Morgunblaðið - 09.10.2005, Síða 61

MORGUNBLAÐIÐ SUNNUDAGUR 9. OKTÓBER 2005 61
fjöllun um frægt fólk í okkar sam-
félagi í dag er orðin að skrípaleik.
Kona eins og Monica Lewinsky er
fræg og er boðið á Óskars-
verðlaunaafhendinguna, en af
hverju hún er fræg er ekki mik-
ilvægt í samhenginu. Svo virðist
sem að það skipti ekki neinu máli
hvað fólk geri, það er í lagi að
verða frægur að endemum, síðan
þegar fólk er orðið frægt þá verður
það sjálfkrafa að stjörnum og
myndir af því notaðar í fjölmiðlum
til þess að selja betur,“ segir
Zellweger og er mikið niðri fyrir.
Og hún heldur áfram: „Sjálf bý
ég ekki lengur í Hollywood, en það
var orðið ólíft fyrir mig þar. Ég bý
núna einhversstaðar í Texas, og ég
vil ekki upplýsa hvar!“ segir hún
og hlær. „Ég á erfitt með alla þá
athygli sem fylgir því að vera
svona fræg. Fólk sem öskrar þegar
það sér mig og blaðaljósmyndarar
sem fylgja mér hvert fótmál er
eitthvað sem hræðir mig. Ég skil
stundum ekki hvaðan þörfin fyrir
frægð og viðurkenningu kemur,
þráin til þess að annað fólk dáist
að manni. Ég skil vel að fólk hljóti
viðurkenningu fyrir vel unnin
störf, leikkona eins og Meryl
Streep, leikarar eins og Al Pacino
og Robert de Niro eiga allt gott
skilið, en í dag þá er frægð orðin
að einhverju allt öðru en fyrir
kannski 10, 15 árum.“
Vinnan á tökustað
„Þetta er slæma hliðin á starf-
inu,“ heldur hún áfram, „en góða
hliðin er sú að mér líkar vel við það
sem ég er að gera þegar ég er í
vinnunni. Ég fæ að vinna með fólki
sem kann sitt fag og það eru ekki
aðeins aðrir leikarar eða leik-
stjórar sem ég hitti á vinnustaðn-
um. Vinna á tökustað er erf-
iðisvinna; það þarf smiði til þess að
smíða leikmyndina, rafvirkja til
þess að sjá um rafmagnið, kokka
til þess að elda fyrir mannskapinn,
og svo mætti telja áfram. Ég elska
andrúmsloftið á tökustað og finnst
virkilega gaman þegar ég er þar.
Síðan, auðvitað, er starf leikara að
miklum hluta til fólgið í því að
skapa persónu. Það ferli er oft
langt og erfitt og þá er gott að
vinna með góðum leikstjórum sem
geta aðstoðað mig við að laða fram
þær hliðar sem persónan þarfnast.
Howard var sjálfur leikari svo
hann getur gefið góð ráð.“
Í Cinderella Man leikur Zellweg-
er persónu sem var til í raun og
veru. Hún segir að því fylgi meiri
ábyrgð heldur en þegar persóna er
sköpuð frá grunni. Ábyrgðin er
gagnvart því fólki sem þekkti til
Mae Braddock, segir Zellweger.
„Mitt eigið líf og líf Mae Brad-
dock eru gerólík. Ég er heppin, ég
er rík kvikmyndastjarna, en Mae
var fátæk þriggja barna móður,
gift hnefaleikakappa sem átti í erf-
iðleikum með að sjá fyrir fjölskyld-
unni. Þrátt fyrir þetta þá er ým-
islegt sem er líkt með mér og
henni, og það er á þann hátt sem
ég reyni að nálgast persónu henn-
ar, svo hún verði sannari, ef svo
mætti að orði komast, í myndinni.“
Að þeim orðum töluðum þá
rennur tíminn með leikkonunni út.
Hún stendur á fætur og þakkar
pent fyrir sig og ég sömuleiðis.
Hún fer út úr herberginu ásamt
aðstoðarfólki sínu, á leið í næsta
viðtal, en dagur kvikmyndastjörnu
á kvikmyndahátíð er þéttskipaður.
Líf Zellweger og Mae Braddock er
harla ólíkt.
ÞAÐ HEFUR trúlega farið framhjá fáum borg-
arbúum að undanfarna viku hefur staðið yfir Al-
þjóðleg kvikmyndahátíð í Reykjavík. Að sögn að-
standenda hafa viðtökurnar verið afar góðar,
uppselt hefur verið á fjölda sýninga auk þess sem
gagnrýnendur hafa farið lofsamlegum orðum um
margar sýningarmyndanna.
Í kvöld verða endursýndar þrjár af vinsælustu
myndum hátíðarinnar. Margar myndanna komu
til greina enda var aðsókn góð, að sögn aðstand-
enda. Að lokum var sú ákvörðun tekin að sýna
kvikmyndirnar Heilögu stúlkuna, Strengi og
Nikifor minn.
Í kvöld fer jafnframt fram verðlaunaafhending í
Regnboganum klukkan 18. Þar mun borgarstjóri
veita verðlaunin uppgötvun ársins fyrir hönd
dómnefndar. Dómnefndin er skipuð pólska leik-
stjóranum Pawel Pawlikowski, norska kvik-
myndagagnrýnandanum Dag Sodtholt og Krist-
ínu Jóhannsdóttur, kvikmyndagerðarmanni og
skólameistara Kvikmyndaskóla Íslands. Verð-
launin eru ætluð ungum og upprennandi leik-
stjórum sem eru að gera sínar fyrstu myndir. Sig-
urmyndin verður svo sýnd á mánudagskvöld
klukkan 20.
Fulltrúi Baugs mun þá veita verðlaun fyrir þá
mynd sem þótti best að mati áhorfenda, en áhorf-
endur geta kosið sér mynd á vefsíðu hátíðarinnar
þangað til í dag.
Að verðlaunaafhendingu lokinni verður óvissu-
bíó í Regnboganum. Þar verður frumsýnd ný
mynd. Enginn veit um hvaða mynd er að ræða
fyrr en sýningarmaðurinn rúllar filmunni í gegn.
Áhugasamir eru hvattir til að mæta snemma.
Nikifor minn var ein af vinsælustu myndunum á
kvikmyndahátíðinni en hún verður endursýnd í
kvöld.
Kvikmyndir | Alþjóðlegri kvikmyndahátíð senn að ljúka
Óvissusýning og
verðlaunaafhending
www.filmfest.is