Fréttablaðið - 18.11.2004, Qupperneq 18

18
HVAÐ KOSTAR ÞAÐ?
„Ég vona að þeir hafi náð góðu sam-
komulagi,“ segir Magni Kristjánsson,
skipstjóri, bæjarfulltrúi og menning-
arforkólfur í Neskaupstað, um fund
Davíðs og Powells í fyrradag. „Ég hef
nú ekki mikið vit á þessum málum er
en hlynntur veru varnarliðsins á
Keflavíkurflugvelli og tel að það sé
nauðsynlegt að hafa einhverjar varnir
í landinu.“ Magni segist eiga erfitt
með að meta það persónulega hvort
núverandi styrkur liðsins sé nægur
eða hvort nauðsynlegt sé að efla
það, „enda treysti ég ráðamönnum í
þeim efnum“. Óvissa hefur ríkt um
framtíð varnarmálanna og hefur
Magni trú á að Davíð, flokksbróðir
hans, geti lent þeim farsællega.
„Hann er að minnsta kosti einna lík-
legastur til að geta gert það.“
Fylgjendur veru varnarliðsins hafa
ýmist nefnt öryggisrökin eða at-
vinnurökin máli sínu til stuðnings.
Magni segist skilja sjónarmið Suður-
nesjamanna í þeim efnum en þau
séu ekki ofarlega í hans huga hvað
varðar framtíð liðsins á Íslandi. „At-
vinnumálin eru ekki aðalatriðið hjá
mér, varnirnar eiga að vera fyrir
hendi og það styrkar.“ ■
MAGNI KRISTJÁNSSON
Vill styrkar
varnir
FUNDUR DAVÍÐS OG POWELLS
SJÓNARHÓLL
„Verslunarmenn gerðu kjarasamninga í
vor og þeir koma ekki til endurskoðun-
ar fyrr en næsta haust,“ svarar Ingibjörg
R. Guðmundsdóttir, formaður Lands-
sambands íslenskra verslunarmanna,
spurð frétta af kjaramálum á hennar
bæ. Hún viðurkennir að blikur séu á
lofti og forsendur samninganna jafnvel
komnar að ystu mörkum. „Þetta lítur í
það minnsta út fyrir að vera í stór-
hættu,“ segir hún og vísar til verðbólg-
unnar. Þegar samningurinn var gerður
töldu Ingibjörg og hennar fólk hann
góðan en eins og gengur getur margt
breyst á stuttum tíma.
Hún er þess annars fegin að standa
ekki í samningamálum þessa dagana
og má greina á henni að slíkt stúss sé
heldur leiðingjarnt. Þrátt fyrir það fylgist
hún grannt með gangi mála og hefur
vitaskuld áhyggjur af efnahagsþróun-
inni. „Það er til dæmis mikilvægt að
fólk sýni aðgát í þessu mikla lánafram-
boði og gæti sín á að nota ekki lánin í
hefðbundna neyslu.“ Ingibjörg fagnar
því engu að síður að fólk geti fengið lán
til langs tíma á lægri vöxtum en lengi
tíðkuðust en óttast að einhverjir reisi
sér hurðarás um öxl.
Hún hefur annars hlaupið af einum
fundinum á annan síðustu daga og vik-
ur enda nóvembermánuður annasamur
í verkalýðshreyfingunni. „Það er mjög
fundaglatt á þessum tíma, erlent sam-
starf nær hámarki um þetta leyti árs og
eins er mikið fundað innan Alþýðusam-
bandsins,“ segir Ingibjörg, sem færir all-
ar sínar áætlanir inn í lófatölvu og veit
vart hvert hún er að fara án þess að
kíkja í hana. ■
Kjarasamningar í stórhættu
HVAÐ ER AÐ FRÉTTA? INGIBJÖRG R. GUÐMUNDSDÓTTIR, FORMAÐUR LÍV
18. nóvember 2004 FIMMTUDAGUR
Mörg hundruð milljónir
í snjómokstur á árinu
Þegar snjó festir fara allra handa tæki af stað til að ryðja vegi, götur, stíga og plön. Vegagerðin
ver milljarði króna í snjómokstur á þessu ári og Reykjavíkurborg yfir 200 milljónum.
