Morgunblaðið - 03.06.2005, Síða 54

54 FÖSTUDAGUR 3. JÚNÍ 2005 MORGUNBLAÐIÐ
KVIKMYND þýska listamannsins
John Bocks, Skipholt, ásamt tengd-
um verkum, sem sýnd eru í Kling
og Bang galleríi á Listahátíð er af-
rakstur samstarfs hans við að-
standendur gallerísins sem er hóp-
ur íslenskra myndlistarmanna.
Ekki einungis leika hinir íslensku
starfsbræður Bocks í myndinni því
þeir hafa einnig unnið myndina og
verkin sem henni fylgja í náinni
samvinnu við listamanninn sem fer
sjálfur með aðalhlutverk mynd-
arinnar. Myndin er af ferðalangi,
einskonar landkönnuði sem leggur í
ýmis ævintýri og rannsóknir í landi
elds og ísa hér uppi á fróni. Gervi
hans og tæki eru frumstæð og
heimagerð og minna á forna muni
þrátt fyrir að þau séu gerð úr
ódýru iðnaðarefni samtímans.
Ferðabúnaður þessi, föt og tæki
eru sýnd í efri sölum gallerísins í
anda sögulegra minjasafna um
liðna atburði þar sem hver smá-
hlutur hefur varðveislugildi. Nátt-
úra Íslands og fiskveiðimenning
okkar verður absúrd umhverfi túr-
istans eða öfugt og þar sem kunn-
uglegar og kómískar mýtur eru
notaðar, eins og ókunnur túristi í
návígi við hina „sérstöku“ náttúru
og menningu landsins. Ákveðin teg-
und af fyndnum hallærisleika, sem
algengur er núna í auglýsingum og
öðru ljósvakaefni, er nýtt í mynd-
inni þar sem landkönnuðurinn ein-
lægi nálgast viðfangsefni sitt á
næfan hátt. Myndin hefur heilmikið
skemmtigildi og nær að gefa sanna
tilfinningu fyrir því hversu varn-
arlaus mannskepnan er gegnt hinni
óvægnu náttúru þrátt fyrir vís-
indalega viðleitnina og hugvits-
samlegan útbúnaðinn. Kannski
leynist í myndinni ádeila á karl-
mennskuna og fánýti vísindahyggj-
unnar þó að áherslan virðist vera
sú að gefa ímyndunaraflinu lausan
tauminn og leika sér án allrar rit-
skoðunar með einskonar barnslegu
frelsi. Upp í hugann koma mynd-
bandsverk í svipuðum anda eftir
Heimi Björgúlfsson þar sem hann
er að bjástra uppi á jökli og
sprengja einhverjar vandræðalegar
holur, eða gera tilraunir til að
ganga á vatni í sérhönnuðum
heimatilbúnum frauðplastsskóm
sem hann sýndi einnig með mynd-
bandinu. Þá hafa myndlistarmenn-
irnir Helgi Hjaltalín og Pétur Örn
Friðriksson undir merkjum Mark-
miðs farið í könnunar- eða sport-
leiðangra með heimatilbúin furðu-
leg tæki þar sem þeir hafa gert
fáránlegustu tilraunir með þau í
náttúrunni, skrásett þetta í anda
heimilda og sýnt á sýningum. John
Bock og galleríistarnir eru þarna á
svipuðum slóðum hvað varðar hug-
mynd og efnistök og má segja að
hópurinn hafi uppskorið árangur
erfiðisins með mynd og sýningu
sem svíkja ekki þá ævintýragjörnu
og afþreyingarþyrstu, og með góð-
um vilja geta þeir sem aðhyllast
meiri alvöru fundið sér tilvist-
arlegar, heimspekilegar og jafnvel
trúarlegar vísanir í myndinni eða
lesið hana sem ádeilu, boðskap eða
hliðstæðu einhvers annars sann-
leika eða fáránleika.
Túristakómedía og nostalgía
Morgunblaðið/Golli
„Kannski leynist í myndinni ádeila á karlmennskuna og fánýti vísinda-
hyggjunnar þó að áherslan virðist vera sú að gefa ímyndunaraflinu lausan
tauminn og leika sér án allrar ritskoðunar með einskonar barnslegu frelsi.“
MYNDLIST
Listahátíð í Reykjavík
Kling & Bang gallerí
Laugavegi 23
Opið fimmtudaga til sunnudaga kl. 14–
18. Sýningin stendur til 5. júní.
John Bock
„Skipholt“
Þóra Þórisdóttir
KYRRÐIN og friðurinn við strönd-
ina er freistandi athvarf og verður
Finni Torfa Hjörleifssyni að yrk-
isefni í bók hans Myndir úr víkinni.
Þetta er lagleg
lítil bók með
myndskreytingar
eftir Guðmund
Sigurðsson. Ljóð-
list Finns Torfa
einkennist um-
fram allt annað af
látleysi og naum-
hyggju. Í bókinni
er sterk og kyrr-
lát nátt-
úruskynjun og er
hún raunar kjarni bókarinnar. Í
henni er svo sem ekki mikilla ann-
arra tíðinda að leita nema ef vera
mætti þeirrar lífsspeki sem slíkri
náttúruskynjun fylgir eða þeirrar
sögu sem býr í samlífi náttúru og
manns.
Skáldið hefur sest að í Englend-
ingavík í Borgarfirði þar sem það
unir sér með náttúrunni, hafinu,
himninum, jörðinni, börnum að leik,
mönnum sem rekast inn í víkina og
smávinum fögrum, dýrum og urtum.
