Morgunblaðið - 27.04.2005, Page 29
MORGUNBLAÐIÐ MIÐVIKUDAGUR 27. APRÍL 2005 29
UMRÆÐAN
Þegar keypt eru ný
Sólgler* með styrkleika
er kaupauki með öllum
nýjum gleraugum.
Við pöntun fylgir frítt par
af sólglerjum í þínum
fjærstyrkleika í eigin
umgjörð eða við bjóðum
þér nýja á hagstæðu
verði.
* Styrkleiki 0 til – 6.00 / 0 til + 4.00,
sjónskekkja til 1.00.
FRÍ
VORTILBOÐ
SÓLGLER!
GLERAUGU
www.opticalstudio.is
ÞAÐ vita allir að hjarta-
sjúkdómar eru með algengustu og
alvarlegustu sjúkdómum sem hrjá
landsmenn. Því er brýnt að grein-
ing sé nákvæm en meðferð byggist
á nákvæmri greiningu. Greining
fæst með sjúkrasögu og skoðun
sem síðan er studd rannsóknum.
Rannsóknir sem styðja greiningu
hjartasjúkdóma eru fjölmargar og
má nefna hjartalínurit, áreynslu-
hjartalínurit, rannsóknir á hjarta-
vöðva með geislavirkum efnum,
hjartaómskoðun, sneiðmyndatöku
af kransæðum og síðast en ekki
síst hjartaþræðingu með krans-
æðamyndatöku.
Hjartadeild LSH er eina sér-
hæfða hjartadeild landsins og ein-
ungis þar fara fram hjartaþræð-
ingar. Hjartaþræðing með
kransæðamyndatöku er sú rann-
sókn sem best metur ástand
kransæða og er lykilrannsókn við
ákvörðun um meðferð. Biðlisti eft-
ir þessari rannsókn er orðinn
hættulega langur en 1. apríl 2005
voru 225 á biðlista eftir hjarta-
þræðingu og er biðlisti eftir öðrum
aðgerðum sem fara fram á hjarta-
rannsóknarstofu líka allt of langur.
37 bíða eftir gangráðsísetningu
eða skiptum á gangráðsrafhlöðum.
53 bíða eftir raflífeðlisfræðilegum
rannsóknum á hjarta.
Einungis 2 hjartarannsókn-
arstofur sinna þessum rann-
sóknum.
Reikna má með að biðlistinn eft-
ir hjartaþræðingu sé um 5 mán-
uðir og í hönd fara árvissar sum-
arlokanir og er þá einungis sinnt
bráðatilvikum. Má því búast við að
með haustinu verði biðlistinn orð-
inn enn lengri.
Spyrja má af hverju biðlisti sé
eftir rannsókn á sjúklingum sem
eru hugsanlega með lífshættulegan
sjúkdóm? Enda kemur það iðulega
fyrir að þegar sjúklingar loks
koma til hjartaþræðingar þurfa
þeir á bráðameðferð að halda ann-
aðhvort með kransæðavíkkun eða
kransæðaskurðaðgerð.
Skýringar eru margar. Það
vantar eina hjartarannsóknarstofu
í viðbót. Það vantar fleiri sjúkra-
rúm. Það vantar lækna, meina-
tækna og hjúkrunarfræðinga til að
sinna þessum sjúklingum.
Lítum til baka: Við sameiningu
spítalanna fækkaði rúmum á
hjartadeild verulega og rannsókn-
arstofa til hjartaþræðinga á LSH
Fossvogi var lögð niður. Tveir
læknar hættu störfum á síðast-
liðnu hausti fyrir aldurs sakir og
var enginn ráðinn í þeirra stað.
Einn læknir er búinn að vera í
hálfsárs rannsóknarleyfi frá ára-
mótum og var enginn staðgengill
ráðinn í hans stað. Einn hjarta-
læknir er að hætta nú um mitt
sumar. Einungis ein staða hjarta-
læknis hefur verið auglýst, reynd-
ar von að önnur verði auglýst síð-
ar. Það skortir sjúkrarúm en eins
og að ofan greinir fækkaði sjúkra-
rúmum við sameiningu spítalanna
og nú er svo komið að daglega
liggja sjúklingar á göngum hjarta-
deildar.
Hvað er til ráða: Jú, lausnin er
einföld, það þarf að fjölga rúmum
á hjartadeild en sjúkrarúm á gangi
deildarinnar eru niðurlægjandi
fyrir sjúklinga og leggja mikið
álag á starfsfólk og eru klárlega
brot á heilbrigðislögum svo maður
tali ekki um lög um brunavarnir.
Reyndar er það svo að stjórn spít-
alans hefur gefið munnlegt loforð
um að hafist verði handa um úr-
bætur á næsta ári. Þar sem ég
þekki framkvæmdahraða á LSH
hefði ég heldur óskað eftir loforði
um verklok.
Það þarf að fjölga hjartaþræð-
ingum. Það þarf að bæta við rann-
sóknarstofu til hjartaþræðinga.
Það þarf að auka afköst á þeim
tveimur rannsóknarstofum sem
fyrir eru. Það er hægt með því að
vinna eftirvinnu en hingað til hef-
ur eftirvinna lækna
ekki verið leyfð nema
þeirra sem sinna
bráðavöktum. Aðeins
er þó að rofa til því
heilbrigðisráðuneytið
veitti aukalega 21
millj. til að stytta bið-
lista. Þetta þýðir að
unnin verður eft-
irvinna 1 dag í viku
frá kl.16.00–19.00.
Hver hjartaþræðing
kostar 300.000 kr. að
meðaltali. Þetta átak
styttir því biðlistann um 63 sjúk-
linga. Ljóst er að betur má ef
duga skal. Það er
ljóst að ráða þarf
fleiri hjartasérfræð-
inga en ekki hefur
verið ráðið í störf
þeirra sem hætt hafa.
Það þarf að draga
verulega úr eða hætta
þessum hefðbundnu
sumarlokunum.
Af hverju birti ég
þessa grein í Morg-
unblaðinu í staðinn
fyrir að senda hana
yfirmönnum hjarta-
deildar. Þá er spurning hvaða yfir-
mönnum? Forstöðumanni hjarta-
rannsóknarstofu, yfirlækni
hjartadeildar, sviðsstjóra lyflækn-
issviðs I, lækningarforstjóra, fram-
kvæmdastjórn, forstjóra, stjórn-
arnefnd, formanni stjórnar,
heilbrigðismálaráðherra? Þetta er
stjórnunarpíramídi LSH. Það er
löng leið á topp píramídans úr
mínu kallfæri og óvíst hvort pósti
sem þangað er sendur sé svarað.
Allt þetta fólk veit þó að ástandið
er svona slæmt vegna þess að
nægt fé hefur ekki verið veitt til
deildarinnar. Það er rót vandans.
Fjárhagshalli deildarinnar hleypur
á tugum ef ekki hundruðum millj-
óna og það þrátt fyrir að afköst á
hvern starfsmann séu með því
besta sem gerist og kostnaður á
hverja aðgerð með því minnsta
sem þekkist.
Ásgeir Jónsson fjallar um
hjartadeild LSH ’Það þarf að fjölgahjartaþræðingum. Það
þarf að bæta við rann-
sóknarstofu til hjarta-
þræðinga. Það þarf að
auka afköst á þeim
tveimur rannsóknar-
stofum sem fyrir eru.‘
Höfundur er sérfræðingur í
lyflækningum og hjartasjúkdómum
á LSH Hringbraut.
Ásgeir Jónsson
Vandamál hjartadeildar LSH