Kostnaður annarra sveitarfélaga, fyrirtækja og húsfélaga bætist svo ofan á.
SNJÓMOKSTUR Það kostar sitt að
losna við snjóinn. Ætla má að sam-
félagið greiði samanlagt hátt í tvo
milljarða króna í snjómokstur á ár-
inu 2004 og er það meira en ráð var
fyrir gert, í það minnsta stefnir í að
Reykjavíkurborg verji yfir 30
milljónum króna meira til verksins
en fjárhagsáætlun ársins gerði ráð
fyrir.
„Það er ljóst að við förum eitt-
hvað fram úr því sem áætlað var,“
segir Sigurður Skarphéðinsson,
gatnamálastjóri
í Reykjavík.
„Það kom erfið-
ur kafli um ára-
mótin sem eyk-
ur kostnaðinn
en annars er
þetta að mestu
fastur kostnað-
ur þar sem við
erum með fast-
an mannskap í
þessu sem
gengur vaktir,
sama hvernig
viðrar.“ Sá góði
hópur manna
fylgist vita-
skuld grannt
með veður-
spánni og er ávallt tiltækur þegar
snjókoma er í aðsigi. Þegar betur
viðrar og enginn er snjórinn reynir
Sigurður að finna mannskapnum
eitthvað annað að gera.
Í áætlun Vegagerðar ríkisins
fyrir árið var rúmum milljarði
króna varið til svokallaðrar vetrar-
þjónustu, sem að langmestu er
snjómokstur. Búist er við að sú
áætlun standi. Það stendur upp á
Vegagerðina að ryðja vegi landsins
en sveitarfélögin sjá um mokstur
innan bæjarmarka.
S n j ó m o k s t u r s k o s t n a ð u r
Reykjavíkurborgar er miklu meiri
en annarra sveitarfélaga og til
samanburðar má nefna að í áætlun-
um Akureyrarbæjar fyrir árið
2004 var gert ráð fyrir að snjó-
mokstur og hálkueyðing kostaði
samanlagt tæpa 21 milljón króna.
Erfitt er að slá á kostnað einka-
aðila við snjómokstur en ljóst er að
hann er talsverður. Bílaplön versl-
ana og fyrirtækja þurfa að vera
hrein og fín svo viðskiptavinirnir
sveigi ekki í burtu enda leiðinlegt
að arka skaflana til að ná sér í
mjólkurpott eða sokkabuxur á
börnin. Viðmælendum Fréttablaðs-
ins úr mokstursheimum sögðu
ómögulegt að slá á meðalverð,
kostnaðurinn færi algjörlega eftir
plönum. Þau eru enda miserfið,
sum lögð eyjum sem þarf að fara
varlega í kringum en önnur renni-
slétt og þægileg. Svo spilar inn í
hvort margir bílar standi á þeim
meðan mokstur fer fram en slíkt
kallar auðvitað á enn meiri var-
kárni.
Að öllu sögðu má slá á að snjó-
mokstur á árinu 2004 nemi samtals
vel yfir einum milljarði króna og
teygi sig líklega hátt í tvo milljarð-
ana. Einhverjum kann að finnast
blóðugt að horfa á eftir öllum þess-
um peningum í að moka burtu
mjöll næturinnar en víst er að ekki
er hægt að láta snjóinn bara
bráðna, slíkt getur jú tekið margar
vikur og jafnvel mánuði.
bjorn@frettabladid.is
GÖNGUSKÍÐI, BINDINGAR, STAFIR
OG SKÓR FYRIR BYRJENDUR KOSTA
UM 20.000 KRÓNUR.
Miðað er við verð í nokkrum skíðabúðum
víðs vegar um land.
