Morgunblaðið - 27.04.2005, Qupperneq 6
6 MIÐVIKUDAGUR 27. APRÍL 2005 MORGUNBLAÐIÐ
FRÉTTIR
Til leigu er mjög gott um 450 m2
skrifstofuhúsnæði við Stangarhyl.
Aðkoma er mjög góð og næg bílastæði.
Um er að ræða alla efri hæð hússins og hluta 1. hæðar.
Nánari lýsing: Góð móttaka, tvö opin vinnurými,
annað fyrir 8-10 starfsstöðvar en hitt fyrir ca 5,
tæknirými með geymsluaðstöðu, 5 rúmgóðar skrifstofur
og 2 mjög stórar skrifstofur, auk salerna og ræstikompu.
Á jarðhæð er kaffistofa og starfsmannaaðstaða.
Mikið og fallegt útsýni er af hæðinni til norðurs.
Eignin er laus 1. maí.
Nánari upplýsingar veitir Arnheiður
í síma 591 9000 eða arnheidur@terranova.is
Skrifstofuhúsnæði til leigu
SKATTASTAÐA frjálsra félagasamtaka hér á
landi hefur farið versnandi á undanförnum árum
og búa íslensk góðgerðarfélög við erfiðara skatta-
umhverfi en sambærileg félög í Evrópu og Norð-
ur-Ameríku. Þannig hafa einstaklingar hér á landi
enga möguleika á að draga gjafir til góðgerðar-
félaga frá skatti, líkt og tíðkast í Bandaríkjunum,
Bretlandi, Danmörku og flestum öðrum ríkjum
Evrópusambandsins. Þá sker Ísland sig frá þess-
um löndum með því að veita félagasamtökum ekki
undanþágu frá erfðafjár- og fjármagnstekjuskatti.
Þetta eru helstu niðurstöður skýrslu sem unnin
var fyrir Samtökin ABC barnahjálp, Barnaheill,
Hjálparstarf kirkjunnar, Rauða kross Íslands og
SOS-barnaþorpin og kynnt var í gær á fundi með
fréttamönnum og fulltrúum annarra félagasam-
taka.
Höfundur skýrslunnar er Jónas Guðmundsson
hagfræðingur en hún er unnin með styrk frá
SPRON. Í henni er litið til ólíkra tegunda skatta
og hvaða leiðir önnur lönd hafa farið til að efla góð-
gerðarfélög og viðurkenna mikilvægt hlutverk
þeirra. Aðstandendur samtakanna telja niðurstöð-
ur skýrslunnar sýna að breytingar á þessu um-
hverfi hér á landi séu orðnar löngu tímabærar. Sá
stuðningur sem einstaklingar hefðu innt af hendi
hafi skipt félögin gríðarlegu máli, svo skipti
stórum fjárhæðum. Stuðningurinn yrði hins vegar
meiri ef umhverfinu væri breytt.
Jónas Þ. Þórisson, framkvæmdastjóri Hjálpar-
starfs kirkjunnar, sagði þessi samtök leggja
drjúgan skerf til þróunarmála og sinntu mikil-
vægu hjálpar- og fræðslustarfi í þjóðfélaginu. Nyti
þessarar aðstoðar ekki við væri ljóst að auknar
skyldur féllu á herðar hins opinbera hvað varðar
framlög til þróunarlanda og þjónustu við bág-
stadda á Íslandi.
Skýrslan hefur verið kynnt félagsmálaráðherra
og fjármálaráðherra og að sögn Jónasar stendur
til að ná fundi forsætisráðherra og utanríkisráð-
herra. Þá var skýrslan afhent öllum þingmönnum í
gær. Félögin hafa óskað eftir því við stjórnvöld að
þau stofni vinnuhóp til að meta mögulegar breyt-
ingar á skattalögum um frjáls félagasamtök. Þar
verði skoðað að skattfrjálst hlutfall tekna fyrir-
tækja og einstaklinga sem rennur til mannúðar-
mála verði í takti við það sem gerist í nágranna-
löndum okkar, að fjármagnstekjur verði
undanþegnar skatti og að mannúðarfélög verði
undanþegin virðisaukaskatti á sama hátt og stofn-
anir ríkis og sveitarfélaga.
Hugmyndum um breytingar hafnað
Jónas og Sigrún Árnadóttir frá Rauða krossi Ís-
lands sögðu félagsmálaráðherra og fjármálaráð-
herra hafa tekið samtökunum og erindi þeirra með
opnum huga. Viðbrögð fjármálaráðherra hefðu þó
verið á þá lund að hafna hugmyndum um skatta-
lagabreytingar. Það væru nokkur vonbrigði.
