rúpíum eða frá 750–900
krónum fyrir daginn í grunnferð og
því borgar sig að kynna sér vel allar
upplýsingar áður en lagt er í hann.
Meðal þess sem hafa skal á hreinu
er hver reiðleiðin sé, hvort hver og
einn hafi örugglega sitt kameldýr og
hvort ferðalöngum sé séð fyrir vatni,
ábreiðum og hver matseðillinn verði.
Sumir freistast til að spara ótrú-
legustu þætti til að mæta harðri
samkeppni. Flest hótel í Jailsamer
geta séð um að bóka kamelsafarí
fyrir ferðamenn en þar sem hvorki
hótel né ferðaskrifstofur utan Gan-
esh Travels eiga dýrin er best að
hafa hluti á kristaltæru fyrirfram
því það er svo gott sem ómögulegt
að fá endurgreitt eftir á.
INDLAND
Kamelsafarí í
sól og sandi
Steikjandi sólskin og gylltar sandhæðir eru
nokkuð sem flestir Íslendingar tengja efalítið
einna helst dvöl á suðrænni sólarströnd.
Sólin og sandurinn geta þó ekki síður reynst
einkennandi fyrir kamelsafarí í Thar-eyðimörk-
inni á Indlandi.
Eftir Önnu Sigríði Einarsdóttur
annaei@mbl.is
Frekari upplýsingar um kamel-
safarí:
Ganesh Travels, er í eigu kam-
elhirðanna sjálfra.
Netfang: www.ganesh-
travel45@hotmail.com
Sahara Travels, er í eigu Bissa,
herra eyðimerkur eða Marlboro-
manns Indlands sem finna má í
fjölmörgum auglýsingum, m.a. fyr-
ir ferðamannaráð Rajasthan.
Desert Boy Guest House, býður
ferðir út í auðnina.
Netfang: desert_p@yahoo.com
Börnin hópast í kringum ferðamennina, áhugasöm um að láta taka myndir
af sér eða í von um að eignast einhvers konar minjagrip, eins og t.d. penna.
Algengasta ferðalengdin er um tveir til fjórir dagar enda flestir búnir að fá nóg af brennandi sól og hægum gangi
kameldýranna eftir þann tíma, þótt dýrin hafi raunar reynst þægilegri fararskjóti en blaðamaður átti von á.
Það kom á óvart hversu gróin
Thar-eyðimörkin er. Vissulega
blasir gylltur sandur við svo langt
sem augað eygir, en tré og runnar
setja einnig svip á landslagið.
Morgunblaðið/ASE
FERÐALÖG