Morgunblaðið - 16.04.2005, Blaðsíða 61
MORGUNBLAÐIÐ LAUGARDAGUR 16. APRÍL 2005 61
MENNING
LEIKKONAN Gwyneth Paltrow
hefur viðurkennt að hún hafi þjáðst
af minnisleysi síðan hún átti dóttur
þeirra Chris Martins úr Coldplay
Apple, í maí í fyrra.
Áður segist hún hafa verið stál-
minnug og t.d. átt mjög auðvelt með
að leggja á minnið hinar erfiðustu
línur – en Paltrow fékk Ósk-
arsverðlaun fyrir hlutverk sitt í
myndinni Shakesperare in Love.
„Ég var mjög
minnug áður en
eftir að ég eign-
aðist barn man
ég ekkert. Ég
veit ekki einu
sinni hvaða dag-
ur er.“
Paltrow hafði
lýst yfir fyrir
fæðingu Apple að
hún ætlaði að
taka sér frí frá leiklistinni til að geta
helgað sig barnauppeldinu, en hún
virðist hafa gleymt því, vegna þess
að hún hefur nú þegar leikið í einni
mynd eftir fæðinguna, spennu-
myndinni Running With Scissors.
Paltrow ljóstraði upp um glímuna
við minnisleysið þar sem hún ræddi
við nemendur í leiklistarskólanum
London’s Central Saint Martin
Drama Center.
Þar sagði hún einnig að það háði
henni mjög hversu viðkvæm hún
ætti til að vera og næm. Hún sagð-
ist skynja vel hvort fólk í kringum
hana væri niðurdregið eða í vondu
skapi og taki það einum of mikið til
sín. En þessi eiginleiki geti þó
einnig verið góður fyrir hana sem
leikkonu.
Fólk | Leikkonan Gwyneth Paltrow
Gleymin
móðir
Paltrow er
orðin gleymin.
DENNIS Quaid leikur fimmtugan
mann sem lendir í því að 26 ára gam-
all náungi, Topher Grace, er settur
yfir hann sem auglýsingastjóri
íþróttatímarits. Ekki nóg með það,
heldur gerist ungi maðurinn svo
djarfur að stíga í vænginn við dóttur
hans.
Þessi mynd er á köflum bráðfynd-
in og sérstaklega þar sem þeir Quaid
og Grace eiga stórskemmtilegan
samleik. Það er langt síðan Quaid
sást síðast í skemmtilegu hlutverki
og Grace er smám saman að vinna
sig upp í stærri hlutverk í Holly-
wood. Það er ekki spurning að hann
fær eitthvað að gera út á frammi-
stöðu sína hér.
Það sem ég saknaði helst í þessari
mynd var hreinn tónn og stefna.
Fyrir mér hefði myndin átt að vera
um fimmtugan karakter Quaids sem
lífið fellur yfir, og þannig ganga út
frá því í heildarútfærslu mynd-
arinnar. En hér fá ástarsaga unga
fólksins og viðskiptasaga þeirra fé-
laga, sem ættu að vera hliðarsögur,
jafnmikið vægi og miðaldrakreppa
Quaids, svo myndin skoppar úr einu
í annað og verður að lokum um allt
og ekkert í einu.
Paul Weitz er hér í fyrsta sinn að
gera mynd eftir eigin handriti. Mað-
ur finnur fyrir hvernig frumleikinn
togar í hann, en einhvern veginn
tekur formúlan völdin af honum,
ekki síst í lokin. En myndin er fín-
asta afþreying, og það er aldrei að
vita nema hann standist form-
úlufreistingar í sínu næsta höfund-
arverki.
Dennis Quaid og Topher Grace fara að sögn vel með hlutverk sín í gam-
anmyndinni Í góðu félagi. Hér eru þeir ásamt Marg Helgenberger.
Ekkert og allt í einu
KVIKMYNDIR
Laugarásbíó og Smárabíó
Leikstjórn og handrit: Paul Weitz. Kvik-
myndataka: Remi Adefarasin. Aðal-
hlutverk: Dennis Quaid, Topher Grace,
Scarlett Johansson og Marg Helgen-
berger. 109 mín. Bandaríkin. Universal
Pics 2004.
Í góðu félagi (In Good Company)
Hildur Loftsdóttir