Í skýrslunni kemur m.a. fram að í árslok 2003
voru skráð hjá Hagstofunni 17 þúsund félagasam-
tök og sjálfseignarstofnanir. Af þeim fjölda öllum
er talið að í landinu starfi á annað hundrað félög
sem stunda einhvers konar líknar- og hjálparstörf.
Er samanburður milli landa einmitt talinn óhag-
stæðastur fyrir þessi félög. Jónas Guðmundsson
telur að til að fá fyllri mynd af starfsumhverfi
þessara félaga í samanburði við önnur lönd þurfi
að afla frekari upplýsinga um annars konar stuðn-
ing sem opinberir aðilar veiti frjálsum félagasam-
tökum.
Fram kemur í skýrslunni að undanþágur fyrir
félagasamtök hafi verið stórlega skertar með af-
námi ákvæða um frádrátt frá skattskyldum
tekjum einstaklinga vegna gjafa til góðgerðar-
félaga árið 1979. Síðan er bent á að Alþingi hafi ár-
ið 1996 ákveðið að félagasamtök skyldu greiða
fjármagnstekjuskatt og fyrir ári hafi erfðafjár-
skattur verið lagður á gjafir til líknarfélaga.
Skýrsluhöfundur spyr hvort draga megi þá
ályktun af breytingum á skattaumhverfinu að
stjórnvöld ætli félagasamtökunum minnkandi
hlutverk í lausn samfélagslegra verkefna hér á
landi á komandi árum. „Eru til aðrar leiðir til að
verja styrk þessara félagasamtaka og gera þau í
stakk búin til að takast á við úrlausnarverkefni
næstu ára?“ er spurt undir lok skýrslunnar.
Fulltrúar annarra félagasamtaka, sem við-
staddir voru fréttamannafundinn í gær, fögnuðu
frumkvæði starfssystkina sinna og töldu brýnt að
fá úrbætur í skattamálum góðgerðarfélaga. Þann-
ig sagði Ragnar Gunnar Þórhallsson, formaður
Sjálfsbjargar, að félagasamtök ættu í vök að verj-
ast. Ríkið hefði notfært sér þá þjónustu sem sam-
tök eins og Öryrkjabandalagið væri að veita. Fé-
lagasamtökin hefðu flest hver þrifist á stuðningi
einstaklinga og fyrirtækja og mættu ekki missa
hann.
Guðrún Agnarsdóttir, forstjóri Krabbameins-
félagsins, tók undir með Ragnari og sagði núgild-
andi fyrirkomulag vera íþyngjandi fyrir félögin.
Þau væru að reka þjónustu sem í mörgum löndum
væri í höndum ríkis eða sveitarfélaga.
Skattastaða félaga-
samtaka hefur versnað
Morgunblaðið/Eyþór
Jónas Guðmundsson kynnir skýrsluna og á hann hlýða, f.v., Sigrún Árnadóttir frá RKÍ, Kristín Jón-
asdóttir frá Barnaheillum, Guðrún Margrét Pálsdóttir frá ABC-hjálparstarfi og Jónas Þ. Þórisson.
Skattaumhverfið á
Íslandi erfiðara en í
nágrannalöndunum
Eftir Björn Jóhann Björnsson
bjb@mbl.is
Meira á mbl.is/ítarefni
FÉLAGSMÁLARÁÐHERRA
kynnti í ríkisstjórn í gær skýrslu
nefndar sem hafði það verkefni að
útfæra tillögur að stefnumótun í að-
lögunarmálum innflytjenda á Íslandi
og skilgreina nánar þau verkefni
sem brýnust væru. Verkefni nefnd-
arinnar var enn fremur að fjalla um
framtíðarskipulag á móttöku flótta-
mannahópa og starfsemi flótta-
mannaráðs.
Leggur nefndin til að sett verði á
laggirnar tilraunverkefni í aðlög-
unarmálum útlendinga sem taki til
fimm ára. Í því felst stofnun innflytj-
endaráðs og undirnefndar þess, sem
ætlað er að sjá um móttöku og aðlög-
un flóttafólks.
Samkvæmt skýrslunni er ljóst að
meginniðurstaða nefndarinnar er að
brýn þörf sé á mótun heildstæðrar
stefnu stjórnvalda í málefnum inn-
flytjenda. Með stofnun innflytj-
endaráðs telur nefndin að forsendur
slíkrar stefnumótunarvinnu verði
fyrir hendi. Sjá skýrsluhöfundar fyr-
ir sér að innflytjendaráð leiti eftir
breiðri samstöðu ólíkra hags-
munaaðila sem málið snertir, þar á
meðal eru sveitarfélög, aðilar vinnu-
markaðar, frjáls félagasamtök og fé-
lög útlendinga á Íslandi. Þannig er
gert ráð fyrir að innflytjendaráð
byggi starfsemi sína á því starfi sem
unnið hefur verið víða í samfélaginu.