Það má eiginlega segja að kvæðið
Nýfundnaland sé eins konar yfirlýs-
ing skáldsins og beri í sér kjarna
bókarinnar. Þar notar Finnur Torfi
sér margræðni orðsins að nema og
segir að land verði ekki numið á
skammri stundu:
Að nema land
er að læra að þekkja það
una við það
og unna því
Stundum tekur það langa ævi
Víkina hef ég gert
að heimkynni mínu
Á hverjum degi nem ég hér land
líka þegar ég er víðs fjarri
Gildi bókarinnar tengjast jafn-
vægi náttúrunnar og tilfinningu fyr-
ir því að það jafnvægi sé kjarni til-
verunnar. Þetta er þess vegna bók í
þeim anda að menn eigi að rækta
garðinn sinn líkt og Birtingur Voltai-
res. ,,Mér finnst svo gaman að vera
ræktaður / og rækta mig“, segir á
einum stað. ,,Ég nýt aðeins náttúr-
unnar / og læt mér vel líka / þótt einn
og einn geitungur / suði með“ segir í
öðru kvæði. Þó að samfélagið kunni
að skjótast inn í eitt og eitt kvæði
gegnir það litlu hlutverki.
Myndir úr víkinni er lítil, látlaus
bók með laglegum kvæðum um sam-
býlið við náttúruna. En fyrst og
fremst er hún ástartjáning til ver-
aldarinnar og lofsöngur um lífið.
Að nema land
BÆKUR
Ljóð
eftir Finn Torfa Hörleifsson, Uppheimar.
2005 – 41 bls.
Myndir úr víkinni
Finnur Torfi
Hjörleifsson
Skafti Þ. Halldórsson
mbl.issmáauglýsingar
Miðasalan er opin: Mánud. og þriðjud.:10:00-18:00, mið-, fim- og föstudaga: 10:00-20:00, laugar- og sunnudaga: 12:00-20:00
Miðasölusími 568 8000 - miðasala á netinu: www.borgarleikhus.is
CIRKUS CIRKÖR 14.-17. JÚNÍ
Sirkusinn sem allir tala um!
Stóra svið
BÖRN 12 ÁRA OG YNGRI FÁ FRÍTT Í BORGARLEIKHÚSIÐ Í FYLGD FULLORÐINNA
- gildir ekki á barnasýningar!
Nýja svið, Litla svið og Þriðja hæðin
ALVEG BRILLJANT SKILNAÐUR
Einleikur Eddu Björgvinsdóttur
Fö 3/6 kl 20, - UPPSELT,
Lau 4/6 kl 20, Su 5/6 kl 20,
Fi 9/6 kl 20,
Fö 10/6 kl 20, - UPPSELT,
Lau 11/6 kl 20, Þri 14/6 kl 20
Fi 16/6 kl 20
Aðeins 2 sýningarhelgar eftir
KALLI Á ÞAKINU e. Astrid Lindgren
Í samstarfi við Á þakinu
Lau 4/6 kl 14 - UPPSELT,
Su 5/6 kl 14 - UPPSELT,
Su 12/6 kl 14, - UPPSELT,
Su 12/6 kl 17,
Lau 18/6 kl 14,
Su 19/6 kl 14, - UPPSELT,
Su 26/6 kl 14
99% UNKNOWN - Sirkussýning
CIRKUS CIRKÖR FRÁ SVÍÞJÓÐ
Þri 14/6 kl 20,
Mi 15/6 kl 20,
Fi 16/6 kl 20,
Fö 17/6 kl 20
Aðeins þessar sýningar
25 tímar
Dansleikhús/samkeppni
LR og Íd í samstarfi við SPRON
Fi 9/6 kl 20 - kr. 2.500
Einstakur viðburður
loftkastalinn.is
552 3000☎
“Fyrir svona sýningu er
bara hægt að hrópa HÚRRA!”
Aðeins þessar sýningar - Tryggðu þér miða strax!
H.Ó. Morgunblaðið
• Föstudag 3/6 kl 20 LAUS SÆTI
• Föstudag 10/6 kl 20 LAUS SÆTI
• Sunnudag 12/6 kl 20 FM957 SÝNING UPPSELT
Sunnudag 5. júní kl. 17
Seltjarnarneskirkju.
Miðaverð: 1800 kr.
(lífeyrisþ. 1500 kr.)
www.kvennakor.is
og
WaldorfskólANS
í lækjarbotnum
NÁMSKEIÐ
Í BOÐI
Sirku irkörs
C
13-16 ÁRA 12-16 JÚNÍ KL. 9:00 - 15:00
9-12 ÁRA 19-23 JÚNÍ KL. 9:00 - 15:00
SKRÁNING Í SÍMA 694 3399 (FRÁ 9 TIL 11) HÁMARK 10 Í HÓP
LÍNUDANS,
JOGGLING,
LISTIR Í RÓLU
LISTIR Á EINU HJÓLI
O.FL.
GARDBAER@SIMNET.IS WWW.CIRKOR.SE VERÐ: 15.000
Cirkus Cirkör sýnir 99% Unknown í Borgarleikhúsinu:
14/6, 15/6, 16/6 og 17/6 kl 20:00. Tilboð til nemenda í Sirkusskólanum.
Leikhúsgestir munið glæsilegan matseðil S: 568 0878
H l jómsve i t i n
U p p l y f t i n g
í kvöld