Davíð í Bandaríkjunum:
Hittir Clint-
on í dag
FERÐALAG Davíð Oddsson utanrík-
isráðherra verður viðstaddur opn-
un forsetasafns Bills Clinton í
heimabæ hans Little Rock í Ark-
ansas-ríki í Bandaríkjunum í dag.
Þar verður eitt og annað til sýnis
sem tengist forsetaferli Clintons,
auk persónulegra muna. Fyrir-
mennum úr heiminum öllum er
boðið til hátíðarinnar og líklegt að
kátt verði á hjalla. - bþs
Í GARÐINUM HJÁ DAVÍÐ
Clinton-hjónin komu til landsins fyrr á ár-
inu og sóttu meðal annars Davíð og Ástríði
heim í Skerjafjörðinn. Í dag hittir Davíð
Clinton í hans gamla heimabæ, Little Rock.
FLUGMÁL „Það er töluverð starf-
semi hjá okkur,“ segir Arngrímur
Jóhannsson um hið 68 ára gamla
Flugmálafélag Íslands en hann
var endurkjörinn forseti félagsins
á þingi þess fyrir skemmstu.
„Þetta er grasrótarhreyfing og
við snúumst í öllu sem við kemur
flugi. Félagið á aðild að alþjóða-
samtökum og nú eru aðalmálin
breyttar reglur um læknisskoðan-
ir og ábyrgða- og skírteinamál
fyrir einkaflugmenn.“
Áhugi Arngríms á flugi og
flugmálum ríður ekki við
einteyming og vart hefur annað
komist að í lífi hans. Sem polli
varði hann dögunum við flugvelli
og fylgdist með vélunum koma og
fara. Þessu er öðruvísi háttað í
dag. „Fjórtán ára strákur fer ekki
lengur út á Reykjavíkurflugvöll
til að skoða flugvélar. Öryggis-
málin verða sífellt stífari og stíf-
ari og áhugamönnum er haldið frá
flugvöllum,“ segir Arngrímur
heldur óhress með þróun mála því
þetta bitnar óneitanlega á áhugan-
um. „Það er synd að gráu hárun-
um fjölgar á þessu áhugamanna-
liði, það er ekki næg endurnýjun.“
Auk þess að flugvellirnir eru
nú rammgerðari en fyrr viður-
kennir Arngrímur að sportið sé
dýrt og því ekki á allra færi að
stunda það. Þrátt fyrir nokkurn
vilja á Flugmálafélagið ekki at-
hygli Arngríms óskipta, enn er
hann stjórnarformaður Atlanta
auk þess sem hann flýgur fyrir
félagið og þjálfar flugmenn þess.
Arngrímur hlær þegar hann er
spurður hvort sé skemmtilegra:
„Það er voða lítið spennandi að
sitja við skrifborð,“ segir hann og
stekkur upp í flugvél á leið til Ak-
ureyrar. Á mánudaginn eru svo
áfangastaðirnir Dubai og Kúala
Lúmpúr.
- bþs
Arngrímur Jóhannsson, stjórnarformaður Atlanta, endurkjörinn forseti Flugmálafélagsins:
Gráum hárum flugáhugamanna fjölgar
ARNGRÍMUR JÓHANNSSON
„Það er voða lítið spennandi að sitja við skrifborð.“
FR
ÉT
TA
B
LA
Ð
IÐ
/V
AL
LI
MOKAÐ AF BÍLASTÆÐUM
BREIÐHYLTINGA
Samson Jóhannsson er klár í slaginn þegar
á þarf að halda.
SIGURÐUR SKARP-
HÉÐINSSON
GATNAMÁLA-
STJÓRI
„Við förum eitthvað
fram úr því sem áætl-
að var.“
SELTJARNARNESIÐ HREINSAÐ
Hreinn Sigurjónsson leggur bæjarstarfsmönnum á Nesinu lið við snjómoksturinn þegar mikið liggur við.
FR
ÉT
TA
B
LA
Ð
IÐ
/G
VA
18-19 (24 klst) 17.11.2004 17.59 Page 2