Áhersla lögð á fræðslu
og rannsóknir
Meðal þess sem skýrsluhöfundar
nefna sem starfssvið innflytjenda-
ráðs er að það skuli sjá um gerð
þjónustusamninga við aðila sem að
mati ráðsins þykja best til þess falln-
ir að taka að sér þau verkefni sem
ráðið tekur brýnast að sinna. Inn-
flytjendaráðið á einnig, í samráði við
Hagstofu Íslands, að halda til haga
tölfræðilegum upplýsingum um fólk
af erlendum uppruna að teknu tilliti
til laga um persónuvernd og meðferð
persónuupplýsinga. Ráðið skal í
samvinnu við Útlendingastofnun og
Vinnumálastofnun tryggja að sér-
hverjum þeim sem hér fær atvinnu-
og dvalarleyfi bjóðist leiðsögn um ís-
lenskt samfélag. Er lögð áhersla á að
einstaklingurinn þekki réttindi sín
og skyldur með það að markmiði að
hann geti tekið virkan þátt í sam-
félaginu. Leggur nefndin einnig
áherslu á að innflytjendaráðið leitist
við að tryggja sem best miðlun upp-
lýsinga til útlendinga hérlendis og að
gerð verði áætlun um túlkaþjónustu
sem nái til landsins alls. Innflytj-
endaráðið skal markvisst kynna
sveitarfélögum þarfir og aðlögun
innflytjenda auk þess að beita sér
fyrir rannsóknum og þróunarstarfi á
högum og aðlögun innflytjenda.
Í skýrslunni er að finna auk til-
lagnanna umræðu um aðlögun út-
lendinga á Íslandi, umfjöllun um
stefnumótun stjórnvalda og verklag
á Norðurlöndunum á þessu sviði.
Benda skýrsluhöfundar á að málefni
innflytjenda snerta alla þætti sam-
félagsins. Því sé mikilvægt að stjórn-
völd eigi frumkvæðið að mótun
stefnu í málefnum innflytjenda þar
sem það gefi fordæmi og auðveldi
öðrum aðilum að fylgja í kjölfarið.
Skýrsluhöfundar benda á ýmsa
kosti þess að fá fólk hingað til starfa
frá öðrum heimshlutum. Fram kem-
ur í skýrslunni að atvinnuþátttaka
innflytjenda hérlendis er mun meiri
en annars staðar á Norðurlöndum.
Hérlendis er hún 93% til sam-
anburðar við 60% í Finnlandi og að-
eins 50% í Danmörku, Svíþjóð og
Noregi.
Skýrsla um aðlögun innflytjenda að íslensku samfélagi
Brýn þörf á mótun
heildstæðrar stefnu
Eftir Silju Björk Huldudóttur
silja@mbl.is
TENGLAR
.....................................................
www.mbl.is/itarefni
LÍFEYRISNEFND aðila
vinnumarkaðarins hefur átt
viðræðufund með ráðuneytis-
stjórum fjármála- og forsæt-
isráðuneytisins vegna mögu-
legrar aðkomu stjórnvalda að
vanda lífeyriskerfisins á al-
mennum vinnumarkaði, en það
snýr einkum að verkaskipt-
ingu lífeyrissjóðanna og al-
mannatrygginga hvað örorku-
lífeyri snertir. Fundur með
ráðherrum ríkisstjórnarinnar
er fyrirhugaður í framhaldinu
og er gert ráð fyrir að hann
verði strax eftir helgi.
Ari Edwald, framkvæmda-
stjóri Samtaka atvinnulífsins,
sagði að á fundinum hefði ver-
ið farið yfir og reifað það við-
fangsefni sem fyrir lægi al-
mennt og sjónarmið varðandi
það að hverju lausnir í þessum
efnum gætu beinst.
„Næsta skref er að það
verði boðað til fundar með
ráðherrum forsætis- og fjár-
málaráðuneytis og ég reikna
með að sá fundur verði strax
eftir helgi“ sagði Ari.
Á fundum verður m.a.
ræddar tillögur um aldurs-
tengingu lífeyrissjóðanna.
Reiðubúin til
viðræðna
Í yfirlýsingu ríkisstjórnar-
innar vegna kjarasamning-
anna fyrir rúmu ári lýsti rík-
isstjórnin sig þar reiðubúna að
taka upp viðræður við lífeyr-
isnefndina um hugsanlega að-
komu stjórnvalda að tilteknum
þáttum sem nefndin muni taka
til meðferðar, „m.a. að því er
varðar verkaskiptingu milli líf-
eyrissjóða og almannatrygg-
inga“, eins og segir í yfirlýs-
ingunni.
Lífeyrisnefnd aðila
vinnumarkaðarins
Fundur
með ráð-
herrum
eftir helgi